[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.8 # The Compendium of Suśruta 6.8: aṣṭamo+adhyāyaḥ/ Suśrutasaṃhitā 6.8 - **Language:** Sanskrit ### aṣṭamo+adhyāyaḥ/ ### [6.8.1](https://indike.org/pramana/in.med.samhita.susruta.6.8.1) athātaścikitsitapravibhāgavijñānīyamadhyāyaṃ vyākhyāsyāmaḥ// ### [6.8.2](https://indike.org/pramana/in.med.samhita.susruta.6.8.2) yathovāca bhagavān dhanvantariḥ (suśrutāya)// ### [6.8.3](https://indike.org/pramana/in.med.samhita.susruta.6.8.3) ṣaṭsaptatirye+abhihitā vyādhayo nāmalakṣaṇaiḥ/ cikitsitamidaṃ teṣāṃ samāsavyāsataḥ† śṛṇu// ### [6.8.4](https://indike.org/pramana/in.med.samhita.susruta.6.8.4) chedyāsteṣu daśaikaśca nava lekhyāḥ prakīrtitāḥ/ bhedyāḥ pañca vikārāḥ syurvyadhyāḥ pañcadaśaiva tu// ### [6.8.5](https://indike.org/pramana/in.med.samhita.susruta.6.8.5) dvādaśā+aśastrakṛtyāśca yāpyāḥ sapta bhavanti hi/ rogā varjayitavyāḥ syurdaśa pañca ca jānatā/ asādhyau vā bhavetāṃ tu yāpyau cāgantusaṃjñitau// ### [6.8.6](https://indike.org/pramana/in.med.samhita.susruta.6.8.6) arśo+anvitaṃ bhavati vartma tu yattathā+arśaḥ śuṣkaṃ tathā+arbudamatho piḍakāḥ sirājāḥ/ jālaṃ sirājamapi pañcavidhaṃ tathā+arma chedyā bhavanti saha parvaṇikāmayena// ### [6.8.7](https://indike.org/pramana/in.med.samhita.susruta.6.8.7) utsaṅginī bahalakardamavartmanī ca śyāvaṃ ca yacca paṭhitaṃ tviha baddhavartma/ kliṣṭaṃ ca pothakiyutaṃ khalu yacca vartma kumbhīkinī ca saha śarkarayā ca lekhyāḥ// ### [6.8.8](https://indike.org/pramana/in.med.samhita.susruta.6.8.8) śleṣmopanāhalagaṇau ca bisaṃ ca bhedyā granthiśca yaḥ kṛmikṛto+añjananāmikā ca/ ādau sirā nigaditāstu yayoḥ prayoge pākau ca yau nayanayoḥ pavano+anyataśca// ### [6.8.9](https://indike.org/pramana/in.med.samhita.susruta.6.8.9) pūyālasānilaviparyayamanthasaṃjñāḥ syandāstu yantyupaśamaṃ hi sirāvyadhena/ śuṣkākṣipākakaphapittavidagdhadṛṣṭiṣvamlākhyaśukrasahitārjunapiṣṭakeṣu// ### [6.8.10](https://indike.org/pramana/in.med.samhita.susruta.6.8.10) aklinnavartmahutabhugdhvajadarśiśuktipraklinnavartmasu tathaiva balāsasaṃjñe/ āgantunā++āmayayugena ca dūṣitāyāṃ dṛṣṭau na śastrapatanaṃ pravadanti tajjñāḥ// ### [6.8.11](https://indike.org/pramana/in.med.samhita.susruta.6.8.11) saṃpaśyataḥ ṣaḍapi ye+abhihitāstu kācāste pakṣmakopasahitāstu bhavanti yāpyāḥ/ catvāra eva pavanaprabhavāstvasādhyā dvau pittajau kaphanimittaja eka eva/ aṣṭārdhakā rudhirajāśca gadāstridoṣāstāvanta eva gaditāvapi bāhyajau dvau// ### [6.8.11\_1](https://indike.org/pramana/in.med.samhita.susruta.6.8.11_1) iti suśrutasaṃhitāyāmuttaratantrāntargate śālākyatantre cikitsitapravibhāgavijñānīyo nāmāṣṭamo+adhyāyaḥ //8// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.140.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.8](https://indike.org/pramana/in.med.samhita.susruta.6.8) · Pramāṇa