[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Bhāvaprakāśa](https://indike.org/pramana/in.med.sangraha.bhavaprakasa) › [bhavaprakasha](https://indike.org/pramana/in.med.sangraha.bhavaprakasa*alt) › 1.6 # Bhavaprakasha 1.6: atha ṣaṣṭhaṃ miśraprakaraṇam Bhāvaprakāśa (another edition) 1.6 - **Language:** Sanskrit ### atha ṣaṣṭhaṃ miśraprakaraṇam ### [1.6.1](https://indike.org/pramana/in.med.sangraha.bhavaprakasa*alt.1.6.1) rogastu doṣavaiṣamyaṃ doṣasāmyamarogatā rogā duḥkhasya dātāro jvaraprabhṛtayo hi te ### [1.6.2](https://indike.org/pramana/in.med.sangraha.bhavaprakasa*alt.1.6.2) te ca svābhāvikāḥ kecitkecidāgantavaḥ smṛtāḥ mānasāḥ kecidākhyātāḥ kathitāḥ ke'pi kāyikāḥ ### [1.6.3](https://indike.org/pramana/in.med.sangraha.bhavaprakasa*alt.1.6.3) karmajāḥ kathitāḥ keciddoṣajāḥ santi cāpare karmadoṣodbhavāścānye vyādhayastrividhāḥ smṛtāḥ ### [1.6.4](https://indike.org/pramana/in.med.sangraha.bhavaprakasa*alt.1.6.4) karmakṣayātkarmakṛtā doṣajāḥ svasvabheṣajaiḥ karmadoṣodbhavā yānti karmadoṣakṣayāt kṣayam ### [1.6.5](https://indike.org/pramana/in.med.sangraha.bhavaprakasa*alt.1.6.5) sādhyā yāpyā asādhyāśca vyādhayastrividhāḥ smṛtāḥ sukhasādhyaḥ kaṣṭasādhyo dvividhaḥ sādhya ucyate ### [1.6.6](https://indike.org/pramana/in.med.sangraha.bhavaprakasa*alt.1.6.6) yāpanīyaṃ tu taṃ vidyātkriyā dhārayate hi yam kriyāyāṃ tu nivṛttāyāṃ sadyo yaśca vinaśyati ### [1.6.7](https://indike.org/pramana/in.med.sangraha.bhavaprakasa*alt.1.6.7) prāptā kriyā dhārayati sukhinaṃ yāpyamāturam prapatiṣyadivāgāraṃ stambho yatnena yojitaḥ ### [1.6.8](https://indike.org/pramana/in.med.sangraha.bhavaprakasa*alt.1.6.8) sādhyā yāpyatvamāyānti yāpyāścāsādhyatāṃ tathā ghnanti prāṇānasādhyāstu narāṇāmakriyāvatām ### [1.6.9](https://indike.org/pramana/in.med.sangraha.bhavaprakasa*alt.1.6.9) rogārambhakadoṣasya prakopādupajāyate yo'nyo vikāraḥ sa budhairupadrava ihoditaḥ ### [1.6.10](https://indike.org/pramana/in.med.sangraha.bhavaprakasa*alt.1.6.10) rogiṇo maraṇaṃ yasmādavaśyambhāvi lakṣyate tallakṣaṇamariṣṭaṃ syādriṣṭaṃ cāpi taducyate ### [1.6.11](https://indike.org/pramana/in.med.sangraha.bhavaprakasa*alt.1.6.11) yā kriyā vyādhiharaṇī sā cikitsā nigadyate doṣadhātumalānāṃ yā sāmyakṛtsaiva rogṛhṛt ### [1.6.12](https://indike.org/pramana/in.med.sangraha.bhavaprakasa*alt.1.6.12) yābhiḥ kriyābhirjāyante śarīre dhātavaḥ samāḥ sā cikitsā vikārāṇāṃ karma tadbhiṣajāṃ matam ### [1.6.13](https://indike.org/pramana/in.med.sangraha.bhavaprakasa*alt.1.6.13) yā hyudīrṇaṃ śamayati nānyaṃ vyādhiṃ karoti ca sā kriyā na tu yā vyādhiṃ haratyanyamudīrayet ### [1.6.14](https://indike.org/pramana/in.med.sangraha.bhavaprakasa*alt.1.6.14) jātamātraścikitsyaḥ syānnopekṣyo'lpatayā gadaḥ vahniśatruviṣaistulyaḥ svalpo'pi vikarotyasau ### [1.6.15](https://indike.org/pramana/in.med.sangraha.bhavaprakasa*alt.1.6.15) rogamādau parīkṣeta tato'nantaramauṣadham tataḥ karma bhiṣak paścājjñānapūrvaṃ samācaret ### [1.6.16](https://indike.org/pramana/in.med.sangraha.bhavaprakasa*alt.1.6.16) yastu rogamavijñāya karmāṇyārabhate bhiṣak apyauṣadhavidhānajñastasya siddhiryadṛcchayā ### [1.6.17](https://indike.org/pramana/in.med.sangraha.bhavaprakasa*alt.1.6.17) bheṣajaṃ kevalaṃ kartuṃ yo jānāti na cāmayam vaidyakarma sa cetkuryādvadhamarhati rājataḥ ### [1.6.18](https://indike.org/pramana/in.med.sangraha.bhavaprakasa*alt.1.6.18) yastu kevalarogajño bheṣajeṣvavicakṣaṇaḥ taṃ vaidyaṃ prāpya rogī syādyathā naurnāvikaṃ vinā ### [1.6.19](https://indike.org/pramana/in.med.sangraha.bhavaprakasa*alt.1.6.19) yastu kevalaśāstrajñaḥ kriyāsvakuśalo bhiṣak sa muhyatyāturaṃ prāpya tathā bhīrurivāhavam ### [1.6.20](https://indike.org/pramana/in.med.sangraha.bhavaprakasa*alt.1.6.20) yastu rogaviśeṣajñaḥ sarvabhaiṣajyakovidaḥ deśa kālavibhāgajñastasya siddhirna saṃśayaḥ ### [1.6.21](https://indike.org/pramana/in.med.sangraha.bhavaprakasa*alt.1.6.21) ādāvante rujāṃ jñāne prayateta cikitsakaḥ bheṣajānāṃ vidhānena tataḥ kuryāccikitsatam ### [1.6.22](https://indike.org/pramana/in.med.sangraha.bhavaprakasa*alt.1.6.22) vikāranāmākuśalo na jihrīyātkadācana na hi sarvavikārāṇāṃ nāmato'sti dhruvā sthitiḥ ### [1.6.23](https://indike.org/pramana/in.med.sangraha.bhavaprakasa*alt.1.6.23) nāsti rogo vinā doṣairyasmāttasmāccikitsakaḥ anuktamapi doṣāṇāṃ liṅgairvyādhimupācaret ### [1.6.24](https://indike.org/pramana/in.med.sangraha.bhavaprakasa*alt.1.6.24) ye