[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.28 # The Compendium of Suśruta 6.28: aṣṭāviṃśatitamo+adhyāyaḥ/ Suśrutasaṃhitā 6.28 - **Language:** Sanskrit ### aṣṭāviṃśatitamo+adhyāyaḥ/ ### [6.28.1](https://indike.org/pramana/in.med.samhita.susruta.6.28.1) athātaḥ skandhagrahapratiṣedhaṃ vyākhyāsyāmaḥ// ### [6.28.2](https://indike.org/pramana/in.med.samhita.susruta.6.28.2) yathovāca bhagavān dhanvantariḥ// ### [6.28.3](https://indike.org/pramana/in.med.samhita.susruta.6.28.3) skandagrahopasṛṣṭānāṃ kumārāṇāṃ praśasyate/ vātaghnadrumapatrāṇāṃ niṣkvāthaḥ pariṣecane// ### [6.28.4](https://indike.org/pramana/in.med.samhita.susruta.6.28.4) teṣāṃ mūleṣu siddhaṃ ca tailamabhyañjane hitam/ sarvagandhasurāmaṇḍakaiḍaryāvāpamiṣyate// ### [6.28.5](https://indike.org/pramana/in.med.samhita.susruta.6.28.5) devadāruṇi rāsnāyāṃ madhureṣu drumeṣu ca/ siddhaṃ sarpiśca sakṣīraṃ pānamasmai prayojayet// ### [6.28.6](https://indike.org/pramana/in.med.samhita.susruta.6.28.6) sarṣapāḥ sarpanirmoko vacā kākādanī ghṛtam/ uṣṭrājāvigavāṃ caiva romāṇyuddhūpanaṃ śiśoḥ// ### [6.28.7](https://indike.org/pramana/in.med.samhita.susruta.6.28.7) somavallīmindravallīṃ śamīṃ bilvasya kaṇṭakān/ mṛgādanyāśca mūlāni grathitānyeva dhārayet// ### [6.28.8](https://indike.org/pramana/in.med.samhita.susruta.6.28.8) raktāni mālyāni tathā patākā raktāśca gandhā vividhāśca bhakṣyāḥ/ ghaṇṭā ca devāya balirnivedyaḥ sukukkuṭaḥ skandagrahe hitāya// ### [6.28.9](https://indike.org/pramana/in.med.samhita.susruta.6.28.9) snānaṃ trirātraṃ niśi catvareṣu kuryāt puraṃ śāliyavairnavaistu/ adbhiśca gāyatryabhimantritābhiḥ prajvālanaṃ vyāhṛtibhiśca vahneḥ// ### [6.28.10](https://indike.org/pramana/in.med.samhita.susruta.6.28.10) rakṣāmataḥ pravakṣyāmi bālānāṃ pāpanāśinīm/ ahanyahani kartavyā yā bhiṣagbhiratandritaiḥ// ### [6.28.11](https://indike.org/pramana/in.med.samhita.susruta.6.28.11) tapasāṃ tejasāṃ caiva yaśasāṃ vapuṣāṃ tathā/ nidhānaṃ yo+avyayo devaḥ sa te skandaḥ prasīdatu// ### [6.28.12](https://indike.org/pramana/in.med.samhita.susruta.6.28.12) grahasenāpatirdevo devasenāpatirvibhuḥ/ devasenātipuharaḥ pātu tvāṃ bhagavān guhaḥ// ### [6.28.13](https://indike.org/pramana/in.med.samhita.susruta.6.28.13) devadevasya mahataḥ pāvakasya ca yaḥ sutaḥ/ gaṅgomākṛttikānāṃ ca sa te śarma prayacchatu// ### [6.28.14](https://indike.org/pramana/in.med.samhita.susruta.6.28.14) raktamālyāmbaraḥ śrīmān raktacandanabhūṣitaḥ/ raktadivyavapurdevaḥ pātu tvāṃ krauñcasūdanaḥ// ### [6.28.14\_1](https://indike.org/pramana/in.med.samhita.susruta.6.28.14_1) iti suśrutasaṃhitāyāmuttaratantrāntargate kumāratantre skandapratiṣedho nāmā (dvitīyo+adhyāyaḥ, ādito+)aṣṭāviṃśo+adhyāyaḥ //28// ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.40) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.83.204) — Vaṅgasena, Sanskrit --- Source: [https://indike.org/pramana/in.med.samhita.susruta.6.28](https://indike.org/pramana/in.med.samhita.susruta.6.28) · Pramāṇa