[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.17 # The Compendium of Suśruta 6.17: saptadaśo+adhyāyaḥ/ Suśrutasaṃhitā 6.17 - **Language:** Sanskrit ### saptadaśo+adhyāyaḥ/ ### [6.17.1](https://indike.org/pramana/in.med.samhita.susruta.6.17.1) athāto dṛṣṭigatarogapratiṣedhaṃ vyākhyāsyāmaḥ// ### [6.17.2](https://indike.org/pramana/in.med.samhita.susruta.6.17.2) yathovāca bhagavān dhanvantariḥ// ### [6.17.3](https://indike.org/pramana/in.med.samhita.susruta.6.17.3) trayaḥ sādhyāstrayo+asādhyā yāpyāḥ ṣaṭ ca bhavanti hi/ tatraikasya pratīkāraḥ kīrtito dhūmadarśinaḥ// ### [6.17.4](https://indike.org/pramana/in.med.samhita.susruta.6.17.4) dṛṣṭau pittavidagdhāyāṃ vidagdhāyāṃ kaphena ca/ pittaśleṣmaharaṃ kuryādvidhiṃ śastrakṣatādṛte// ### [6.17.5](https://indike.org/pramana/in.med.samhita.susruta.6.17.5) nasyasekāñjanālepapuṭapākaiḥ satarpaṇaiḥ/ ādye tu traiphalaṃ peyaṃ sarpistraivṛtamuttare// ### [6.17.6](https://indike.org/pramana/in.med.samhita.susruta.6.17.6) tailvakaṃ cobhayoḥ pathyaṃ kevalaṃ jīrṇameva vā/ gairikaṃ saindhavaṃ kṛṣṇā godantasya maṣī tathā// ### [6.17.7](https://indike.org/pramana/in.med.samhita.susruta.6.17.7) gomāṃsaṃ maricaṃ bījaṃ śirīṣasya manaḥśilā/ vṛntaṃ kapitthānmadhunā svayaṅguptāphalāni ca// ### [6.17.8](https://indike.org/pramana/in.med.samhita.susruta.6.17.8) catvāra ete yogāḥ syurubhayorañjane hitāḥ/ kubjakāśokaśālāmrapriyaṅgunalinotpalaiḥ// ### [6.17.9](https://indike.org/pramana/in.med.samhita.susruta.6.17.9) puṣpairhareṇukṛṣṇāhvāpathyāmalakasaṃyutaiḥ/ sarpirmadhuyutaiścūrṇairveṇunāḍyāmavasthitaiḥ// ### [6.17.10](https://indike.org/pramana/in.med.samhita.susruta.6.17.10) añjayed dvādapi bhiṣak pittaśleṣmavibhāvitau/ āmrajambūdbhavaṃ puṣpaṃ tadrasena hareṇukām// ### [6.17.11](https://indike.org/pramana/in.med.samhita.susruta.6.17.11) piṣṭvā kṣaudrājyasaṃyuktaṃ prayojyamathavā+añjanam/ nalinotpalakiñjalkagairikairgośakṛdrasaiḥ// ### [6.17.12](https://indike.org/pramana/in.med.samhita.susruta.6.17.12) guḍikāñjanametadvā dinarātryandhayorhitam/ rasāñjanarasakṣaudratālīśasvarṇagairikam// ### [6.17.13](https://indike.org/pramana/in.med.samhita.susruta.6.17.13) gośakṛdrasasaṃyuktaṃ pittopahatadṛṣṭaye/ śītaṃ sauvīrakaṃ vā+api piṣṭvā+atha rasabhāvitam// ### [6.17.14](https://indike.org/pramana/in.med.samhita.susruta.6.17.14) kūrmapittena matimān bhāvayedrauhitena vā/ cūrṇāñjanamidaṃ nityaṃ prayojyaṃ pittaśāntaye// ### [6.17.15](https://indike.org/pramana/in.med.samhita.susruta.6.17.15) kāśmarīpuṣpamadhukadārvīrodhrarasāñjanaiḥ/ sakṣaudramañjanaṃ tadvaddhitamatrāmaye sadā// ### [6.17.16](https://indike.org/pramana/in.med.samhita.susruta.6.17.16) srotojaṃ saindhavaṃ reṇukāṃ cāpi peṣayet/ ajāmūtreṇa tā vartyaḥ kṣaṇadāndhyāñjane hitāḥ// ### [6.17.17](https://indike.org/pramana/in.med.samhita.susruta.6.17.17) kālānusārivāṃ kṛṣṇāṃ nāgaraṃ madhukaṃ tathā/ tālīśapatraṃ kṣaṇade gāṅgeyaṃ ca yakṛdrase// ### [6.17.18](https://indike.org/pramana/in.med.samhita.susruta.6.17.18) kṛtāstā vartayaḥ piṣṭāśchāyāśuṣkāḥ sukhāvahāḥ/ manaḥśilābhayāvyoṣabalākālānusārivāḥ// ### [6.17.19](https://indike.org/pramana/in.med.samhita.susruta.6.17.19) saphenā vartayaḥ piṣṭāśchāgakṣīrasamanvitāḥ/ gomūtrapittamadirāyakṛddhātrīrase pacet// ### [6.17.20](https://indike.org/pramana/in.med.samhita.susruta.6.17.20) kṣudrāñjanaṃ rasenānyadyakdtastraiphale+api vā/ gomūtrājyārṇavamalapippalīkṣaudrakaṭphalaiḥ// ### [6.17.21](https://indike.org/pramana/in.med.samhita.susruta.6.17.21) saindhavopahitaṃ yuñjyānnihitaṃ veṇugahvare†/ medo yakṛdghṛtaṃ cājaṃ pippalyaḥ saidhavaṃ madhu// ### [6.17.22](https://indike.org/pramana/in.med.samhita.susruta.6.17.22) rasamāmalakāccāpi pakvaṃ samyaṅnidhāpayet/ kośe khadiranirmāṇe tadvat kṣudrāñjanaṃ hitam// ### [6.17.23](https://indike.org/pramana/in.med.samhita.susruta.6.17.23) hareṇumagadhājāsthimajjailāyakṛdanvitam/ yakṛdrasenāñjanaṃ vā śleṣmopahatadṛṣṭaye// ### [6.17.24](https://indike.org/pramana/in.med.samhita.susruta.6.17.24) vipācya godhāyakṛdardhapāṭitaṃ supūritaṃ māgadhikābhiragninā/ niṣevitaṃ tadyakṛdañjanena nihanti naktāndhyamasaṃśayaṃ khalu// ### [6.17.25](https://indike.org/pramana/in.med.samhita.susruta.6.17.25) tathā yakṛcchāgabhavaṃ hutāśane vipācya samyaṅmagadhāsamanvitam/ prayojitaṃ pūrvavadāśvasaṃśayaṃ jayet kṣapāndhyaṃ sakdṛañjanānnṛṇām// ### [6.17.26](https://indike.org/pramana/in.med.samhita.susruta.6.17.26) plīhā yakṛccāpyupabhākṣite† ubhe prakalpya śūlye ghṛtatailasaṃyute/ te sārṣapasnehasamāyute+añjanaṃ naktāndhyamāśveva hataḥ prayojite// ### [6.17.27](https://indike.org/pramana/in.med.samhita.susruta.6.17.27) nadījaśimbītrikaṭūnyathāñjanaṃ manaḥśilā dve ca niśe yakṛd(śakṛd)gavām/ sacandaneyaṃ guṭikā+athavā+añjanaṃ praśasyate vai divaseṣvapaśyatām// ### [6.17.28](https://indike.org/pramana/in.med.samhita.susruta.6.17.28) bhavanti yāpyāḥ khalu ye ṣaḍāmayā haredasṛkteṣu sirāvimokṣaṇaiḥ/ virecayeccāpi purāṇasarpiṣā virecanāṅgopahitena sarvadā// ### [6.17.29](https://indike.org/pramana/in.med.samhita.susruta.6.17.29) payovimiśraṃ pavanodbhave hitaṃ vadanti pañcāṅgulatailameva tu/ bhavedghṛtaṃ traiphalameva śodhanaṃ viśeṣataḥ śoṇitapittarogayoḥ// ### [6.17.30](https://indike.org/pramana/in.med.samhita.susruta.6.17.30) trivṛdvirekaḥ kaphaje praśasyate tridoṣaje tailamuśanti tatkṛtam/ purāṇasarpistimireṣu sarvaśo hitaṃ bhavedāyasabhājanasthitam// ### [6.17.31](https://indike.org/pramana/in.med.samhita.susruta.6.17.31) hitaṃ ca vidyāttriphalāghṛtaṃ sadā kṛtaṃ ca yanmeṣaviṣāṇanāmabhiḥ/ sadā+avalihyāttriphalāṃ sucūrṇitāṃ ghṛtapragāḍhāṃ timire+atha pittaje// ### [6.17.32](https://indike.org/pramana/in.med.samhita.susruta.6.17.32) samīraje tailayutāṃ kaphātmake madhupragāḍhāṃ vidadhīta yuktitaḥ/ gavāṃ śakṛtkvāthavipakvamuttamaṃ hitaṃ tu tailaṃ timireṣu nāvanam// ### [6.17.33](https://indike.org/pramana/in.med.samhita.susruta.6.17.33) hitaṃ ghṛtaṃ kevala eva paittike hyajāvikaṃ yanmadhurairvipācitam/ tailaṃ sthirādau madhure ca yadgaṇe tathā+aṇutailaṃ pavanāsṛgutthayoḥ// ### [6.17.34](https://indike.org/pramana/in.med.samhita.susruta.6.17.34) sahāśvagandhātibalāvarīśṛtaṃ hitaṃ ca nasye trivṛtaṃ yadīritam/ jalodbhavānūpajamāṃsasṃskṛtādghṛtaṃ vidheyaṃ payaso yadutthitam// ### [6.17.35](https://indike.org/pramana/in.med.samhita.susruta.6.17.35) sasaindhavaḥ kravyabhugeṇamāṃsayorhitaḥ sasarpiḥ samadhuḥ puṭāhvayaḥ/ vasā+atha gṛdhroragatāmracūḍajā sadā praśastā madhukānvitā+añjane// ### [6.17.36](https://indike.org/pramana/in.med.samhita.susruta.6.17.36) pratyañjanaṃ srotasi yatsamutthitaṃ kramādrasakṣīraghṛteṣu bhāvitam/ sthitaṃ daśāhatrayametadañjanaṃ kṛṣṇoragāsye kuśasaṃpraveṣṭite// ### [6.17.37](https://indike.org/pramana/in.med.samhita.susruta.6.17.37) tanmālatīkorakasaindhavāyutaṃ sadā+añjanaṃ syāttimire+atha rāgiṇi/ subhāvitaṃ vā payasā dinatrayaṃ kācāpahaṃ śāstravidaḥ pracakṣate// ### [6.17.38](https://indike.org/pramana/in.med.samhita.susruta.6.17.38) havirhitaṃ kṣīrabhavaṃ tu paittike vadanti nasye madhurauṣadhaiḥ kṛtam/ tattarpaṇe caiva hitaṃ prayojitaṃ sajāṅgalasteṣu ca yaḥ puṭāhvayaḥ// ### [6.17.39](https://indike.org/pramana/in.med.samhita.susruta.6.17.39) rasāñjanakṣaudrasitāmanaḥśilāḥ kṣudrāñjanaṃ tanmadhukena saṃyutam/ samāñjanaṃ vā kanakākarodbhavaṃ sucūrṇitaṃ śreṣṭhamuśanti tadvidaḥ// ### [6.17.40](https://indike.org/pramana/in.med.samhita.susruta.6.17.40) bhilloṭagandhodakasekasecitaṃ pratyañjane cātra hitaṃ tu tutthakam/ sameṣaśṛṅgāñjanabhāgasaṃmitaṃ jalodbhavaṃ kācamalaṃ vyapohati// ### [6.17.41](https://indike.org/pramana/in.med.samhita.susruta.6.17.41) palāśarohītamadhūkajā rasāḥ kṣaudreṇa yuktā madirāgramiśritāḥ†/ uśīralodhratriphalāpriyaṅgubhiḥ pacettu nasyaṃ kapharogaśāntaye// ### [6.17.42](https://indike.org/pramana/in.med.samhita.susruta.6.17.42) viḍaṅgapāṭhākiṇihīṅgudītvacaḥ prayojayeddhūmadhuśīrasaṃyutāḥ/ vanaspatikvāthavipācitaṃ ghṛtaṃ hitaṃ haridrānalade ca tarpaṇam// ### [6.17.43](https://indike.org/pramana/in.med.samhita.susruta.6.17.43) samāgadho mākṣikasaindhavāḍhyaḥ sajāṅgalaḥ syāt puṭapāka eva ca/ manaḥśilātryūṣaṇaśaṅkhamākṣikaiḥ sasindhukāsīsarasāñjanaiḥ kriyāḥ// ### [6.17.44](https://indike.org/pramana/in.med.samhita.susruta.6.17.44) hite ca kāsīsarasāñjane tathā vadanti pathye guḍanāgarairyute/ yadañjanaṃ vā bahuśo niṣecitaṃ samūtravarge triphalodake śṛte// ### [6.17.45](https://indike.org/pramana/in.med.samhita.susruta.6.17.45) niśācarāsthisthitametadañjanaṃ kṣipecca māsaṃ salile+asthire punaḥ/ meṣasya puṣpairmadhukena saṃyutaṃ tadañjanaṃ sarvakṛte prayojayet// ### [6.17.46](https://indike.org/pramana/in.med.samhita.susruta.6.17.46) kriyāśca sarvāḥ kṣatajodbhave hitaḥ kramaḥ parimlāyini cāpi pittahṛt/ kramo hitaḥ syandaharaḥ prayojitaḥ samīkṣya doṣeṣu† yathāsvameva ca// ### [6.17.47](https://indike.org/pramana/in.med.samhita.susruta.6.17.47) doṣodaye naiva ca viplutiṃgate dravyāṇi nasyādiṣu yojayedbudhaḥ/ punaśca kalpe+añjanavistaraḥ śubhaḥ pravakṣyate+anyastamapīha yojayet// ### [6.17.48](https://indike.org/pramana/in.med.samhita.susruta.6.17.48) ghṛtaṃ purāṇaṃ triphalāṃ śatāvarīṃ paṭolamudgāmalakaṃ yavānapi/ niṣevamāṇasya narasya yatnato bhayaṃ sughorarāttimirānna vidyate// ### [6.17.49](https://indike.org/pramana/in.med.samhita.susruta.6.17.49) śatāvarīpāyasa eva kevalastathā kṛto vā++āmalakeṣu pāyasaḥ/ prabhūtasarpistriphalodakottaro yavaudano vā timiraṃ vyapohati// ### [6.17.50](https://indike.org/pramana/in.med.samhita.susruta.6.17.50) jīvantiśākaṃ suniṣaṇṇakaṃ ca sataṇḍulīyaṃ varavāstukaṃ ca/ cillī tathā mūlakapotikā ca dṛṣṭerhitaṃ śākunajāṅgalaṃ ca// ### [6.17.51](https://indike.org/pramana/in.med.samhita.susruta.6.17.51) paṭolakarkoṭakakāravellavārtākutarkārikarīrajāni/ śākāni śigrvārtagalāni caiva hitāni dṛṣṭerghṛtasādhitāni// ### [6.17.52](https://indike.org/pramana/in.med.samhita.susruta.6.17.52) vivarjayetsirāmokṣaṃ timire rāgamāgate/ yantreṇotpīḍito doṣo nihanyādāśu darśanam// ### [6.17.53](https://indike.org/pramana/in.med.samhita.susruta.6.17.53) arāgi timiraṃ sādhyamādyaṃ paṭalamāśritam/ kṛcchraṃ dvitīye rāgi syāttṛtīye yāpyamucyate// ### [6.17.54](https://indike.org/pramana/in.med.samhita.susruta.6.17.54) rāgaprāpteṣvapi hitāstimireṣu tathā kriyāḥ/ yāpanārthaṃ yathoddiṣṭāḥ sevyāścāpi jalaukasaḥ// ### [6.17.55](https://indike.org/pramana/in.med.samhita.susruta.6.17.55) ślaiṣmike liṅganāśe tu karma vakṣyāmi siddhaye/ na cedardhendugharmāmbubindumuktākṛtiḥ sthiraḥ// ### [6.17.56](https://indike.org/pramana/in.med.samhita.susruta.6.17.56) viṣamo vā tanurmadhye rājimān vā bahuprabhaḥ/ dṛṣṭistho lakṣyate doṣaḥ sarujo vā salohitaḥ// ### [6.17.57](https://indike.org/pramana/in.med.samhita.susruta.6.17.57) snigdhasvinnasya