[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.19 # The Compendium of Suśruta 6.19: ekonaviṃśatitamo+adhyāyaḥ/ Suśrutasaṃhitā 6.19 - **Language:** Sanskrit ### ekonaviṃśatitamo+adhyāyaḥ/ ### [6.19.1](https://indike.org/pramana/in.med.samhita.susruta.6.19.1) athāto nayanābhighātapratiṣedhaṃ vyākhyāsyāmaḥ// ### [6.19.2](https://indike.org/pramana/in.med.samhita.susruta.6.19.2) yathovāca bhagavān dhanvantariḥ// ### [6.19.3](https://indike.org/pramana/in.med.samhita.susruta.6.19.3) abhyāhate tu nayane bahudhā narāṇāṃ saṃrambharāgatumulāsu rujāsu dhīmān/ nasyāsyalepapariṣecanatarpaṇādyamuktaṃ punaḥ kṣatajapittajaśūlapathyam// ### [6.19.4](https://indike.org/pramana/in.med.samhita.susruta.6.19.4) dṛṣṭiprasādajananaṃ vidhimāśu kuryāt snigdhairhimaiśca madhuraiśca tathā prayogai/ svedāgnidhūmabhayaśokarujābhighātairabhyāhatāmapi tathaiva bhiṣak cikitset// ### [6.19.5](https://indike.org/pramana/in.med.samhita.susruta.6.19.5) sadyohate nayana eṣa vidhistadūrdhvaṃ syanderito bhavati doṣamavekṣya kāryaḥ/ abhyāhataṃ nayanamīṣadathāsyabāṣpasaṃsveditaṃ bhavati tannirujaṃ kṣaṇena// ### [6.19.6](https://indike.org/pramana/in.med.samhita.susruta.6.19.6) sādhyaṃ kṣataṃ paṭalamekamubhe tu kṛcchre trīṇi kṣatāni paṭalāni vivarjayattu/ syāt piccitaṃ ca nayanaṃ hyati cāvasannaṃ srastaṃ cyutaṃ ca hatadṛk ca bhavettu yāpyam// ### [6.19.7](https://indike.org/pramana/in.med.samhita.susruta.6.19.7) vistīrṇadṛṣṭitanurāgamasatpradarśi sādhyaṃ yathāsthitamanāviladarśanaṃ ca/ prāṇoparodhavamanakṣutakaṇṭharodhairunnamyamāśu nayanaṃ yadatipraviṣṭam// ### [6.19.8](https://indike.org/pramana/in.med.samhita.susruta.6.19.8) netre vilambini vidhirvihitaḥ purastāducchiṅghanaṃ śirasi vāryavasecanaṃ ca/ ṣaṭsaptatirnayanajā ya ime pradiṣṭā rogā bhavantyamahatāṃ mahatāṃ ca tebhyaḥ// ### [6.19.9](https://indike.org/pramana/in.med.samhita.susruta.6.19.9) stanyaprakopakaphamārutapittaraktairbalākṣivartmabhava eva kukūṇako+anyaḥ/ mṛdnāti netramatikaṇḍumathākṣikūṭaṃ nāsālalāṭamapi tena śiśuḥ sa nityam// ### [6.19.10](https://indike.org/pramana/in.med.samhita.susruta.6.19.10) sūryaprabhāṃ na sahate sravati prabaddhaṃ tasyāharedrudhiramāśu vinirlikhecca/ kṣaudrāyutaiśca kaṭubhiḥ pratisārayettu mātuḥ śiśorabhihitaṃ ca vidhiṃ vidadhyāt// ### [6.19.11](https://indike.org/pramana/in.med.samhita.susruta.6.19.11) taṃ vāmayettu madhusaindhavasaṃprayuktaiḥ pītaṃ payaḥ khalu phalaiḥ kharamañjarīṇām// ### [6.19.12](https://indike.org/pramana/in.med.samhita.susruta.6.19.12) syātpippalīlavaṇamākṣikasaṃyutairvā nainaṃ vamantamapi vāmayituṃ yateta/ dattvā vacāmaśanadugdhabhuje prayojyamūrdhvaṃ tataḥ phalayutaṃ vamanaṃ vidhijñaiḥ// ### [6.19.13](https://indike.org/pramana/in.med.samhita.susruta.6.19.13) jambvāmradhātryaṇudalaiḥ paridhāvanārthaṃ kāryaṃ kaṣāyamavasecanameva cāpi/ āścyotane ca hitamatra ghṛtaṃ guḍūcīsiddhaṃ tathā++āhurapi ca triphalāvipakvam// ### [6.19.14](https://indike.org/pramana/in.med.samhita.susruta.6.19.14) nepālajāmaricaśaṅkharasāñjanāni sindhuprasūtaguḍamākṣikasaṃyutāni/ syādañjanaṃ madhurasāmadhukāmrakairvā kṛṣṇāyasaṃ ghṛtapayo madhu vā+api dagdham// ### [6.19.15](https://indike.org/pramana/in.med.samhita.susruta.6.19.15) vyoṣaṃ palāṇḍu madhukaṃ lavaṇottamaṃ ca lākṣāṃ ca gairikayutāṃ guṭikāñjanaṃ vā/ nimbacchadaṃ madhukadārvi satāmralodhramicchanti cātra bhiṣajo+añjanamaṃśatulyam// ### [6.19.16](https://indike.org/pramana/in.med.samhita.susruta.6.19.16) srotojaśaṅkhadadhisaindhavamardhapakṣaṃ śukraṃ śiśornudati bhāvitamañjanena/ syande kaphādabhihitaṃ kramamācarecca bālasya rogakuśalo+akṣigadaṃ jighāṃsuḥ// ### [6.19.17](https://indike.org/pramana/in.med.samhita.susruta.6.19.17) samudra iva gambhīraṃ naiva śakyaṃ cikitsitam/ vaktuṃ niravaśeṣeṇa ślokānāmayutairapi// ### [6.19.18](https://indike.org/pramana/in.med.samhita.susruta.6.19.18) sahasrairapi vā proktamarthamalpamatirnaraḥ/ tarkagranthārtharahito naiva gṛhṇātyapaṇḍitaḥ// ### [6.19.19](https://indike.org/pramana/in.med.samhita.susruta.6.19.19) tadidaṃ bahugūḍhārthaṃ cikitsābījamīritam/ kuśalenābhipannaṃ tadbahudhā+abhiprarohati// ### [6.19.20](https://indike.org/pramana/in.med.samhita.susruta.6.19.20) tasmānmatimatā nityaṃ nānāśāstrārthadarśinā/ sarvamūhyamagādhārthaṃ śāstramāgamabuddhinā// ### [6.19.20\_1](https://indike.org/pramana/in.med.samhita.susruta.6.19.20_1) iti suśrutasaṃhitāyāmuttaratantrāntargate śālākyatantre nayanābhighātacikitsitaṃ nāmaikonaviṃśo+adhyāyaḥ //19// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.151.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.19](https://indike.org/pramana/in.med.samhita.susruta.6.19) · Pramāṇa