[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.52 # The Compendium of Suśruta 6.52: dvipañcāśattamo+adhyāyaḥ/ Suśrutasaṃhitā 6.52 - **Language:** Sanskrit ### dvipañcāśattamo+adhyāyaḥ/ ### [6.52.1](https://indike.org/pramana/in.med.samhita.susruta.6.52.1) athātaḥ kāsapratiṣedhamadhyāyaṃ vyākhyāsyāmaḥ// ### [6.52.2](https://indike.org/pramana/in.med.samhita.susruta.6.52.2) yathovāca bhagavān dhanvantariḥ// ### [6.52.3](https://indike.org/pramana/in.med.samhita.susruta.6.52.3) uktā ye hetavo nṝṇāṃ rogayoḥ śvāsahikkayoḥ/ kāsasyāpi ca vijñeyāsta evotpattihetavaḥ// ### [6.52.4](https://indike.org/pramana/in.med.samhita.susruta.6.52.4) dhūmopaghātādrajasastathaiva vyāyāmarūkṣānnaniṣevaṇācca/ vimārgagatvādapi bhojanasya vegāvarodhāt kṣavathostathaiva// ### [6.52.5](https://indike.org/pramana/in.med.samhita.susruta.6.52.5) prāṇo hyudānānugataḥ praduṣṭaḥ saṃbhinnakāṃsyasvanatulyaghoṣaḥ/ nireti vaktrāt sahasā sadoṣaḥ kāsaḥ sa vidvadbhirudāhṛtastu// ### [6.52.6](https://indike.org/pramana/in.med.samhita.susruta.6.52.6) sa vātapittaprabhavaḥ kaphācca kṣatāttathā+anyaḥ kṣayajo+aparaśca/ pañcaprakāraḥ kathito bhiṣagbhirvivardhito yakṣmavikārakṛt syāt// ### [6.52.7](https://indike.org/pramana/in.med.samhita.susruta.6.52.7) bhaviṣyatastasya tu kaṇṭhakaṇḍūrbhojyoparodho galatālulepaḥ/ †svaśabdavaiṣamyamarocako+agnisādaśca liṅgāni bhavantyamūni// ### [6.52.8](https://indike.org/pramana/in.med.samhita.susruta.6.52.8) hṛcchaṅkhamūrdhodarapārśvaśūlī kṣāmānanaḥ kṣīṇabalasvaraujāḥ/ †prasaktamantaḥkaphamīraṇena kāsettu śuṣkaṃ svarabhedayuktaḥ// ### [6.52.9](https://indike.org/pramana/in.med.samhita.susruta.6.52.9) urovidāhajvaravaktraśoṣairabhyarditastiktamukhastṛṣārtaḥ/ pittena pītāni vamet kaṭūni kāset sa pāṇḍuḥ paridahyamānaḥ// ### [6.52.10](https://indike.org/pramana/in.med.samhita.susruta.6.52.10) pralipyamānena(vilipyamānena) mukhena sīdan śirorujārtaḥ kaphapūrṇadehaḥ/ abhaktaruggauravasādayuktaḥ †kāseta nā sāndrakaphaṃ kaphena// ### [6.52.11](https://indike.org/pramana/in.med.samhita.susruta.6.52.11) vakṣo+atimātraṃ vihataṃ tu yasya vyāyāmabhārādhyayanābhighātaiḥ/ viśliṣṭavakṣāḥ sa naraḥ saraktaṃ ṣṭhīvatyabhīkṣṇaṃ kṣatajaṃ† tamūhuḥ// ### [6.52.12](https://indike.org/pramana/in.med.samhita.susruta.6.52.12) sa gātraśūlajvaradāhamohān prāṇakṣayaṃ copalabheta kāsī/ śuṣyan viniṣṭhīvati durbalastu prakṣīṇamāṃso rudhiraṃ sapūyam// ### [6.52.13](https://indike.org/pramana/in.med.samhita.susruta.6.52.13) †sasarvaliṅgaṃ bhṛśaduścikitsyaṃ cikitsitajñāḥ kṣayajaṃ †vadanti/ vṛddhatvamāsādya †bhavettu yo vai yāpyaṃ tamāhurbhiṣajastu kāsam// ### [6.52.14](https://indike.org/pramana/in.med.samhita.susruta.6.52.14) śṛṅgīvacākaṭphalakattṛṇābdadhānyābhayābhārgyamarāhvaviśvam/ uṣṇāmbunā hiṅguyutaṃ tu pītvā baddhāsyamapyāśu jahāti kāsam// ### [6.52.15](https://indike.org/pramana/in.med.samhita.susruta.6.52.15) phalatrikavyoṣaviḍaṅgaśṛṅgīrāsnāvacāpadmakadevakāṣṭhaiḥ†/ lehaḥ samaiḥ kṣaudrasitāghṛtāktaḥ kāsaṃ nihanyādacirādudīrṇam// ### [6.52.16](https://indike.org/pramana/in.med.samhita.susruta.6.52.16) pathyāṃ sitāmāmalakāni lājāṃ samāgadhīṃ cāpi vicūrṇya śuṇṭhīm/ sarpirmadhubhyāṃ vilihīta kāsī sasaindhavāṃ voṣṇajalena kṛṣṇām// ### [6.52.17](https://indike.org/pramana/in.med.samhita.susruta.6.52.17) khādedguḍaṃ nāgarapippalībhyāṃ drākṣāṃ ca sarpirmadhunā+avalihyāt/ drākṣāṃ sitāṃ māgadhikāṃ ca tulyāṃ saśṛṅgaveraṃ madhukaṃ tugāṃ ca// ### [6.52.18](https://indike.org/pramana/in.med.samhita.susruta.6.52.18) lihyādghṛtakṣaudrayutāṃ samāṃśāṃ sitopalāṃ vā maricāṃśayuktām/ dhātrīkaṇāviśvasitopalāśca saṃcūrṇya maṇḍena pibecca dadhnaḥ// ### [6.52.19](https://indike.org/pramana/in.med.samhita.susruta.6.52.19) hareṇukāṃ māgadhikāṃ ca †tulyāṃ dadhnā pibet kāsagadābhibhūtaḥ/ ubhe haridre suradāruśuṇṭhīṃ gāyatrisāraṃ ca pibet samāṃśam// ### [6.52.20](https://indike.org/pramana/in.med.samhita.susruta.6.52.20) bastasya mūtreṇa sukhāmbunā vā dantīṃ dravantīṃ ca satilvakākhyām†/ bhṛṣṭāni sarpīṃṣyatha bādarāṇi khādet palāśāni sasaindhavāni// ### [6.52.21](https://indike.org/pramana/in.med.samhita.susruta.6.52.21) kolapramāṇaṃ prapibeddhi hiṅgu sauvīrakeṇāmlarasena vā+api/ kṣaudreṇa lihyānmaricāni vā+api bhārgīvacāhiṅgukṛtā ca vartiḥ// ### [6.52.22](https://indike.org/pramana/in.med.samhita.susruta.6.52.22) dhūme praśastā ghṛtasaṃprayuktā veṇutvagelālavaṇaiḥ kṛtā vā/ musteṅgudītvaṅmadhukāhvamāṃsīmanaḥśilālaiśchagalāmbupiṣṭaiḥ// ### [6.52.23](https://indike.org/pramana/in.med.samhita.susruta.6.52.23) vidhāya vartīśca payo+anupānaṃ dhūmaṃ pibedvātabalāsakāsī/ pibecca sīdhuṃ maricānvitaṃ vā tenāśu kāsaṃ jayati prasahya// ### [6.52.24](https://indike.org/pramana/in.med.samhita.susruta.6.52.24) drākṣāmbumañjiṣṭhapurāhvayābhiḥ kṣīraṃ †śṛtaṃ mākṣikasaṃprayuktam/ nidigdhikānāgarapippalībhiḥ khādecca mudgānmadhunā susiddhān// ### [6.52.25](https://indike.org/pramana/in.med.samhita.susruta.6.52.25) utkārikāṃ sarpiṣi nāgarāḍhyāṃ paktvā samūlaistruṭikolapatraiḥ/ ebhirniṣeveta kṛtāṃ ca peyāṃ tanvīṃ suśītāṃ madhunā