[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.43 # The Compendium of Suśruta 6.43: tricatvāriṃśattamo+adhyāyaḥ/ Suśrutasaṃhitā 6.43 - **Language:** Sanskrit ### tricatvāriṃśattamo+adhyāyaḥ/ ### [6.43.1](https://indike.org/pramana/in.med.samhita.susruta.6.43.1) athāto hṛdrogapratiṣedhaṃ vyākhyāsyāmaḥ// ### [6.43.2](https://indike.org/pramana/in.med.samhita.susruta.6.43.2) yathovāca bhagavān dhanvantariḥ// ### [6.43.3](https://indike.org/pramana/in.med.samhita.susruta.6.43.3) vegāghātoṣṇarūkṣānnairatimātropasevitaiḥ/ viruddhādhyaśanājīrṇairasātmyaiścāpi(cāti) bhojanaiḥ// ### [6.43.4](https://indike.org/pramana/in.med.samhita.susruta.6.43.4) dūṣayitvā rasaṃ doṣā viguṇā hṛdayaṃ gatāḥ/ kurvanti hṛdaye bādhāṃ hṛdrogaṃ taṃ pracakṣate// ### [6.43.5](https://indike.org/pramana/in.med.samhita.susruta.6.43.5) caturvidhaḥ sa doṣaiḥ syāt kṛmibhiśca† pṛthak pṛthak/ lakṣaṇaṃ tasya vakṣyāmi cikitsitamanantaram// ### [6.43.6](https://indike.org/pramana/in.med.samhita.susruta.6.43.6) āyamyate mārutaje hṛdayaṃ †tudyate tathā/ nirmathyate dīryate ca sphoṭyate pāṭyate+api ca// ### [6.43.7](https://indike.org/pramana/in.med.samhita.susruta.6.43.7) tṛṣṇoṣādāhacoṣāḥ syuḥ paittike hṛdayaklamaḥ/ dhūmāyanaṃ ca mūrcchā ca svedaḥ śoṣo mukhasya ca// ### [6.43.8](https://indike.org/pramana/in.med.samhita.susruta.6.43.8) gauravaṃ kaphasaṃsrāvo+aruciḥ stambho+agnimārdavam/ mādhuryamapi cā++āsyasya balāsāvatate hṛdi// ### [6.43.9](https://indike.org/pramana/in.med.samhita.susruta.6.43.9) utkleśaḥ ṣṭhīvanaṃ todaḥ śūlo hṛllāsakastamaḥ/ aruciḥ śyāvnetratvaṃ śoṣaśca kṛmije bhavet// ### [6.43.10](https://indike.org/pramana/in.med.samhita.susruta.6.43.10) bhramaklamau sādaśoṣau jñeyāsteṣāmupadravāḥ/ kṛmije kṛmijātīnāṃ ślaiṣmikāṇāṃ ca ye matāḥ// ### [6.43.11](https://indike.org/pramana/in.med.samhita.susruta.6.43.11) vātopasṛṣṭe hṛdaye vāmayet snigdhamāturam/ dvipañcamūlakvāthena sasnehalavaṇena tu// ### [6.43.12](https://indike.org/pramana/in.med.samhita.susruta.6.43.12) pippalyelāvacāhiṅguyavabhasmāni saindhavam/ sauvarcalamatho śuṇṭhīmajamodāṃ ca cūrṇitam// ### [6.43.13](https://indike.org/pramana/in.med.samhita.susruta.6.43.13) phaladhānyāmlakaulatthadadhimadyāsavādibhiḥ/ pāyayeta viśuddhaṃ ca snehenānyatamena vā// ### [6.43.14](https://indike.org/pramana/in.med.samhita.susruta.6.43.14) bhojayejjīrṇaśālyannaṃ jāṅgalaiḥ saghṛtai rasaiḥ/ vātaghnasiddhaṃ tailaṃ ca dadyādbastiṃ pramāṇataḥ// ### [6.43.15](https://indike.org/pramana/in.med.samhita.susruta.6.43.15) śrīparṇīmadhukakṣaudrasitotpalajalairvamet/ pittopasṛṣṭe hṛdaye seveta madhuraiḥ śṛtam// ### [6.43.16](https://indike.org/pramana/in.med.samhita.susruta.6.43.16) ghṛtaṃ kaṣāyāṃścoddiṣṭān pittajvaravināśanān/ tṛptasya ca rasairmukhyairmadhuraiḥ† saghṛtairbhiṣak// ### [6.43.17](https://indike.org/pramana/in.med.samhita.susruta.6.43.17) sakṣaudraṃ †vitaredbastau tailaṃ madhukasādhitam/ vacānimbakaṣāyābhyāṃ vāntaṃ hṛdi kaphātmake// ### [6.43.18](https://indike.org/pramana/in.med.samhita.susruta.6.43.18) cūrṇaṃ tu pāyayetoktaṃ vātaje bhojayecca† tam/ phalādimatha mustādiṃ triphalāṃ vā pibennaraḥ// ### [6.43.19](https://indike.org/pramana/in.med.samhita.susruta.6.43.19) śyāmātrivṛtkalkayutaṃ ghṛtaṃ vā+api virecanam/ †balātailairvidadhyācca bastiṃ bastiviśāradaḥ// ### [6.43.20](https://indike.org/pramana/in.med.samhita.susruta.6.43.20) kṛmihṛdrogiṇaṃ snigdhaṃ bhojayet piśitaudanam/ dadhnā ca palalopetaṃ tryahaṃ paścādvirecayet// ### [6.43.21](https://indike.org/pramana/in.med.samhita.susruta.6.43.21) sugandhibhiḥ salavaṇairyogaiḥ sājājiśarkaraiḥ/ viḍaṅgagāḍhaṃ dhānyāmlaṃ pāyayetāpyanantaram// ### [6.43.22](https://indike.org/pramana/in.med.samhita.susruta.6.43.22) hṛdayasthāḥ patantyevamadhastāt krimayo nṛṇām/ yavānnaṃ vitareccāsya saviḍaṅgamataḥ param// ### [6.43.22\_1](https://indike.org/pramana/in.med.samhita.susruta.6.43.22_1) iti suśrutasaṃhitāyāmuttaratantrāntargate kāyacikitsātantre hṛdrogapratiṣedho nāma (pañcamo+adhyāyaḥ, āditaḥ) tricatvāriṃśo+adhyāyaḥ //43// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.177.2) — Ḍalhaṇa, Sanskrit ## Linked texts (1) - [Yogaratnākara (Mayūrapāda Bhikṣu)](https://indike.org/pramana/in.med.yoga.yogaratnakara-mayurapada-bhiksu.233.1-2) — Mayūrapāda Bhikṣu 1700, Sanskrit --- Source: [https://indike.org/pramana/in.med.samhita.susruta.6.43](https://indike.org/pramana/in.med.samhita.susruta.6.43) · Pramāṇa