[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.57 # The Compendium of Suśruta 6.57: saptapañcāśattamo+adhyāyaḥ/ Suśrutasaṃhitā 6.57 - **Language:** Sanskrit ### saptapañcāśattamo+adhyāyaḥ/ ### [6.57.1](https://indike.org/pramana/in.med.samhita.susruta.6.57.1) athāto+arocakapratiṣedhamadhyāyaṃ vyākhyāsyāmaḥ// ### [6.57.2](https://indike.org/pramana/in.med.samhita.susruta.6.57.2) yathovāca bhagavān dhanvantariḥ// ### [6.57.3](https://indike.org/pramana/in.med.samhita.susruta.6.57.3) doṣaiḥ pṛthak saha ca cittaviparyayācca bhaktāyaneṣu hṛdi cāvatate pragāḍham/ nānne rucirbhavati taṃ bhiṣajo vikāraṃ bhaktopaghātamiha pañcavidhaṃ vadanti/// ### [6.57.4](https://indike.org/pramana/in.med.samhita.susruta.6.57.4) hṛcchūlapīḍanayutaṃ virasānanatvaṃ vātātmake bhavati liṅgamarocake tu/ hṛddāhacoṣabahutā mukhatiktatā ca mūrcchā satṛḍ bhavati pittakṛte tathaiva// ### [6.57.5](https://indike.org/pramana/in.med.samhita.susruta.6.57.5) kaṇḍūgutvakaphasaṃsravasādatandrāḥ śleṣmātmake madhuramāsyamarocake tu/ sarvātmake pavanapittakaphā bahūni rūpāṇyathāsya hṛdaye samudīrayanti// ### [6.57.6](https://indike.org/pramana/in.med.samhita.susruta.6.57.6) saṃrāgaśokabhayaviplutacetasastu cintākṛto bhavati so+aśucidarśanācca/ vāte vacāmbuvamanaṃ kṛtavān pibecca snehaiḥ surābhirathavoṣṇajalena cūrṇam// ### [6.57.7](https://indike.org/pramana/in.med.samhita.susruta.6.57.7) kṛṣṇāviḍaṅgayavabhasmahareṇubhārgīrāsnailahiṅgulavaṇottamanāgarāṇām/ pitte guḍāmbumadhurairvamanaṃ praśastaṃ snehaḥ sasaindhavasitāmadhusarpiriṣṭaḥ// ### [6.57.8](https://indike.org/pramana/in.med.samhita.susruta.6.57.8) nimbāmbuvāmitavataḥ kaphaje+anupānaṃ rājadrumāmbu madhunā tu sadīpyakaṃ syāt/ cūrṇaṃ yaduktamathavā+anilaje tadeva sarvaiśca sarvakṛtamevamupakrameta// ### [6.57.9](https://indike.org/pramana/in.med.samhita.susruta.6.57.9) drākṣāpaṭolaviḍavetrakarīranimbamūrvābhayākṣabadarāmalakendravṛkṣaiḥ/ bījaiḥ karañjanṛpavṛkṣabhavaiśca piṣṭairlehaṃ pacet surabhimūtrayutaṃ yathāvat// ### [6.57.10](https://indike.org/pramana/in.med.samhita.susruta.6.57.10) mustāṃ vacāṃ trikaṭukaṃ rajanīdvayaṃ ca bhārgīṃ ca kuṣṭhamatha nirdahanīṃ ca piṣṭvā/ mūtre+avije dviradamūtrayute pacedvā pāṭhāṃ tugāmativiṣāṃ rajanīṃ ca mukhyām// ### [6.57.11](https://indike.org/pramana/in.med.samhita.susruta.6.57.11) maṇḍūkimarkamamṛtāṃ ca salāṅgalākhyāṃ mūtre pacettu mahiṣasya vidhānavidvā/ etānna santi caturo lihatastu lehān gulmāruciśvasanakaṇṭhahṛdāmayāśca// ### [6.57.12](https://indike.org/pramana/in.med.samhita.susruta.6.57.12) sātmyān †svadeśaracitān vividhāṃśca bhakṣyān pānāni mūlaphalaṣāḍavarāgayogān/ adyādrasāṃśca vividhān vividhaiḥ prakārairbhuñjīta cāpi laghurūkṣamanaḥsukhāni// ### [6.57.13](https://indike.org/pramana/in.med.samhita.susruta.6.57.13) āsthāpanaṃ vidhivadatra virecanaṃ ca kuryānmṛdūni śirasaśca virecanāni/ trīṇyūṣaṇāni rajanītriphalāyutāni cūrṇīkṛtāni yavaśūkavimiśritāni// ### [6.57.14](https://indike.org/pramana/in.med.samhita.susruta.6.57.14) kṣaudrāyutāni vitarenmukhabodhanārthamanyāni† tiktakaṭukāni ca bheṣajāni/ mustādirājataruvargadaśāṅgasiddhaiḥ kvāthairjayenmadhuyutairvividhaiśca lehaiḥ// ### [6.57.15](https://indike.org/pramana/in.med.samhita.susruta.6.57.15) mūtrāsavairguḍakṛtaiśca tathā tvariṣṭaiḥ kṣārāsavaiśca madhumādhavatulyagandhaiḥ/ syādeṣa eva kaphavātahate vidhiśca śāntiṃ gate hutabhuji praśamāya tasya// ### [6.57.16](https://indike.org/pramana/in.med.samhita.susruta.6.57.16) icchābhighātabhayaśokahate+antaragnau bhāvān bhavāya vitaret khalu śakyarūpān/ artheṣu †cāpyapaciteṣu punarbhavāya paurāṇikaiḥ śrutiśatairanumānayettam†// ### [6.57.17](https://indike.org/pramana/in.med.samhita.susruta.6.57.17) dainyaṃ gate manasi bodhanamatra śastaṃ yadyat priyaṃ tadupasevyamarocake tu// ### [6.57.17\_1](https://indike.org/pramana/in.med.samhita.susruta.6.57.17_1) iti suśrutasaṃhitāyāmuttaratantrāntargate kāyacikitsātantre+arocakapratiṣedho nāma (ekonaviṃśo+adhyāyaḥ, āditaḥ) saptapañcāśattamo+adhyāyaḥ//57// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.192.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.57](https://indike.org/pramana/in.med.samhita.susruta.6.57) · Pramāṇa