[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.32 # The Compendium of Suśruta 6.32: dvātriṃśattamo+adhyāyaḥ/ Suśrutasaṃhitā 6.32 - **Language:** Sanskrit ### dvātriṃśattamo+adhyāyaḥ/ ### [6.32.1](https://indike.org/pramana/in.med.samhita.susruta.6.32.1) athātaḥ pūtanāratiṣedhaṃ vyākhyāsyāmaḥ// ### [6.32.2](https://indike.org/pramana/in.med.samhita.susruta.6.32.2) yathovāca bhagavān dhanvantariḥ// ### [6.32.3](https://indike.org/pramana/in.med.samhita.susruta.6.32.3) kapotavaṅkā+araluko varuṇaḥ pāribhadrakaḥ/ āsphotā caiva yojyāḥ syurbālānāṃ pariṣecane// ### [6.32.4](https://indike.org/pramana/in.med.samhita.susruta.6.32.4) vacā vayaḥsthā golomī haritālaṃ manaḥśilā/ kuṣṭhaṃ sarjarasaścaiva tailārthe varga iṣyate// ### [6.32.5](https://indike.org/pramana/in.med.samhita.susruta.6.32.5) hitaṃ ghṛtaṃ tugākṣīryāṃ siddhaṃ madhurakeṣu ca/ kuṣṭhatālīśakhadiracandanasyandane tathā// ### [6.32.6](https://indike.org/pramana/in.med.samhita.susruta.6.32.6) devadāruvacāhiṅgukuṣṭhaṃ girikadambarakaḥ/ elā hareṇavaścāpi yojyā uddhūpane sadā// ### [6.32.7](https://indike.org/pramana/in.med.samhita.susruta.6.32.7) gandhanākulikumbhīke majjāno badarasya ca/ karkaṭāsthi ghṛtaṃ cāpi dhūpanaṃ sarṣapaiḥ saha// ### [6.32.8](https://indike.org/pramana/in.med.samhita.susruta.6.32.8) kākādanīṃ citraphalāṃ bimbīṃ guñjāṃ ca dhārayet/ matsyaudanaṃ ca kurvīta kṛśarāṃ palalaṃ tathā/ śarāvasaṃpuṭe kṛtvā baliṃ śūnyagṛhe haret// ### [6.32.9](https://indike.org/pramana/in.med.samhita.susruta.6.32.9) ucchiṣṭenābhiṣekeṇa śiśoḥ snapanamiṣyate/ pūjyā ca pūtanā devī balibhiḥ sopahārakaiḥ// ### [6.32.10](https://indike.org/pramana/in.med.samhita.susruta.6.32.10) malināmbarasaṃvītā malinā rūkṣamūrdhajā/ śūnyāgārāśritā† devī dārakaṃ pātu pūtanā// ### [6.32.11](https://indike.org/pramana/in.med.samhita.susruta.6.32.11) durdarśanā sudurgandhā karālā meghakālikā/ bhinnagārāśrayā devī dārakaṃ pātu pūtanā// ### [6.32.11\_1](https://indike.org/pramana/in.med.samhita.susruta.6.32.11_1) iti suśrutasaṃhitāyāmuttaratantrāntargate kumāratantre (ṣaṣṭho+adhyāyaḥ, āditaḥ) dvātriṃśo+adhyāyaḥ //32// ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.165.4) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani) — Cakrapāṇidatta, Sanskrit ## Linked texts (4) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.83) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.83.251) — Vaṅgasena, Sanskrit - [Vācaspatya](https://indike.org/pramana/in.darsana.advaita.vacaspatya.30.64.5) — Vācaspatimiśra, Sanskrit - [Vācaspatya](https://indike.org/pramana/in.art.kosa.vacaspatya.30.64.5) — Tārānātha Tarkavācaspati, Sanskrit --- Source: [https://indike.org/pramana/in.med.samhita.susruta.6.32](https://indike.org/pramana/in.med.samhita.susruta.6.32) · Pramāṇa