[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.27 # The Compendium of Suśruta 6.27: saptaviṃśatitamo+adhyāyaḥ/ Suśrutasaṃhitā 6.27 - **Language:** Sanskrit ### saptaviṃśatitamo+adhyāyaḥ/ ### [6.27.1](https://indike.org/pramana/in.med.samhita.susruta.6.27.1) athāto navagrahākṛtivijñānīyamadhyāyaṃ vyākhyāsyāmaḥ// ### [6.27.2](https://indike.org/pramana/in.med.samhita.susruta.6.27.2) yathovāca bhagavān dhanvantariḥ// ### [6.27.3](https://indike.org/pramana/in.med.samhita.susruta.6.27.3) bālagrahāṇāṃ vijñānaṃ sādhanaṃ cāpyanantaram/ utpattiṃ kāraṇaṃ caiva suśrutaikamanāḥ śṛṇu// ### [6.27.4](https://indike.org/pramana/in.med.samhita.susruta.6.27.4) skandagrahastu prathamaḥ skandāpasmāra eva ca/ śakunī revatī caiva pūtanā cāndhapūtanā// ### [6.27.5](https://indike.org/pramana/in.med.samhita.susruta.6.27.5) pūtanā śītanāmā ca tathaiva mukhamaṇḍikā/ navamo naigameṣaśca yaḥ pitṛgrahasaṃjñitaḥ// ### [6.27.6](https://indike.org/pramana/in.med.samhita.susruta.6.27.6) dhātrīmātroḥ prākpradiṣṭāpacārācchaucabhraṣṭānmaṅgalācārahīnān/ trastān hṛṣṭāṃtarjitān tāḍitān vā pūjāhetorhiṃsyurete kumārān// ### [6.27.7](https://indike.org/pramana/in.med.samhita.susruta.6.27.7) aiśvaryasthāste na śakyā viśanto dehaṃ draṣṭuṃ mānuṣairviśvarūpāḥ/ āptaṃ vākyaṃ tatsamīkṣyābhidhāsye liṅgānyeṣāṃ yāni dehe bhavanti// ### [6.27.8](https://indike.org/pramana/in.med.samhita.susruta.6.27.8) śūnākṣaḥ† kṣatajasagandhikaḥ stanadviḍ vakrāsyo hatacalitaikapakṣmanetraḥ/ udvigraḥ sululitacakṣuralparodī skandārto bhavati ca gāḍhamuṣṭivarcāḥ// ### [6.27.9](https://indike.org/pramana/in.med.samhita.susruta.6.27.9) niḥsaṃjño bhavati punarbhavetsasaṃjñaḥ saṃrabdhaḥ karacaraṇaiśca nṛtyatīva/ viṇmūtre sṛjati vinadya jṛmbhamāṇaḥ phenaṃ ca prasṛjati tatsakhābhipannaḥ// ### [6.27.10](https://indike.org/pramana/in.med.samhita.susruta.6.27.10) srastāṅgo bhayacakito vihaṅgagandhiḥ saṃsrāvivraṇaparipīḍitaḥ samantāt/ sphoṭaiśca pracitatanuḥ sadāhapākairvijñeyo bhavati śiśuḥ kṣataḥ śakunyā// ### [6.27.11](https://indike.org/pramana/in.med.samhita.susruta.6.27.11) raktāsyo haritamalo+atipāṇḍudehaḥ śyāvo vā jvaramukhapākavedanātaḥ/ revatyā viyathitatanuśca karṇanāsaṃ mṛdgāti dhruvamabhipīḍitaḥ kumāraḥ// ### [6.27.12](https://indike.org/pramana/in.med.samhita.susruta.6.27.12) srastāṅgaḥ svapiti sukhaṃ divā na rātrau viḍ bhinnaṃ sṛjati ca kākatulyagandhiḥ/ chardyā++ārto hṛṣitatanūruhaḥ kumārastṛṣṇālurbhavati ca pūtanāgṛhītaḥ// ### [6.27.13](https://indike.org/pramana/in.med.samhita.susruta.6.27.13) yo dveṣṭi stanamatisārakāsahikkācchardībhirjvarasahitābhirardyamānaḥ/ durvarṇaḥ satatamadhaḥśayo+amlagandhistaṃ brūyurbhiṣaja ihāndhapūtanārtam// ### [6.27.14](https://indike.org/pramana/in.med.samhita.susruta.6.27.14) udvigro bhṛśamativepate prarudyāt saṃlīnaḥ ssvapiti ca yasya cāntrakūjaḥ/ visrāṅgo bhṛśamatisāryate ca yastaṃ jānīyādbhiṣagiha śītapūtanārtam// ### [6.27.15](https://indike.org/pramana/in.med.samhita.susruta.6.27.15) mlānāṅgaḥ surucirapāṇipādavaktro bahvāśī kaluṣasirāvṛtodaro yaḥ/ sodvego bhavati ca mūtratulyagandhiḥ sa jñeyaḥ śiśuriha vaktramaṇḍikārtaḥ// ### [6.27.16](https://indike.org/pramana/in.med.samhita.susruta.6.27.16) yaḥ phenaṃ vamati vinamyate ca madhye sodvegaṃ vilapati cordhvamīkṣamāṇaḥ/ jvaryeta pratatamatho vasāsagandhirniḥsaṃjño bhavati hi naigameṣajuṣṭaḥ// ### [6.27.17](https://indike.org/pramana/in.med.samhita.susruta.6.27.17) prastabdho yaḥ stanadveṣī muhyate cāviśanmuhuḥ/ taṃ bālamacirāddhanti grahaḥ saṃpūrṇalakṣaṇaḥ// ### [6.27.18](https://indike.org/pramana/in.med.samhita.susruta.6.27.18) viparītamataḥ sādhyaṃ cikitsedacirārditam/ gṛhe purāṇahaviṣā+abhyajya bālaṃ śucau śuciḥ// ### [6.27.19](https://indike.org/pramana/in.med.samhita.susruta.6.27.19) sarṣapān prakiretteṣāṃ tailairdīpaṃ† ca kārayet/ sadā sannihitaṃ cāpi juhuyāddhavyavāhanam// ### [6.27.20](https://indike.org/pramana/in.med.samhita.susruta.6.27.20) sarvagandhauṣadhībījairgandhamālyairalaṅkṛtam/ agnye kṛttikābhyaśca svāhā svāheti saṃtatam// ### [6.27.21](https://indike.org/pramana/in.med.samhita.susruta.6.27.21) namaḥ skandāya devāya grahādhipataye namaḥ/ śirasā tvā+abhivande+ahaṃ pratigṛhṇīṣva me balim/ nīrujo nirvikāraśca śiśurme jāyatāṃ drutam// ### [6.27.21\_1](https://indike.org/pramana/in.med.samhita.susruta.6.27.21_1) iti suśrutasaṃhitāyāmuttaratantrāntargate kumāratantre navagrahākṛtivijñānīyo nāma (prathamo+adhyāyaḥ, āditaḥ) saptaviṃśo+adhyāyaḥ //27// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.160.21) — Ḍalhaṇa, Sanskrit ## Linked texts (1) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.25) — Sanskrit --- Source: [https://indike.org/pramana/in.med.samhita.susruta.6.27](https://indike.org/pramana/in.med.samhita.susruta.6.27) · Pramāṇa