[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.29 # The Compendium of Suśruta 6.29: ekonatriṃśattamo+adhyāyaḥ/ Suśrutasaṃhitā 6.29 - **Language:** Sanskrit ### ekonatriṃśattamo+adhyāyaḥ/ ### [6.29.1](https://indike.org/pramana/in.med.samhita.susruta.6.29.1) athātaḥ skandāpasmārapratiṣedhaṃ vyākhyāsyāmaḥ// ### [6.29.2](https://indike.org/pramana/in.med.samhita.susruta.6.29.2) yathovāca bhagavān dhanvantariḥ// ### [6.29.3](https://indike.org/pramana/in.med.samhita.susruta.6.29.3) bilvaḥ śirīṣo golomī surasādiśca yo gaṇaḥ/ pariṣeke prayoktavyaḥ skandāpasmāraśāntaye// ### [6.29.4](https://indike.org/pramana/in.med.samhita.susruta.6.29.4) sarvagandhavipakvaṃ tu tailamabhyañjane hitam/ kṣīravṛkṣakaṣāye ca kākolyādau gaṇe tathā// ### [6.29.5](https://indike.org/pramana/in.med.samhita.susruta.6.29.5) vipaktavyaṃ ghṛtaṃ cāpi pānīyaṃ payasā saha/ utsādanaṃ vacāhiṅguyuktaṃ skandagrahe hitam// ### [6.29.6](https://indike.org/pramana/in.med.samhita.susruta.6.29.6) gṛdhrolūkapurīṣāṇi keśā hastinakhā ghṛtam/ vṛkṣabhasya ca romāṇi yojyānyuddhūpane+api ca// ### [6.29.7](https://indike.org/pramana/in.med.samhita.susruta.6.29.7) anantāṃ kukkuṭīṃ bimbīṃ markaṭīṃ cāpi dhārayet/ pakvāpakvāni māṃsāni prasannā rudhiraṃ payaḥ// ### [6.29.8](https://indike.org/pramana/in.med.samhita.susruta.6.29.8) bhūtaudano nivedyaśca skandāpasmāriṇe+avaṭe/ catuṣpathe ca kartavyaṃ snānamasya yatātmanā// ### [6.29.9](https://indike.org/pramana/in.med.samhita.susruta.6.29.9) skandāpasmārasaṃjño yaḥ skandasya dayitaḥ sakhā/ viśākhasaṃjñaśca śiśoḥ śivo+astu vikṛtānanaḥ// ### [6.29.9\_1](https://indike.org/pramana/in.med.samhita.susruta.6.29.9_1) iti suśrutasaṃhitāyāmuttaratantrāntargate kumāratantre skandāpasmārapratiṣedho nāma (tṛtīyo+adhyāyaḥ, āditaḥ) ekonatriṃśo+adhyāyaḥ //29// ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.50) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.83.220) — Vaṅgasena, Sanskrit --- Source: [https://indike.org/pramana/in.med.samhita.susruta.6.29](https://indike.org/pramana/in.med.samhita.susruta.6.29) · Pramāṇa