[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.2 # The Compendium of Suśruta 6.2: dvitīyo+adhyāyaḥ/ Suśrutasaṃhitā 6.2 - **Language:** Sanskrit ### dvitīyo+adhyāyaḥ/ ### [6.2.1](https://indike.org/pramana/in.med.samhita.susruta.6.2.1) athātaḥ sandhigatarogavijñānīyamadhyāyaṃ vyākhyāsyāmaḥ// ### [6.2.2](https://indike.org/pramana/in.med.samhita.susruta.6.2.2) yathovāca bhagavān dhanvantariḥ// ### [6.2.3](https://indike.org/pramana/in.med.samhita.susruta.6.2.3) pūyālasaḥ sopanāhaḥ srāvāḥ parvaṇikā+alajī/ krimigranthiśca vijñeyā rogāḥ sandhigatā nava// ### [6.2.4](https://indike.org/pramana/in.med.samhita.susruta.6.2.4) pakvaḥ śophaḥ sandhijaḥ saṃsravedyaḥ sāndraṃ pūyaṃ pūti pūyālasaḥ saḥ/ granthirnālpo dṛṣṭisandhāvapākaḥ kaṇḍūprāyo nīrujastūpanāhaḥ// ### [6.2.5](https://indike.org/pramana/in.med.samhita.susruta.6.2.5) gatvā sandhīnaśrumārgeṇa doṣāḥ kuryuḥ srāvān rugvihīnān kanīnāt/ tān vai srāvān netranāḍīmathaike tasyā liṅgaṃ kīrtayiṣye caturdhā// ### [6.2.6](https://indike.org/pramana/in.med.samhita.susruta.6.2.6) pākaḥ sandhau saṃsravedyaśca pūyaṃ pūyāsrāvo naikarūpaḥ pradiṣṭaḥ/ śvetaṃ sāndraṃ picchilaṃ saṃsravedyaḥ śleṣmāsrāvo nīrujaḥ sa pradiṣṭaḥ// ### [6.2.7](https://indike.org/pramana/in.med.samhita.susruta.6.2.7) raktāsrāvaḥ śoṇitotthaḥ saraktamuṣṇaṃ nālpaṃ saṃsravennātisāndram/ pītābhāsaṃ nīlamuṣṇaṃ jalābhaṃ pittāsrāvaḥ saṃsravet sandhimadhyāt// ### [6.2.8](https://indike.org/pramana/in.med.samhita.susruta.6.2.8) tāmrā tanvī dāhaśūlopapannā raktājjñeyā parvaṇī vṛttaśophā/ jātā sandhau kṛṣṇaśukle+alajī syāttasminneva khyāpitā pūrvaliṅgaiḥ// ### [6.2.9](https://indike.org/pramana/in.med.samhita.susruta.6.2.9) krimigranthirvartmanaḥ pakṣmaṇaśca kaṇḍūṃ kuryuḥ krimayaḥ sandhijātāḥ/ nānārūpā †vartmaśuklasya sandhau caranto+antarnayanaṃ dūṣayanti// ### [6.2.9\_1](https://indike.org/pramana/in.med.samhita.susruta.6.2.9_1) iti suśrutasaṃhitāyāmuttaratantre sandhigatarogavijñānīyo nāma dvitīyo+adhyāyaḥ //2// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.134.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.2](https://indike.org/pramana/in.med.samhita.susruta.6.2) · Pramāṇa