[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.37 # The Compendium of Suśruta 6.37: saptatriṃśattamo+adhyāyaḥ/ Suśrutasaṃhitā 6.37 - **Language:** Sanskrit ### saptatriṃśattamo+adhyāyaḥ/ ### [6.37.1](https://indike.org/pramana/in.med.samhita.susruta.6.37.1) athāto grahotpattimadhyāyaṃ vyākhyāsyāmaḥ// ### [6.37.2](https://indike.org/pramana/in.med.samhita.susruta.6.37.2) yathovāca bhagavān dhanvantariḥ// ### [6.37.3](https://indike.org/pramana/in.med.samhita.susruta.6.37.3) nava skandādayaḥ proktā bālānāṃ ya ime grahāḥ/ śrīmanto divyavapuṣo nārīpuruṣavigrahāḥ// ### [6.37.4](https://indike.org/pramana/in.med.samhita.susruta.6.37.4) ete guhasya rakṣārthaṃ kṛttikomāgniśūlibhiḥ/ sṛṣṭāḥ śaravaṇasthasya rakṣitasyātmatejasā// ### [6.37.5](https://indike.org/pramana/in.med.samhita.susruta.6.37.5) strīvigrahā grahā ye tu nānārūpā mayeritāḥ/ gaṅgomākṛttikānāṃ te bhāgā rājasatāmasāḥ// ### [6.37.6](https://indike.org/pramana/in.med.samhita.susruta.6.37.6) naigameṣastu pārvatyā sṛṣṭo meṣānano grahaḥ/ kumāradhārī devasya guhasyātmasamaḥ sakhā// ### [6.37.7](https://indike.org/pramana/in.med.samhita.susruta.6.37.7) skandāpasmārasaṃjño yaḥ so+agninā+agnisamadyutiḥ/ sa ca skandasakhā nāma viśākha iti cocyate// ### [6.37.8](https://indike.org/pramana/in.med.samhita.susruta.6.37.8) skandaḥ sṛṣṭo bhagavatā devena tripurāriṇā/ bibharti cāparāṃ saṃjñāṃ kumāra iti sa grahaḥ// ### [6.37.9](https://indike.org/pramana/in.med.samhita.susruta.6.37.9) bālalīlādharo yo+ayaṃ devo rudrāgnisṃbhavaḥ/ mithyācāreṣu† bhagavān svayaṃ naiṣa pravartate// ### [6.37.10](https://indike.org/pramana/in.med.samhita.susruta.6.37.10) kumāraḥ skandasāmānyādatra kecidapaṇḍitāḥ/ gṛhṇātītyalpavijñānā bruvate dehacintakāḥ// ### [6.37.11](https://indike.org/pramana/in.med.samhita.susruta.6.37.11) tato bhagavati skande surasenāpatau kṛte/ upatasthurgrahāḥ sarve dīptaśaktidharaṃ guham// ### [6.37.12](https://indike.org/pramana/in.med.samhita.susruta.6.37.12) ūcuḥ prāñjalayaścainaṃ vṛttiṃ naḥ saṃvidhatsva vai/ teṣāmarthe tataḥ skandaḥ śivaṃ devamacodayat// ### [6.37.13](https://indike.org/pramana/in.med.samhita.susruta.6.37.13) tato grahāṃstānuvāca bhagavān bhaganetrahṛt/ tiryagyoniṃ mānuṣaṃ ca tritayaṃ jagat// ### [6.37.14](https://indike.org/pramana/in.med.samhita.susruta.6.37.14) parasparopakāreṇa vartate dhāryate+api ca/ devā manuṣyān prīṇanti tairyagyonīṃstathaiva ca// ### [6.37.15](https://indike.org/pramana/in.med.samhita.susruta.6.37.15) vartamānairyathākālaṃ śītavarṣoṣṇamārutaiḥ/ ijyāñjalinamaskārajapahomavratādibhiḥ// ### [6.37.16](https://indike.org/pramana/in.med.samhita.susruta.6.37.16) narāḥ samyak prayuktaiśca prīṇanti tridiveśvarān/ bhāgadheyaṃ vibhaktaṃ ca śeṣaṃ kiñcinna vidyate// ### [6.37.17](https://indike.org/pramana/in.med.samhita.susruta.6.37.17) tadyuṣmākaṃ śubhā vṛttirbāleṣveva bhaviṣyati/ kuleṣu yeṣu nejyante devāḥ pitara eva ca// ### [6.37.18](https://indike.org/pramana/in.med.samhita.susruta.6.37.18) brāhmaṇāḥ sādhavaścaiva guravo+atithayastathā/ nivṛttācāraśauceṣu parapākopajīviṣu// ### [6.37.19](https://indike.org/pramana/in.med.samhita.susruta.6.37.19) utsannabalibhikṣeṣu bhinnakāṃsyopabhojiṣu/ gṛheṣu teṣu ye bālāstān gṛhṇīdhvamaśaṅkitāḥ// ### [6.37.20](https://indike.org/pramana/in.med.samhita.susruta.6.37.20) tatra vo vipulā vṛttiḥ pūjā caiva bhaviṣyati/ evaṃ grahāḥ samutpannā bālān gṛhṇanti cāpyataḥ// ### [6.37.21](https://indike.org/pramana/in.med.samhita.susruta.6.37.21) grahopasṛṣṭā bālāstu duścikitsyatamā matāḥ/ vaikalyaṃ maraṇaṃ cāpi dhruvaṃ skandagrahe matam// ### [6.37.22](https://indike.org/pramana/in.med.samhita.susruta.6.37.22) skandagraho+atyugratamaḥ sarveṣveva yataḥ smṛtaḥ/ anyo vā sarvarūpastu na sādhyo graha ucyate// ### [6.37.22\_1](https://indike.org/pramana/in.med.samhita.susruta.6.37.22_1) iti suśrutasaṃhitāyāmuttaratantrāntargate kumāratantre grahotpattyadhyāyo nāma (ekādaśo+adhyāyaḥ, āditaḥ) saptatriṃśattamo+adhyāyaḥ //37// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.170.7) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.37](https://indike.org/pramana/in.med.samhita.susruta.6.37) · Pramāṇa