na kurvantyasādhyānāṃ cikitsāṃ te bhiṣagvarāḥ ato vaidyaiḥ śramaḥ kāryaḥ sādhyāsādhyaparīkṣaṇe ### [1.6.25](https://indike.org/pramana/in.med.sangraha.bhavaprakasa*alt.1.6.25) śīte śītapratīkāramuṣṇe tūṣṇanivāraṇam kṛtvā kuryātkriyāṃ prāptāṃ kriyākālaṃ na hāpayet ### [1.6.26](https://indike.org/pramana/in.med.sangraha.bhavaprakasa*alt.1.6.26) aprāpte vā kriyākāle prāpte vā na kriyā kṛtā kriyāhīnā'tiriktā ca sādhyeṣvapi na sidhyati ### [1.6.27](https://indike.org/pramana/in.med.sangraha.bhavaprakasa*alt.1.6.27) vikāre'lpe mahatkarma kriyā laghvī garīyasi dvayametadakauśalyaṃ kauśalyaṃ yuktakarmatā ### [1.6.28](https://indike.org/pramana/in.med.sangraha.bhavaprakasa*alt.1.6.28) kriyāyāstu guṇālābhe kriyāmanyāṃ prayojayet pūrvasyāṃ śāntavegāyāṃ na kriyāsaṅkaro hitaḥ ### [1.6.29](https://indike.org/pramana/in.med.sangraha.bhavaprakasa*alt.1.6.29) kriyābhistulyarūpābhirna kriyāsaṅkaro hitaḥ tābhistu bhinnarūpābhiḥ sāṅkaryaṃ naiva duṣyati ### [1.6.30](https://indike.org/pramana/in.med.sangraha.bhavaprakasa*alt.1.6.30) na caikāntena nirdiṣṭe śāstre niviśate budhaḥ svayamapyatra bhiṣajā tarkaṇīyaṃ cikitsatā ### [1.6.31](https://indike.org/pramana/in.med.sangraha.bhavaprakasa*alt.1.6.31) utpadyate ca sā'vasthā doṣakālabalaṃ prati yasyāṃ kāryamakāryaṃ syātkarma kāryaṃ vivarjitam ### [1.6.32](https://indike.org/pramana/in.med.sangraha.bhavaprakasa*alt.1.6.32) kvacidarthaḥ kvacinmaitrī kvaciddharmaḥ kvacidyaśaḥ karmābhyāsaḥ kvacicceti cikitsā nāsti niṣphalā ### [1.6.33](https://indike.org/pramana/in.med.sangraha.bhavaprakasa*alt.1.6.33) āyurvedoditāṃ yuktiṃ kurvāṇāśca hitāya ye puṇyāyurvṛddhisaṃyuktā nīrogāśca bhavanti te ### [1.6.34](https://indike.org/pramana/in.med.sangraha.bhavaprakasa*alt.1.6.34) naiva kurvīta lobhena cikitsāpuṇyavikrayam īśvarāṇāṃ vasumatāṃ lipsetārthaṃ tu vṛttaye ### [1.6.35](https://indike.org/pramana/in.med.sangraha.bhavaprakasa*alt.1.6.35) cikitsitaṃ śarīraṃ yo na niṣkrīṇāti durmatiḥ sa yatkaroti sukṛtaṃ sarvaṃ tadbhiṣagaśnute ### [1.6.36](https://indike.org/pramana/in.med.sangraha.bhavaprakasa*alt.1.6.36) na deśo manujairhīno na manuṣyā nirāmayāḥ tataḥ sarvatra vaidyānāṃ susiddhā eva vṛttayaḥ ### [1.6.37](https://indike.org/pramana/in.med.sangraha.bhavaprakasa*alt.1.6.37) rogī dūto bhiṣagdīrghamāyurdravyaṃ susevakaḥ sadauṣadhaṃ cikitsāyā ityaṅgāni budhā jaguḥ ### [1.6.38](https://indike.org/pramana/in.med.sangraha.bhavaprakasa*alt.1.6.38) rogo yasyāstirogī sa sacikitsyastu yādṛśaḥ yādṛśaścācikitsyo'pi vakṣyamāṇo niśamyatām ### [1.6.39](https://indike.org/pramana/in.med.sangraha.bhavaprakasa*alt.1.6.39) nijaprakṛtivarṇābhyāṃ yuktaḥ sattvena cakṣuṣā cikitsyo bhiṣajāṃ rogī vaidyabhakto jitendriyaḥ ### [1.6.40](https://indike.org/pramana/in.med.sangraha.bhavaprakasa*alt.1.6.40) āyuṣmānsattvavānsādhyo dravyavānmitravānapi cikitsyo bhiṣajāṃ rogī vaidyavākyakṛdāstikaḥ ### [1.6.41](https://indike.org/pramana/in.med.sangraha.bhavaprakasa*alt.1.6.41) caṇḍaḥ sāhasiko bhīruḥ kṛtaghno vyagra eva ca śokākulo mumūrṣuśca vihīnaḥ karaṇaiścaḥ yaḥ ### [1.6.42](https://indike.org/pramana/in.med.sangraha.bhavaprakasa*alt.1.6.42) vairī vaidyavidagdhaśca śraddhāhīnaśca śaṅkitaḥ bhiṣajāmavidheyaḥ syurnopakramyā bhiṣagvidhāḥ ### [1.6.43](https://indike.org/pramana/in.med.sangraha.bhavaprakasa*alt.1.6.43) etānupācaran vaidyo vahūn doṣānavāpnuyāt ### [1.6.44](https://indike.org/pramana/in.med.sangraha.bhavaprakasa*alt.1.6.44) yaścikitsakamānetuṃ yāti dūtaḥ sa kathyate sa ca yādṛk samucitastādṛgatra nigadyate ### [1.6.45](https://indike.org/pramana/in.med.sangraha.bhavaprakasa*alt.1.6.45) dūtāḥ sujātayo'vyaṅgāḥ paṭavo nirmalāmbarāḥ sukhino'śvavṛṣārūḍhāḥ śubhrapuṣpaphalairyutāḥ ### [1.6.46](https://indike.org/pramana/in.med.sangraha.bhavaprakasa*alt.1.6.46) sajātayaḥ suceṣṭāśca sajīvadiśi saṅgatāḥ bhiṣajaṃ samaye prāptā rogiṇaḥ sukhahetave ### [1.6.47](https://indike.org/pramana/in.med.sangraha.bhavaprakasa*alt.1.6.47) vaidyāhvānāya dūtasya gacchato rogiṇaḥ kṛte na śubhaṃ saumyaśakunaṃ pradīptaṃ tu sukhāvaham ### [1.6.48](https://indike.org/pramana/in.med.sangraha.bhavaprakasa*alt.1.6.48) tathāhi riktahasto na paśyetturājānaṃ bhiṣajaṃ gurum daivajñaṃ devatāṃ mitraṃ phalena phalamādiśet ### [1.6.49](https://indike.org/pramana/in.med.sangraha.bhavaprakasa*alt.1.6.49) cikitsāṃ kurute yastu sa cikitsaka