[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.62 # The Compendium of Suśruta 6.62: dviṣaṣṭitamo+adhyāyaḥ/ Suśrutasaṃhitā 6.62 - **Language:** Sanskrit ### dviṣaṣṭitamo+adhyāyaḥ/ ### [6.62.1](https://indike.org/pramana/in.med.samhita.susruta.6.62.1) athāta unmādapratiṣedhamadhyāyaṃ vyākhyāsyāmaḥ// ### [6.62.2](https://indike.org/pramana/in.med.samhita.susruta.6.62.2) yathovāca bhagavān dhanvantariḥ// ### [6.62.3](https://indike.org/pramana/in.med.samhita.susruta.6.62.3) madayantyuddhatā(madayantyudgatā) doṣā yasmādunmārgamāśritāḥ†/ mānaso+ayamato vyādhirunmāda iti kīrtitaḥ†// ### [6.62.4](https://indike.org/pramana/in.med.samhita.susruta.6.62.4) ekaikaśaḥ† samastaiśca doṣairatyarthamūrcchitaiḥ/ mānasena ca duḥkhena sa pañcavidha ucyate// ### [6.62.5](https://indike.org/pramana/in.med.samhita.susruta.6.62.5) viṣādbhavati ṣaṣṭhaśca yathāsvaṃ tatra bheṣajam/ sa cāpravṛddhastaruṇo madasaṃjñāṃ bibharti ca// ### [6.62.6](https://indike.org/pramana/in.med.samhita.susruta.6.62.6) mohodvegau svanaḥ śrotre gātrāṇāmapakarṣaṇam/ atyutsāho+aruciścānne svapne kaluṣabhojanam†// ### [6.62.7](https://indike.org/pramana/in.med.samhita.susruta.6.62.7) vāyunonmathanaṃ cāpi †bhramaścakragatasya vā/ yasya syādacireṇaiva unmādaṃ so+adhigacchati// ### [6.62.8](https://indike.org/pramana/in.med.samhita.susruta.6.62.8) rūkṣacchaviḥ paruṣavāgdhamanītato vā †śītāturaḥ kṛśatanuḥ sphuritāṅgasandhiḥ/ āsphoṭayasyaṭati gāyati nṛtyaśīlo vikrośati bhramati cāpyanilaprakopāt// ### [6.62.9](https://indike.org/pramana/in.med.samhita.susruta.6.62.9) tṛṭsvedadāhabahulo bahubhigvinidrāśchāyāhimānilajalāntavihārasevī/ tīkṣṇo himāmbuni caye+api sa vahniśaṅkī pittāddivā nabhasi paśyati tārakāśca// ### [6.62.10](https://indike.org/pramana/in.med.samhita.susruta.6.62.10) chardyagnisādasadanārucikāsayukto yoṣidviviktaratiralpamatipracāraḥ/ nidrāparo+alpakathano+alpabhuguṣṇasevī rātrau bhṛśaṃ bhavati cāpi kaphaprakopāt// ### [6.62.11](https://indike.org/pramana/in.med.samhita.susruta.6.62.11) sarvātmake pavanapittakaphā yathāsvaṃ saṃharṣitā iva ca liṅgamudīrayanti// ### [6.62.12](https://indike.org/pramana/in.med.samhita.susruta.6.62.12) caurairnarendrapuruṣairaribhistathā+anyairvitrāsitasya dhanabāndhavasaṃkṣayādvā/ gāḍhaṃ kṣate manasi ca priyayā riraṃsorjāyeta cotkaṭataro manaso vikāraḥ// ### [6.62.13](https://indike.org/pramana/in.med.samhita.susruta.6.62.13) citraṃ sa jalpati manonugataṃ visaṃjño gāyatyatho hasati roditi †mūḍhasaṃjñaḥ/ raktekṣaṇo hatabalendriyabhāḥ sudīnaḥ śyāvānano viṣakṛto†+atha bhavet parāsuḥ// ### [6.62.14](https://indike.org/pramana/in.med.samhita.susruta.6.62.14) snigdhaṃ svinnaṃ tu manujamunmādārtaṃ viśodhayet/ tīkṣṇairubhayatobhāgaiḥ śirasaśca virecanaiḥ// ### [6.62.15](https://indike.org/pramana/in.med.samhita.susruta.6.62.15) vividhairavapīḍaiśca sarṣapasnehasaṃyutaiḥ/ yojayitvā tu taccūrṇaṃ ghrāṇe †tasya prayojayet// ### [6.62.16](https://indike.org/pramana/in.med.samhita.susruta.6.62.16) satataṃ dhūpayeccainaṃ śvagomāṃsaiḥ supūtibhiḥ/ sarṣapānāṃ ca tailena nasyābhyaṅgau hitau sadā// ### [6.62.17](https://indike.org/pramana/in.med.samhita.susruta.6.62.17) darśayedadbhutānyasya vadennāśaṃ priyasya vā/ bhīmākārairnarairnāgairdāntairvyālaiśca nirviṣaiḥ// ### [6.62.18](https://indike.org/pramana/in.med.samhita.susruta.6.62.18) bhīṣayet saṃyataṃ pāśaiḥ kaśābhirvā+atha tāḍayet/ yantrayitvā suguptaṃ vā trāsayettaṃ tṛṇāgninā// ### [6.62.19](https://indike.org/pramana/in.med.samhita.susruta.6.62.19) jalena tarjayedvā+api rajjughātairvibhāvayet/ balavāṃścāpi saṃrakṣet jale+antaḥ parivāsayet/ pratudedārayā cainaṃ marmāghātaṃ vivarjayet/ veśmano+antaḥ praviśyainaṃ rakṣaṃstadveśma dīpayet// ### [6.62.20](https://indike.org/pramana/in.med.samhita.susruta.6.62.20) sāpidhāne †jaratkūpe satataṃ vā nivāsayet/ tryahāttryahādyavāgūśca †tarpaṇān vā pradāpayet// ### [6.62.21](https://indike.org/pramana/in.med.samhita.susruta.6.62.21) kevalānambuyuktān vā kulmāṣān vā bahuśrutaḥ/ hṛdyaṃ yaddīpanīyaṃ ca tatpathyaṃ tasya bhojayet(yojayet)// ### [6.62.22](https://indike.org/pramana/in.med.samhita.susruta.6.62.22) (viḍaṅgatriphalāmustamañjiṣṭhādāḍimotpalaiḥ/ śyāmailavālukailābhiścandanāmaradārubhiḥ// ### [6.62.23](https://indike.org/pramana/in.med.samhita.susruta.6.62.23) barhiṣṭharajanīkuṣṭhaparṇinīsārivādvayaiḥ/ hareṇukātrivṛddantīvacātālīsakeśaraiḥ// ### [6.62.24](https://indike.org/pramana/in.med.samhita.susruta.6.62.24) dvikṣīraṃ sādhitaṃ sarpirmālatīkusumaiḥ saha/ gulmakāsajvaraśvāsakṣayonmādanivāraṇam// ### [6.62.25](https://indike.org/pramana/in.med.samhita.susruta.6.62.25) etadeva hi saṃpakvaṃ jīvanīyopasaṃbhṛtam/ caturguṇena dugdhena mahākalyāṇamucyate// ### [6.62.26](https://indike.org/pramana/in.med.samhita.susruta.6.62.26) apasmāraṃ grahaṃ śoṣaṃ klaibyaṃ kārśyamabījatām/ ghṛtametannihantyāśu ye cādau gaditā gadāḥ// ### [6.62.27](https://indike.org/pramana/in.med.samhita.susruta.6.62.27) barhiṣṭhakuṣṭhamañjiṣṭhākaṭukailāniśāhvayaiḥ/ tagaratriphalāhiṅguvājigandhāmaradrumaiḥ// ### [6.62.28](https://indike.org/pramana/in.med.samhita.susruta.6.62.28) vacā+ajamodākākolīmedāmadhukapadmakaiḥ/ saśarkaraṃ hitaṃ sarpiḥ pakvaṃ kṣīracaturguṇam// ### [6.62.29](https://indike.org/pramana/in.med.samhita.susruta.6.62.29) bālānāṃ grahajuṣṭānāṃ puṃsāṃ duṣṭālparetasām/ khyātaṃ phalaghṛtaṃ strīṇāṃ vandhyānāṃ cāśu garbhadam//) ### [6.62.30](https://indike.org/pramana/in.med.samhita.susruta.6.62.30) brahmīmaindrīṃ viḍaṅgāni vyoṣaṃ hiṅgu surāṃ jaṭhām/ viṣaghnīṃ laśunaṃ rāsnāṃ viśalyāṃ surasāṃ vacām// ### [6.62.31](https://indike.org/pramana/in.med.samhita.susruta.6.62.31) jyotiṣmatīṃ †nāgaraṃ ca anantāmabhayāṃ tathā/ saurāṣṭrīṃ ca samāṃśāni †gajamūtreṇa peṣayet// ### [6.62.32](https://indike.org/pramana/in.med.samhita.susruta.6.62.32) chāyāviśuṣkāstadvartīryojayedvidhikovidaḥ/ avapīḍe+añjane+abhyaṅge nasye dhūme pralepane// ### [6.62.33](https://indike.org/pramana/in.med.samhita.susruta.6.62.33) uropāṅgalalāṭeṣu sirāścāsya vimokṣayet/ apasmārakriyāṃ cāpi grahoddiṣṭāṃ ca kārayet// ### [6.62.34](https://indike.org/pramana/in.med.samhita.susruta.6.62.34) śāntadoṣaṃ viśuddhaṃ ca snehabastibhirācaret/ unmādeṣu ca sarveṣu kuryāccattaprasādanam/ mṛdupūrvāṃ made+apyevaṃ kriyāṃ mṛdvīṃ prayojayet// ### [6.62.35](https://indike.org/pramana/in.med.samhita.susruta.6.62.35) śokaśalyaṃ vyapanayedunmāde pañcame bhiṣak/ viṣaje mṛdupūrvāṃ ca viṣaghnīṃ kārayet kriyām// ### [6.62.35\_1](https://indike.org/pramana/in.med.samhita.susruta.6.62.35_1) iti suśrutasaṃhitāyāmuttaratantrāntargate bhūtavidyātantre unmādapratiṣedho nāma (tṛtīyo+adhyāyaḥ, āditaḥ) dviṣaṣṭitamo+adhyāyaḥ //62// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.196.41) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.62](https://indike.org/pramana/in.med.samhita.susruta.6.62) · Pramāṇa