[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.20 # The Compendium of Suśruta 6.20: viṃśatitamo+adhyāyaḥ/ Suśrutasaṃhitā 6.20 - **Language:** Sanskrit ### viṃśatitamo+adhyāyaḥ/ ### [6.20.1](https://indike.org/pramana/in.med.samhita.susruta.6.20.1) athātaḥ karṇagatarogavijñānīyamadhyāyaṃ vyākhyāsyāmaḥ// ### [6.20.2](https://indike.org/pramana/in.med.samhita.susruta.6.20.2) yathovāca bhagavān dhanvantariḥ// ### [6.20.3](https://indike.org/pramana/in.med.samhita.susruta.6.20.3) karṇaśūlaṃ praṇādaśca bādhiryaṃ kṣveḍa eva ca/ karṇasrāvaḥ karṇakaṇḍūḥ karṇavarcastathaiva ca// ### [6.20.4](https://indike.org/pramana/in.med.samhita.susruta.6.20.4) kṛmikarṇapratināhau vidradhirdvividhastathā/ karṇapākaḥ pūtikarṇastathaivārśaścaturvidham// ### [6.20.5](https://indike.org/pramana/in.med.samhita.susruta.6.20.5) karṇārbudaṃ saptavidhaṃ śophaścāpi caturvidhaḥ/ ete karṇagatā rogā aṣṭāviṃśatirīritāḥ// ### [6.20.6](https://indike.org/pramana/in.med.samhita.susruta.6.20.6) samīraṇaḥ śrotragato+anyathācaraḥ samantataḥ śūlamatīva karṇayoḥ/ karoti doṣaiśca yathāsvamāvṛtaḥ sa karṇaśūlaḥ kathito durācaraḥ// ### [6.20.7](https://indike.org/pramana/in.med.samhita.susruta.6.20.7) yadā tu nāḍīṣu vimārgamāgataḥ sa eva śabdābhivahāsu tiṣṭhati/ śrṇoti śabdān vividhāṃstadā naraḥ praṇādamenaṃ kathayanti cāmayam// ### [6.20.8](https://indike.org/pramana/in.med.samhita.susruta.6.20.8) sa eva śabdānuvahā yadā sirāḥ kaphānuyāto vyanusṛtya tiṣṭhati/ tadā narasyāpratikārasevino bhavettu bādhiryamasaṃśayaṃ khalu// ### [6.20.9](https://indike.org/pramana/in.med.samhita.susruta.6.20.9) śramāt kṣayādrūkṣakaṣāyabhojanāt samīraṇaḥ śabdapathe pratiṣṭhitaḥ/ viriktaśīrṣasya ca śītasevinaḥ karoti hi kṣveḍamatīva karṇayoḥ// ### [6.20.10](https://indike.org/pramana/in.med.samhita.susruta.6.20.10) śirobhighātādathavā nimajjato jale prapākādayavā+api vidradheḥ/ sravettu pūyaṃ śravaṇo+anilāvṛtaḥ sa karṇasaṃsrāva iti prakīrtitaḥ// ### [6.20.11](https://indike.org/pramana/in.med.samhita.susruta.6.20.11) kaphena kaṇḍūḥ pracitena karṇayorbhṛśaṃ bhavet srotasi karṇasaṃjñite/ viśoṣite śleṣmaṇi pittatejasā nṛṇāṃ bhavet srotasi karṇagūthakaḥ// ### [6.20.12](https://indike.org/pramana/in.med.samhita.susruta.6.20.12) sa karṇaviṭko dravatāṃ yadā gato vilāyito ghrāṇamukhaṃ prapadyate/ tadā sa karṇapratināhasaṃjñito bhavedvikāraḥ śiraso+abhitāpanaḥ// ### [6.20.13](https://indike.org/pramana/in.med.samhita.susruta.6.20.13) yadā tu mūrcchantyathavā+api jantavaḥ sṛjantyapatyānyathavā+api makṣikāḥ/ tadañjanatvācchravaṇo nirucyate bhiṣagbhirādyaiḥ kṛmikarṇako gadaḥ// ### [6.20.14](https://indike.org/pramana/in.med.samhita.susruta.6.20.14) kṣatābhighātaprabhavastu vidradhirbhavettathā doṣakṛto+aparaḥ punaḥ/ saraktapītāruṇamasramāsravet pratodadhūmāyanadāhacopavān// ### [6.20.15](https://indike.org/pramana/in.med.samhita.susruta.6.20.15) bhavet prapākaḥ khalu pittakopato vikothavikledakaraśca karṇayoḥ/ sthite kaphe srotasi pittatejasaḥ vilāyyamāne bhṛśasaṃpratāpavān// ### [6.20.16](https://indike.org/pramana/in.med.samhita.susruta.6.20.16) avedano vā+apyathavā savedano ghanaṃ sravet pūti ca pūtikarṇakaḥ/ pradiṣṭaliṅgānyaraśāṃsi tattvatastathaiva śophārbudaliṅgamīritam/ mayā purastāt prasamīkṣya yojayedihaiva tāvat prayato bhiṣagvaraḥ// ### [6.20.16\_1](https://indike.org/pramana/in.med.samhita.susruta.6.20.16_1) iti suśrutasaṃhitāyāmuttaratantrāntargate śālākyatantre karṇagatarogavijñānīyo nāma viṃśatitamo+adhyāyaḥ //20// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.153.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.20](https://indike.org/pramana/in.med.samhita.susruta.6.20) · Pramāṇa