[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.5 # The Compendium of Suśruta 6.5: pañcamo+adhyāyaḥ/ Suśrutasaṃhitā 6.5 - **Language:** Sanskrit ### pañcamo+adhyāyaḥ/ ### [6.5.1](https://indike.org/pramana/in.med.samhita.susruta.6.5.1) athātaḥ kṛṣṇagatarogavijñānīyamadhyāyaṃ vyākhyāsyāmaḥ// ### [6.5.2](https://indike.org/pramana/in.med.samhita.susruta.6.5.2) yathovāca bhagavān dhanvantariḥ// ### [6.5.3](https://indike.org/pramana/in.med.samhita.susruta.6.5.3) yat savraṇaṃ śukla(śukra)mathāvraṇaṃ vā pākātyayaścāpyajakā tathaiva/ catvāra ete+abhihitā vikārāḥ kṛṣṇāśrayāḥ saṃgrahataḥ purastāt// ### [6.5.4](https://indike.org/pramana/in.med.samhita.susruta.6.5.4) nimagnarūpaṃ hi bhavettu kṛṣṇe sūcyeva viddhaṃ pratibhāti †yadvai/ srāvaṃ sraveduṣṇamatīva ruk ca tat savraṇaṃ śukra(śukla)mudāharanti// ### [6.5.5](https://indike.org/pramana/in.med.samhita.susruta.6.5.5) dṛṣṭeḥ samīpe na bhavettu yacca na cāvagāḍhaṃ na ca saṃsraveddhi/ avedanāvanna ca yugmaśukraṃ tatsiddhimāpnoti kadācideva// ### [6.5.6](https://indike.org/pramana/in.med.samhita.susruta.6.5.6) vicchinnamadhyaṃ piśitāvṛtaṃ vā calaṃ sirāsaktamadṛṣṭikṛcca†/ dvitvaggataṃ lohitamantataśca cirotthitaṃ cāpi vivarjanīyam// ### [6.5.7](https://indike.org/pramana/in.med.samhita.susruta.6.5.7) uṣṇāśrupātaḥ piḍakā ca kṛṣṇe yasmin bhavenmudganibhaṃ ca śukram/ tadapyasādhyaṃ pravadanti kecidanyacca yattittiripakṣatulyam// ### [6.5.8](https://indike.org/pramana/in.med.samhita.susruta.6.5.8) sitaṃ yadā bhātyasitapradeśe syandātmakaṃ nātirugaśruyuktam/ vihāyasīvācchaghanānukāri† tadavraṇaṃ sādhyatamaṃ vadanti// ### [6.5.9](https://indike.org/pramana/in.med.samhita.susruta.6.5.9) gambhīrajātaṃ bahalaṃ ca śukraṃ cirotthitaṃ cāpi vadanti kṛcchram/ saṃcchādyate† śvetanibhena sarvaṃ doṣeṇa yasyāsitamaṇḍalaṃ tu// ### [6.5.10](https://indike.org/pramana/in.med.samhita.susruta.6.5.10) tamakṣipākātyayamakṣikopasamutthitaṃ† tīvrarujaṃ vadanti/ ajāpurīṣapratimo rujāvān salohito lohitapicchilāśruḥ/ vidārya kṛṣṇaṃ pracayo+abhyupaiti taṃ cājakājātamiti vyavasyet// ### [6.5.10\_1](https://indike.org/pramana/in.med.samhita.susruta.6.5.10_1) iti suśrutasaṃhitāyāmuttaratantre kṛṣṇagatarogavijñānīyo nāma pañcamo+adhyāyaḥ //5// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.137.4) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.5](https://indike.org/pramana/in.med.samhita.susruta.6.5) · Pramāṇa