[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.47 # The Compendium of Suśruta 6.47: saptacatvāriṃśattamo+adhyāyaḥ/ Suśrutasaṃhitā 6.47 - **Language:** Sanskrit ### saptacatvāriṃśattamo+adhyāyaḥ/ ### [6.47.1](https://indike.org/pramana/in.med.samhita.susruta.6.47.1) athātaḥ pānātyayapratiṣedhaṃ vyākhyāsyāmaḥ// ### [6.47.2](https://indike.org/pramana/in.med.samhita.susruta.6.47.2) yathovāca bhagavān dhanvantariḥ// ### [6.47.3](https://indike.org/pramana/in.med.samhita.susruta.6.47.3) madyamuṣṇaṃ tathā tīkṣṇaṃ sūkṣmaṃ viśadameva ca/ rūkṣamāśukaraṃ caiva vyavāyi ca vikāśi ca// ### [6.47.4](https://indike.org/pramana/in.med.samhita.susruta.6.47.4) auṣṇyācchītopacāraṃ tattaikṣṇyāddhanti manogatim/ viśatyavayavān saukṣmyādvaiśadyātkaphaśukranut// ### [6.47.5](https://indike.org/pramana/in.med.samhita.susruta.6.47.5) mārutaṃ kopayedraukṣyādāśutvāccāśukarmakṛt†/ harṣadaṃ ca vyavāyitvādvikāśitvādvisarpati// ### [6.47.6](https://indike.org/pramana/in.med.samhita.susruta.6.47.6) tadamlaṃ rasataḥ proktaṃ laghu rocanadīpanam/ kecillavaṇavarjyāṃstu rasānatrādiśanti hi// ### [6.47.7](https://indike.org/pramana/in.med.samhita.susruta.6.47.7) snigdhaistadannairmāṃsaiśca bhakṣyaiśca saha sevitam/ bhavedāyuḥprakarṣāya balāyopacayāya ca// ### [6.47.8](https://indike.org/pramana/in.med.samhita.susruta.6.47.8) kāmyatā manasastuṣṭirdhairyaṃ tejo+ativikramaḥ/ vidhivat sevyamāne tu madye sannihitā guṇāḥ// ### [6.47.9](https://indike.org/pramana/in.med.samhita.susruta.6.47.9) tadevānannamajñena sevyamānamamātrayā/ kayāgninā hyagnisamaṃ sametya kurute madam// ### [6.47.10](https://indike.org/pramana/in.med.samhita.susruta.6.47.10) madena karaṇānāṃ tu bhāvānyatve kṛte sati/ nigūḍhamapi bhāvaṃ svaṃ prakāśīkurute+avaśaḥ// ### [6.47.11](https://indike.org/pramana/in.med.samhita.susruta.6.47.11) tryavasthaśca mado jñeyaḥ pūrvo madhyo+atha paścimaḥ/ pūrve vīryaratiprītiharṣabhāṣyādivardhanam// ### [6.47.12](https://indike.org/pramana/in.med.samhita.susruta.6.47.12) pralāpo madhyame †moho yuktāyuktakriyāstathā/ visaṃjñaḥ paścime śete naṣṭakarmakriyāguṇaḥ// ### [6.47.13](https://indike.org/pramana/in.med.samhita.susruta.6.47.13) ślaiṣmikānalpapittāṃśca snigdhānmātropasevinaḥ†/ pānaṃ na bādhate+atyarthaṃ viparītāṃstu bādhate// ### [6.47.14](https://indike.org/pramana/in.med.samhita.susruta.6.47.14) nirbhaktamekāntata eva madyaṃ niṣevyamāṇaṃ manujena nityam/ utpādayet kaṣṭatamān vikārānāpādayeccāpi śarīrabhedam// ### [6.47.15](https://indike.org/pramana/in.med.samhita.susruta.6.47.15) kruddhena bhītena pipāsitena śokābhitaptena bubhukṣitena/ vyāyāmabhārādhvaparikṣatena vegāvarodhābhihatena cāpi// ### [6.47.16](https://indike.org/pramana/in.med.samhita.susruta.6.47.16) atyamlabhakṣyāvatatodareṇa sājīrṇabhuktena tathā+abalena/ uṣṇābhitaptena ca sevyamānaṃ karoti madyaṃ vividhān vikārān// ### [6.47.17](https://indike.org/pramana/in.med.samhita.susruta.6.47.17) pānātyayaṃ paramadaṃ pānājīrṇamathāpi vā/ pānavibhramamugraṃ ca teṣāṃ vakṣyāmi lakṣaṇam// ### [6.47.18](https://indike.org/pramana/in.med.samhita.susruta.6.47.18) stambhāṅgamardhṛdayagrahatodakampāḥ pānātyaye+anilakṛte śiraso rujaśca/ svedapralāpamukhaśoṣaṇadāhamūrcchāḥ pittātmake vadanalocanapītatā ca// ### [6.47.19](https://indike.org/pramana/in.med.samhita.susruta.6.47.19) śleṣmātmake vamathuśītakaphaprasekāḥ sarvātmake bhavati sarvavikārasaṃpat/ ūṣmāṇamaṅgagurutāṃ virasānanatvaṃ śleṣmādhikatvamaruciṃ malamūtrasaṅgam// ### [6.47.20](https://indike.org/pramana/in.med.samhita.susruta.6.47.20) liṅgaṃ parasya tu madasya vadanti tajjñāstṛṣṇāṃ rujāṃ śirasi sandhiṣu cāpi bhedam/ ādhmānamudgiraṇamamlaraso vidāho+ajīrṇasya pānajanitasya vadanti liṅgam// ### [6.47.21](https://indike.org/pramana/in.med.samhita.susruta.6.47.21) jñeyāni tatra bhiṣajā suviniścitāni pittaprakopajanitāni ca kāraṇāni/ hṛdgātratodavamathujvarakaṇṭhadhūmamūrcchākaphasravaṇamūrdharujo vidāhaḥ// ### [6.47.22](https://indike.org/pramana/in.med.samhita.susruta.6.47.22) dveṣaḥ surānnavikṛteṣu ca teṣu teṣu taṃ pānavibhramamuśantyakhilena dhīrāḥ/ hīnottarauṣṭhamatiśītamamandadāhaṃ tailaprabhāsyamatipānahataṃ(tailaprabhāsyamapipānahataṃ) vijahyāt// ### [6.47.23](https://indike.org/pramana/in.med.samhita.susruta.6.47.23) jihvauṣṭhadantamasitaṃ tvathavā+api nīlaṃ pīte ca yasya nayane rudhiraprame ca/ hikkājvarau vamathuvepathupārśvaśūlāḥ kāsabhramāvapi ca pānahataṃ bhajante// ### [6.47.24](https://indike.org/pramana/in.med.samhita.susruta.6.47.24) teṣāṃ nivāraṇamidaṃ hi mayocyamānaṃ vyaktābhidhānamakhilena vidhiṃ nibodha/ madyaṃ tu cukramaricārdrakadīpyakuṣṭhasauvarcalāyutamalaṃ† pavanasya śāntyai// ### [6.47.25](https://indike.org/pramana/in.med.samhita.susruta.6.47.25) pṛthvīkadīpyakamahauṣadhahiṅgubhirvā sauvarcalena ca yutaṃ vitaret sukhāya/ āmrātakāmraphaladāḍimamātuluṅgaiḥ kuryācchubhānyapi ca ṣaḍavapānakāni// ### [6.47.26](https://indike.org/pramana/in.med.samhita.susruta.6.47.26) seveta vā phalarasopahitān rasādīnānūpavargapiśitānyapi gandhavanti/ pittātmake madhuravargakaṣāyamiśraṃ madyaṃ hitaṃ samadhuśarkaramiṣṭagandham// ### [6.47.27](https://indike.org/pramana/in.med.samhita.susruta.6.47.27) pītvā ca madyamapi cekṣurasapragāḍhaṃ niḥśeṣataḥ kṣaṇamavasthitamullikhecca/ lāvaiṇatittirirasāṃśca pibedanamlān maudgān sukhāya saghṛtān sasitāṃśca yūṣān// ### [6.47.28](https://indike.org/pramana/in.med.samhita.susruta.6.47.28) pānātyaye kaphakṛte kaphamullikhecca madyena bimbividulodakasaṃyutena/ seveta tiktakaṭukāṃśca rasānudārān yūṣāṃśca tiktakaṭukopahitān hitāya// ### [6.47.29](https://indike.org/pramana/in.med.samhita.susruta.6.47.29) pathyaṃ yavānnavikṛtāni ca jāṅgalāni śleṣmaghnamanyadapi yacca niratyayaṃ syāt/ kuryācca sarvamatha sarvabhave vidhānaṃ ddvandvodbhave dvayamavekṣya yathāpradhānam// ### [6.47.30](https://indike.org/pramana/in.med.samhita.susruta.6.47.30) sāmānyamanyadapi yacca samagramagryaṃ vakṣyāmi yacca manaso madakṛt sukhaṃ ca/ tvaṅgāgapuṣpamagadhailamadhūkadhānyaiḥ ślakṣṇairajājimaricaiśca kṛtaṃ samāṃśaiḥ// ### [6.47.31](https://indike.org/pramana/in.med.samhita.susruta.6.47.31) pānaṃ kapittharasavāriparūṣakāḍhyaṃ pānātyayeṣu vidhivatsrutamambarānte/ hrīverapadmaparipelavasaṃprayuktaiḥ puṣpairvilipya karavīrajalodbhavaiśca// ### [6.47.32](https://indike.org/pramana/in.med.samhita.susruta.6.47.32) piṣṭaiḥ sapadmakayutairapi sārivādyaiḥ sekaṃ jalaiśca vitaredamalaiḥ suśītaiḥ/ tvakpatracocamaricailabhujaṅgapuṣpaśleṣmātakaprasavavalkaguḍairupetam// ### [6.47.33](https://indike.org/pramana/in.med.samhita.susruta.6.47.33) drākṣāyutaṃ hṛtamalaṃ madirāmayārtaistatpānakaṃ śuci sugandhi narairniṣevyam/ piṣṭvā pibecca madhukaṃ kaṭurohiṇīṃ ca drākṣāṃ ca mūlamasakṛt trapuṣībhavaṃ yat// ### [6.47.34](https://indike.org/pramana/in.med.samhita.susruta.6.47.34) †kārpāsinīmatha ca nāgabalāṃ ca tulyāṃ pītvā sukhī bhavati sādhu suvarcalāṃ ca/ kāśmaryadāruviḍadāḍimapippalīṣu drākṣānvitāsu kṛtamambuni pānakaṃ yat// ### [6.47.35](https://indike.org/pramana/in.med.samhita.susruta.6.47.35) tadbījapūrakarasāyutamāśu pītaṃ śāntiṃ parāṃ paramade tvacirāt karoti/ drākṣāsitāmadhukajīrakadhānyakṛṣṇāsvevaṃ kṛtaṃ trivṛtayā ca pibettathaiva// ### [6.47.36](https://indike.org/pramana/in.med.samhita.susruta.6.47.36) sauvarcalāyutamudārarasaṃ phalāmlaṃ bhārgīśṛtena ca jalena hito+avasekaḥ// ### [6.47.37](https://indike.org/pramana/in.med.samhita.susruta.6.47.37) ikṣvākudhāmārgavavṛkṣakāṇi kākāhvayodumbarikāśca dugdhe/ vipācya tasyāñjalinā vameddhi madyaṃ pibeccāhni gate tvajīrṇe// ### [6.47.38](https://indike.org/pramana/in.med.samhita.susruta.6.47.38) tvakpippalībhujagapuṣpaviḍairupetaṃ seveta hiṅgumaricailayutaṃ phalāmlām/ uṣṇāmbusaindhavayutāstvathavā viḍatvakcavyailahiṅgumagadhāphalamūlaśuṇṭhīḥ// ### [6.47.39](https://indike.org/pramana/in.med.samhita.susruta.6.47.39) hṛdyaiḥ khaḍairapi ca bhojanamatra śastaṃ drākṣākapitthaphaladāḍimapānakaṃ yat/ tat pānavibhramaharaṃ madhuśarkarāḍhyamāmrātakolarasapānakameva cāpi// ### [6.47.40](https://indike.org/pramana/in.med.samhita.susruta.6.47.40) kharjūravetrakakarīraparūṣakeṣu† drākṣātrivṛtsu ca kṛtaṃ sasitaṃ himaṃ vā/ śrīparṇiyuktamathavā tu pibedimāni yaṣṭyāhvayotpalahimāmbuvimiśritāni// ### [6.47.41](https://indike.org/pramana/in.med.samhita.susruta.6.47.41) kṣīripravālabisajīrakanāgapuṣpapatrailavālusitasārivapadmakāni/ āmrātabhavyakaramardakapitthakolavṛkṣāmlavetraphalajīrakadāḍimāni// ### [6.47.42](https://indike.org/pramana/in.med.samhita.susruta.6.47.42) seveta