[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.35 # The Compendium of Suśruta 6.35: pañcatriṃśattamo+adhyāyaḥ/ Suśrutasaṃhitā 6.35 - **Language:** Sanskrit ### pañcatriṃśattamo+adhyāyaḥ/ ### [6.35.1](https://indike.org/pramana/in.med.samhita.susruta.6.35.1) athāto mukhamaṇḍikāpratiṣedhaṃ vyākhyāsyāmaḥ// ### [6.35.2](https://indike.org/pramana/in.med.samhita.susruta.6.35.2) yathovāca bhagavān dhanvantariḥ// ### [6.35.3](https://indike.org/pramana/in.med.samhita.susruta.6.35.3) kapitthabilvatarkārīvāṃśīgandharvahastakāḥ/ kuberākṣī ca yojyāḥ syurbālānāṃ pariṣecane// ### [6.35.4](https://indike.org/pramana/in.med.samhita.susruta.6.35.4) svarasairbhṛṅgavṛkṣāṇāṃ† tathā+ajaharigandhayoḥ/ tailaṃ vasāṃ ca saṃyojya pacedabhyañjane śiśoḥ// ### [6.35.5](https://indike.org/pramana/in.med.samhita.susruta.6.35.5) madhūlikāyāṃ payasi tugākṣīryāṃ gaṇe tathā/ madhure pañcamūle ca kanīyasi ghṛtaṃ pacet// ### [6.35.6](https://indike.org/pramana/in.med.samhita.susruta.6.35.6) vacā sarjarasaḥ kuṣṭhaṃ sarpiścoddhūpanaṃ hitam/ dhārayedapi jihvāśca cāṣacīrallisarpajāḥ// ### [6.35.7](https://indike.org/pramana/in.med.samhita.susruta.6.35.7) varṇakaṃ cūrṇakaṃ mālyamañjanaṃ pāradaṃ tathā/ manaḥśilāṃ copaharedgoṣṭhamadhye baliṃ tathā// ### [6.35.8](https://indike.org/pramana/in.med.samhita.susruta.6.35.8) pāyasaṃ sapuroḍāśaṃ balyarthamupasaṃharet/ mantrapūtābhiradbhiśca tatraiva snapanaṃ hitam// ### [6.35.9](https://indike.org/pramana/in.med.samhita.susruta.6.35.9) alaṅkṛtā rūpavatī subhagā kāmarūpiṇī/ goṣṭhamadhyālayaratā pātu tvāṃ mukhamaṇḍikā// ### [6.35.9\_1](https://indike.org/pramana/in.med.samhita.susruta.6.35.9_1) iti suśrutasaṃhitāyāmuttaratantrāntargate kumāratantre mukhamaṇḍikāpratiṣedho nāma (navamo+adhyāyaḥ, āditaḥ) pañcatriṃśattamo+adhyāyaḥ //35// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.168.9) — Ḍalhaṇa, Sanskrit ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.104) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.83.283) — Vaṅgasena, Sanskrit --- Source: [https://indike.org/pramana/in.med.samhita.susruta.6.35](https://indike.org/pramana/in.med.samhita.susruta.6.35) · Pramāṇa