[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.51 # The Compendium of Suśruta 6.51: ekapañcāśattamo+adhyāyaḥ/ Suśrutasaṃhitā 6.51 - **Language:** Sanskrit ### ekapañcāśattamo+adhyāyaḥ/ ### [6.51.1](https://indike.org/pramana/in.med.samhita.susruta.6.51.1) athātaḥ śvāsapratiṣedhaṃ vyākhyāsyāmaḥ// ### [6.51.2](https://indike.org/pramana/in.med.samhita.susruta.6.51.2) yathovāca bhagavān dhanvantariḥ// ### [6.51.3](https://indike.org/pramana/in.med.samhita.susruta.6.51.3) yaireva kāraṇairhikkā bahubhiḥ saṃpravartate/ taireva kāraṇaiḥ śvāso ghoro bhavati dehinām// ### [6.51.4](https://indike.org/pramana/in.med.samhita.susruta.6.51.4) vihāya prakṛtiṃ vāyuḥ prāṇo+atha kaphasaṃyutaḥ/ śvāsayatyūrdhvago bhūtvā taṃ śvāsaṃ paricakṣate// ### [6.51.5](https://indike.org/pramana/in.med.samhita.susruta.6.51.5) kṣudrakastamakaśchinno mahānūrdhvaśca pañcadhā/ bhidyate sa mahāvyādhiḥ śvāsa eko viśeṣataḥ// ### [6.51.6](https://indike.org/pramana/in.med.samhita.susruta.6.51.6) prāgrūpaṃ tasya hṛtpīḍā bhaktadveṣo+aratiḥ parā/ ānāhaḥ pārśvayoḥ śūlaṃ vairasyaṃ vadanasya ca// ### [6.51.7](https://indike.org/pramana/in.med.samhita.susruta.6.51.7) kiñcidārabhamāṇasya yasya śvāsaḥ pravartate/ niṣaṇṇasyaiti śāntiṃ ca sa kṣudra iti saṃjñitaḥ// ### [6.51.8](https://indike.org/pramana/in.med.samhita.susruta.6.51.8) tṛṭsvedavamathuprāyaḥ kaṇṭhaghurghurikānvitaḥ/ viśeṣāddurdine tāmyecchvāsaḥ sa tamako mataḥ// ### [6.51.9](https://indike.org/pramana/in.med.samhita.susruta.6.51.9) ghoṣeṇa mahatā++āviṣṭaḥ sakāsaḥ sakapho naraḥ/ yaḥ śvasityabalo+annadviṭ †suptastamakapīḍitaḥ// ### [6.51.10](https://indike.org/pramana/in.med.samhita.susruta.6.51.10) sa śāmyati kaphe hīne svapataśca vidhardhate/ mūrcchājvarābhibhūtasya jñeyaḥ pratamakastu saḥ// ### [6.51.11](https://indike.org/pramana/in.med.samhita.susruta.6.51.11) ādhmāto dahyamānena bastinā sarujaṃ naraḥ/ sarvaprāṇena vicchinnaṃ śvasyācchinnaṃ tamādiśet// ### [6.51.12](https://indike.org/pramana/in.med.samhita.susruta.6.51.12) niḥsaṃjñaḥ pārśvaśūlārtaḥ śuṣkakaṇṭho+atighoṣavān/ saṃrabdhanetrastvāyamya yaḥ śvasyāt sa mahān smṛtaḥ/ ### [6.51.13](https://indike.org/pramana/in.med.samhita.susruta.6.51.13) marmasvāyamyamāneṣu śvasanmūḍho muhuśca yaḥ/ ūrdhvaprekṣī hataravastamūrdhvaśvāsamādiśet// ### [6.51.14](https://indike.org/pramana/in.med.samhita.susruta.6.51.14) kṣudraḥ sādhyatamasteṣāṃ tamakaḥ kṛcchra ucyate/ trayaḥ śvāsā na sidhyanti tamako durbalasya ca// ### [6.51.15](https://indike.org/pramana/in.med.samhita.susruta.6.51.15) snehabastiṃ vinā† kecidūrdhvaṃ cādhaśca śodhanam/ mṛdu rāṇavatāṃ śreṣṭhaṃ śvāsināmādiśanti hi// ### [6.51.16](https://indike.org/pramana/in.med.samhita.susruta.6.51.16) śvāse kāse ca hikkāyāṃ hṛdroge cāpi pūjitam/ ghṛtaṃ purāṇaṃ saṃsiddhamabhayāviḍarāmaṭhaiḥ// ### [6.51.17](https://indike.org/pramana/in.med.samhita.susruta.6.51.17) sauvarcalābhayābilvaiḥ saṃskṛtaṃ† vā+anavaṃ ghṛtam/ pippalyādipratīvāpaṃ siddhaṃ vā prathame gaṇe// ### [6.51.18](https://indike.org/pramana/in.med.samhita.susruta.6.51.18) sapañcalavaṇaṃ sarpiḥ śvāsakāsau vyapohati/ hiṃsrāviḍaṅgapūtīkatriphalāvyoṣacitrakaiḥ// ### [6.51.19](https://indike.org/pramana/in.med.samhita.susruta.6.51.19) dvikṣīraṃ sādhitaṃ sarpiścaturguṇajalāplutam/ kolamātraiḥ pibettaddhi† śvāsakāsau vyapohati// ### [6.51.20](https://indike.org/pramana/in.med.samhita.susruta.6.51.20) arśāṃsyarocakaṃ gulmaṃ śakṛdbhedaṃ kṣayaṃ tathā/ kṛtsne vṛṣakaṣāye vā pacet sarpiścaturguṇe// ### [6.51.21](https://indike.org/pramana/in.med.samhita.susruta.6.51.21) tanmūlakusumāvāpaṃ śītaṃ kṣaudreṇa yojayet/ śṛṅgīmadhūlikābhārgīśuṇṭhītārkṣyasitāmbudaiḥ// ### [6.51.22](https://indike.org/pramana/in.med.samhita.susruta.6.51.22) saharidraiḥ sayaṣṭyāhvaiḥ samairāvāpya yogataḥ/ ghṛtaprasthaṃ paceddhīmān śītatoye caturguṇe// ### [6.51.23](https://indike.org/pramana/in.med.samhita.susruta.6.51.23) śvāsaṃ kāsaṃ tathā hikkāṃ sarpiretanniyacchati/ suvahā kālikā bhargī śukākhyā naiculaṃ phalam// ### [6.51.24](https://indike.org/pramana/in.med.samhita.susruta.6.51.24) kākādanī śṛṅgaveraṃ varṣabhūrbṛhatīdvayam/ kolamātrairghṛtaprasthaṃ pacedebhirjaladvikam// ### [6.51.25](https://indike.org/pramana/in.med.samhita.susruta.6.51.25) kaṭūṣṇaṃ pītametaddhi śvāsāmayavināśanam/ sauvarcalayavakṣārakaṭukāvyoṣacitrakaiḥ// ### [6.51.26](https://indike.org/pramana/in.med.samhita.susruta.6.51.26) †vacābhayāviḍaṅgaiśca sādhitaṃ śvāsaśāntaye/ gopavallyudake siddhaṃ syādanyaddviguṇe ghṛtam// ### [6.51.27](https://indike.org/pramana/in.med.samhita.susruta.6.51.27) pañcaitāni havīṃṣyāhurbhiṣajaḥ śvāsakāsayoḥ/ tālīśatāmalakyugrājīvantīkuṣṭhasaindhavaiḥ// ### [6.51.28](https://indike.org/pramana/in.med.samhita.susruta.6.51.28) bilvapuṣkarabhūtīkasauvarcalakaṇāgnibhiḥ/ pathyātejovatīyuktaiḥ sarpirjalacaturguṇam// ### [6.51.29](https://indike.org/pramana/in.med.samhita.susruta.6.51.29) hiṅgupādayutaṃ siddhaṃ sarvaśvāsaharaṃ param/ vāsāghṛtaṃ ṣaṭpalaṃ vā ghṛtaṃ cātra hitaṃ bhavet// ### [6.51.30](https://indike.org/pramana/in.med.samhita.susruta.6.51.30) tailaṃ daśaguṇe siddhaṃ bhṛṅgarājarase śubhe/ sevyamānaṃ yathānyāyaṃ śvāsakāsau vyapohati// ### [6.51.31](https://indike.org/pramana/in.med.samhita.susruta.6.51.31) phalāmlā viṣkirarasāḥ snigdhāḥ pravyaktasaindhavāḥ/ eṇādīnāṃ śirobhirvā kaulatthā vā susaṃskṛtāḥ// ### [6.51.32](https://indike.org/pramana/in.med.samhita.susruta.6.51.32) hanyuḥ śvāsaṃ ca kāsaṃ ca saṃskṛtāni payāṃsi ca/ timirasya† ca bījāni karkaṭākhyā ca cūrṇitā// ### [6.51.33](https://indike.org/pramana/in.med.samhita.susruta.6.51.33) durālabhā+atha pippalyaḥ kaṭukākhyā harītakī/ śvāvinmayūraromāṇi kolā māgadhikākaṇāḥ// ### [6.51.34](https://indike.org/pramana/in.med.samhita.susruta.6.51.34) bhārgītvak śṛṅgaveraṃ ca śarkarā śallakāṅgajam/ nṛttakauṇḍakabījāni† cūrṇitāni tu kevalam// ### [6.51.35](https://indike.org/pramana/in.med.samhita.susruta.6.51.35) pañca ślokārdhikāstvete lehā ye samyagīritāḥ/ sarpirmadhubhyāṃ te lehyāḥ kāsaśvāsārditairnaraiḥ// ### [6.51.36](https://indike.org/pramana/in.med.samhita.susruta.6.51.36) saptacchadasya puṣpāṇi pippalīścāpi mastunā/ pibet saṃcūrṇya madhunā dhānāścāpyatha bhakṣayet// ### [6.51.37](https://indike.org/pramana/in.med.samhita.susruta.6.51.37) arkāṅkurairbhāvitānāṃ yavānāṃ sādhvanekaśaḥ/ tarpaṇaṃ vā pibedeṣāṃ sakṣaudraṃ śvāsapīḍitaḥ// ### [6.51.38](https://indike.org/pramana/in.med.samhita.susruta.6.51.38) śirīṣakadalīkundapuṣpaṃ māgadhikāyutam/ taṇḍulāmbuyutaṃ pītvā jayecchvāsānaśeṣataḥ// ### [6.51.39](https://indike.org/pramana/in.med.samhita.susruta.6.51.39) kolamajjāṃ tālamūlamṛṣyacarmamasīmapi/ lihyāt kṣaudreṇa bhārgīṃ vā sarpirmadhusamāyutām// ### [6.51.40](https://indike.org/pramana/in.med.samhita.susruta.6.51.40) nīcaiḥkadambabījaṃ vā sakṣaudraṃ taṇḍulāmbunā/ drākṣāṃ harītakīṃ kṛṣṇāṃ karkaṭākhyāṃ durālabhām// ### [6.51.41](https://indike.org/pramana/in.med.samhita.susruta.6.51.41) sarpirmadhubhyāṃ vilihan hanti śvāsān sudāruṇān/ haridrāṃ maricaṃ drākṣāṃ guḍaṃ rāsnāṃ kaṇāṃ śaṭīm// ### [6.51.42](https://indike.org/pramana/in.med.samhita.susruta.6.51.42) †lihyāttailena tulyāni śvāsārto hitabhojanaḥ/ gavāṃ purīṣasvarasaṃ madhusarpiḥkaṇāyutam†// ### [6.51.43](https://indike.org/pramana/in.med.samhita.susruta.6.51.43) lihyācchvāsseṣu kāseṣu vājināṃ vā śakṛdrasam/ pāṇḍurogeṣu śotheṣu ye yogāḥ saṃprakīrtitāḥ// ### [6.51.44](https://indike.org/pramana/in.med.samhita.susruta.6.51.44) śvāsakāsāpahāste+api kāsaghnā ye ca kīrtitāḥ/ bhārgītvak tryūṣaṇaṃ tailaṃ haridrāṃ kaṭurohiṇīm// ### [6.51.45](https://indike.org/pramana/in.med.samhita.susruta.6.51.45) pippalīṃ maricaṃ caṇḍāṃ gośakṛdrasameva ca/ talakoṭasya bījeṣu pacedutkārikāṃ śubhām// ### [6.51.46](https://indike.org/pramana/in.med.samhita.susruta.6.51.46) sevyamānā nihantyeṣā śvāsānāśu sudustarān/ purāṇasarpiḥ pippalyaḥ kaulatthā jāṅgalā rasāḥ// ### [6.51.47](https://indike.org/pramana/in.med.samhita.susruta.6.51.47) surā sauvīrakaṃ hiṅgu mātuluṅgaraso madhu/ drākṣāmalakabilvāni śastāni śvāsihikkinām// ### [6.51.48](https://indike.org/pramana/in.med.samhita.susruta.6.51.48) śvāsahikkāparigataṃ snigdhaiḥ svedairupācaret/ †āktaṃ lavaṇatailābhyāṃ tairasya grathitaḥ kaphaḥ// ### [6.51.49](https://indike.org/pramana/in.med.samhita.susruta.6.51.49) khastho vilayanaṃ yāti mārutaśca praśāmyati/ †svinnaṃ jñātvā tataścaiva bhojayitvā rasaudanam// ### [6.51.50](https://indike.org/pramana/in.med.samhita.susruta.6.51.50) vātaśleṣmavibandhe vā bhiṣag dhūmaṃ prayojayet/ manaḥśilādevadāruharidrācchadanāmiṣaiḥ// ### [6.51.51](https://indike.org/pramana/in.med.samhita.susruta.6.51.51) lākṣorubūkamūlaiśca kṛtvā vartīrvidhānataḥ/ †sarpiryavamadhūcchiṣṭaśālaniryāsajaṃ tathā// ### [6.51.52](https://indike.org/pramana/in.med.samhita.susruta.6.51.52) śṛṅgabālakhurasnāyutvak samastaṃ gavāmapi/ turuṣkaśallakīnāṃ ca gugguloḥ padmakasya ca// ### [6.51.53](https://indike.org/pramana/in.med.samhita.susruta.6.51.53) ete sarve sasarpiṣkā dhūmāḥ kāryā vijānatā/ balīyasi kaphagraste vamanaṃ savirecanam// ### [6.51.54](https://indike.org/pramana/in.med.samhita.susruta.6.51.54) durbale caiva rūkṣe ca tarpaṇaṃ hitamucyate/ jāṅgalorabhrajairmāṃsairānūpairvā susaṃskṛtaiḥ// ### [6.51.55](https://indike.org/pramana/in.med.samhita.susruta.6.51.55) nidigdhikāṃ cāmalakapramāṇāṃ hiṅgvardhayuktāṃ madhunā suyuktām/ lihannaraḥ śvāsanipīḍito hi śvāsaṃ jayatyeva balāttryaheṇa// ### [6.51.56](https://indike.org/pramana/in.med.samhita.susruta.6.51.56) yathā+agniriddhaḥ †pavanānuviddho vajraṃ yathā vā surarājamuktam/ rogāstathaite khalu durnivārāḥ śvāsaśca kāsaśca vilambikā ca// ### [6.51.56\_1](https://indike.org/pramana/in.med.samhita.susruta.6.51.56_1) iti suśrutasaṃhitāyāmuttaratantrāntargate kāyacikitsātantre hikkāśvāsapratiṣedho nāma (tryodaśo+adhyāyaḥ, āditaḥ) ekapañcāśattamo+adhyāyaḥ //51// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.186.3) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.51](https://indike.org/pramana/in.med.samhita.susruta.6.51) · Pramāṇa