[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.63 # The Compendium of Suśruta 6.63: triṣaṣṭitamo+adhyāyaḥ/ Suśrutasaṃhitā 6.63 - **Language:** Sanskrit ### triṣaṣṭitamo+adhyāyaḥ/ ### [6.63.1](https://indike.org/pramana/in.med.samhita.susruta.6.63.1) athāto rasabhedavikalpamadhyāyaṃ vyākhyāsyāmaḥ// ### [6.63.2](https://indike.org/pramana/in.med.samhita.susruta.6.63.2) yathovāca bhagavān dhanvantariḥ// ### [6.63.3](https://indike.org/pramana/in.med.samhita.susruta.6.63.3) doṣāṇāṃ pañcadaśadhā prasaro+abhihitastu yaḥ/ triṣaṣṭyā rasabhedānāṃ tatprayojanamucyate// ### [6.63.4](https://indike.org/pramana/in.med.samhita.susruta.6.63.4) avidagdhā vidagdhāśca bhidyante te triṣaṣṭidhā/ rasabhedatriṣaṣṭiṃ tu vīkṣya vīkṣyāvacārayet// ### [6.63.5](https://indike.org/pramana/in.med.samhita.susruta.6.63.5) †ekaikenānugamanaṃ bhāgaśo yadudīritam/ †doṣāṇāṃ tatra matimān triṣaṣṭiṃ tu prayojayet// ### [6.63.6](https://indike.org/pramana/in.med.samhita.susruta.6.63.6) yathākramapravṛttānāṃ dvikeṣu madhuro rasaḥ/ pañcānukramate yogānamlaścatura eva tu// ### [6.63.7](https://indike.org/pramana/in.med.samhita.susruta.6.63.7) trīṃścānugacchati raso lavaṇaḥ kaṭuko dvayam/ tiktaḥ kaṣāyamanveti te dvikā daśa pañca ca// ### [6.63.8](https://indike.org/pramana/in.med.samhita.susruta.6.63.8) tadyathā madhurāmlaḥ, madhuralavaṇaḥ, madhurakaṭukaḥ, madhuratiktaḥ, madhurakaṣāyaḥ, ete pañcānukrāntā madhureṇa; amlalavaṇaḥ, amlakaṭukaḥ, amlatiktaḥ, amlakaṣāyaḥ, ete catvāro+anukrāntā amlena; lavaṇakaṭukaḥ, lavaṇatiktaḥ, lavaṇakaṣāyaḥ, ete trayo+anukāntā lavaṇena; kaṭutiktaḥ, kaṭukaṣāyaḥ, dvāvetāvanukrāntau kaṭukena; tiktakaṣāyaḥ eka evānukrāntastiktena; †evamete pañcadaśa dvikasaṃyogā vyākhyātāḥ// ### [6.63.9](https://indike.org/pramana/in.med.samhita.susruta.6.63.9) trikān vakṣyāmaḥ ādau prayujyamānastu madhuro daśa gacchati/ ṣaṭamlo lavaṇastasmādardhamekaṃ tathā† kaṭuḥ// ### [6.63.10](https://indike.org/pramana/in.med.samhita.susruta.6.63.10) tadyathā madhurāmlalavaṇaḥ, madhurāmlakaṭukaḥ, madhurāmlatiktaḥ, madhurāmalakaṣāyaḥ, madhuralavaṇakaṭukaḥ, madhuralavaṇātiktaḥ, madhuralavaṇakaṣāyaḥ, madhurakaṭukatiktaḥ, madhurakaṭukaṣāyaḥ, madhuratiktakaṣāyaḥ, evameṣāṃ daśānāṃ trikasaṃyogānāmādau madhuraḥ prayujyate; amlalavaṇakaṭukaḥ, amlalavaṇatiktaḥ, amlalavaṇakaṣāyaḥ, amlakaṭutiktaḥ, amlakaṭukaṣāyaḥ, amlatiktakaṣāyaḥ, evameṣāṃ ṣaṇṇāmādāvamlaḥ prayujyate; lavaṇakaṭutiktaḥ, lavaṇakaṭukaṣāyaḥ, lavaṇatiktakaṣāyaḥ, evameṣāṃ trayāṇāmādau lavaṇaḥ prayujyate; kaṭutiktakaṣāyaḥ, evamekasyādau kaṭukaḥ prayujyate; evamete trikasaṃyogā viṃśatirvyākhyātāḥ// ### [6.63.11](https://indike.org/pramana/in.med.samhita.susruta.6.63.11) catuṣkān vakṣyāmaḥ/ catuṣkarasasaṃyogānmadhuro daśa gacchati/ caturo+amlo+anugacchecca lavaṇastvekameva tu// ### [6.63.12](https://indike.org/pramana/in.med.samhita.susruta.6.63.12) madhurāmlalavaṇakaṭukaḥ, madhurāmlalavaṇatiktaḥ, madhurāmlalavaṇakaṣāyaḥ, madhurāmlakaṭukatiktaḥ, madhurāmlakaṭukaṣāyaḥ, madhurāmlatiktakaṣāyaḥ, madhuralavaṇakaṭukatiktaḥ, madhuralavaṇakaṭukaṣāyaḥ, madhuralavaṇatiktakaṣāyaḥ, madhurakaṭutiktakaṣāyaḥ, evameṣāṃ daśānāmādau madhuraḥ prayujyate; amlalavaṇakaṭutiktaḥ, amlalavaṇakaṭukaṣāyaḥ, amlalavaṇatiktakaṣāyaḥ, amlakaṭutiktakaṣāyaḥ, evameṣāṃ caturṇāmādāvamlaḥ; lavaṇakaṭutiktakaṣāyaḥ, evamekasyādau lavaṇaḥ; evamete catuṣkarasasaṃyogāḥ pañcadaśa kīrtitāḥ// ### [6.63.13](https://indike.org/pramana/in.med.samhita.susruta.6.63.13) pañcakān vakṣyāmaḥ/ pañcakān pañca madhura ekamamlastu gacchati// ### [6.63.14](https://indike.org/pramana/in.med.samhita.susruta.6.63.14) madhurāmlalavaṇakaṭutiktaḥ, madhurāmlalavaṇakaṭukaṣāyaḥ, madhurāmlalavaṇatiktakaṣāyaḥ, madhurāmlakaṭutiktakaṣāyaḥ, madhuralavaṇakaṭutiktakaṣāyaḥ, evameṣāṃ pañcānāmādau madhuraḥ prayujyate; amlalavaṇakaṭutiktakaṣāyaḥ, evamekasyādāvamlaḥ; evamete ṣaṭ pañcakasaṃyogā vyākhyātāḥ// ### [6.63.15](https://indike.org/pramana/in.med.samhita.susruta.6.63.15) ṣaṭkamekaṃ vakṣyāmaḥ; ekastu ṣaṭkasaṃyogaḥ madhurāmlalavaṇakaṭutiktakaṣāyaḥ; eṣa eka eva ṣaṭsaṃyogaḥ// ### [6.63.16](https://indike.org/pramana/in.med.samhita.susruta.6.63.16) ekaikaśca ṣaṭsā bhavanti madhuraḥ, amlaḥ, lavaṇaḥ, kaṭukaḥ, tiktaḥ, kaṣāyaḥ, iti// ### [6.63.17](https://indike.org/pramana/in.med.samhita.susruta.6.63.17) †bhavati cātra eṣā triṣaṣṭirvyākhyātā †rasānāṃ rasacintakaiḥ/ doṣabhedatriṣaṣṭyāṃ tu prayoktavyā vicakṣaṇaiḥ// ### [6.63.17\_1](https://indike.org/pramana/in.med.samhita.susruta.6.63.17_1) iti suśrutasaṃhitāyāmuttaratantre tantrabhūṣaṇādhyāyeṣu rasabhedavikalpādhyāyo nāma (prathamaḥ, āditaḥ) triṣaṣṭitamo+adhyāyaḥ //63// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.198.2) — Ḍalhaṇa, Sanskrit ## Linked texts (1) - [Kāśyapasaṃhitā (Vṛddhajīvakīyatantra)](https://indike.org/pramana/in.med.kaumara.kasyapa.8.6.71.p1) — Mārīca Kaśyapa & Vātsya, Sanskrit --- Source: [https://indike.org/pramana/in.med.samhita.susruta.6.63](https://indike.org/pramana/in.med.samhita.susruta.6.63) · Pramāṇa