ucyate sa ca yādṛksamīcīnastādṛśo'pi nigadyate ### [1.6.50](https://indike.org/pramana/in.med.sangraha.bhavaprakasa*alt.1.6.50) tattvādhigataśāstrārtho dṛṣṭakarmā svayaṃkṛtī laghuhastaḥ śuciḥ śūraḥ sajjopaskarabheṣajaḥ ### [1.6.51](https://indike.org/pramana/in.med.sangraha.bhavaprakasa*alt.1.6.51) pratyutpannamatirdhīmān vyavasāthī priyaṃvadaḥ satyadharmaparo yaśca vaidya īdṛk praśasyate ### [1.6.52](https://indike.org/pramana/in.med.sangraha.bhavaprakasa*alt.1.6.52) kucailaḥ karkaśaḥ stabdho grāmīṇaḥ svayamāgataḥ pañca vaidyā na pūjyante dhanvantarisamā yadi ### [1.6.53](https://indike.org/pramana/in.med.sangraha.bhavaprakasa*alt.1.6.53) vyādhestattvaparijñānaṃ vedanāyāśca nigrahaḥ etadvaidyasya vaidyatvaṃ na vaidyaḥ prabhurāyuṣaḥ ### [1.6.54](https://indike.org/pramana/in.med.sangraha.bhavaprakasa*alt.1.6.54) bhiṣagādau parīkṣeta rugṇasyāyuḥ prayatnataḥ tata āyuṣi vistīrṇe cikitsā saphalā bhavet ### [1.6.55](https://indike.org/pramana/in.med.sangraha.bhavaprakasa*alt.1.6.55) saumyā dṛṣṭirbhavedyasya śrotraṃ vaktraṃ tathaiva ca svādu gandhaṃ vijānāti sa sādhyo nātra saṃśayaḥ ### [1.6.56](https://indike.org/pramana/in.med.sangraha.bhavaprakasa*alt.1.6.56) pāṇipādau ca yasyoṣṇau dāhaḥ svalpataro bhavet jihvātu komalā yasya sa rogī na vinaśyati ### [1.6.57](https://indike.org/pramana/in.med.sangraha.bhavaprakasa*alt.1.6.57) svedahīno jvaro yasya śvāso nāsikayā caret kaṇṭhaśca kaphahīnaḥ syātsa rogī jīvati dhruvam ### [1.6.58](https://indike.org/pramana/in.med.sangraha.bhavaprakasa*alt.1.6.58) yasya nidrā sukhena syāccharīraṃ dyutimadbhavet indriyāṇi prasannāni sa rogī naiva naśyati ### [1.6.59](https://indike.org/pramana/in.med.sangraha.bhavaprakasa*alt.1.6.59) śarīraśīlayoryasya prakṛtervikṛtirbhavet tadariṣṭaṃ samāsena vyāsataśca nibodha me ### [1.6.60](https://indike.org/pramana/in.med.sangraha.bhavaprakasa*alt.1.6.60) śṛṇoti vividhāñchabdānviparītāñchṛṇoti ca yo na śṛṇoti cākasmāttaṃ vadanti gatāyuṣam ### [1.6.61](https://indike.org/pramana/in.med.sangraha.bhavaprakasa*alt.1.6.61) yastūṣṇamiva gṛhṇāti śītamuṣṇaṃ ca śītavat uṣṇagātro'timātraṃ yo bhṛśaṃ śītena kampate ### [1.6.62](https://indike.org/pramana/in.med.sangraha.bhavaprakasa*alt.1.6.62) prahāraṃ naiva jānāti yo'ṅgacchedamathāpi vā pāṃśunevāvakīrṇāni yaśca gātrāṇi manyate ### [1.6.63](https://indike.org/pramana/in.med.sangraha.bhavaprakasa*alt.1.6.63) varṇānyatā vā rājyo vā yasya gātre bhavanti hi snātānuliptaṃ yaṃ cāpi bhajante nīlamākṣikāḥ ### [1.6.64](https://indike.org/pramana/in.med.sangraha.bhavaprakasa*alt.1.6.64) viparītena gṛhṇāti rasānyaścopayojitān yo vā rasānna saṃvetti taṃ gatāsuṃ pracakṣate ### [1.6.65](https://indike.org/pramana/in.med.sangraha.bhavaprakasa*alt.1.6.65) sugandhaṃ vetti durgandhaṃ durgandhaṃ ca sugandhavat gṛhṇāti yo'nyathā gandhaṃ śānte dīpe nirāmayaḥ ### [1.6.66](https://indike.org/pramana/in.med.sangraha.bhavaprakasa*alt.1.6.66) rātrau sūryaṃ jvalantaṃ vā divā vā candravarcasam divā jyotīṃṣi yaścāpi jvalitānīva paśyati ### [1.6.67](https://indike.org/pramana/in.med.sangraha.bhavaprakasa*alt.1.6.67) vidyutvato'sitānmeghān gagane nirghane ghanān vimānayānaprāsādairyaśca saṅkulamambaram ### [1.6.68](https://indike.org/pramana/in.med.sangraha.bhavaprakasa*alt.1.6.68) yaścānilaṃ mūrttimantamantarikṣe'valokate dhūmanīhāravāsobhirāvṛtāmiva medinīm ### [1.6.69](https://indike.org/pramana/in.med.sangraha.bhavaprakasa*alt.1.6.69) pradīptamiva yo lokaṃ yo vāplutamivāmbhasā bhūmimaṣṭāpadākārāṃ lekhābhiryaśca paśyati ### [1.6.70](https://indike.org/pramana/in.med.sangraha.bhavaprakasa*alt.1.6.70) yo na paśyati kṣāṇi yaśca devīmarundhatīm dhruvamākāśagaṅgāṃ ca taṃ vadanti gatāyuṣam ### [1.6.71](https://indike.org/pramana/in.med.sangraha.bhavaprakasa*alt.1.6.71) ādarśe'mbuni gharme vā chāyāṃ yaśca na paśyati paśyatyekāṅgahīnāṃ vā vikṛtāṃ vā'nyasatvajām ### [1.6.72](https://indike.org/pramana/in.med.sangraha.bhavaprakasa*alt.1.6.72) śvakākakaṅkagṛdhrāṇāṃ pretānāṃ yakṣarakṣasām āturo labhate mṛtyuṃ svastho vyādhimavāpnuyāt ### [1.6.73](https://indike.org/pramana/in.med.sangraha.bhavaprakasa*alt.1.6.73) hrīśriyau naśyato yasya teja ojaḥ smṛtiḥ prabhā akasmācca bhajante yaṃ sa gatāsurasaṃśayam ### [1.6.74](https://indike.org/pramana/in.med.sangraha.bhavaprakasa*alt.1.6.74) yasyādharauṣṭhaḥ patitaḥ kṣiptaścordhvaṃ tathottaraḥ ubhau vā jāmbavābhāsau durlabhaṃ tasya jīvitam ### [1.6.75](https://indike.org/pramana/in.med.sangraha.bhavaprakasa*alt.1.6.75) āraktā daśanā yasya śyāvā vā syuḥ patanti vā khañjanapratibhā vāpi taṃ gatāyuṣamādiśet ### [1.6.76](https://indike.org/pramana/in.med.sangraha.bhavaprakasa*alt.1.6.76) kṛṣṇā tathā'nuliptā ca jihvā śūnyā ca yasya vai karkaśā vā bhavedyasya so'cirādvijahātyasūn ### [1.6.77](https://indike.org/pramana/in.med.sangraha.bhavaprakasa*alt.1.6.77) kuṭilā sphuṭitā vā'pi śuṣkā vā yasya nāsikā avasphūrjati bhagnā vā sa na jīvati mānavaḥ ### [1.6.78](https://indike.org/pramana/in.med.sangraha.bhavaprakasa*alt.1.6.78) saṃkṣipte viṣame stabdhe rūkṣe sāsre ca locane syātāṃ pariśrute yasya sa gatāyurnaro dhruvam ### [1.6.79](https://indike.org/pramana/in.med.sangraha.bhavaprakasa*alt.1.6.79) keśā sīmantino yasya saṃkṣipte vinate bhruvau luṭhanti cākṣipakṣmāṇi so'cirādyāti mṛtyave ### [1.6.80](https://indike.org/pramana/in.med.sangraha.bhavaprakasa*alt.1.6.80) nāharatyannamāsyasthaṃ na dhārayati yaḥ śiraḥ ekāgradṛṣṭirmūḍhātmā sadyaḥ prāṇānvimuñcati ### [1.6.81](https://indike.org/pramana/in.med.sangraha.bhavaprakasa*alt.1.6.81) utthāpyamāno bahuśaḥ saṃmohaṃ yo'dhigacchati balavāndurbalo vāpi taṃ pakvaṃ bhiṣagādiśet ### [1.6.82](https://indike.org/pramana/in.med.sangraha.bhavaprakasa*alt.1.6.82) nidrā nirantaraṃ yasya yo jāgartti ca sarvadā muhyedvā vaktukāmaśca pratyākhyeyaḥ sa jānatā ### [1.6.83](https://indike.org/pramana/in.med.sangraha.bhavaprakasa*alt.1.6.83) uttarauṣṭhaṃ ca yo lihyādutkarāṃśca karotiḥ yaḥ pretairvā bhāṣate sāyaṃ pretarūpaṃ tamādiśet ### [1.6.84](https://indike.org/pramana/in.med.sangraha.bhavaprakasa*alt.1.6.84) khebhyaśca romakūpebhyo yasya raktaṃ pravartate puruṣasyāviṣārtasya sa sadyo jīvitaṃ tyajet ### [1.6.85](https://indike.org/pramana/in.med.sangraha.bhavaprakasa*alt.1.6.85) samyak cikitsyamānasya vikāro yo'bhivardhate prakṣīṇabalamāṃsasya lakṣaṇaṃ tadgatāyuṣaḥ ### [1.6.86](https://indike.org/pramana/in.med.sangraha.bhavaprakasa*alt.1.6.86) bhūtāḥ pretāḥ piśācāśca rakṣāṃsi vividhāni ca maraṇābhimukhaṃ jantumupasṛtya ca nityaśaḥ ### [1.6.87](https://indike.org/pramana/in.med.sangraha.bhavaprakasa*alt.1.6.87) tāni bheṣajavīryāṇi pratighnanti jighāṃsayā tasmānmoghāḥ kriyāḥ sarvā bhavantyeva gatāyuṣaḥ ### [1.6.88](https://indike.org/pramana/in.med.sangraha.bhavaprakasa*alt.1.6.88) sarve dravyamapekṣante rogiprabhṛtayo yataḥ vinā vittaṃ na bhaiṣajyaṃ cikitsā'ṅga tato dhanam ### [1.6.89](https://indike.org/pramana/in.med.sangraha.bhavaprakasa*alt.1.6.89) snigdho'jugupsurbalavānyukto vyādhitarakṣaṇe vaidyavākyakṛdaśrānto yujyate paricārakaḥ ### [1.6.90](https://indike.org/pramana/in.med.sangraha.bhavaprakasa*alt.1.6.90) vaidyo vyādhiṃ haredyena taddravyaṃ proktamauṣadham tadyādṛśamavaśyaṃ syādrogaghnaṃ tādṛśaṃ bruve ### [1.6.91](https://indike.org/pramana/in.med.sangraha.bhavaprakasa*alt.1.6.91) praśastadeśe sañjātaṃ praśaste'hani coddhṛtam alpamātraṃ bahuguṇaṃ gandhavarṇarasānvitam ### [1.6.92](https://indike.org/pramana/in.med.sangraha.bhavaprakasa*alt.1.6.92) doṣaghnamaglānikaramadhikaṃ na vikāri yat samīkṣya kāle dattaṃ ca bheṣajaṃ syād guṇāvaham ### [1.6.93](https://indike.org/pramana/in.med.sangraha.bhavaprakasa*alt.1.6.93) āgneyā vindhyaśailādyā saumyo himagiriḥ smṛtaḥ atastadauṣadhāni syuranurūpāṇi hetubhiḥ ### [1.6.94](https://indike.org/pramana/in.med.sangraha.bhavaprakasa*alt.1.6.94) anyeṣvapi prarohanti vaneṣūpavaneṣu ca gṛhṇīyāttāni sumanāḥ śuciḥ prātaḥ suvāsare ### [1.6.95](https://indike.org/pramana/in.med.sangraha.bhavaprakasa*alt.1.6.95) ādityasammukho maunī namaskṛtya śivaṃ hṛdi sādhāraṇadharādravyaṃ gṛhṇīyāduttarāśritam ### [1.6.96](https://indike.org/pramana/in.med.sangraha.bhavaprakasa*alt.1.6.96) valmīkakutsitānūpaśmaśānoṣaramārgajāḥ jantuvahnihimavyāptā nauṣadhyaḥ kāryasādhikāḥ ### [1.6.97](https://indike.org/pramana/in.med.sangraha.bhavaprakasa*alt.1.6.97) śaradyakhilakāryārthaṃ grāhyaṃsarasamauṣadham virekavamanārthaṃ tu vasantānte samāharet ### [1.6.98](https://indike.org/pramana/in.med.sangraha.bhavaprakasa*alt.1.6.98) atisthūlajaṭā yāḥ syustāsāṃ grāhyāstvaco dhruvam gṛhṇīyātsūkṣmamūlāni sakalānyapi buddhimān ### [1.6.99](https://indike.org/pramana/in.med.sangraha.bhavaprakasa*alt.1.6.99) mahānti yeṣāṃ mūlāni kāṣṭhagarbhāṇi sarvataḥ teṣāṃ tu valkalaṃ grāhyaṃ hrasvamūlāni sarvaśaḥ ### [1.6.100](https://indike.org/pramana/in.med.sangraha.bhavaprakasa*alt.1.6.100) nyagrodhādestvaco grāhyā sāraḥsyādvījakāditaḥ tālīsādeśca patrāṇi phalaṃ syāt triphalāditaḥ ### [1.6.101](https://indike.org/pramana/in.med.sangraha.bhavaprakasa*alt.1.6.101) kvacinmūlaṃ kvacitkandaḥ kvacitpatraṃ kvacitphalam kvacitpuṣpaṃ kvacitsarvaṃ kvacitsāraḥ kvacittvacaḥ ### [1.6.102](https://indike.org/pramana/in.med.sangraha.bhavaprakasa*alt.1.6.102) citrakaṃ sūraṇaṃ nimbo vāsā ca triphalā kramāt dhātakī kaṇṭakārī ca khadiraḥ kṣīrapādapaḥ ### [1.6.103](https://indike.org/pramana/in.med.sangraha.bhavaprakasa*alt.1.6.103) kvacinnimbasya gṛhṇīyātpatrābhāve tvacāmapi bālaṃ phalaṃ tu bilvasya pakvamāragvadhasya ca ### [1.6.104](https://indike.org/pramana/in.med.sangraha.bhavaprakasa*alt.1.6.104) aṅge'nukte jaṭā grāhyā bhāge'nukte'khilaṃ samam pātre'nukte mṛdaḥ pātraṃ kāle'nukte tvaharmukham ### [1.6.105](https://indike.org/pramana/in.med.sangraha.bhavaprakasa*alt.1.6.105) navānyeva hi yojyāni dravyāṇyakhilakarmasu vinā viḍaṅgakṛṣṇābhyāṃ guḍadhānyājyamākṣikaiḥ ### [1.6.106](https://indike.org/pramana/in.med.sangraha.bhavaprakasa*alt.1.6.106) purāṇantu praśastaṃ syāttāmbūlaṃ kāñjikaṃ tathā śuṣkaṃ navīnadravyaṃ tu yojyaṃ sakalakarmasu ### [1.6.107](https://indike.org/pramana/in.med.sangraha.bhavaprakasa*alt.1.6.107) ārdraṃ tu dviguṇaṃ yuñjyādeṣa sarvatra niścayaḥ guḍūcī kuṭajo vāsā kūṣmāṇḍaśca śatāvarī ### [1.6.108](https://indike.org/pramana/in.med.sangraha.bhavaprakasa*alt.1.6.108) aśvagandhā sahacaraḥ śatapuṣpā prasāriṇī prayoktavyāḥ sadaivārdrā dviguṇaṃ naiva kārayet ### [1.6.109](https://indike.org/pramana/in.med.sangraha.bhavaprakasa*alt.1.6.109) vāsānimbapaṭolaketakabalākūṣmāṇḍakendīvarīvarṣābhūkuṭajāśca kandasahitā sā pūtigandhā'mṛtā endrī nāgabalā kuruṇṭakapuracchatrā'mṛtāḥ sarvadā sārdrā eva tu na kvacid dviguṇitāḥ kāryeṣu yojyā budhaiḥ ### [1.6.110](https://indike.org/pramana/in.med.sangraha.bhavaprakasa*alt.1.6.110) ghṛtaṃ tailaṃ ca pānīyaṃ kaṣāyaṃ vyañjanādikam paktvā śītīkṛtaṃ coṣṇaṃ tatsarvaṃ syādviṣopamam ### [1.6.111](https://indike.org/pramana/in.med.sangraha.bhavaprakasa*alt.1.6.111) sūkṣmāsthimāṃsalā pathyā sarvakarmaṇi pūjitā kṣiptā'mbhasi nimajjedyāḥ bhallātakyastathottamāḥ ### [1.6.112](https://indike.org/pramana/in.med.sangraha.bhavaprakasa*alt.1.6.112) varāhamūrddhavatkando vārāhīkandasaṃjñakaḥ sauvarcalaṃ tu kācābhaṃ saindhavaṃ sphaṭikaprabham ### [1.6.113](https://indike.org/pramana/in.med.sangraha.bhavaprakasa*alt.1.6.113) suvarṇacchavikaṃ jñeyaṃ svarṇamākṣikamuttamam oḍrapuṣpapratīkāśā manohvā cottamā matā ### [1.6.114](https://indike.org/pramana/in.med.sangraha.bhavaprakasa*alt.1.6.114) śreṣṭhaṃ śilājatu jñeyaṃ prakṣiptaṃ na viśīryate toyapūrṇe kāṃsyapātre pratānena vivardhate ### [1.6.115](https://indike.org/pramana/in.med.sangraha.bhavaprakasa*alt.1.6.115) karpūrastuvaraḥ snigdhaḥ elā sūkṣphalā varā śvetacandanamatyantaṃ sugandhi gurupūjitam ### [1.6.116](https://indike.org/pramana/in.med.sangraha.bhavaprakasa*alt.1.6.116) raktacandanamatyantaṃ lohitaṃ pravaraṃ matam kākatuṇḍanibhaḥ snigdho guruḥ śreṣṭho gururmataḥ ### [1.6.117](https://indike.org/pramana/in.med.sangraha.bhavaprakasa*alt.1.6.117) sugandhi laghu rūkṣaṃ ca suradāru varaṃ matam saralaṃ snigdhamatyarthaṃ sugandhi ca guṇāvaham ### [1.6.118](https://indike.org/pramana/in.med.sangraha.bhavaprakasa*alt.1.6.118) atipītā praśastā tu jñeyā dāruniśā budhaiḥ jātīphalaṃ guru snigdhaṃ samaṃ śubhrāntaraṃ varam ### [1.6.119](https://indike.org/pramana/in.med.sangraha.bhavaprakasa*alt.1.6.119) mṛdvīkā sottamā jñeyā yā syādgostanasannibhā karamardaphalākārā madhyamā sā prakīrttitā ### [1.6.120](https://indike.org/pramana/in.med.sangraha.bhavaprakasa*alt.1.6.120) khaṇḍaṃ tu vimalaṃ śreṣṭhaṃ candrakāntasamaprabham gavyājyasadṛśaṃ rucyaṃ gandhaṃ madhu varaṃ matam ### [1.6.121](https://indike.org/pramana/in.med.sangraha.bhavaprakasa*alt.1.6.121) śālīnāṃ lohitaḥ śāli ṣaṣṭikeṣu ca ṣaṣṭikaḥ śūkadhānyeṣvapi yavo godhūmaḥ pravaro mataḥ ### [1.6.122](https://indike.org/pramana/in.med.sangraha.bhavaprakasa*alt.1.6.122) śimbīdhānye varo mudgo masūraścāḍhakī tathā raseṣu madhuraḥ śreṣṭho lavaṇeṣu ca saindhavaḥ ### [1.6.123](https://indike.org/pramana/in.med.sangraha.bhavaprakasa*alt.1.6.123) dāḍimāmalakaṃ drākṣā kharjūraṃ ca parūṣakam rājādanaṃ mātuluṃgaṃ phalavargeṣu