vimiśrām// ### [6.52.26](https://indike.org/pramana/in.med.samhita.susruta.6.52.26) yat plīhni sarpirvihitaṃ ṣaḍaṅgaṃ tadvātakāsaṃ jayati prasahya/ vidārigandhādikṛtaṃ ghṛtaṃ vā rasena vā vāsakajena pakvam// ### [6.52.27](https://indike.org/pramana/in.med.samhita.susruta.6.52.27) virecanaṃ snaihikamatra coktamāsthāpanaṃ cāpyanuvāsanaṃ ca/ dhūmaṃ pibet snaihikamapramattaḥ pibet sukhoṣṇaṃ ghṛtameva cātra// ### [6.52.28](https://indike.org/pramana/in.med.samhita.susruta.6.52.28) hitā yavāgvaśca raseṣu siddhāḥ payāṃsi lehāḥ saghṛtāstathaiva/ pracchardanaṃ kāyaśirovirekāstathaiva dhūmāḥ kavalagrahāśca// ### [6.52.29](https://indike.org/pramana/in.med.samhita.susruta.6.52.29) uṣṇāśca lehāḥ kaṭukā nihanyuḥ kaphaṃ viśeṣeṇa viśoṣaṇaṃ ca/ kaṭutrikaṃ cāpi vadanti pathyaṃ ghṛtaṃ kṛmighnasvarase vipakvam// ### [6.52.30](https://indike.org/pramana/in.med.samhita.susruta.6.52.30) nirguṇḍipatrasvarase ca pakvaṃ sarpiḥ kaphotthaṃ vinihanti kāsam/ pāṭhāviḍavyoṣaviḍaṅgasindhutrikaṇṭarāsnāhutabhugbalābhiḥ// ### [6.52.31](https://indike.org/pramana/in.med.samhita.susruta.6.52.31) śṛṅgīvacāmbhodharadevadārudurālabhābhārgyabhayaśaṭībhiḥ/ samyagvipakvaṃ dviguṇena sarpirnidigdhikāyāḥ svarasena caitat// ### [6.52.32](https://indike.org/pramana/in.med.samhita.susruta.6.52.32) śvāsāgnisādasvarabhedabhinnānnihantyudīrṇānapi† pañca kāsān/ vidārigandhotpalasārivādīn niṣkvāthya †vargaṃ madhuraṃ ca kṛtsnam// ### [6.52.33](https://indike.org/pramana/in.med.samhita.susruta.6.52.33) ghṛtaṃ pacedikṣurasāmbudugdhaiḥ kākolivarge ca saśarkaraṃ tat/ prātaḥ pibet pittakṛte ca kāse ratiprasūte kṣataje ca kāse// ### [6.52.34](https://indike.org/pramana/in.med.samhita.susruta.6.52.34) kharjūrabhārgīmagadhāpriyālamadhūlikailāmalakaiḥ samāṃśaiḥ/ cūrṇaṃ sitākṣaudraghṛtaprāgāḍhaṃ trīn hanti kāsānupayujyamānam// ### [6.52.35](https://indike.org/pramana/in.med.samhita.susruta.6.52.35) raktāharidrāñjanavahnipāṭhāmūrvopakulyā vilihet samāṃśāḥ/ kṣaudreṇa kāse kṣataje kṣayotthe pibedghṛtaṃ cekṣurase vipakvam// ### [6.52.36](https://indike.org/pramana/in.med.samhita.susruta.6.52.36) cūrṇaṃ pibedāmalakasya vā+api kṣīreṇa pakvaṃ saghṛtaṃ hitāśī/ cūrṇāni godhūmayavodbhavāni kākolivargaśca kṛtaḥ susūkṣmaḥ// ### [6.52.37](https://indike.org/pramana/in.med.samhita.susruta.6.52.37) kāseṣu peyastriṣu kāsavadbhiḥ kṣīreṇa sakṣaudraghṛtena vā+api/ guḍodakaṃ vā kvathitaṃ pibeddhi kṣaudreṇa śītaṃ maricopadaṃśam// ### [6.52.38](https://indike.org/pramana/in.med.samhita.susruta.6.52.38) prasthatrayeṇāmalakīrasasya śuddhasya dattvā+ardhatulāṃ guḍasya/ cūrṇīkṛtairgranthikacavyajīravyoṣebhakṛṣṇāhapuṣājamodaiḥ// ### [6.52.39](https://indike.org/pramana/in.med.samhita.susruta.6.52.39) viḍaṅgasindhutriphalāyavānīpāṭhāgnidhānyaiśca picupramāṇaiḥ/ dattvā trivṛccūrṇapalāni cāṣṭāvaṣṭau ca tailasya pacedyathāvat// ### [6.52.40](https://indike.org/pramana/in.med.samhita.susruta.6.52.40) taṃ bhakṣayedakṣaphalapramāṇaṃ yatheṣṭaceṣṭastrisugandhiyuktam/ anena sarve grahaṇīvikārāḥ saśvāsakāsasvarabhedaśothāḥ// ### [6.52.41](https://indike.org/pramana/in.med.samhita.susruta.6.52.41) śāmyanti cāyaṃ ciramantaragnerhatasya puṃstvasya ca vṛddhihetuḥ/ strīṇāṃ ca vandhyāmayanāśanaḥ syāt kalyāṇako nāma guḍaḥ pratītaḥ// ### [6.52.42](https://indike.org/pramana/in.med.samhita.susruta.6.52.42) dvipañcamūlebhakaṇātmaguptābhārgīśaṭīpuṣkaramūlaviśvān/ pāṭhāmṛtāgranthikaśaṅkhapuṣpīrāsnāgnyapāmārgabalāyavāsān// ### [6.52.43](https://indike.org/pramana/in.med.samhita.susruta.6.52.43) dvipālikān †nyasya yavāḍhakaṃ ca harītakīnāṃ ca śataṃ gurūṇām/ droṇe jalasyāḍhakasaṃyute ca kvāthe kṛte pūtacaturthabhāge// ### [6.52.44](https://indike.org/pramana/in.med.samhita.susruta.6.52.44) pacettulāṃ śuddhaguḍasya dattvā pṛthak ca tailāt kuḍavaṃ ghṛtācca/ cūrṇaṃ ca tāvanmagadhodbhavāyā deyaṃ ca tasminmadhu siddhaśīte// ### [6.52.45](https://indike.org/pramana/in.med.samhita.susruta.6.52.45) rasāyanāt karṣamato vilihyāddve cābhaye nityamathāśu hanyāt/ tadrājayakṣmagrahaṇīpradoṣaśophāgnimāndyasvarabhedakāsān// ### [6.52.46](https://indike.org/pramana/in.med.samhita.susruta.6.52.46) pāṇḍvāmayaśvāsaśirovikārān hṛdrogahikkāviṣamajvarāṃśca/ medhābalotsāhamatipradaṃ ca cakāra caitadbhagavānagastyaḥ// ### [6.52.47](https://indike.org/pramana/in.med.samhita.susruta.6.52.47) kulīraśuktīcaṭakaiṇalāvānniṣkvāthya vargaṃ madhuraṃ ca kṛtsnam/ pacedghṛtaṃ tattu niṣevyamāṇaṃ hanyāt kṣatotthaṃ kṣayajaṃ ca kāsam// śatāvarīnāgabalāvipakvaṃ ghṛtaṃ vidheyaṃ ca hitāya kāsinām/ ### [6.52.47\_1](https://indike.org/pramana/in.med.samhita.susruta.6.52.47_1) iti suśrutasaṃhitāyāmuttaratantrāntargate kāyacikitsātantre kāsapratiṣedho nāma (caturdaśo+adhyāyaḥ, āditaḥ) dvipañcāśattamo+adhyāyaḥ //52// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.186.56) — Ḍalhaṇa, Sanskrit ## Linked texts (1) - [Yogaratnākara (Mayūrapāda Bhikṣu)](https://indike.org/pramana/in.med.yoga.yogaratnakara-mayurapada-bhiksu.331.1-15) — Mayūrapāda Bhikṣu 1700, Sanskrit --- Source: [https://indike.org/pramana/in.med.samhita.susruta.6.52](https://indike.org/pramana/in.med.samhita.susruta.6.52) · Pramāṇa