vā maricajīrakanāgapuṣpatvakpatraviśvacavikailayutān rasāṃśca/ sūkṣmāmbarasrutahimāṃca sugandhigandhān pānodbhavānnudati saptagadānaśeṣān// ### [6.47.43](https://indike.org/pramana/in.med.samhita.susruta.6.47.43) pañcendriyārthaviṣayā mṛdupānayogā hṛdyāḥ sukhāśca manasaḥ satataṃ niṣevyāḥ†/ pānātyayeṣu vikaṭorunitambavatyaḥ pīnonnatastanabharānatamadhyadeśāḥ// ### [6.47.44](https://indike.org/pramana/in.med.samhita.susruta.6.47.44) prauḍhāḥ striyo+abhinavayauvanapīnagātryaḥ sevyāśca pañcaviṣayātiśayasvabhāvāḥ// ### [6.47.45](https://indike.org/pramana/in.med.samhita.susruta.6.47.45) pibedrasaṃ puṣpaphalodbhavaṃ vā sitāmadhūkatrisugandhiyuktam/ saṃcūrṇya saṃyojya ca nāgapuṣpairajājikṛṣṇāmaricaiśca tulyaiḥ// ### [6.47.46](https://indike.org/pramana/in.med.samhita.susruta.6.47.46) varṣābhūyaṣṭyāhvamadhūkalākṣātvakkarbudārāṅkurajīrakāṇi/ drākṣāṃ ca kṛṣṇāmatha keśaraṃ ca kṣīre samāloḍya pibet †sukhepsuḥ// ### [6.47.47](https://indike.org/pramana/in.med.samhita.susruta.6.47.47) bhavecca madyena tu yena pātitaḥ prakāmapītena surāsavādinā/ tadeva tasmai vidhivat pradāpayedviparyaye bhraṃśamavaśyamṛcchati†// ### [6.47.48](https://indike.org/pramana/in.med.samhita.susruta.6.47.48) yathā narendropahatasya kasyacidbhavet prasādastata eva nānyataḥ/ dhruvaṃ tathā madyahatasya dehino bhavet prasādastata eva nānyataḥ// ### [6.47.49](https://indike.org/pramana/in.med.samhita.susruta.6.47.49) vicchinnamadyaḥ sahasā yo+atimadyaṃ viṣevate/ tasya pānātyayoddiṣṭā vikārāḥ saṃbhavanti hi// ### [6.47.50](https://indike.org/pramana/in.med.samhita.susruta.6.47.50) madyasyāgneyavāyavyau guṇāvambuvahāni(guṇāvambhovahāni) tu/ srotāṃsi śoṣayeyātāṃ tena tṛṣṇopajāyate// ### [6.47.51](https://indike.org/pramana/in.med.samhita.susruta.6.47.51) pāṭalotpalakandeṣu mudgaparṇyāṃ ca sādhitam/ pibenmāgadhikonmiśraṃ tatrāmbho himaśītalam// ### [6.47.52](https://indike.org/pramana/in.med.samhita.susruta.6.47.52) sarpistailavasāmajjadadhibhṛṅgarasairyutam/ kvāthena bilvayavayoḥ sarvagandhaiśca peṣitaiḥ// ### [6.47.53](https://indike.org/pramana/in.med.samhita.susruta.6.47.53) pakvamabhyañjane śreṣṭhaṃ seke kvāthaśca śītalaḥ/ rasavanti ca bhojyāni yathāsvamavacārayet// ### [6.47.54](https://indike.org/pramana/in.med.samhita.susruta.6.47.54) pānakāni suśītāni hṛdyāni surabhīṇi ca/ tvacaṃ prāptastu pānoṣmā pittaraktābhimūrcchitaḥ/ dāhaṃ prakurute ghoraṃ pittavattatra bheṣajam// ### [6.47.55](https://indike.org/pramana/in.med.samhita.susruta.6.47.55) śītaṃ vidhānamata ūrdhvamahaṃ pravakṣye dāhapraśāntikaramṛddhimatāṃ narāṇām/ tatrādito malayajena hitaḥ pradehaścandrāṃśuhāratuhinodakaśītalena// ### [6.47.56](https://indike.org/pramana/in.med.samhita.susruta.6.47.56) śītāmbuśītalataraiśca śayānamenaṃ† hārairmṛṇālavalayairabalāḥ spṛśeyuḥ/ bhinnotpalojjvalahime śayane śayīta patreṣu vā sajalabinduṣu padminīnām// ### [6.47.57](https://indike.org/pramana/in.med.samhita.susruta.6.47.57) āsādayan pavanamāhṛtamaṅganābhiḥ† kahlārapadmadalaśaivalasaṃcayeṣu/ †kāntairvanāntapavanaiḥ parimṛśyamānaḥ †śaktaścaredbhavanakānanadīrghikāsu// ### [6.47.58](https://indike.org/pramana/in.med.samhita.susruta.6.47.58) dāhābhibhūtamathavā pariṣecayettu† lāmajjakāmburuhacandanatoyatoyaiḥ†/ visrāvitāṃ hṛtamalāṃ navavāripūrṇāṃ padmotpalākulajalāmadhivāsitāmbum†// ### [6.47.59](https://indike.org/pramana/in.med.samhita.susruta.6.47.59) vāpīṃ bhajeta haricandanabhūṣitāṅgaḥ kāntākaraspṛśanakarkaśaromakūpaḥ/ tatrainamamburuhapatrasamaiḥ spṛśantyaḥ śītaiḥ karoruvadanaiḥ kaṭhinaiḥ stanaiśca// ### [6.47.60](https://indike.org/pramana/in.med.samhita.susruta.6.47.60) toyāvagāhakuśalā madhurasvabhāvāḥ saṃharṣayeyurabalāḥ sukalaiḥ† pralāpaiḥ/ dhārāgṛhe pragalitodakadurdinābhe klāntaḥ śayīta salilānilaśītakukṣau// ### [6.47.61](https://indike.org/pramana/in.med.samhita.susruta.6.47.61) gandhodakaiḥ sakusumairupasiktabhūmau patrāmbucandanarasairupaliptakuḍye/ jātyutpalapriyakakeśarapuṇḍarīkapunnāganāgakaravīrakṛtopacāre†// ### [6.47.62](https://indike.org/pramana/in.med.samhita.susruta.6.47.62) tasmin gṛhe kamalareṇvaruṇe śayīta yatnāhṛtānilavikampitapuṣpadāmni/ hemantavindhyahimavanmalayācalānāṃ śītāmbhasāṃ sakadalīharitadrumāṇām// ### [6.47.63](https://indike.org/pramana/in.med.samhita.susruta.6.47.63) udbhinnanīlanalināmburuhākarāṇāṃ candrodayasya ca kathāḥ śṛṇuyānmanojñāḥ/ mlānaṃ pratāntamanasaṃ manaso+anukūlāḥ pīnastanorujaghanā haricandanāṅgyaḥ†// ### [6.47.64](https://indike.org/pramana/in.med.samhita.susruta.6.47.64) tā enamārdravasanāḥ saha saṃviśeyuḥ śliṣṭvā+avalāḥ śithilamekhalahārayaṣṭyaḥ// ### [6.47.65](https://indike.org/pramana/in.med.samhita.susruta.6.47.65) harṣayeyurnaraṃ nāryaḥ svaguṇai rahasi sthitāḥ/ tāḥ śaityācchamayeyuśca pittapānātyayāntaram†// ### [6.47.66](https://indike.org/pramana/in.med.samhita.susruta.6.47.66) †tṛḍdāharaktapitteṣu kāryo+ayaṃ bheṣajakramaḥ/ sāmānyato viśeṣaṃ tu śṛṇu dāheṣvaśeṣataḥ// ### [6.47.67](https://indike.org/pramana/in.med.samhita.susruta.6.47.67) kṛtsnadehānugaṃ †raktamudriktaṃ dahati hyati/ saṃcūṣyate dahyate ca tāmrābhastāmralocanaḥ// ### [6.47.68](https://indike.org/pramana/in.med.samhita.susruta.6.47.68) lohagandhāṅgavadano vahninevāvakīryate/ taṃ vilaṅghya vidhānena saṃsṛṣṭāhāramācaret// ### [6.47.69](https://indike.org/pramana/in.med.samhita.susruta.6.47.69) apraśāmyati dāhe ca rasaistṛptasya jāṅgalaiḥ/ śākhāśrayā yathānyāyaṃ rohiṇīrvyadhayet sirāḥ// ### [6.47.70](https://indike.org/pramana/in.med.samhita.susruta.6.47.70) pittajvarasamaḥ pittāt sa cāpyasya vidhirhitaḥ/ tṛṣṇānirodhādabdhātau kṣīṇe tejaḥ †samuddhatam// ### [6.47.71](https://indike.org/pramana/in.med.samhita.susruta.6.47.71) sabāhyābhyantaraṃ dehaṃ dahedvai mandacetasaḥ/ saṃśuṣkagalatālvoṣṭho jihvāṃ niṣkṛṣya ceṣṭate†// ### [6.47.72](https://indike.org/pramana/in.med.samhita.susruta.6.47.72) tatropaśamayettejastvabdhātuṃ ca vivardhayet/ pāyayet kāmamambhaśca† śarkarāḍhyaṃ payo+api vā// ### [6.47.73](https://indike.org/pramana/in.med.samhita.susruta.6.47.73) śītamikṣurasaṃ manthaṃ †vitarecceritaṃ vidhim/ asṛjā pūrṇakoṣṭhasya dāho †bhavati duḥsahaḥ// ### [6.47.74](https://indike.org/pramana/in.med.samhita.susruta.6.47.74) vidhiḥ sadyovraṇīyoktastasya lakṣaṇameva ca/ dhātukṣayokto yo dāhastena mūrcchātṛṣānvitaḥ// ### [6.47.75](https://indike.org/pramana/in.med.samhita.susruta.6.47.75) kṣāmasvaraḥ kriyāhīno †bhṛśaṃ sīdati pīḍitaḥ/ raktapittavidhistasya hitaḥ snigdho+anilāpahaḥ// ### [6.47.76](https://indike.org/pramana/in.med.samhita.susruta.6.47.76) kṣatajenāśnataścānyaḥ śocato vā+apyanekadhā/ tenāntardahyate+atyarthaṃ tṛṣṇāmūrcchāpralāpavān// ### [6.47.77](https://indike.org/pramana/in.med.samhita.susruta.6.47.77) tamiṣṭaviṣayopetaṃ suhṛdbhirabhisaṃvṛtam/ kṣīramāṃsarasāhāraṃ vidhinoktena sādhayet// ### [6.47.78](https://indike.org/pramana/in.med.samhita.susruta.6.47.78) marmābhighātajo+apyasti sa† cāsādhyatamaḥ smṛtaḥ/ sarva eva ca varjyāḥ syuḥ śītagātreṣu dehiṣu// ### [6.47.79](https://indike.org/pramana/in.med.samhita.susruta.6.47.79) (evaṃvidho bhavedyastu madirāmayapīḍitaḥ†/ ) praśāntopadrave cāpi śodhanaṃ prāptamācaret// ### [6.47.80](https://indike.org/pramana/in.med.samhita.susruta.6.47.80) sajīrakāṇyārdrakaśṛṅgaverasauvarcalānyardhajalaplutāni/ madyāni hṛdyānyatha gandhavanti pītāni sadyaḥ śamayanti tṛṣṇām// ### [6.47.81](https://indike.org/pramana/in.med.samhita.susruta.6.47.81) jalaplutaścandanabhūṣitāṅgaḥ sragvī sabhaktāṃ piśitopadaṃśām/ piben surāṃ naiva labheta rogān †manonuvighnaṃ ca madaṃ na yāti// ### [6.47.81\_1](https://indike.org/pramana/in.med.samhita.susruta.6.47.81_1) iti suśrutasṃhitāyāmuttaratantrāntargate kāyacikitsātantre madātyayapratiṣedho nāma (navamo+adhyāyaḥ, āditaḥ) saptacatvāriṃśattamo+adhyāyaḥ //47// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.181.2) — Ḍalhaṇa, Sanskrit ## Linked texts (3) - [Yogaratnākara (Mayūrapāda Bhikṣu)](https://indike.org/pramana/in.med.yoga.yogaratnakara-mayurapada-bhiksu.307.1) — Mayūrapāda Bhikṣu 1700, Sanskrit - [Bṛhadāsavāriṣṭasaṃgraha](https://indike.org/pramana/in.med.cikitsa.kalpana.brhadasavaristasamgraha.78.5-2) — Kavirāj Devasīṃha Viṭṭhal, Sanskrit - [Vaidyakasāroddhāra](https://indike.org/pramana/in.med.cikitsa.gauda.vaidyakasaroddhara.2.p303) — Brajanāthaśarman, Sanskrit --- Source: [https://indike.org/pramana/in.med.samhita.susruta.6.47](https://indike.org/pramana/in.med.samhita.susruta.6.47) · Pramāṇa