tasyātha kāle nātyuṣṇaśītale/ yantritasyopaviṣṭasya svāṃ nāsāṃ paśyataḥ samam// ### [6.17.58](https://indike.org/pramana/in.med.samhita.susruta.6.17.58) matimān śuklabhāgau dvau kṛṣṇānmuktvā hyapāṅgataḥ/ unmīlya nayane samyak sirājālavivarjite// ### [6.17.59](https://indike.org/pramana/in.med.samhita.susruta.6.17.59) nādho nordhvaṃ na pārśvābhyāṃ chidre daivakṛte tataḥ/ śalākayā prayatnena viśvastaṃ yavavakrayā// ### [6.17.60](https://indike.org/pramana/in.med.samhita.susruta.6.17.60) madhyapradeśinyaṅguṣṭhasthirahastagṛhītayā/ dakṣiṇena bhiṣak savyaṃ vidhyet savyena cetarat// ### [6.17.61](https://indike.org/pramana/in.med.samhita.susruta.6.17.61) vāribindvāgamaḥ samyag bhavecchabdestathā vyadhe/ saṃsicya viddhamātraṃ tu yoṣitstanyena kovidaḥ// ### [6.17.62](https://indike.org/pramana/in.med.samhita.susruta.6.17.62) sthire doṣe cale vā+api svedayedakṣi bāhyataḥ/ samyak śalākāṃ saṃsthāpya bhaṅgairanilanāśanaiḥ// ### [6.17.63](https://indike.org/pramana/in.med.samhita.susruta.6.17.63) śalākāgreṇa tu tato nirlikheddṛṣṭimaṇḍalam/ vidhyato yo+anyapārśve+akṣṇastaṃ ruddhvā nāsikāpuṭam// ### [6.17.64](https://indike.org/pramana/in.med.samhita.susruta.6.17.64) ucchiṅghanena hartavyo dṛṣṭimaṇḍalagaḥ kaphaḥ/ nirabhra iva gharmāṃśuryadā dṛṣṭiḥ prakāśate// ### [6.17.65](https://indike.org/pramana/in.med.samhita.susruta.6.17.65) tadā+asau likhitā samyag jñeyā yā cāpi nirvyathā/ (evaṃ tvaśakye nirhartuṃ doṣe pratyāgate+api vā// ### [6.17.66](https://indike.org/pramana/in.med.samhita.susruta.6.17.66) snehādyairupapannasya vyadho bhūyo vidhīyate/ ) tato dṛṣṭeṣu rūpeṣu śalākāmāharecchanaiḥ// ### [6.17.67](https://indike.org/pramana/in.med.samhita.susruta.6.17.67) ghṛtenābhyajya nayanaṃ vastrapaṭṭena veṣṭayet/ tato gṛhe nirābādhe śayītottāna eva ca// ### [6.17.68](https://indike.org/pramana/in.med.samhita.susruta.6.17.68) udgārakāsakṣavathuṣṭhīvanotkampanāni† ca/ tatkālaṃ nācaredūrdhvaṃ yantraṇā snehapītavat// ### [6.17.69](https://indike.org/pramana/in.med.samhita.susruta.6.17.69) tryahāt tryahācca dhāveta kaṣāyairanilāpahaiḥ/ vāyorbhayāt tryahādūrdhvaṃ svedayedakṣi pūrvavat// ### [6.17.70](https://indike.org/pramana/in.med.samhita.susruta.6.17.70) daśāhamevaṃ saṃyamya hitaṃ dṛṣṭiprasādanam/ paścātkarma ca seveta laghvannaṃ cāpi mātrayā// ### [6.17.71](https://indike.org/pramana/in.med.samhita.susruta.6.17.71) sirāvyadhavidhau pūrvaṃ narā ye ṛca vivarjitāḥ/ na teṣāṃ nīlikāṃ vidhyedanyatrābhihitādbhiṣak// ### [6.17.72](https://indike.org/pramana/in.med.samhita.susruta.6.17.72) pūryate śoṇitenākṣi sirāvedhādvisarpatā/ tatra strīstanyayaṣṭyāhvapakvaṃ seke hitaṃ ghṛtam// ### [6.17.73](https://indike.org/pramana/in.med.samhita.susruta.6.17.73) apāṅgāsannaviddhe tu śophaśūlāśruraktatāḥ/ tatropanāhaṃ bhrūmadhye kuryāccoṣṇājyasecanam// ### [6.17.74](https://indike.org/pramana/in.med.samhita.susruta.6.17.74) vyadhenāsannakṛṣṇena rāgaḥ kṛṣṇaṃ ca pīḍyate/ tatrādhaḥśodhanaṃ sekaḥ sarpiṣā raktamokṣaṇam// ### [6.17.75](https://indike.org/pramana/in.med.samhita.susruta.6.17.75) athāpyupari viddhe tu kaṣṭā ruk saṃpravartate/ tatra koṣṇena haviṣā pariṣekaḥ praśasyate// ### [6.17.76](https://indike.org/pramana/in.med.samhita.susruta.6.17.76) śūlāśrurāgāstvatyarthamadhovedhena† picchilaḥ/ śalākāmanu cāsrāvastatra† pūrvacikitsitam// ### [6.17.77](https://indike.org/pramana/in.med.samhita.susruta.6.17.77) rāgāśruvedanāstambhaharṣāścātivighaṭṭite/ snehasvedau hitau tatra hitaṃ cāpyanuvāsanam// ### [6.17.78](https://indike.org/pramana/in.med.samhita.susruta.6.17.78) doṣastvadho+apakṛṣṭo+api taruṇaḥ punarūrdhvagaḥ/ kuryācchuklāruṇaṃ netraṃ tīvraruṅnaṣṭadarśanam// ### [6.17.79](https://indike.org/pramana/in.med.samhita.susruta.6.17.79) madhuraistatra siddhena ghṛtenākṣṇaḥ prasecanam/ śirobastiṃ ca tenaiva dadyānmāṃsaiśca bhojanam// ### [6.17.80](https://indike.org/pramana/in.med.samhita.susruta.6.17.80) doṣastu saṃjātabalo ghanaḥ saṃpūrṇamaṇḍalaḥ/ prāpya naśyecchalākāgraṃ tanvabhramiva mārutam// ### [6.17.81](https://indike.org/pramana/in.med.samhita.susruta.6.17.81) mūrdhābhighātavyāyāmavyavāyavamimūrcchanaiḥ/ doṣaḥ pratyeti kopācca †viddho+atitaruṇaśca yaḥ// ### [6.17.82](https://indike.org/pramana/in.med.samhita.susruta.6.17.82) śalākā karkaśā śūlaṃ kharā doṣapariplutim/ vraṇaṃ viśālaṃ sthūlāgrā tīkṣṇā hiṃsyādanekadhā// ### [6.17.83](https://indike.org/pramana/in.med.samhita.susruta.6.17.83) jalāsrāvaṃ tu viṣamā kriyāsaṅgamathāsthirā/ karoti varjitā doṣaistasmādebhirhitā bhavet// ### [6.17.84](https://indike.org/pramana/in.med.samhita.susruta.6.17.84) aṣṭāṅgulāyatā madhye sūtreṇa pariveṣṭitā/ aṅguṣṭhaparvasamitā vaktrayormukulākṛtiḥ// ### [6.17.85](https://indike.org/pramana/in.med.samhita.susruta.6.17.85) tāmrāyasī śātakumbhī śalākā syādaninditā/ rāgaḥ śopho+arbudaṃ coṣo budbudaṃ śūkarākṣitā// ### [6.17.86](https://indike.org/pramana/in.med.samhita.susruta.6.17.86) adhimanthādayaścānye rogāḥ syurvyadhadoṣajāḥ/ ahitācārato vā+api yathāsvaṃ tānupācaret// ### [6.17.87](https://indike.org/pramana/in.med.samhita.susruta.6.17.87) rujāyāmakṣirāge vā yogān bhūyo nibodha me/ gairikaṃ sārivā dūrvā yavapiṣṭaṃ ghṛtaṃ payaḥ// ### [6.17.88](https://indike.org/pramana/in.med.samhita.susruta.6.17.88) †sukhālepaḥ prayojyo+ayaṃ vedanārāgaśāntaye/ mṛdubhṛṣṭaistilairvā+api