[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.23 # The Compendium of Suśruta 6.23: trayoviṃśatitamo+adhyāyaḥ/ Suśrutasaṃhitā 6.23 - **Language:** Sanskrit ### trayoviṃśatitamo+adhyāyaḥ/ ### [6.23.1](https://indike.org/pramana/in.med.samhita.susruta.6.23.1) athāto nāsāgatarogapratiṣedhaṃ vyākhyāsyāmaḥ// ### [6.23.2](https://indike.org/pramana/in.med.samhita.susruta.6.23.2) athovāca bhagavān dhanvantariḥ// ### [6.23.3](https://indike.org/pramana/in.med.samhita.susruta.6.23.3) pūrvoddiṣṭe pūtinasye ca jantoḥ snehasvedau chardanaṃ sraṃsanaṃ ca/ yuktaṃ bhaktaṃ tīkṣṇamalpaṃ laghu syāduṣṇaṃ toyaṃ dhūmapānaṃ ca kāle// ### [6.23.4](https://indike.org/pramana/in.med.samhita.susruta.6.23.4) hiṅgu vyoṣaṃ vatsakākhyaṃ śivāṭī lākṣā bījaṃ saurabhaṃ kaṭphalaṃ ca/ ugrā kuṣṭhaṃ tīkṣṇagandhā viḍaṅgaṃ śreṣṭhaṃ nityaṃ cāvapīḍe karañjam// ### [6.23.5](https://indike.org/pramana/in.med.samhita.susruta.6.23.5) etairdravyaiḥ sārṣapaṃ mūtrayuktaṃ tailaṃ dhīmānnasyahetoḥ paceta/ nāsāpāke pittahṛtsaṃvidhānaṃ kāryaṃ sarvaṃ bāhyamābhyantaraṃ ca// ### [6.23.6](https://indike.org/pramana/in.med.samhita.susruta.6.23.6) hṛtvā raktaṃ kṣīravṛkṣatvacaśca sājyāḥ sekā yojanīyāśca lepāḥ/ vakṣyāmyūrdhvaṃ raktapītopaśāntiṃ nāḍīvatsyāt pūyarakte cikitsā// ### [6.23.7](https://indike.org/pramana/in.med.samhita.susruta.6.23.7) vānte samyak cāvapīḍaṃ vadanti tīkṣṇaṃ dhūmaṃ śodhanaṃ cātra nasyam/ kṣepyaṃ nasyaṃ mūrdhavairecanīyairnāḍyā cūrṇaṃ kṣavathau bhraṃśathau ca// ### [6.23.8](https://indike.org/pramana/in.med.samhita.susruta.6.23.8) kuryāt svedān mūrdhni vātāmayaghnān snigdhān dhūmān yadyanyaddhitaṃ ca/ dīpte roge paittikaṃ saṃvidhānaṃ kuryāt sarvaṃ svādu yacchītalaṃ ca// ### [6.23.9](https://indike.org/pramana/in.med.samhita.susruta.6.23.9) nāsānāhe snehapānaṃ pradhānaṃ snigdhā dhūmā mūrdhabastiśca nityam/ balātailaṃ sarvathaivopayojyaṃ vātavyādhāvanyaduktaṃ ca yadyat// ### [6.23.10](https://indike.org/pramana/in.med.samhita.susruta.6.23.10) nāsāsrāve ghrāṇataścūrṇamuktaṃ nāḍyā deyaṃ yo+avapīḍaśca tīkṣṇaḥ/ tīkṣṇaṃ dhūmaṃ devadārvagnikābhyāṃ māṃsaṃ vā++ājaṃ yuktamatrādiśanti// ### [6.23.11](https://indike.org/pramana/in.med.samhita.susruta.6.23.11) nāsāśoṣe kṣīrasarpiḥ pradhānaṃ siddhaṃ tailaṃ cāṇukalpena nasyam/ sarpiḥpānaṃ bhojanaṃ jāṅgalaiśca snehaḥ svedaḥ snaihikaścāpi dhūmaḥ// ### [6.23.12](https://indike.org/pramana/in.med.samhita.susruta.6.23.12) śeṣān rogān ghrāṇajān sanniyaccheduktaṃ teṣāṃ yadyathā saṃvidhānam// ### [6.23.12\_1](https://indike.org/pramana/in.med.samhita.susruta.6.23.12_1) iti suśrutasaṃhitāyāmuttaratantrāntargate śālākyatantre nāsāgatarogapratiṣedho nāma trayoviṃśo+adhyāyaḥ //23// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.156.3) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.23](https://indike.org/pramana/in.med.samhita.susruta.6.23) · Pramāṇa