[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.16 # The Compendium of Suśruta 6.16: ṣoḍaśo+adhyāyaḥ/ Suśrutasaṃhitā 6.16 - **Language:** Sanskrit ### ṣoḍaśo+adhyāyaḥ/ ### [6.16.1](https://indike.org/pramana/in.med.samhita.susruta.6.16.1) athātaḥ †pakṣmakopapratiṣedhaṃ vyākhyāsyāmaḥ// ### [6.16.2](https://indike.org/pramana/in.med.samhita.susruta.6.16.2) yathovāca bhagavān dhanvantariḥ// ### [6.16.3](https://indike.org/pramana/in.med.samhita.susruta.6.16.3) yāpyastu yo vartmabhavo vikāraḥ pakṣmaprakopo+abhihitaḥ purastāt/ tatropaviṣṭasya narasya carma vartmopariṣṭādanutiryageva// ### [6.16.4](https://indike.org/pramana/in.med.samhita.susruta.6.16.4) bhruvoradhastāt parimucya bhāgau pakṣmāśritaṃ caikamato+avakṛntet/ kanīnakāpāṅgasamaṃ samantādyavākṛti snigdhatanornarasya// ### [6.16.5](https://indike.org/pramana/in.med.samhita.susruta.6.16.5) utkṛtya śastreṇa yavapramāṇaṃ bālena sīvyodbhiṣagapramattaḥ/ dattvā ca sarpirmadhunā+avaśeṣaṃ kuryādvidhānaṃ† vihitaṃ vraṇe yat// ### [6.16.6](https://indike.org/pramana/in.med.samhita.susruta.6.16.6) lalāṭadeśe ca nibaddhapaṭṭaṃ† prāksyūtamatrāpyaparaṃ ca baddhvā/ sthairyaṃ gate cāpyatha śastramārge bālān vimuñcet kuśalo+abhivīkṣya// ### [6.16.7](https://indike.org/pramana/in.med.samhita.susruta.6.16.7) evaṃ na cecchāmyati tasya vartma nirbhujya doṣopahatāṃ valiṃ ca/ tato+agninā vā pratisārayettāṃ kṣāreṇa vā samyagavekṣya dhīraḥ// ### [6.16.8](https://indike.org/pramana/in.med.samhita.susruta.6.16.8) chittvā samaṃ vā+apyupapakṣmamālāṃ samyaggṛhītvā baḍiśaistribhistu/ pathyāphalena pratisārayettu ghṛṣṭena vā tauvarakeṇa samyak// ### [6.16.9](https://indike.org/pramana/in.med.samhita.susruta.6.16.9) catvāra ete vidhayo vihantuṃ pakṣmoparodhaṃ pṛthageva śastāḥ/ virecanāścyotanadhūmanasyalepāñjanasneharasakriyāśca// ### [6.16.9\_1](https://indike.org/pramana/in.med.samhita.susruta.6.16.9_1) iti suśrutasaṃhitāyāmuttaratantrāntargate śālākyatantre pakṣmagatarogapratiṣedho nāma ṣoḍaśo+adhyāyaḥ //16// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.148.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.16](https://indike.org/pramana/in.med.samhita.susruta.6.16) · Pramāṇa