[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.38 # The Compendium of Suśruta 6.38: aṣṭatriṃśattamo+adhyāyaḥ/ Suśrutasaṃhitā 6.38 - **Language:** Sanskrit ### aṣṭatriṃśattamo+adhyāyaḥ/ ### [6.38.1](https://indike.org/pramana/in.med.samhita.susruta.6.38.1) athāto yonivyāpatpratiṣedhaṃ vyākhyāsyāmaḥ// ### [6.38.2](https://indike.org/pramana/in.med.samhita.susruta.6.38.2) yathovāca bhagavān dhanvantariḥ// ### [6.38.3](https://indike.org/pramana/in.med.samhita.susruta.6.38.3) pravṛddhaliṅgaṃ puruṣaṃ yā+atyarthamupasevate/ rūkṣadurbalabālā yā tasyā vāyuḥ prakupyati// ### [6.38.4](https://indike.org/pramana/in.med.samhita.susruta.6.38.4) sa duṣṭo yonimāsādya yonirogāya kalpate/ trayāṇāmapi doṣāṇāṃ yathāsvaṃ lakṣaṇena tu// ### [6.38.5](https://indike.org/pramana/in.med.samhita.susruta.6.38.5) viṃśatirvyāpado yonernirdiṣṭā rogasaṃgrahe/ mithyācāreṇa yāḥ strīṇāṃ praduṣṭenārtavena ca// ### [6.38.6](https://indike.org/pramana/in.med.samhita.susruta.6.38.6) jāyante bījadoṣācca daivācca śṛṇu tāḥ pṛthak/ udāvartā tathā vandhyā viplutā ca pariplutā// ### [6.38.7](https://indike.org/pramana/in.med.samhita.susruta.6.38.7) vātalā ceti vātotthāḥ pittotthā rudhirakṣarā/ vāminī snāṃsinī cāpi putraghnī pittalā ca yā// ### [6.38.8](https://indike.org/pramana/in.med.samhita.susruta.6.38.8) atyānandā ca yā yoniḥ karṇinī caraṇādvayam†/ śleṣmalā† ca kaphājjñeyā ṣaṇḍākhyā phalinī tathā// ### [6.38.9](https://indike.org/pramana/in.med.samhita.susruta.6.38.9) †mahatī sūcivaktrā ca sarvajeti tridoṣajā/ saphenilamudāvartā rajaḥ kṛcchreṇa muñcati// ### [6.38.10](https://indike.org/pramana/in.med.samhita.susruta.6.38.10) vandhyāṃ naṣṭārtavāṃ vidyādviplutāṃ nityavedanām/ pariplutāyāṃ bhavati grāmyadharme rujā bhṛśam// ### [6.38.11](https://indike.org/pramana/in.med.samhita.susruta.6.38.11) vātalā karkaśā stabdhā śūlanistodapīḍitā/ catasṛṣvapi cādyāsu bhavantyanilavedanāḥ// ### [6.38.12](https://indike.org/pramana/in.med.samhita.susruta.6.38.12) sadāhaṃ prakṣaratyasraṃ yasyāṃ sā lohitakṣarā/ savātamudgiredbījaṃ vāminī rajasā yutam// ### [6.38.13](https://indike.org/pramana/in.med.samhita.susruta.6.38.13) prasraṃsinī syandate tu kṣobhitā duḥprasūśca yā/ sthitaṃ sthitaṃ hanti garbhaṃ putraghnī raktasaṃsravāt// ### [6.38.14](https://indike.org/pramana/in.med.samhita.susruta.6.38.14) atyarthaṃ pittalā yonirdāhapākajvarānvitā/ catasṛṣvapi cādyāsu pittaliṅgocchrayo bhavet// ### [6.38.15](https://indike.org/pramana/in.med.samhita.susruta.6.38.15) atyānandā na santoṣaṃ grāmyadharmeṇa gacchati/ karṇinyāṃ karṇikā yonau śleṣmāsṛgbhyāṃ prajāyate// ### [6.38.16](https://indike.org/pramana/in.med.samhita.susruta.6.38.16) maithune+acaraṇā† pūrvaṃ puruṣādatiricyate/ bahuśaścāticaraṇādanyā bījaṃ na vindati// ### [6.38.17](https://indike.org/pramana/in.med.samhita.susruta.6.38.17) śleṣmalā picchilā yoniḥ kaṇḍūyuktā+atiśītalā/ catasṛṣvapi cādyāsu śleṣmaliṅgocchritirbhavet// ### [6.38.18](https://indike.org/pramana/in.med.samhita.susruta.6.38.18) anārtavastanā ṣaṇḍī kharasparśā ca maithune/ atikāyagṛhītāyāstaruṇyāḥ phalinī bhavet// ### [6.38.19](https://indike.org/pramana/in.med.samhita.susruta.6.38.19) vivṛtā+atimahāyoniḥ sūcīvaktrā+atisaṃvṛtā/ sarvaliṅgasamutthānā sarvadoṣaprakopajā// ### [6.38.20](https://indike.org/pramana/in.med.samhita.susruta.6.38.20) catasṛṣvapi cādyāsu sarvaliṅgocchritirbhavet/ pañcāsādhyā bhavantīmā yonayaḥ sarvadoṣajāḥ// ### [6.38.21](https://indike.org/pramana/in.med.samhita.susruta.6.38.21) pratidoṣaṃ tu sādhyāsu snehādikrama iṣyate/ dadyāduttarabastīṃśca viśeṣeṇa yathoditān// ### [6.38.22](https://indike.org/pramana/in.med.samhita.susruta.6.38.22) karkaśāṃ śītalāṃ stabdhāmalpasparśāṃ ca maithune/ kumbhīsvedairupacaret sānūpaudakasṃayutaiḥ// ### [6.38.23](https://indike.org/pramana/in.med.samhita.susruta.6.38.23) madhurauṣadhasaṃyuktān veśavārāṃśca yoniṣu/ nikṣipeddhārayeccāpi picutailamatandritaḥ// ### [6.38.24](https://indike.org/pramana/in.med.samhita.susruta.6.38.24) dhāvanāni ca pathyāni kurvītāpūraṇāni ca/ oṣacoṣānvitāsūktaṃ kuryācchītaṃ vidhiṃ bhiṣak// ### [6.38.25](https://indike.org/pramana/in.med.samhita.susruta.6.38.25) durgandhāṃ picchilāṃ cāpi cūrṇaiḥ pañcakaṣāyajaiḥ/ pūrayedrājavṛkṣādikaṣāyaiścāpi dhāvanam// ### [6.38.26](https://indike.org/pramana/in.med.samhita.susruta.6.38.26) yonyāṃ tu pūyasrāviṇyāṃ śodhanadravyasaṃbhṛtaiḥ/ sagomūtraiḥ salavaṇaiḥ śodhanaṃ hitamiṣyate†// ### [6.38.27](https://indike.org/pramana/in.med.samhita.susruta.6.38.27) bṛhatīphalakalkasya dviharidrāyutasya ca/ kaṇḍūmatīmalpasparśāṃ pūrayeddhūpayettathā// ### [6.38.28](https://indike.org/pramana/in.med.samhita.susruta.6.38.28) vartiṃ pradadyāt karṇinyāṃ śodhanadravyasaṃbhṛtām/ prasraṃsinīṃ ghṛtābhyāktāṃ kṣīrasvinnāṃ praveśayet// ### [6.38.29](https://indike.org/pramana/in.med.samhita.susruta.6.38.29) pidhāya veśavāreṇa tato bandhaṃ samācaret/ pratidoṣaṃ vidadhyācca surāriṣṭāsavān bhiṣak// ### [6.38.30](https://indike.org/pramana/in.med.samhita.susruta.6.38.30) prātaḥ prātarniṣeveta rasonāduddhṛtaṃ rasam/ kṣīramāṃsarasaprāyamāhāraṃ vidadhīta ca// ### [6.38.31](https://indike.org/pramana/in.med.samhita.susruta.6.38.31) śukrārtavādayo doṣāḥ stanarogāśca kīrtitāḥ/ klaibyasthānāni† mūḍhasya garbhasya vidhireva ca// ### [6.38.32](https://indike.org/pramana/in.med.samhita.susruta.6.38.32) garbhiṇīpratirogeṣu cikitsā cāpyudāhṛtā/ sarvathā tāṃ prayuñjīta yonivyāpatsu buddhimān/ apaprajātārogāṃśca cikitseduttarādbhiṣak// ### [6.38.32\_1](https://indike.org/pramana/in.med.samhita.susruta.6.38.32_1) iti suśrutasaṃhitāyāmuttaratantrāntargate kumāratantre yonivyāpatpratiṣedho nāma (dvādaśo+adhyāyaḥ, ādito+)aṣṭatriṃśattamo+adhyāyaḥ//38// ### [6.38.32\_2](https://indike.org/pramana/in.med.samhita.susruta.6.38.32_2) uttaratantre dvitīyaṃ kaumāratantraṃ samāptam //2// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.171.2) — Ḍalhaṇa, Sanskrit ## Linked texts (3) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.67.1) — Mādhavakara, Sanskrit - [Mādhavacikitsā](https://indike.org/pramana/in.med.nidana.madhavacikitsa.74.1) — Mādhava Bhaṭṭa, Sanskrit - [Vīrasiṃha](https://indike.org/pramana/in.med.sangraha.karmavipaka.virasimha.31.p4) — Bhoja, Sanskrit --- Source: [https://indike.org/pramana/in.med.samhita.susruta.6.38](https://indike.org/pramana/in.med.samhita.susruta.6.38) · Pramāṇa