[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.66 # The Compendium of Suśruta 6.66: ṣaṭṣaṣṭitamo+adhyāyaḥ/ Suśrutasaṃhitā 6.66 - **Language:** Sanskrit ### ṣaṭṣaṣṭitamo+adhyāyaḥ/ ### [6.66.1](https://indike.org/pramana/in.med.samhita.susruta.6.66.1) athāto doṣabhedavikalpamadhyāyaṃ vyākhyāsyāmaḥ// ### [6.66.2](https://indike.org/pramana/in.med.samhita.susruta.6.66.2) yathovāca bhagavān dhanvantariḥ// ### [6.66.3](https://indike.org/pramana/in.med.samhita.susruta.6.66.3) †aṣṭāṅgavedividvāṃsaṃ divodāsaṃ mahaujasam/ chinnaśāstrārthasaṃdehaṃ sūkṣmāgādhāgamodadhim/ ### [6.66.4](https://indike.org/pramana/in.med.samhita.susruta.6.66.4) viśvāmitrasutaḥ śrīmān suśrutaḥ paripṛcchati/ dviṣaṣṭirdoṣabhedā ye purastātparikīrtitāḥ// ### [6.66.5](https://indike.org/pramana/in.med.samhita.susruta.6.66.5) kati tatraikaśo jñeyā dviśo vā+apyathavā triśaḥ/ tasya tadvacanaṃ śrutvā saṃśayacchinmahātapāḥ// ### [6.66.6](https://indike.org/pramana/in.med.samhita.susruta.6.66.6) prītātmā nṛpaśārdūlaḥ† suśrutāyāha tattvataḥ/ trayo doṣā dhātavaśca purīṣaṃ mūtrameva ca// ### [6.66.7](https://indike.org/pramana/in.med.samhita.susruta.6.66.7) dehaṃ sandhārayantyete hyavyāpannā rasairhitaiḥ/ puruṣaḥ ṣoḍaśakalaḥ prāṇāścaikādaśaiva ye// ### [6.66.8](https://indike.org/pramana/in.med.samhita.susruta.6.66.8) rogāṇāṃ tu sahasraṃ yacchataṃ viṃśatireva ca/ †śataṃ ca pañca dravyāṇāṃ trisaptatyadhikottaram// ### [6.66.9](https://indike.org/pramana/in.med.samhita.susruta.6.66.9) vyāsataḥ kīrtitaṃ taddhi bhinnā doṣāstrayo guṇāḥ/ dviṣaṣṭidhā bhavantyete bhūyiṣṭhamiti niścayaḥ// ### [6.66.10](https://indike.org/pramana/in.med.samhita.susruta.6.66.10) traya eva pṛthak doṣā dviśo nava samādhikaiḥ/ trayodaśādhikaikadvisamamadhyolbaṇaistriśaḥ// ### [6.66.11](https://indike.org/pramana/in.med.samhita.susruta.6.66.11) pañcāśadevaṃ tu saha bhavanti kṣayamāgataiḥ/ †kṣīṇamadhyādhikakṣīṇakṣīṇavṛddhaistathā+aparaiḥ// ### [6.66.12](https://indike.org/pramana/in.med.samhita.susruta.6.66.12) dvādaśaivaṃ samākhyātāstrayo doṣā dviṣaṣṭidhā/ miśrā dhātumalairdoṣā yāntyasaṃkhyeyatāṃ punaḥ// ### [6.66.13](https://indike.org/pramana/in.med.samhita.susruta.6.66.13) tasmāt prasaṅgaṃ saṃyamya doṣabhedavikalpanaiḥ/ rogaṃ viditvopacaredrasabhedairyathairitaiḥ// ### [6.66.14](https://indike.org/pramana/in.med.samhita.susruta.6.66.14) bhiṣak kartā+atha karaṇaṃ rasā doṣāstu kāraṇam/ kāryamārogyamevaikamanārogyamato+anyathā// ### [6.66.15](https://indike.org/pramana/in.med.samhita.susruta.6.66.15) adhyāyānāṃ tu ṣaṭṣaṣṭyā grathitārthapadakramam/ evametadaśeṣeṇa tantramuttaramṛddhimat// ### [6.66.16](https://indike.org/pramana/in.med.samhita.susruta.6.66.16) spaṣṭagūḍhārthavijñānamagāḍhamandacetasām/ yathāvidhi yathāpraśnaṃ bhavatāṃ parikīrtitam// ### [6.66.17](https://indike.org/pramana/in.med.samhita.susruta.6.66.17) sahottaraṃ tvetadadhītya sarvaṃ brāhmaṃ vidhānena yathoditena/ na hīyate+arthānmanaso+abhyupetādetadvaco brahmamatīva satyam// ### [6.66.17\_1](https://indike.org/pramana/in.med.samhita.susruta.6.66.17_1) iti suśrutasaṃhitāyāmuttaratantre doṣabhedavikalpo nāma ṣaṭṣaṣṭitamo+adhyāyaḥ//66// ### [6.66.17\_2](https://indike.org/pramana/in.med.samhita.susruta.6.66.17_2) iti sauśrute āyurvedaśāstre uttarasthānaṃ samāptam// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.201.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.66](https://indike.org/pramana/in.med.samhita.susruta.6.66) · Pramāṇa