[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.4 # The Compendium of Suśruta 6.4: caturtho+adhyāyaḥ/ Suśrutasaṃhitā 6.4 - **Language:** Sanskrit ### caturtho+adhyāyaḥ/ ### [6.4.1](https://indike.org/pramana/in.med.samhita.susruta.6.4.1) athātaḥ śuklagatarogavijñānīyamadhyāyaṃ vyākhyāsyāmaḥ// ### [6.4.2](https://indike.org/pramana/in.med.samhita.susruta.6.4.2) athovāca bhagavān dhanvantariḥ// ### [6.4.3](https://indike.org/pramana/in.med.samhita.susruta.6.4.3) prastāriśuklakṣatajādhimāṃsasrāyvarmasaṃjñāḥ khalu pañca rogāḥ/ syuḥ śuktikā cārjunapiṣṭakau ca jālaṃ sirāṇāṃ piḍakāśca yāḥ syuḥ// ### [6.4.4](https://indike.org/pramana/in.med.samhita.susruta.6.4.4) rogā balāsagrathitena sārdhamekādaśākṣṇoḥ khalu śuklabhāge/ prastāri prathitamihārma śuklabhāge vistīrṇaṃ tanu rudhiraprabhaṃ sanīlam// ### [6.4.5](https://indike.org/pramana/in.med.samhita.susruta.6.4.5) śuklākhyaṃ mṛdu kathayanti śuklabhāge saśvetaṃ samamiha† vardhate cireṇa/ yanmāṃsaṃ pracayamupaiti śuklabhāge padmābhaṃ tadupadiśanti lohitārma// ### [6.4.6](https://indike.org/pramana/in.med.samhita.susruta.6.4.6) vistīrṇaṃ mṛdu bahalaṃ yakṛtprakāśaṃ śyāvaṃ vā tadadhikamāṃsajārma vidyāt/ śukle yat piśitamupaiti vṛddhimetat snāyvarmetyabhipaṭhitaṃ kharaṃ prapāṇḍu// ### [6.4.7](https://indike.org/pramana/in.med.samhita.susruta.6.4.7) śyāvāḥ syuḥ piśitanibhāśca bindavo ye śuktyābhāḥ sitanayane sa śuktisaṃjñaḥ/ eko yaḥ śaśarudhiropamastu binduḥ śuklastho bhavati tamarjunaṃ vadanti// ### [6.4.8](https://indike.org/pramana/in.med.samhita.susruta.6.4.8) utsannaḥ salilanibho+atha piṣṭaśuklo binduryo bhavati sa piṣṭakaḥ suvṛttaḥ/ jālābhaḥ kaṭhinasiro mahān saraktaḥ santānaḥ smṛta iha jālasaṃjñitastu// ### [6.4.9](https://indike.org/pramana/in.med.samhita.susruta.6.4.9) śuklasthāḥ sitapiḍakāḥ sirāvṛtā yāstā vidyādasitasamīpajāḥ sirājāḥ/ kāṃsyābho† bhavati site+ambubindutulyaḥ sa jñeyo+amṛdurarujo balāsakākhyaḥ// ### [6.4.9\_1](https://indike.org/pramana/in.med.samhita.susruta.6.4.9_1) iti suśrutasaṃhitāyāmuttaratantre śuklagatarogavijñānīyo nāma caturtho+adhyāyaḥ //4// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.136.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.4](https://indike.org/pramana/in.med.samhita.susruta.6.4) · Pramāṇa