[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.50 # The Compendium of Suśruta 6.50: pañcāśattamo+adhyāyaḥ/ Suśrutasaṃhitā 6.50 - **Language:** Sanskrit ### pañcāśattamo+adhyāyaḥ/ ### [6.50.1](https://indike.org/pramana/in.med.samhita.susruta.6.50.1) athāto hikkāpratiṣedhaṃ vyākhyāsyāmaḥ// ### [6.50.2](https://indike.org/pramana/in.med.samhita.susruta.6.50.2) yathovāca bhagavān dhanvantariḥ// ### [6.50.3](https://indike.org/pramana/in.med.samhita.susruta.6.50.3) vidāhiguruviṣṭambhirūkṣābhiṣyandibhojanaiḥ/ śītapānāsanasthānarajodhūmānilānalaiḥ// ### [6.50.4](https://indike.org/pramana/in.med.samhita.susruta.6.50.4) vyāyāmakarmabhārādhvavegāghātāpatarpaṇaiḥ/ āmadoṣābhighātastrīkṣayadoṣaprapīḍanaiḥ†// ### [6.50.5](https://indike.org/pramana/in.med.samhita.susruta.6.50.5) viṣamāśanādhyanaśanaistathā samaśanairapi/ hikkā śvāsaśca kāsaśca nṛṇāṃ samupajāyate// ### [6.50.6](https://indike.org/pramana/in.med.samhita.susruta.6.50.6) muhurmuhurvāyurudeti sasvano yakṛtplihāntrāṇi mukhādivākṣipan/ sa ghoṣavānāśu hinastyasūn yatastatastu hikketi bhiṣagbhirucyate// ### [6.50.7](https://indike.org/pramana/in.med.samhita.susruta.6.50.7) annajāṃ yamalāṃ kṣudrāṃ gambhīrāṃ mahatīṃ tathā/ vāyuḥ kaphenānugataḥ pañca hikkāḥ karoti hi// ### [6.50.8](https://indike.org/pramana/in.med.samhita.susruta.6.50.8) mukhaṃ kaṣāyamaratirgauravaṃ kaṇṭhavakṣasoḥ/ pūrvarūpāṇi hikkānāmāṭopo jaṭharasya ca// ### [6.50.9](https://indike.org/pramana/in.med.samhita.susruta.6.50.9) tvaramāṇasya cāhāraṃ bhuñjānasyāthavā ghanam/ vāyurannairavastīrṇaḥ kaṭukairardito bhṛśam†// ### [6.50.10](https://indike.org/pramana/in.med.samhita.susruta.6.50.10) hikkayatyūrdhvago bhūtvā tāṃ vidyādannajāṃ bhiṣak/ cireṇa yamalairvegairyā hikkā saṃpravartate// ### [6.50.11](https://indike.org/pramana/in.med.samhita.susruta.6.50.11) kampayantī śirogrīvaṃ yamalāṃ tāṃ vinirdiśet/ vikṛṣṭakālairyā vegairmandaiḥ samabhivartate// ### [6.50.12](https://indike.org/pramana/in.med.samhita.susruta.6.50.12) kṣudrikā nāma sā hikkā jatrumūlāt pradhāvitā/ nābhipravṛttā yā hikkā ghorā gambhīranādinī// ### [6.50.13](https://indike.org/pramana/in.med.samhita.susruta.6.50.13) śuṣkauṣṭhakaṇṭhajihvāsyaśvāsapārśvarujākarī/ anekopadravayutā gambhīrā nāma sā smṛtā// ### [6.50.14](https://indike.org/pramana/in.med.samhita.susruta.6.50.14) marmāṇyāpīḍayantīva satataṃ yā pravartate/ dehamāyamya vegena ghoṣayatyatitṛṣyataḥ†/ mahāhikketi sā jñeyā sarvagātraprakampinī// ### [6.50.15](https://indike.org/pramana/in.med.samhita.susruta.6.50.15) āyamyate hikkato+aṅgāni yasya dṛṣṭiścordhvaṃ tāmyate yasya gāḍham/ kṣīṇo+annadviṭ †kāsate yaśca hikkī tau dvāvantyau varjayeddhikkamānau// ### [6.50.16](https://indike.org/pramana/in.med.samhita.susruta.6.50.16) prāṇāyāmodvejanatrāsanāni sūcītodaiḥ saṃbhramaścātra śastaḥ/ yaṣṭyāhvaṃ vā mākṣikeṇāvapīḍe pippalyo vā śarkarācūrṇayuktāḥ// ### [6.50.17](https://indike.org/pramana/in.med.samhita.susruta.6.50.17) sarpiḥ koṣṇaṃ kṣīramikṣo raso vā nātikṣīṇe chardanaṃ †śāntihetoḥ/ nārīpayaḥpiṣṭamaśuklacandanaṃ ghṛtaṃ sukhoṣṇaṃ ca sasaindhavaṃ tathā// ### [6.50.18](https://indike.org/pramana/in.med.samhita.susruta.6.50.18) cūrṇīkṛtaṃ saindhavamambhasā+athavā nihanti hikkāṃ ca hitaṃ ca nasyataḥ/ yuñjyāddhūmaṃ śālaniryāsajātaṃ naipālaṃ vā goviṣāṇodbhavaṃ vā// ### [6.50.19](https://indike.org/pramana/in.med.samhita.susruta.6.50.19) sarpiḥsnigdhaiścarmabālaiḥ kṛtaṃ vā hikkāsthāne svedanaṃ cāpi kāryam/ kṣaudropetaṃ gairikaṃ kāñcanāhvaṃ lihyādbhasma grāmyasattvāsthijaṃ vā// ### [6.50.20](https://indike.org/pramana/in.med.samhita.susruta.6.50.20) tadvacchvāvinmeṣagośalyakānāṃ(gośallakānāṃ) romāṇyantardhūmadagdhāni cātra/ madhvājyāktaṃ barhipatraprasūtamevaṃ bhasmaudumbaraṃ tailvakaṃ vā// ### [6.50.21](https://indike.org/pramana/in.med.samhita.susruta.6.50.21) svarjikṣāraṃ bījapūrādrasena kṣaudropetaṃ hanti līḍhvā++āśu hikkām/ sarpiḥsnigdhā ghnanti hikkāṃ yavāgvaḥ koṣṇagrāsāḥ pāyaso vā sukhoṣṇaḥ// ### [6.50.22](https://indike.org/pramana/in.med.samhita.susruta.6.50.22) śuṇṭhītoye sādhitaṃ kṣīramājaṃ tadvat pītaṃ śarkarāsaṃyutaṃ vā/ ātṛptervā sevyamānaṃ nihantyād ghrātaṃ hikkāmāśu mūtraṃ tvajāvyoḥ// ### [6.50.23](https://indike.org/pramana/in.med.samhita.susruta.6.50.23) sapūtikīṭaṃ laśunogragandhāhiṅgvabjamācūrṇya† subhāvitaṃ tat/ kṣaudraṃ sitāṃ vāraṇakeśaraṃ ca pibedrasenekṣumadhūkajena// ### [6.50.24](https://indike.org/pramana/in.med.samhita.susruta.6.50.24) pibet palaṃ vā lavaṇottamasya dvābhyāṃ palābhyāṃ haviṣaḥ samagram/ harītakīṃ koṣṇajalānupānāṃ pibedghṛtaṃ kṣāramadhūpapannam// ### [6.50.25](https://indike.org/pramana/in.med.samhita.susruta.6.50.25) rasaṃ kapitthānmadhupippalībhyāṃ †śuktipramāṇaṃ prapibet sukhāya// ### [6.50.26](https://indike.org/pramana/in.med.samhita.susruta.6.50.26) kṛṣṇāṃ sitāṃ cāmalakaṃ ca līḍhaṃ saśṛṅgaveraṃ madhunā+athavā+api/ kolāsthimajjāñjanalājacūrṇaṃ hikkā nihanyānmadhunā+avalīḍham// ### [6.50.27](https://indike.org/pramana/in.med.samhita.susruta.6.50.27) pāṭalāyāḥ phalaṃ puṣpaṃ gairikaṃ kaṭurohiṇī/ kharjūramadhyaṃ māgadhyaḥ kāśīśaṃ dadhināma ca// ### [6.50.28](https://indike.org/pramana/in.med.samhita.susruta.6.50.28) catvāra ete yogāḥ syuḥ pratipādapradarśitāḥ/ madhudvitīyāḥ kartavyāste hikkāsu vijānatā// ### [6.50.29](https://indike.org/pramana/in.med.samhita.susruta.6.50.29) kapotapārāvatalāvaśaka(lla)śvadaṃṣṭragodhāvṛṣadaṃśajān rasān/ pibet phalāmlānahimān sasaindhavān snigdhāṃstathaivarṣyamṛgadvijodbhavān// ### [6.50.30](https://indike.org/pramana/in.med.samhita.susruta.6.50.30) virecanaṃ pathyatamaṃ sasaindhavaṃ ghṛtaṃ sukhoṣṇaṃ ca sitopalāyutam/ sadāgatāvūrdhvagate+anuvāsanaṃ vadanti kecicca hitāya hikkinām// ### [6.50.30\_1](https://indike.org/pramana/in.med.samhita.susruta.6.50.30_1) iti suśrutasaṃhitāyāmuttaratantrāntargate kāyacikitsātantre hikkāpratiṣedho nāma (dvādaśo+adhyāyaḥ, āditaḥ) pañcāśattamo+adhyāyaḥ //50// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.185.2) — Ḍalhaṇa, Sanskrit ## Linked texts (1) - [Yogaratnākara (Mayūrapāda Bhikṣu)](https://indike.org/pramana/in.med.yoga.yogaratnakara-mayurapada-bhiksu.320.3) — Mayūrapāda Bhikṣu 1700, Sanskrit --- Source: [https://indike.org/pramana/in.med.samhita.susruta.6.50](https://indike.org/pramana/in.med.samhita.susruta.6.50) · Pramāṇa