[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.9 # The Compendium of Suśruta 6.9: navamo+adhyāyaḥ/ Suśrutasaṃhitā 6.9 - **Language:** Sanskrit ### navamo+adhyāyaḥ/ ### [6.9.1](https://indike.org/pramana/in.med.samhita.susruta.6.9.1) athāto vātābhiṣyandapratiṣedhaṃ vyākhyāsyāmaḥ// ### [6.9.2](https://indike.org/pramana/in.med.samhita.susruta.6.9.2) yathovāca bhagavān dhanvantariḥ// ### [6.9.3](https://indike.org/pramana/in.med.samhita.susruta.6.9.3) purāṇasarpiṣā snigdhau syandādhīmanthapīḍitau/ svedayitvā yathānyāyaṃ sirāmokṣeṇa yojayet// ### [6.9.4](https://indike.org/pramana/in.med.samhita.susruta.6.9.4) saṃpādayedbastibhistu samyak snehavirecitau/ tarpaṇaiḥ puṭapākaiśca dhūmairāścyotanaistathā// ### [6.9.5](https://indike.org/pramana/in.med.samhita.susruta.6.9.5) nasyasnehaparīṣekaiḥ śirobastibhireva ca/ vātaghnanūpajalajamāṃsāmlakvāthasecanaiḥ// ### [6.9.6](https://indike.org/pramana/in.med.samhita.susruta.6.9.6) snehaiścaturbhiruṣṇaiśca tatpītāmbaradhāraṇaiḥ/ payobhirvesavāraiśca sālvaṇaiḥ pāyasaistathā// ### [6.9.7](https://indike.org/pramana/in.med.samhita.susruta.6.9.7) bhiṣak saṃpādayedetāvupanāhaiśca pūjitaiḥ/ grāmyānūpaudakarasaiḥ snigdhaiḥ phalarasānvitaiḥ// ### [6.9.8](https://indike.org/pramana/in.med.samhita.susruta.6.9.8) susaṃskṛtaiḥ payobhiśca tayorāhāra iṣyate/ tathā copari bhaktasya sarpiḥpānaṃ(pāne) praśasyate†// ### [6.9.9](https://indike.org/pramana/in.med.samhita.susruta.6.9.9) triphalākvāthasaṃsiddhaṃ kevalaṃ jīrṇameva vā/ siddhaṃ vātaharaiḥ kṣīraṃ prathamena gaṇena vā// ### [6.9.10](https://indike.org/pramana/in.med.samhita.susruta.6.9.10) snehāstailādvinā siddhā vātaghnaistarpaṇe hitāḥ/ snaihikaḥ puṭapākaśca dhūmo nasyaṃ ca tadvidham// ### [6.9.11](https://indike.org/pramana/in.med.samhita.susruta.6.9.11) nasyādiṣu sthirākṣīramadhuraistailamiṣyate/ eraṇḍapallave mūle tvaci vā++ājaṃ payaḥ śṛtam// ### [6.9.12](https://indike.org/pramana/in.med.samhita.susruta.6.9.12) kaṇṭakāryāśca mūleṣu sukhoṣṇaṃ secane hitam/ saindhavodīcyayaṣṭyāhvapippalībhiḥ śṛtaṃ payaḥ// ### [6.9.13](https://indike.org/pramana/in.med.samhita.susruta.6.9.13) hitamardhodakaṃ seke tathā++āścyotanameva ca/ hrīberavakramañjiṣṭhodumbaratvakṣu sādhitam// ### [6.9.14](https://indike.org/pramana/in.med.samhita.susruta.6.9.14) sāmbhaśchāgaṃ payo vā+api śūlāścyotanamuttamam/ madhukaṃ rajanīṃ pathyāṃ devadāruṃ ca peṣayet// ### [6.9.15](https://indike.org/pramana/in.med.samhita.susruta.6.9.15) ājena payasā śreṣṭhamabhiṣyande tadañjanam/ gairikaṃ saindhavaṃ kṛṣṇāṃ nāgaraṃ ca yathottaram// ### [6.9.16](https://indike.org/pramana/in.med.samhita.susruta.6.9.16) dviguṇaṃ piṣṭamadbhistu guṭikāñjanamiṣyate/ snehāñjanaṃ hitaṃ cātra vakṣyate tadyathāvidhi// ### [6.9.17](https://indike.org/pramana/in.med.samhita.susruta.6.9.17) rogo yaścānyatovāto yaśca mārutaparyayaḥ/ anenaiva vidhānena bhiṣak tāvapi sādhayet// ### [6.9.18](https://indike.org/pramana/in.med.samhita.susruta.6.9.18) pūrvabhaktaṃ hitaṃ sarpiḥ kṣīraṃ vā+apyatha bhojane/ vṛkṣādanyāṃ kapitthe ca pañcamūle mahatyapi// ### [6.9.19](https://indike.org/pramana/in.med.samhita.susruta.6.9.19) sakṣīraṃ karkaṭarase siddhaṃ cātra ghṛtaṃ pibet/ siddhaṃ vā hitamatrāhuḥ pattūrārtagalāgnikaiḥ// ### [6.9.20](https://indike.org/pramana/in.med.samhita.susruta.6.9.20) sakṣīraṃ meṣaśṛṅgyā vā sarpirvīratareṇa vā/ saindhavaṃ dāru śuṇṭhī ca mātuluṅgaraso ghṛtam// ### [6.9.21](https://indike.org/pramana/in.med.samhita.susruta.6.9.21) stanyodakābhyāṃ kartavyaṃ śuṣkapāke tadañjanam/ pūjitaṃ sarpiṣaścātra pānamakṣṇośca tarpaṇam// ### [6.9.22](https://indike.org/pramana/in.med.samhita.susruta.6.9.22) ghṛtena jīvanīyena nasyaṃ tailena cāṇunā/ pariṣeke hitaṃ cātra payaḥ śītaṃ sasaindhavam// ### [6.9.23](https://indike.org/pramana/in.med.samhita.susruta.6.9.23) rajanīdārusiddhaṃ vā saindhavena samāyutam/ sarpiryutaṃ stanyaghṛṣṭamañjanaṃ vā mahauṣadham// ### [6.9.24](https://indike.org/pramana/in.med.samhita.susruta.6.9.24) vasā vā++ānūpajalajā saindhavena samāyutā/ nāgaronmiśritā kiñcicchuṣkapāke tadañjanam// ### [6.9.25](https://indike.org/pramana/in.med.samhita.susruta.6.9.25) pavanaprabhavā rogā ye keciddṛṣṭināśanāḥ/ bījenānena matimān teṣu karma prayojayet// ### [6.9.25\_1](https://indike.org/pramana/in.med.samhita.susruta.6.9.25_1) iti suśrutasaṃhitāyāmuttratantrāntargate śālākyatantre vātābhiṣyandapratiṣedho nāma navamo+adhyāyaḥ //9// ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.141.4) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani) — Cakrapāṇidatta, Sanskrit ## Linked texts (1) - [Śārṅgadharasaṃhitā](https://indike.org/pramana/in.med.sangraha.sarngadharasamhita.3.38.7) — Śārṅgadhara (physician), Sanskrit --- Source: [https://indike.org/pramana/in.med.samhita.susruta.6.9](https://indike.org/pramana/in.med.samhita.susruta.6.9) · Pramāṇa