[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.44 # The Compendium of Suśruta 6.44: catuścatvāriṃśattamo+adhyāyaḥ/ Suśrutasaṃhitā 6.44 - **Language:** Sanskrit ### catuścatvāriṃśattamo+adhyāyaḥ/ ### [6.44.1](https://indike.org/pramana/in.med.samhita.susruta.6.44.1) athātaḥ pāṇḍurogapratiṣedhaṃ vyākhyāsyāmaḥ// ### [6.44.2](https://indike.org/pramana/in.med.samhita.susruta.6.44.2) yathovāca bhagavān dhanvandariḥ// ### [6.44.3](https://indike.org/pramana/in.med.samhita.susruta.6.44.3) vyavāyamamlaṃ lavaṇāni madyaṃ mṛdaṃ divāsvapnamatīva tīkṣṇam/ niṣevamāṇasya vidūṣya raktaṃ kurvanti doṣāstvaci pāṇḍubhāvam// ### [6.44.4](https://indike.org/pramana/in.med.samhita.susruta.6.44.4) pāṇḍvāmayo+aṣṭārdhavidhaḥ pradiṣṭaḥ pṛthaksamastairyugapacca doṣaiḥ/ sarveṣu caiteṣviha pāṇḍubhāvo yato+adhiko+ataḥ khalu pāṇḍurogaḥ// ### [6.44.5](https://indike.org/pramana/in.med.samhita.susruta.6.44.5) tvaksphoṭanaṃ ṣṭhīvanagātrasādau mṛdbhakṣaṇaṃ prekṣaṇakūṭaśothaḥ/ viṇmūtrapītatvamathāvipāko bhaviṣyatastasya puraḥsarāṇi// ### [6.44.6](https://indike.org/pramana/in.med.samhita.susruta.6.44.6) sa kāmalāpānakipāṇḍurogaḥ kumbhāhvayo lāgharako(lāghavako)+alasākhyaḥ/ vibhāṣyate lakṣaṇamasya kṛtsnaṃ nibodha vakṣyāmyanupūrvaśastat†// ### [6.44.7](https://indike.org/pramana/in.med.samhita.susruta.6.44.7) kṛṣṇekṣaṇaṃ kṛṣṇasirāvanaddhaṃ tadvarṇaviṇmūtranakhānanaṃ ca/ vātena pāṇḍuṃ manujaṃ vyavasyedyuktaṃ tathā+anyaistadupadravaiśca// ### [6.44.8](https://indike.org/pramana/in.med.samhita.susruta.6.44.8) pītekṣaṇaṃ pītasirāvanaddhaṃ tadvarṇaviṇmūtranakhānanaṃ ca/ pittena pāṇḍuṃ manujaṃ vyavasyedyuktaṃ tathā+anyaistadupadravaiśca// ### [6.44.9](https://indike.org/pramana/in.med.samhita.susruta.6.44.9) śuklekṣaṇaṃ śuklasirāvanaddhaṃ tadvarṇaviṇmūtranakhānanaṃ ca/ kaphena pāṇḍuṃ manujaṃ vyavasyedyuktaṃ tathā+anyaistadupadravaiśca// ### [6.44.10](https://indike.org/pramana/in.med.samhita.susruta.6.44.10) sarvātmake sarvamidaṃ vyavasyed vakṣyāmi liṅgānyatha kāmalāyāḥ/ yo hyāmayānte sahasā+annamamlamadyādapathyāni ca tasya pittam// ### [6.44.11](https://indike.org/pramana/in.med.samhita.susruta.6.44.11) karoti pāṇḍuṃ vadanaṃ viśeṣāt †pūrveritau tandribalakṣayau ca/ bhedastu tasyāḥ khalu kumbhasāhvaḥ śopho mahāṃstatra ca parvabhedaḥ// ### [6.44.12](https://indike.org/pramana/in.med.samhita.susruta.6.44.12) jvarāṅgamardabhramasādatandrākṣayānvito lāgharako(lāghavako)+alasākhyaḥ/ taṃ †vātapittāddharipītanīlaṃ halīmakaṃ nāma vadanti tajjñāḥ// ### [6.44.13](https://indike.org/pramana/in.med.samhita.susruta.6.44.13) upadravāsteṣvaruciḥ pipāsā chardirjvaro mūrdharujā+agnisādaḥ/ śophastathā kaṇṭhagato+abalatvaṃ mūrcchā klamo hṛdyavapīḍanaṃ ca// ### [6.44.14](https://indike.org/pramana/in.med.samhita.susruta.6.44.14) sādhyaṃ tu pāṇḍvāmayinaṃ samīkṣya snigdhaṃ ghṛtenordhvamadhaśca śuddham/ saṃpādayet kṣaudraghṛtapragāḍhairharītakīcūrṇayutaiḥ prayogaiḥ// ### [6.44.15](https://indike.org/pramana/in.med.samhita.susruta.6.44.15) pibedghṛtaṃ vā rajanīvipakvaṃ yantraiphalaṃ tailvakameva vā+api/ virecanadravyakṛtaṃ pibedvā yogāṃśca vairecanidān ghṛtena// ### [6.44.16](https://indike.org/pramana/in.med.samhita.susruta.6.44.16) mūtre nikumbhārdhapalaṃ vipācya pibedabhīkṣṇaṃ kuḍavārdhamātram/ khādedguḍaṃ vā+apyabhayāvipakvamāragvadhādikvathitaṃ† pibedvā// ### [6.44.17](https://indike.org/pramana/in.med.samhita.susruta.6.44.17) ayorajovyoṣaviḍaṅgacūrṇaṃ lihyāddharidrāṃ triphalānvitāṃ vā/ sarpirmadhubhyāṃ vidadhīta vā+api śāstrapradeśābhihitāṃśca yogān// ### [6.44.18](https://indike.org/pramana/in.med.samhita.susruta.6.44.18) ahrecca doṣān bahuśo+alpamātrān śvayeddhi doṣeṣvatinirhṛteṣu/ dhātrīphalānāṃ rasamikṣujaṃ ca manthaṃ pibet kṣaudrayutaṃ hitāśī// ### [6.44.19](https://indike.org/pramana/in.med.samhita.susruta.6.44.19) ubhe bṛhatyau rajanīṃ śukākhyāṃ kākādanīṃ cāpi sakākamācīm/ ādāribimbīṃ sakadambapuṣpīṃ vipācya sarpirvipacet kaṣāye// ### [6.44.20](https://indike.org/pramana/in.med.samhita.susruta.6.44.20) tat pāṇḍutāṃ hantyupayujyamānaṃ kṣīeṇa vā māgadhikā yathāgni/ hitaṃ ca yaṣṭīmadhujaṃ† kaṣāyaṃ cūrṇaṃ samaṃ vā madhunā+avalihyāt// ### [6.44.21](https://indike.org/pramana/in.med.samhita.susruta.6.44.21) gomūtrayuktaṃ triphalādalānāṃ dattvā++āyasaṃ cūrṇamanalpakālam/ pravālamuktāñjanaśaṅkhacūrṇaṃ lihyāttathā kāñcanagairikottham// ### [6.44.22](https://indike.org/pramana/in.med.samhita.susruta.6.44.22) ājaṃ śakṛtsyāt† kuḍavapramāṇaṃ viḍaṃ haridrā lavaṇottamaṃ ca/ pṛthak palāṃśāni samagrametaccūrṇaṃ hitāśī madhunā+avalihyāt// ### [6.44.23](https://indike.org/pramana/in.med.samhita.susruta.6.44.23) maṇḍūralohāgniviḍaṅgapathyāvyoṣāṃśakaḥ sarvasamānatāpyaḥ/ †mūtrāsuto+ayaṃ madhunā+avalehaḥ pāṇḍvāmayaṃ hantyacireṇa ghoram// ### [6.44.24](https://indike.org/pramana/in.med.samhita.susruta.6.44.24) bibhītakāyomalanāgarāṇāṃ cūrṇaṃ tilānāṃ ca guḍaśca mukhyaḥ/ †takrānupāno vaṭakaḥ prayuktaḥ kṣiṇoti ghorānapi pāṇḍurogān// ### [6.44.25](https://indike.org/pramana/in.med.samhita.susruta.6.44.25) sauvarcalaṃ hiṅgu kirātatiktaṃ kalāyamātrāṇi sukhāmbunā vā/ mūrvāharidrāmalakaṃ ca lihyāt sthitaṃ gavāṃ saptadināni mūtre// ### [6.44.26](https://indike.org/pramana/in.med.samhita.susruta.6.44.26) mūlaṃ balācitrakayoḥ pibedvā pāṇḍvāmayārto+akṣasamaṃ hitāśī/ sukhāmbunā vā lavaṇena tulyaṃ śigroḥ phalaṃ kṣīrabhujopayojyam// ### [6.44.27](https://indike.org/pramana/in.med.samhita.susruta.6.44.27) nyagrodhavargasya pibet kaṣāyaṃ śītaṃ sitākṣaudrayutaṃ hitāśī/ śālādikaṃ cāpyatha sāracūrṇaṃ dhātrīphalaṃ vā madhunā+avalihyāt// ### [6.44.28](https://indike.org/pramana/in.med.samhita.susruta.6.44.28) viḍaṅgamustatriphalājamodaparūṣakavyoṣavinirdahanyaḥ/ cūrṇāni kṛtvā guḍaśarkare ca tathaiva sarpirmadhunī śume ca// ### [6.44.29](https://indike.org/pramana/in.med.samhita.susruta.6.44.29) saṃbhārametadvipacennidhāya sārodake sāravato gaṇasya/ jātaṃ ca lehyaṃ matimān viditvā nidhāpayenmokṣakaje samudge// ### [6.44.30](https://indike.org/pramana/in.med.samhita.susruta.6.44.30) hantyeṣa lehaḥ khalu pāṇḍurogaṃ saśothamugrāmapi kāmalāṃ ca/ saśarkarā kāmalināṃ tribhaṇḍī hitā gavākṣī saguḍā ca śuṇṭhī// ### [6.44.31](https://indike.org/pramana/in.med.samhita.susruta.6.44.31) kāleyake cāpi ghṛtaṃ vipakvaṃ hitaṃ ca tat syādrajanīvimiśram/ dhātuṃ nadījaṃ jatu śailajaṃ vā kumbhāhvaye †mūtrayutaṃ pibedvā// ### [6.44.32](https://indike.org/pramana/in.med.samhita.susruta.6.44.32) mūtre sthitaṃ saindhavasaṃprayuktaṃ māsaṃ pibedvā+api hi lohakiṭṭam/ dagdhvā+akṣakāṣṭhairmalamāyasaṃ vā gomūtranirvāpitamaṣṭavārān// ### [6.44.33](https://indike.org/pramana/in.med.samhita.susruta.6.44.33) vicūrṇya līḍhaṃ madhunā+acireṇa kumbhāhvayaṃ pāṇḍugadaṃ nihanyāt/ sindhūdbhavaṃ vā+agnisamaṃ ca kṛtvā kṣiptvā ca mūtre sakṛdeva taptam// ### [6.44.34](https://indike.org/pramana/in.med.samhita.susruta.6.44.34) lauhaṃ ca kiṭṭaṃ bahuśaśca taptvā nirvāpya mūtre bahuśastathaiva/ ekīkṛtaṃ gojalapiṣṭametadaikadhyamāvāpya pacedukhāyām// ### [6.44.35](https://indike.org/pramana/in.med.samhita.susruta.6.44.35) yathā na dahyeta tathā viśuṣkaṃ cūrṇīkṛtaṃ peyamudaśvitā tat/ takraudanāśī vijayeta rogaṃ pāṇḍuṃ tathā dīpayate+analaṃ ca// ### [6.44.36](https://indike.org/pramana/in.med.samhita.susruta.6.44.36) drākṣāguḍūcyāmalakīrasaiśca siddhaṃ ghṛtaṃ lāgharake(lāghavake) hitaṃ ca/ gauḍānariṣṭān madhuśarkarāśca mūtrāsavān kṣārakṛtāṃstathaiva// ### [6.44.37](https://indike.org/pramana/in.med.samhita.susruta.6.44.37) snigdhān rasānāmalakairupetān kolānvitān vā+api hi jāṅgalānām/ seveta śophābhihitāṃśca yogān pāṇḍvāmayī śāliyavāṃśca nityam// ### [6.44.38](https://indike.org/pramana/in.med.samhita.susruta.6.44.38) śvāsātisārārucikāsamūrcchātṛṭchardiśūlajvaraśophadāhān/ tathā+avipākasvaramedasādān jayedyathāsvaṃ prasamīkṣya śāstram// ### [6.44.39](https://indike.org/pramana/in.med.samhita.susruta.6.44.39) anteṣu śūnaṃ parihīnamadhyaṃ mlānaṃ tathā+anteṣu ca madhyaśūnam/ gude ca śephasyatha muṣkaśūnaṃ† pratāmyamānaṃ ca visaṃjñakalpam// ### [6.44.40](https://indike.org/pramana/in.med.samhita.susruta.6.44.40) vivarjayet pāṇḍukinaṃ yaśo+arthī tathā+atisārajvarapīḍitaṃ ca// ### [6.44.40\_1](https://indike.org/pramana/in.med.samhita.susruta.6.44.40_1) iti suśrutasaṃhitāyāmuttaratantrāntargate kāyacikitsātantre pāṇḍurogapratiṣedho nāma (ṣaṣṭho+adhyāyaḥ, āditaḥ) catuścatvāriṃśattamo+adhyāyaḥ //44// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.178.2) — Ḍalhaṇa, Sanskrit ## Linked texts (3) - [Bṛhadyogataraṅgiṇī](https://indike.org/pramana/in.med.yoga.brhadyogatarangini.106.2) — Trimalla, Sanskrit - [Yogataraṅgiṇī (Trimalla)](https://indike.org/pramana/in.med.yoga.yogatarangini-trimalla-bhatta.104.2) — Trimalla, Sanskrit - [Vaidyakasāroddhāra](https://indike.org/pramana/in.med.cikitsa.gauda.vaidyakasaroddhara.2.p114) — Brajanāthaśarman, Sanskrit --- Source: [https://indike.org/pramana/in.med.samhita.susruta.6.44](https://indike.org/pramana/in.med.samhita.susruta.6.44) · Pramāṇa