[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.36 # The Compendium of Suśruta 6.36: ṣaṭtriṃśattamo+adhyāyaḥ/ Suśrutasaṃhitā 6.36 - **Language:** Sanskrit ### ṣaṭtriṃśattamo+adhyāyaḥ/ ### [6.36.1](https://indike.org/pramana/in.med.samhita.susruta.6.36.1) athāto naigameṣapratiṣedhaṃ vyākhyāsyāmaḥ// ### [6.36.2](https://indike.org/pramana/in.med.samhita.susruta.6.36.2) yathovāca bhagavān dhanvantariḥ// ### [6.36.3](https://indike.org/pramana/in.med.samhita.susruta.6.36.3) bilvāgnimanthapūtīkāḥ kāryāḥ syuḥ pariṣecane/ surā sabījaṃ dhānyāmlaṃ pariṣeke ca śasyate// ### [6.36.4](https://indike.org/pramana/in.med.samhita.susruta.6.36.4) priyaṅgusaralānantāśatapuṣpākuṭannaṭaiḥ/ pacettailaṃ sagomūtrairdadhimastvamlakāñjikaiḥ// ### [6.36.5](https://indike.org/pramana/in.med.samhita.susruta.6.36.5) pañcamūladvayakvāthe kṣīre madhurakeṣu ca/ pacedghṛtaṃ ca medhāvī kharjūrīmastake+api vā// ### [6.36.6](https://indike.org/pramana/in.med.samhita.susruta.6.36.6) vacāṃ vayaḥsthāṃ golomīṃ jaṭilāṃ cāpi dhārayet/ utsādanaṃ hitaṃ cātra skandāpasmāranāśanam// ### [6.36.7](https://indike.org/pramana/in.med.samhita.susruta.6.36.7) siddhārthakavacāhiṅgukuṣṭhaṃ caivākṣataiḥ saha/ bhallātakājamodāśca hitamuddhūpanaṃ śiśoḥ// ### [6.36.8](https://indike.org/pramana/in.med.samhita.susruta.6.36.8) markaṭolūkagṛdhrāṇāṃ purīṣāṇi navagrahe/ dhūpaḥ supte jane kāryo bālasya hitamicchatā// ### [6.36.9](https://indike.org/pramana/in.med.samhita.susruta.6.36.9) tilataṇḍulakaṃ mālyaṃ bhakṣyāṃśca vividhānapi/ kumārapitṛmeṣāya vṛkṣamūle nivedayet// ### [6.36.10](https://indike.org/pramana/in.med.samhita.susruta.6.36.10) adhastādvaṭavṛkṣasya snapanaṃ copadiśyate/ baliṃ nyagrodhavṛkṣeṣu tithau ṣaṣṭhyāṃ nivedayet// ### [6.36.11](https://indike.org/pramana/in.med.samhita.susruta.6.36.11) ajānanaścalākṣibhrūḥ kāmarūpī mahāyaśāḥ/ bālaṃ bālapitā devo naigameṣo+abhirakṣatu// ### [6.36.11\_1](https://indike.org/pramana/in.med.samhita.susruta.6.36.11_1) iti suśrutasaṃhitāyāmuttaratantrāntargate kumāratantre naigameṣapratiṣedho nāma (daśamo+adhyāyaḥ, āditaḥ) ṣaṭtriṃśo+adhyāyaḥ //36// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.169.2) — Ḍalhaṇa, Sanskrit ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.28.111) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.83.261-2) — Vaṅgasena, Sanskrit --- Source: [https://indike.org/pramana/in.med.samhita.susruta.6.36](https://indike.org/pramana/in.med.samhita.susruta.6.36) · Pramāṇa