The Compendium of Suśruta 6.2: dvitīyo+adhyāyaḥ/
Suśrutasaṃhitā 6.2
- Language
- Sanskrit
dvitīyo+adhyāyaḥ/
6.2.1
athātaḥ sandhigatarogavijñānīyamadhyāyaṃ vyākhyāsyāmaḥ//
6.2.2
yathovāca bhagavān dhanvantariḥ//
6.2.3
pūyālasaḥ sopanāhaḥ srāvāḥ parvaṇikā+alajī/
krimigranthiśca vijñeyā rogāḥ sandhigatā nava//
6.2.4
pakvaḥ śophaḥ sandhijaḥ saṃsravedyaḥ sāndraṃ pūyaṃ pūti pūyālasaḥ saḥ/
granthirnālpo dṛṣṭisandhāvapākaḥ kaṇḍūprāyo nīrujastūpanāhaḥ//
6.2.5
gatvā sandhīnaśrumārgeṇa doṣāḥ kuryuḥ srāvān rugvihīnān kanīnāt/
tān vai srāvān netranāḍīmathaike tasyā liṅgaṃ kīrtayiṣye caturdhā//
6.2.6
pākaḥ sandhau saṃsravedyaśca pūyaṃ pūyāsrāvo naikarūpaḥ pradiṣṭaḥ/
śvetaṃ sāndraṃ picchilaṃ saṃsravedyaḥ śleṣmāsrāvo nīrujaḥ sa pradiṣṭaḥ//
6.2.7
raktāsrāvaḥ śoṇitotthaḥ saraktamuṣṇaṃ nālpaṃ saṃsravennātisāndram/
pītābhāsaṃ nīlamuṣṇaṃ jalābhaṃ pittāsrāvaḥ saṃsravet sandhimadhyāt//
6.2.8
tāmrā tanvī dāhaśūlopapannā raktājjñeyā parvaṇī vṛttaśophā/
jātā sandhau kṛṣṇaśukle+alajī syāttasminneva khyāpitā pūrvaliṅgaiḥ//
6.2.9
krimigranthirvartmanaḥ pakṣmaṇaśca kaṇḍūṃ kuryuḥ krimayaḥ sandhijātāḥ/
nānārūpā †vartmaśuklasya sandhau caranto+antarnayanaṃ dūṣayanti//
6.2.9_1
iti suśrutasaṃhitāyāmuttaratantre sandhigatarogavijñānīyo nāma dvitīyo+adhyāyaḥ //2//
Commentaries (1)
- Nibandhasaṅgraha — Ḍalhaṇa, Sanskrit