śasyate ### [1.6.124](https://indike.org/pramana/in.med.sangraha.bhavaprakasa*alt.1.6.124) patraśākeṣu vāstūkaṃ jīvantī potikā varā paṭolaṃ phalaśākeṣu kandaśākeṣu sūraṇam ### [1.6.125](https://indike.org/pramana/in.med.sangraha.bhavaprakasa*alt.1.6.125) eṇaḥ kuraṅgo hariṇo jāṅgaleṣu praśasyate pakṣiṇāṃ tittirirlāvo varo matsyeṣu rohitaḥ ### [1.6.126](https://indike.org/pramana/in.med.sangraha.bhavaprakasa*alt.1.6.126) hariṇastāmravarṇaḥ syādeṇaḥ kṛṣṇatayā mataḥ kuraṅgastāmra uddiṣṭo hariṇākṛtiko mahān ### [1.6.127](https://indike.org/pramana/in.med.sangraha.bhavaprakasa*alt.1.6.127) jaleṣu divyaṃ dugdheṣu gavyamājyeṣu gobhavam taileṣu tilajaṃ tailamaikṣaveṣu sitā hitā ### [1.6.128](https://indike.org/pramana/in.med.sangraha.bhavaprakasa*alt.1.6.128) śimvīṣu māṣāngrīṣmartau lavaṇeṣvauṣaraṃ tyajet phaleṣu lakucaṃ śāke sārṣapaṃ na hitaṃ matam ### [1.6.129](https://indike.org/pramana/in.med.sangraha.bhavaprakasa*alt.1.6.129) gomāṃsaṃ grāmyamāṃseṣu na hitaṃ mahiṣīvasā meṣīpayaḥ kusumbhasya tailaṃ tyājyaṃ ca phāṇitam ### [1.6.130](https://indike.org/pramana/in.med.sangraha.bhavaprakasa*alt.1.6.130) matsyamānūpamāṃsaṃ ca dugdhayuktaṃ vivarjayet kapotaṃ sarṣapasnehabharjitaṃ parivarjayet ### [1.6.131](https://indike.org/pramana/in.med.sangraha.bhavaprakasa*alt.1.6.131) matsyānikṣorvikāreṇa tathā kṣaudreṇa varjayet saktūnmāṃsapayoyuktānuṣṇairdadhi vivarjayet ### [1.6.132](https://indike.org/pramana/in.med.sangraha.bhavaprakasa*alt.1.6.132) uṣṇairnabho'mbunā kṣaudraṃ pāyasaṃ kṛsarānvitam rambhāphalaṃ tyajettakradadhibilvaphalānvitam ### [1.6.133](https://indike.org/pramana/in.med.sangraha.bhavaprakasa*alt.1.6.133) daśāhamuṣitaṃ sarpiḥ kāṃsye madhughṛtaṃ samam kṛtānnaṃ ca kaṣāyaṃ ca punaruṣṇīkṛtaṃ tyajet ### [1.6.134](https://indike.org/pramana/in.med.sangraha.bhavaprakasa*alt.1.6.134) ekatra bahumāṃsāni virudhyante parasparam madhu sarpirvasā tailaṃ pānīyaṃ vā payastathā ### [1.6.135](https://indike.org/pramana/in.med.sangraha.bhavaprakasa*alt.1.6.135) lavaṇaṃ saindhavaṃ proktaṃcandanaṃ raktacandanam cūrṇalehāsavasnehāḥ sādhyā dhavalacandanaiḥ kaṣāyalepayoḥ prāyo yujyate raktacandanam ### [1.6.136](https://indike.org/pramana/in.med.sangraha.bhavaprakasa*alt.1.6.136) antaḥ sammārjane jñeyā hyajamodā yavānikā bahiḥ sammārjane saiva vijñātavyā'jamodikā ### [1.6.137](https://indike.org/pramana/in.med.sangraha.bhavaprakasa*alt.1.6.137) payaḥ sarpiḥ prayogeṣu gavyameva hi gṛhyate śakṛdraso gomayako mūtraṃ gomūtramucyate ### [1.6.138](https://indike.org/pramana/in.med.sangraha.bhavaprakasa*alt.1.6.138) citrakābhāvatodantī kṣāraḥ śikharijo'thavā abhāve dhanvayāsasya prekṣepyātu durālabhā ### [1.6.139](https://indike.org/pramana/in.med.sangraha.bhavaprakasa*alt.1.6.139) tagarasyāpyabhāve tu kuṣṭhaṃ dadyādbhiṣagvaraḥ mūrvā'bhāve tvaco grāhyā jiṅginīprabhavā budhaiḥ ### [1.6.140](https://indike.org/pramana/in.med.sangraha.bhavaprakasa*alt.1.6.140) ahiṃsrayā abhāve tu mānakandaḥ prakīrttitaḥ lakṣmaṇāyā abhāve tu nīlakaṇṭhaśikhā matā ### [1.6.141](https://indike.org/pramana/in.med.sangraha.bhavaprakasa*alt.1.6.141) vakulābhāvato deyaṃ kahrārotpalapaṅkajam nīlotpalasyābhāve tu kumudaṃ deyamiṣyate ### [1.6.142](https://indike.org/pramana/in.med.sangraha.bhavaprakasa*alt.1.6.142) jātīpuṣpaṃ na yatrāsti lavaṃgaṃ tatra dīyate arkaparṇādipayaso hyabhāve tadraso mataḥ ### [1.6.143](https://indike.org/pramana/in.med.sangraha.bhavaprakasa*alt.1.6.143) pauṣkarā bhāvataḥ kuṣṭhaṃ tathā lāṅgalyabhāvataḥ sthauṇeyakasyābhāve tu miṣagbhirdīyate gadaḥ ### [1.6.144](https://indike.org/pramana/in.med.sangraha.bhavaprakasa*alt.1.6.144) cavikāgajapippalyau piplīmūlavatsmṛtau ### [1.6.145](https://indike.org/pramana/in.med.sangraha.bhavaprakasa*alt.1.6.145) abhāve somarājyāstu prapunnāḍaphalaṃ matam yadi na syāddāruniśā tadā deyā niśā budhaiḥ ### [1.6.146](https://indike.org/pramana/in.med.sangraha.bhavaprakasa*alt.1.6.146) rasāñjanasyābhāve tu dārvīkvāthaḥ prayujyate saurāṣṭryabhāvato deyā sphaṭikā tadguṇā janaiḥ ### [1.6.147](https://indike.org/pramana/in.med.sangraha.bhavaprakasa*alt.1.6.147) tālīsapatrakābhāve svarṇatālī praśasyate bhārṅgyabhāve tu tālīsaṃ kaṇṭakārījaṭā'thavā ### [1.6.148](https://indike.org/pramana/in.med.sangraha.bhavaprakasa*alt.1.6.148) rucakābhāvato dadyāllavaṇaṃ pāṃśupūrvakam abhāve madhuyaṣṭyāstu dhātakīṃ ca prayojayet ### [1.6.149](https://indike.org/pramana/in.med.sangraha.bhavaprakasa*alt.1.6.149) amlavetasakābhāve cukraṃ dātavyamiṣyate drākṣā yadi na labhyeta pradeyaṃ kāśmarīphalam ### [1.6.150](https://indike.org/pramana/in.med.sangraha.bhavaprakasa*alt.1.6.150) tayorabhāve kusumaṃ madhūkasya mataṃ budhaiḥ lavaṅgakusumaṃ deyaṃ nakhasyābhāvataḥ punaḥ ### [1.6.151](https://indike.org/pramana/in.med.sangraha.bhavaprakasa*alt.1.6.151) kastūryabhāve kaṅkolaṃ kṣepaṇīyaṃ vidurbudhāḥ kaṅkolasyāpyabhāve tu jātīpuṣpaṃ pradīyate ### [1.6.152](https://indike.org/pramana/in.med.sangraha.bhavaprakasa*alt.1.6.152) sugandhimustakaṃ deyaṃ karpūrābhāvato budhaiḥ karpūrābhāvato deyaṃ granthiparṇaṃ viśeṣataḥ ### [1.6.153](https://indike.org/pramana/in.med.sangraha.bhavaprakasa*alt.1.6.153) kuṅkumābhāvato dadyātkusumbhakusumaṃ navam śrīkhaṇḍacandanābhāve karpūraṃ deyamiṣyate ### [1.6.154](https://indike.org/pramana/in.med.sangraha.bhavaprakasa*alt.1.6.154) abhāve tvetayorvaidyaḥ prakṣipedraktacandanam raktacandanakābhāve navośīraṃ vidurbudhāḥ ### [1.6.155](https://indike.org/pramana/in.med.sangraha.bhavaprakasa*alt.1.6.155) mustā cātiviṣābhāve śivā'bhāve śivā matā abhāve nāgapuṣpasya padmakeśaramiṣyate ### [1.6.156](https://indike.org/pramana/in.med.sangraha.bhavaprakasa*alt.1.6.156) medājīvakakākolīṛddhidvandve'pi vā'sati darīvidāryaśvagandhāvārāhīśca kramāt kṣipet ### [1.6.157](https://indike.org/pramana/in.med.sangraha.bhavaprakasa*alt.1.6.157) vārāhyāśca tathā'bhāve carmakārāluko mataḥ vārāhīkandasaṃjñastu paścime gṛṣṭisaṃjñakaḥ ### [1.6.158](https://indike.org/pramana/in.med.sangraha.bhavaprakasa*alt.1.6.158) vārīhīkanda evānyaścarmakārāluko mataḥ anūpasambhave deśe varāha iva lomavān ### [1.6.159](https://indike.org/pramana/in.med.sangraha.bhavaprakasa*alt.1.6.159) bhallātakāsahatve tu raktacandanamiṣyate bhallātābhāvataścitraṃ nalaścekṣorabhāvataḥ ### [1.6.160](https://indike.org/pramana/in.med.sangraha.bhavaprakasa*alt.1.6.160) suvarṇābhāvataḥ svarṇamākṣikaṃ prakṣiped budhaḥ śvetaṃ tu mākṣikaṃ jñeyaṃ budhai rajatavad dhruvam ### [1.6.161](https://indike.org/pramana/in.med.sangraha.bhavaprakasa*alt.1.6.161) mākṣikasyāpyabhāve tu pradadyātsvarṇagairikam suvarṇamatha vā raupyaṃ mṛtaṃ yatra na labhyate ### [1.6.162](https://indike.org/pramana/in.med.sangraha.bhavaprakasa*alt.1.6.162) tatra kāntena karmāṇi bhiṣakkuryādvicakṣaṇaḥ kāntābhāve tīkṣṇalohaṃ yojayedvaidyasattamaḥ ### [1.6.163](https://indike.org/pramana/in.med.sangraha.bhavaprakasa*alt.1.6.163) abhāve mauktikasyāpi muktāśuktiṃ prayojayet madhu yatra na labhyeta tatra jīrṇaguḍo mataḥ ### [1.6.164](https://indike.org/pramana/in.med.sangraha.bhavaprakasa*alt.1.6.164) matsyaṇḍyabhāvato dadyurbhiṣajaḥ sitaśarkarām asambhave sitāyāstu budhaiḥ khaṇḍaṃ prayujyate ### [1.6.165](https://indike.org/pramana/in.med.sangraha.bhavaprakasa*alt.1.6.165) kṣīrābhāve raso maudgo māsūro vā pradīyate atra proktāni vastūni yāni teṣu ca teṣu ca ### [1.6.166](https://indike.org/pramana/in.med.sangraha.bhavaprakasa*alt.1.6.166) yojyamekatarābhāve paraṃ vaidyena jānatā rasavīryavipākādyaiḥ samaṃ dravyaṃ vicintya ca ### [1.6.167](https://indike.org/pramana/in.med.sangraha.bhavaprakasa*alt.1.6.167) yuñjyāttadvidhamanyacca dravyāṇāṃ tu rasādivit yoge yadapradhānaṃ syāttasya pratinidhirmataḥ ### [1.6.168](https://indike.org/pramana/in.med.sangraha.bhavaprakasa*alt.1.6.168) yattu pradhānaṃ tasyāpi sadṛśaṃ naiva gṛhyate vyādherayuktaṃ yaddravyaṃ gaṇoktamapi tattyajet anuktamapi yuktaṃ yadyojayettadrasādivit ### [1.6.169](https://indike.org/pramana/in.med.sangraha.bhavaprakasa*alt.1.6.169) dravye raso guṇo vīryaṃ vipākaḥ śaktireva ca padārthāḥ pañca tiṣṭhanti svaṃ svaṃ kurvanti karma ca ### [1.6.170](https://indike.org/pramana/in.med.sangraha.bhavaprakasa*alt.1.6.170) rasāḥ svādvamlalavaṇatiktoṣaṇakaṣāyakāḥ ṣaḍ dravyamāśritāste ca yathāpūrvaṃ balāvahāḥ ### [1.6.171](https://indike.org/pramana/in.med.sangraha.bhavaprakasa*alt.1.6.171) tatrādyā mārutaṃ ghnanti trayastiktādayaḥ kapham kaṣāyatiktamadhurāḥ pittamanye tu kurvate ### [1.6.172](https://indike.org/pramana/in.med.sangraha.bhavaprakasa*alt.1.6.172) ye rasā vātaśamanā bhavanti yadi teṣu vai raukṣyalāghavaśaityāni na te hanyuḥ samīraṇam ### [1.6.173](https://indike.org/pramana/in.med.sangraha.bhavaprakasa*alt.1.6.173) ye rasā pittaśamanā bhavanti yadi teṣu vai tīkṣṇoṣṇalaghutāścaiva