[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.34 # The Compendium of Suśruta 6.34: catustriṃśattamo+adhyāyaḥ/ Suśrutasaṃhitā 6.34 - **Language:** Sanskrit ### catustriṃśattamo+adhyāyaḥ/ ### [6.34.1](https://indike.org/pramana/in.med.samhita.susruta.6.34.1) athātaḥ śītapūtanāpratiṣedhaṃ vyākhyāsyāmaḥ// ### [6.34.2](https://indike.org/pramana/in.med.samhita.susruta.6.34.2) yathovāca bhagavān dhanvantariḥ// ### [6.34.3](https://indike.org/pramana/in.med.samhita.susruta.6.34.3) kapitthaṃ suvahāṃ bimbīṃ tathā bilvaṃ pracībalam/ nandīṃ bhallātakaṃ cāpi pariṣeke prayojayet// ### [6.34.4](https://indike.org/pramana/in.med.samhita.susruta.6.34.4) bastamūtraṃ gavāṃ mūtraṃ mustaṃ ca suradāru ca/ kuṣṭhaṃ ca sarvagandhāṃśca tailārthamavacārayet// ### [6.34.5](https://indike.org/pramana/in.med.samhita.susruta.6.34.5) rohiṇīsarjakhadirapalāśakakubhatvacaḥ/ niṣkvāthya tasminniṣkvāthe sakṣīraṃ vipacedghṛtam// ### [6.34.6](https://indike.org/pramana/in.med.samhita.susruta.6.34.6) gṛdhrolūkapurīṣāṇi bastagandhāmahestvacaḥ/ nimbapatrāṇi madhukaṃ dhūpanārthaṃ prayojayet// ### [6.34.7](https://indike.org/pramana/in.med.samhita.susruta.6.34.7) dhārayedapi lambāṃ ca guñjāṃ kākādanīṃ tathā/ nadyāṃ mudgakṛtaiścānnaistarpayecchītapūtanām// ### [6.34.8](https://indike.org/pramana/in.med.samhita.susruta.6.34.8) devyai deyaścopahāro vāruṇī rudhiraṃ tathā/ jalāśayānte bālasya snapanaṃ copadiśyate// ### [6.34.9](https://indike.org/pramana/in.med.samhita.susruta.6.34.9) mudgaudanāśanā devī surāśoṇitapāyinī/ jalāśayālayā devī pātu tvāṃ śītapūtanā// ### [6.34.9\_1](https://indike.org/pramana/in.med.samhita.susruta.6.34.9_1) iti suśrutasaṃhitāyāmuttaratantrāntargate kumāratantre śītapūtanāpratiṣedho nāma (aṣṭamo+adhyāyaḥ, āditaḥ) catustriṃśo+adhyāyaḥ //34// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.166.9) — Ḍalhaṇa, Sanskrit ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.98) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.83.275) — Vaṅgasena, Sanskrit --- Source: [https://indike.org/pramana/in.med.samhita.susruta.6.34](https://indike.org/pramana/in.med.samhita.susruta.6.34) · Pramāṇa