siddhārthakasamāyutaiḥ// ### [6.17.89](https://indike.org/pramana/in.med.samhita.susruta.6.17.89) mātuluṅgarasopetaiḥ †sukhālepastadarthakṛt/ payasyāsārivāpatramañjiṣṭhāmadhukairapi// ### [6.17.90](https://indike.org/pramana/in.med.samhita.susruta.6.17.90) ajākṣīrānvitairlepaḥ sukhoṣṇaḥ pathya ucyate/ dārupadmakaśuṇṭhībhirevameva kṛto+api vā// ### [6.17.91](https://indike.org/pramana/in.med.samhita.susruta.6.17.91) drākṣāmadhukakuṣṭhairvā tadvat saidhavasaṃyutaiḥ/ rodhrasaindhavamṛdvīkāmadhukairvā+apyajāpayaḥ// ### [6.17.92](https://indike.org/pramana/in.med.samhita.susruta.6.17.92) śṛtaṃ seke prayoktavyaṃ rujārāganivāraṇam/ madhukotpalakuṣṭhairvā drākṣālākṣāsitāyutaiḥ/ sasaindhavaiḥ śṛtaṃ kṣīraṃ rujārāganibarhaṇam// ### [6.17.93](https://indike.org/pramana/in.med.samhita.susruta.6.17.93) śatāvarīpṛthakparṇīmustāmalakapadmakaiḥ†/ sājakṣīraiḥ śṛtaṃ sarpirdāhaśūlanibarhaṇam// ### [6.17.94](https://indike.org/pramana/in.med.samhita.susruta.6.17.94) vātaghnasiddhe payasi siddhaṃ sarpiścaturguṇe/ kākolyādipratīvāpaṃ tadyuñjyāt sarvakarmasu// ### [6.17.95](https://indike.org/pramana/in.med.samhita.susruta.6.17.95) śāmyatyevaṃ na cecchūlaṃ snigdhasvinnasya mokṣayet/ tataḥ sirāṃ dahedvā+api matimān kīrtitaṃ yathā// ### [6.17.96](https://indike.org/pramana/in.med.samhita.susruta.6.17.96) dṛṣṭerataḥ prasādārthamañjane śṛṇu me śubhe/ meṣaśṛṅgasya puṣpāṇi śirīṣadhavayorapi// ### [6.17.97](https://indike.org/pramana/in.med.samhita.susruta.6.17.97) sumanāyāśca †puṣpāṇi muktā vaidūryameva ca/ ajākṣīreṇa saṃpiṣya tāmre saptāhamāvapet// ### [6.17.98](https://indike.org/pramana/in.med.samhita.susruta.6.17.98) pravidhāya ca tadvartīryojayeccāñjane bhiṣak/ srotojaṃ vidrumaṃ phenaṃ sāgarasya manaḥśilām// ### [6.17.99](https://indike.org/pramana/in.med.samhita.susruta.6.17.99) maricāni ca tadvartīḥ kārayeccāpi pūrvavat/ dṛṣṭisthairyārthametattu vidadhyādañjane hitam// ### [6.17.100](https://indike.org/pramana/in.med.samhita.susruta.6.17.100) bhūyo vakṣyāmi mukhyāni vistareṇāñjanāni ca/ kalpe nānāprakārāṇi tānyapīha prayojayet// ### [6.17.100\_1](https://indike.org/pramana/in.med.samhita.susruta.6.17.100_1) iti suśrutasaṃhitāyāmuttaratantrāntargate śālākyatantre dṛṣṭigatarogavijñānīyo nāma saptadaśo+adhyāyaḥ //17// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.149.3) — Ḍalhaṇa, Sanskrit ## Linked texts (2) - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.79.265-2) — Vaṅgasena, Sanskrit - [Vaidyamanoramā](https://indike.org/pramana/in.med.cikitsa.vaidyamanorama.13.p161) — Kālidāsa, Sanskrit --- Source: [https://indike.org/pramana/in.med.samhita.susruta.6.17](https://indike.org/pramana/in.med.samhita.susruta.6.17) · Pramāṇa