[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.22 # The Compendium of Suśruta 6.22: dvāviṃśatitamo+adhyāyaḥ// Suśrutasaṃhitā 6.22 - **Language:** Sanskrit ### dvāviṃśatitamo+adhyāyaḥ// ### [6.22.1](https://indike.org/pramana/in.med.samhita.susruta.6.22.1) athāto nāsāgatarogavijñānīyamadhyāyaṃ vyākhyāsyāmaḥ// ### [6.22.2](https://indike.org/pramana/in.med.samhita.susruta.6.22.2) yathovāca bhagavān dhanvantariḥ// ### [6.22.3](https://indike.org/pramana/in.med.samhita.susruta.6.22.3) apīnasaḥ pūtinasyaṃ† nāsāpākastathaiva ca/ tathā śoṇitapittaṃ ca pūyaśoṇitameva ca// ### [6.22.4](https://indike.org/pramana/in.med.samhita.susruta.6.22.4) kṣavathurbhraṃśathurdīpto nāsānāhaḥ parisravaḥ/ nāsāśoṣeṇa sahitā daśaikāśceritā gadāḥ// ### [6.22.5](https://indike.org/pramana/in.med.samhita.susruta.6.22.5) catvāryarśāṃsi catvāraḥ śophāḥ saptārbudāni ca/ pratiśyāyāśca ye pañca vakṣyante sacikitsitāḥ/ †ekatriṃśanmitāste tu nāsārogāḥ prakīrtitāḥ// ### [6.22.6](https://indike.org/pramana/in.med.samhita.susruta.6.22.6) ānahyate yasya vidhūpyate ca praklidyate śuṣyati† cāpi nāsā/ na vetti yo gandharasāṃśca janturjuṣṭaṃ vyavasyettamapīnasena// ### [6.22.7](https://indike.org/pramana/in.med.samhita.susruta.6.22.7) taṃ cānilaśleṣmabhavaṃ vikāraṃ brūyāt pratiśyāyasamānaliṅgam/ doṣairvidagdhairlatālumūle saṃvāsito yasya samīraṇastu// ### [6.22.8](https://indike.org/pramana/in.med.samhita.susruta.6.22.8) nireti pūtirmukhanāsikābhyāṃ taṃ pūtināsaṃ pravadanti rogam/ vrāṇāśritaṃ pittamarūṃṣi kuryādyasmin vikāre balavāṃśca pākaḥ// ### [6.22.9](https://indike.org/pramana/in.med.samhita.susruta.6.22.9) taṃ nāsikāpākamiti vyavasyedvikledakothāvapi yatra dṛṣṭau/ caturvidhaṃ dviprabhavaṃ vakṣyāmi bhūyaḥ khalu raktapittam// ### [6.22.10](https://indike.org/pramana/in.med.samhita.susruta.6.22.10) doṣairvidagdhairathavā+api jantorlalāṭadeśe+abhihatasya taistu/ nāsā sravet pūyamasṛgvimiśraṃ taṃ pūyaraktaṃ pravadanti rogam// ### [6.22.11](https://indike.org/pramana/in.med.samhita.susruta.6.22.11) ghrāṇāśrite marmaṇi saṃpraduṣṭe† yasyānilo nāsikayā nireti// ### [6.22.12](https://indike.org/pramana/in.med.samhita.susruta.6.22.12) kaphānuyāto bahuśaḥ saśabdastaṃ rogamāhuḥ kṣavathuṃ vidhijñāḥ/ tīkṣṇopayogādatijighrato vā bhāvān kaṭūnarkanirīkṣaṇādvā// ### [6.22.13](https://indike.org/pramana/in.med.samhita.susruta.6.22.13) sūtrādibhirvā taruṇāsthimarmaṇyudghāṭite+anyaḥ kṣavathurnireti/ prabhraśyate nāsikayaiva yaśca† sāndro vidagdho lavaṇaḥ kaphastu// ### [6.22.14](https://indike.org/pramana/in.med.samhita.susruta.6.22.14) prāk saṃcito mūrdhani pittataptastaṃ bhraṃśathuṃ vyādhimudāharanti/ ghrāṇe bhṛśaṃ dāhasamanvite tu viniḥsareddhūma iveha vāyuḥ// ### [6.22.15](https://indike.org/pramana/in.med.samhita.susruta.6.22.15) nāsā pradīpteva ca yasya jantorvyādhiṃ tu taṃ dīptamudāharanti/ kaphāvṛto vāyurudānasaṃjño yadā svamārge viguṇaḥ sthitaḥ syāt// ### [6.22.16](https://indike.org/pramana/in.med.samhita.susruta.6.22.16) ghrāṇaṃ vṛṇotīva tadā sa rogo nāsāpratīnāha iti pradiṣṭaḥ/ ajasramacchaṃ salilaprakāśaṃ yasyāvivarṇe sravatīha nāsā// ### [6.22.17](https://indike.org/pramana/in.med.samhita.susruta.6.22.17) rātrau viśeṣeṇa hi taṃ vikāraṃ nāsāparisrāvamiti vyavasyet/ ghrāṇāśrite śleṣmaṇi mārutena pittena gāḍhaṃ pariśoṣite ca// ### [6.22.18](https://indike.org/pramana/in.med.samhita.susruta.6.22.18) samucchvasityūrdhvamadhaśca kṛcchrādyastasya nāsāpariśoṣa uktaḥ/ doṣaiśtribhistaiḥ pṛthagekaśaśca brūyāttathā+arśāṃsi tathaiva śophān// ### [6.22.19](https://indike.org/pramana/in.med.samhita.susruta.6.22.19) śālākyasiddhāntamavekṣya cāpi sarvātmakaṃ saptamamarbudaṃ tu/ rogaḥ pratiśyāya ihopadiṣṭaḥ sa vakṣyate pañcavidhaḥ purastāt// ### [6.22.20](https://indike.org/pramana/in.med.samhita.susruta.6.22.20) (nāsāsrotogatā rogāstriṃśadekaśca kīrtitāḥ/ srotaḥpathe yadvipulaṃ kośavaccārbudaṃ bhavet†//) ### [6.22.21](https://indike.org/pramana/in.med.samhita.susruta.6.22.21) śophāstu śophavijñānā nāsāsrotovyavasthitāḥ/ nidāne+arśāṃsi nirdiṣṭānyevaṃ tāni vibhāvayet// ### [6.22.21\_1](https://indike.org/pramana/in.med.samhita.susruta.6.22.21_1) iti suśrutasaṃhitāyāmuttaratantrāntargate śālākyatantre nāsāgatarogavijñānīyo nāma dvāviṃśo+adhyāyaḥ //22// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.155.2) — Ḍalhaṇa, Sanskrit ## Linked texts (2) - [Basavarājīya](https://indike.org/pramana/in.med.cikitsa.daksina.basavarajiya.p2071) — Nīlakaṇṭhakoṭṭūru Basavarāja 1500, Sanskrit - [Vīrasiṃha](https://indike.org/pramana/in.med.sangraha.karmavipaka.virasimha.26.p9) — Bhoja, Sanskrit --- Source: [https://indike.org/pramana/in.med.samhita.susruta.6.22](https://indike.org/pramana/in.med.samhita.susruta.6.22) · Pramāṇa