[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.6 # The Compendium of Suśruta 6.6: ṣaṣṭho+adhyāyaḥ/ Suśrutasaṃhitā 6.6 - **Language:** Sanskrit ### ṣaṣṭho+adhyāyaḥ/ ### [6.6.1](https://indike.org/pramana/in.med.samhita.susruta.6.6.1) athātaḥ sarvagatarogavijñānīyamadhyāyaṃ vyākhyāsyāmaḥ// ### [6.6.2](https://indike.org/pramana/in.med.samhita.susruta.6.6.2) yathovāca bhagavān dhanvantariḥ// ### [6.6.3](https://indike.org/pramana/in.med.samhita.susruta.6.6.3) syandāstu catvāra ihopadiṣṭāstāvanta eveha tathā+adhimanthāḥ/ śophānvito+aśophayutaśca pākāvityevamete daśa saṃpradiṣṭāḥ// ### [6.6.4](https://indike.org/pramana/in.med.samhita.susruta.6.6.4) hatādhimantho+anilaparyayaśca śuṣkākṣipāko+anyata eva vātaḥ/ dṛṣṭistatathā+amlādhyuṣitā sirāṇāmutpātaharṣāvapi sarvabhāgāḥ// ### [6.6.5](https://indike.org/pramana/in.med.samhita.susruta.6.6.5) prāyeṇa sarve nayanāmayāstu bhavantyabhiṣyandanimittamūlāḥ/ tasmādabhiṣyandamudīryamāṇamupācaredāśu hitāya dhīmān// ### [6.6.6](https://indike.org/pramana/in.med.samhita.susruta.6.6.6) nistodanaṃ stambhanaromaharṣasaṅgharṣapāruṣyaśirobhitāpāḥ/ viśuṣkabhāvaḥ śiśirāśrutā ca vātābhipanne nayane bhavanti// ### [6.6.7](https://indike.org/pramana/in.med.samhita.susruta.6.6.7) dāhaprapākau śiśirābhinandā dhūmāyanaṃ bāṣpasamucchrayaśca/ uṣṇāśrutā pītakanetratā ca pittābhipanne nayane bhavanti// ### [6.6.8](https://indike.org/pramana/in.med.samhita.susruta.6.6.8) uṣṇābhinandā gurutā+akṣiśophaḥ kaṇḍūpadehau sitatā+atiśaityam/ srāvo muhuḥ picchila eva cāpi kaphābhipanne nayane bhavanti// ### [6.6.9](https://indike.org/pramana/in.med.samhita.susruta.6.6.9) tāmrāśrutā lohitanetratā ca rājyaḥ samantādatilohitāśca/ pittasya liṅgāni ca yāni tāni raktābhipanne nayane bhavanti// ### [6.6.10](https://indike.org/pramana/in.med.samhita.susruta.6.6.10) vṛddhairetairabhiṣyandairnarāṇāmakriyāvatām/ tāvantastvadhimanthāḥ syurnayane tīvravedanāḥ// ### [6.6.11](https://indike.org/pramana/in.med.samhita.susruta.6.6.11) utpāṭyata ivātyarthaṃ netraṃ nirmathyate tathā/ śiraso+ardhaṃ ca taṃ vidyādadhimanthaṃ svalakṣaṇaiḥ// ### [6.6.12](https://indike.org/pramana/in.med.samhita.susruta.6.6.12) netramutpāṭyata iva mathyate+araṇivacca yat/ saṅgharṣatodanirbhedamāṃsasaṃrabdhamāvilam// ### [6.6.13](https://indike.org/pramana/in.med.samhita.susruta.6.6.13) kuñcanāsphoṭanādhmānavepathuvyathanairyutam/ śiraso+ardhaṃ ca yena syādadhimanthaḥ sa mārutāt// ### [6.6.14](https://indike.org/pramana/in.med.samhita.susruta.6.6.14) raktarājicitaṃ srāvi vahninevāvadahyate/ yakṛtpiṇḍopamaṃ dāhi kṣāreṇāktamiva kṣatam// ### [6.6.15](https://indike.org/pramana/in.med.samhita.susruta.6.6.15) prapakvocchūnavartmāntaṃ sasvedaṃ pītadarśanam/ mūrcchāśirodāhayutaṃ pittenākṣyadhimanthitam// ### [6.6.16](https://indike.org/pramana/in.med.samhita.susruta.6.6.16) śophavannātisaṃrabdhaṃ srāvakaṇḍūsamanvitam/ śaityagauravapaicchilyadūṣikāharṣaṇānvitam// ### [6.6.17](https://indike.org/pramana/in.med.samhita.susruta.6.6.17) rūpaṃ paśyati duḥkhena pāṃśupūrṇamivāvilam/ nāsādhmānaśiroduḥkhayutaṃ śleṣmādhimanthitam// ### [6.6.18](https://indike.org/pramana/in.med.samhita.susruta.6.6.18) bandhujīvapratīkāśaṃ tāmyati sparśanākṣamam/ raktāsrāvaṃ sanistodaṃ paśyatyagninibhā diśaḥ// ### [6.6.19](https://indike.org/pramana/in.med.samhita.susruta.6.6.19) raktāmagnāriṣṭavacca kṛṣṇabhāgaśca lakṣyate/ yaddīptaṃ raktaparyantaṃ tadraktenādhimanthitam// ### [6.6.20](https://indike.org/pramana/in.med.samhita.susruta.6.6.20) hanyādṛṣṭiṃ saptarātrāt kaphottho+adhīmantho+asṛksaṃbhavaḥ pañcarātrāt/ ṣaḍrātrādvau mārutottho nihanyānmithyācārāt paittikaḥ sadya eva// ### [6.6.21](https://indike.org/pramana/in.med.samhita.susruta.6.6.21) kaṇḍūpadehāśruyutaḥ pakvodumbarasannibhaḥ/ dāhasaṃharṣatāmratvaśophanistodagauravaiḥ// ### [6.6.22](https://indike.org/pramana/in.med.samhita.susruta.6.6.22) juṣṭo muhuḥ sraveccāsramuṣṇaśītāmbu picchilam/ saṃrambhī pacyate yaśca netrapākaḥ saśophajaḥ// ### [6.6.23](https://indike.org/pramana/in.med.samhita.susruta.6.6.23) śophahīnāni liṅgāni netrapāke tvaśophaje/ upekṣaṇādakṣi yadā+adhimantho vātātmakaḥ sādayati prasahya/ rujābhirugrābhirasādhya eṣa hatādhimanthaḥ khalu nāma rogaḥ// ### [6.6.24](https://indike.org/pramana/in.med.samhita.susruta.6.6.24) antaḥsirāṇāṃ śvasanaḥ sthito dṛṣṭiṃ pratikṣipan/ hatādhimanthaṃ janayettamasādhyaṃ vidurbudhāḥ// ### [6.6.25](https://indike.org/pramana/in.med.samhita.susruta.6.6.25) pakṣmadvayākṣibhruvamāśritastu yannānilaḥ saṃcarati praduṣṭaḥ/ paryāyaśaścāpi rujaḥ karoti taṃ vātaparyāyamudāharanti// ### [6.6.26](https://indike.org/pramana/in.med.samhita.susruta.6.6.26) yat kūṇitaṃ dāruṇarūkṣavartma vilokane cāviladarśanaṃ yat/ sudāruṇaṃ yat pratibodhane ca śuṣkākṣipākopahataṃ tadakṣi// ### [6.6.27](https://indike.org/pramana/in.med.samhita.susruta.6.6.27) yasyāvaṭūkarṇaśirohanustho manyāgato vā+apyanilo+anyato vā/ kuryādrujo+ati bhruvi locane vā tamanyatovātamudāharanti// ### [6.6.28](https://indike.org/pramana/in.med.samhita.susruta.6.6.28) amlena bhuktena vidāhinā ca saṃchādyate sarvata eva netram/ śophānvitaṃ lohitakaiḥ sanīlairetādṛgamlādhyuṣitaṃ vadanti// ### [6.6.29](https://indike.org/pramana/in.med.samhita.susruta.6.6.29) avedanā vā+api savedanā vā yasyākṣirājyo hi bhavanti tāmrāḥ/ muhurvirajyanti ca tāḥ samantād vyādhiḥ sirotpāta iti pradiṣṭaḥ// ### [6.6.30](https://indike.org/pramana/in.med.samhita.susruta.6.6.30) mohāt sirotpāta upekṣitastu jāyeta rogastu sirāpraharṣaḥ/ tāmrācchamasraṃ† sravati pragāḍhaṃ tathā na śaknotyabhivīkṣituṃ ca// ### [6.6.30\_1](https://indike.org/pramana/in.med.samhita.susruta.6.6.30_1) iti suśrutasaṃhitāyāmuttaratantre sarvagatarogavijñānīyo nāma ṣaṣṭho+adhyāyaḥ //6// ## Linked texts (4) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.63.5) — Mādhavakara, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.79.5) — Vaṅgasena, Sanskrit - [Mādhavacikitsā](https://indike.org/pramana/in.med.nidana.madhavacikitsa.71.6) — Mādhava Bhaṭṭa, Sanskrit - [Basavarājīya](https://indike.org/pramana/in.med.cikitsa.daksina.basavarajiya.p1916) — Nīlakaṇṭhakoṭṭūru Basavarāja 1500, Sanskrit --- Source: [https://indike.org/pramana/in.med.samhita.susruta.6.6](https://indike.org/pramana/in.med.samhita.susruta.6.6) · Pramāṇa