[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.25 # The Compendium of Suśruta 6.25: pañcaviṃśatitamo+adhyāyaḥ/ Suśrutasaṃhitā 6.25 - **Language:** Sanskrit ### pañcaviṃśatitamo+adhyāyaḥ/ ### [6.25.1](https://indike.org/pramana/in.med.samhita.susruta.6.25.1) athātaḥ śirorogavijñānīyamadhyāyaṃ vyākhyāsyāmaḥ// ### [6.25.2](https://indike.org/pramana/in.med.samhita.susruta.6.25.2) yathovāca bhagavān dhanvantariḥ// ### [6.25.3](https://indike.org/pramana/in.med.samhita.susruta.6.25.3) śiro rujati martyānāṃ vātapittakaphaistribhiḥ/ sannipātena raktena kṣayeṇa krimibhistathā// ### [6.25.4](https://indike.org/pramana/in.med.samhita.susruta.6.25.4) sūryāvartānantavātārdhāvabhedakaśaṅkhakaiḥ/ ekādaśaprakārasya† lakṣaṇaṃ saṃpravakṣyate// ### [6.25.5](https://indike.org/pramana/in.med.samhita.susruta.6.25.5) yasyānimittaṃ śiraso rujaśca bhavanti tīvrā niśi cātimātram/ bandhopatāpaiśca bhavedviśeṣaḥ śirobhitāpaḥ sa samīraṇena// ### [6.25.6](https://indike.org/pramana/in.med.samhita.susruta.6.25.6) yasyoṣṇamaṅgāracitaṃ yathaiva †dahyeta dhūpyeta śiroksināsam/ śītena rātrau ca bhavedviśeṣaḥ śirobhitāpaḥ sa tu pittakopāt// ### [6.25.7](https://indike.org/pramana/in.med.samhita.susruta.6.25.7) śirogalaṃ yasya kaphopadigdhaṃ guru pratiṣṭabdhamatho himaṃ ca/ śūnākṣikūṭaṃ vadanaṃ ca yasya śirobhitāpaḥ sa kaphaprakopāt// ### [6.25.8](https://indike.org/pramana/in.med.samhita.susruta.6.25.8) śirobhitāpe tritayapravṛtte sarvāṇi liṅgāni samudbhavanti†/ raktātmakaḥ pittasamānaliṅgaḥ sparśāsahatvaṃ śiraso bhavecca// ### [6.25.9](https://indike.org/pramana/in.med.samhita.susruta.6.25.9) vasābalāsakṣatasṃbhavānāṃ śirogatānāmiha saṃkṣayeṇa/ kṣayapravṛttaḥ śiraso+abhitāpaḥ kaṣṭo bhavedugrarujo+atimātram// ### [6.25.10](https://indike.org/pramana/in.med.samhita.susruta.6.25.10) saṃsvedanacchardanadhūmanasyairasṛgvimokṣaiśca vivṛddhimeti/ nistudyate yasya śiro+atimātraṃ saṃbhakṣyamāṇaṃ †sphuṭatīva cāntaḥ// ### [6.25.11](https://indike.org/pramana/in.med.samhita.susruta.6.25.11) ghrāṇācca gacchetsalilaṃ saraktaṃ śirobhitāpaḥ kṛmibhiḥ sa ghoraḥ/ sūryodayaṃ yā prati mandamandamakṣibhruvaṃ ruk samupaiti gāḍham// ### [6.25.12](https://indike.org/pramana/in.med.samhita.susruta.6.25.12) vivardhate cāṃśumatā sahaiva sūryāpavṛttau vinivartate ca/ śītena śāntiṃ labhate kadāciduṣṇena jantuḥ sukhamāpnuyācca// ### [6.25.13](https://indike.org/pramana/in.med.samhita.susruta.6.25.13) taṃ bhāskarāvartamudāharanti sarvātmakaṃ kaṣṭatamaṃ vikāram/ doṣāstu duṣṭāstraya eva manyāṃ saṃpīḍya ghāṭāsu rujāṃ sutīvrām// ### [6.25.14](https://indike.org/pramana/in.med.samhita.susruta.6.25.14) kurvanti sākṣibhruvi śaṅkhadeśe sthitiṃ karotyāśu viśeṣatastu/ gaṇḍasya pārśve tu karoti kampaṃ hanugrahaṃ locanajāṃśca rogān// ### [6.25.15](https://indike.org/pramana/in.med.samhita.susruta.6.25.15) anantavātaṃ tamudāharanti doṣatrayotthaṃ śiraso vikāram/ yasyottamāṅgārdhamatīva jantoḥ saṃbhedatodabhramaśūlajuṣṭam// ### [6.25.16](https://indike.org/pramana/in.med.samhita.susruta.6.25.16) pakṣāddaśāhādathavā+apyakasmāttasyārdhamedaṃ tritayādvyavasyet/ śaṅkhāśrito vāyurudīrṇavegaḥ kṛtānuyātraḥ kaphapittaraktaiḥ// ### [6.25.17](https://indike.org/pramana/in.med.samhita.susruta.6.25.17) rujaḥ sutīvrāḥ pratanoti mūrdhni viśeṣataścāpi hi śaṅkhayostu/ sukaṣṭamenaṃ khalu śaṅkhakākhyaṃ maharṣayo vedavidaḥ purāṇāḥ// ### [6.25.18](https://indike.org/pramana/in.med.samhita.susruta.6.25.18) vyādhiṃ vadantyudgatamṛtyukalpaṃ bhiṣaksahasrairapi durnivāram// ### [6.25.18\_1](https://indike.org/pramana/in.med.samhita.susruta.6.25.18_1) iti suśrutasaṃhitāyāmuttaratantrāntargate śālākyatantre śirorogavijñānīyo nāma pañcaviṃśo+adhyāyaḥ //25// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.158.4) — Ḍalhaṇa, Sanskrit ## Linked texts (5) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.65.2) — Mādhavakara, Sanskrit - [Mādhavacikitsā](https://indike.org/pramana/in.med.nidana.madhavacikitsa.72.1-2) — Mādhava Bhaṭṭa, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.80.1) — Vaṅgasena, Sanskrit - [Basavarājīya](https://indike.org/pramana/in.med.cikitsa.daksina.basavarajiya.p2153) — Nīlakaṇṭhakoṭṭūru Basavarāja 1500, Sanskrit - [Vīrasiṃha](https://indike.org/pramana/in.med.sangraha.karmavipaka.virasimha.28.p1) — Bhoja, Sanskrit --- Source: [https://indike.org/pramana/in.med.samhita.susruta.6.25](https://indike.org/pramana/in.med.samhita.susruta.6.25) · Pramāṇa