naite tatkarmakāriṇaḥ ### [1.6.174](https://indike.org/pramana/in.med.sangraha.bhavaprakasa*alt.1.6.174) ye rasāḥ śleṣmaśamanā bhavanti yadi teṣu vai snehagauravaśaityāni na te hanyuḥ kaphaṃ tadā ### [1.6.175](https://indike.org/pramana/in.med.sangraha.bhavaprakasa*alt.1.6.175) madhuro hi rasaḥ śīto dhātustanyabalapradaḥ cakṣuṣyo vātapittaghnaḥ kuryātsthaulyamalakṛmīn ### [1.6.176](https://indike.org/pramana/in.med.sangraha.bhavaprakasa*alt.1.6.176) viṣaghnaḥ picchilaścāpi snigdhaḥ prītyāyuṣorhitaḥ bālabṛddhakṣatakṣīṇavarṇakeśendriyaujasām ### [1.6.177](https://indike.org/pramana/in.med.sangraha.bhavaprakasa*alt.1.6.177) praśasto bṛṃhaṇaḥ kaṇṭhyo guruḥ sandhānakṛnmataḥ ### [1.6.178](https://indike.org/pramana/in.med.sangraha.bhavaprakasa*alt.1.6.178) so'tiyukto jvaraśvāsagalagaṇḍārbudakṛmīn sthaulyāgnimāndyamehāṃśca kuryānmedaḥkaphāmayān ### [1.6.179](https://indike.org/pramana/in.med.sangraha.bhavaprakasa*alt.1.6.179) raso'mla pācano rucyaḥ pittaśleṣmāsrado laghuḥ lekhitoṣṇo bahiḥ śītaḥ kledanaḥ pavanāpahaḥ ### [1.6.180](https://indike.org/pramana/in.med.sangraha.bhavaprakasa*alt.1.6.180) snigdhastīkṣṇaḥ saraḥ śukravibandhānāhadṛṣṭihā harṣaṇo romadantānāmakṣibhrūvinikocanaḥ ### [1.6.181](https://indike.org/pramana/in.med.sangraha.bhavaprakasa*alt.1.6.181) so'tiyukto bhramaṃ kuryāttṛḍdāhatimirajvarān kaṇḍūpāṇḍutvavīsarpaśothavisphoṭakuṣṭhakṛt ### [1.6.182](https://indike.org/pramana/in.med.sangraha.bhavaprakasa*alt.1.6.182) lavaṇaḥ śodhano rucyaḥ pācanaḥ kaphapittadaḥ puṃstvavātaharaḥ kāyaśaithilyamṛdutākaraḥ balaghna āsyajaladaḥ kapolagaladāhakṛt ### [1.6.183](https://indike.org/pramana/in.med.sangraha.bhavaprakasa*alt.1.6.183) so'ti yukto 'kṣipākāsrapitta koṭhakṣatādikṛt valīpalitakhālityakuṣṭhavīsarpatṛṭpradaḥ ### [1.6.184](https://indike.org/pramana/in.med.sangraha.bhavaprakasa*alt.1.6.184) kaṭuruṣṇaśca tīkṣṇaśca viśado vātapittakṛt śleṣmahṛllaghurāgneyaḥ kṛmikaṇḍūviṣāpahaḥ ### [1.6.185](https://indike.org/pramana/in.med.sangraha.bhavaprakasa*alt.1.6.185) śukrastanyaharaścāpi medaḥsthaulyāpakarṣaṇaḥ aśrudo nāsikā'syākṣijihvā'grodvejako mataḥ ### [1.6.186](https://indike.org/pramana/in.med.sangraha.bhavaprakasa*alt.1.6.186) dīpanaḥ pācano rucyo nāsikāśoṣaṇo bhṛśam kledamedovasāmajjaśakṛnmūtropaśoṣaṇaḥ ### [1.6.187](https://indike.org/pramana/in.med.sangraha.bhavaprakasa*alt.1.6.187) srotaḥ prakāśako rūkṣaḥ medhyo varcovibandhakṛt ### [1.6.188](https://indike.org/pramana/in.med.sangraha.bhavaprakasa*alt.1.6.188) so'tiyukto bhrāntidāhamukhatālvoṣṭhaśoṣakṛt kaṇṭhādipīḍāmūrcchā'ntardāhado balakāntihṛt ### [1.6.189](https://indike.org/pramana/in.med.sangraha.bhavaprakasa*alt.1.6.189) tiktaḥ śītastṛṣāmūrcchājvarapittakaphāñjayet kṛmikuṣṭhaviṣotkledadāharaktagadāpahaḥ ### [1.6.190](https://indike.org/pramana/in.med.sangraha.bhavaprakasa*alt.1.6.190) rucyaḥ svayamarociṣṇuḥ kaṇṭhastanyaviśodhanaḥ vātalo'gnikaro nāsāśoṣaṇo rūkṣaṇo laghuḥ ### [1.6.191](https://indike.org/pramana/in.med.sangraha.bhavaprakasa*alt.1.6.191) so'tiyuktaḥ śiraḥśūlamanyāstambhaśramārttikṛt kampamūrcchātṛṣākārī balaśukrakṣayapradaḥ ### [1.6.192](https://indike.org/pramana/in.med.sangraha.bhavaprakasa*alt.1.6.192) kaṣāyo ropaṇo grāhī stambhanaḥ śodhanastathā lekhanaḥ pīḍanaḥ saumyaḥ śoṣaṇo vātakopanaḥ ### [1.6.193](https://indike.org/pramana/in.med.sangraha.bhavaprakasa*alt.1.6.193) kaphaśoṇitapittaghno rūkṣaḥ śīto laghurmataḥ tvakprasādhana āmasya stambhano viśado mataḥ jihvāyāṃ jāḍyakṛtkaṇṭhasrotasāṃ ca vibandhakṛt ### [1.6.194](https://indike.org/pramana/in.med.sangraha.bhavaprakasa*alt.1.6.194) so'tiyukto grahādhmānahṛtpīḍākṣepaṇādikṛt ### [1.6.195](https://indike.org/pramana/in.med.sangraha.bhavaprakasa*alt.1.6.195) madhuraṃ śleṣmalaṃprāyo jīrṇaśāliyavādṛte mudgādgodhūmataḥ kṣaudrātsitāyā jāṅgalāmiṣāt ### [1.6.196](https://indike.org/pramana/in.med.sangraha.bhavaprakasa*alt.1.6.196) amlaṃ pittakaraṃ prāyo vinā dhātrīṃ ca dāḍimīm lavaṇaṃ prāyaśo dveṣi netrayoḥ saindhavaṃ vinā ### [1.6.197](https://indike.org/pramana/in.med.sangraha.bhavaprakasa*alt.1.6.197) prāyaḥ kaṭu tathā tiktamavṛṣyaṃ vātakopanam śuṇṭhī kṛṣṇārasonāni paṭolamamṛtāṃ vinā ### [1.6.198](https://indike.org/pramana/in.med.sangraha.bhavaprakasa*alt.1.6.198) pippalīnāgaraṃ vṛṣyaṃ kaṭu cāvṛṣyamucyate prāyaśaḥ stambhanaṃ proktaṃ kaṣāyamabhayāṃ vinā ### [1.6.199](https://indike.org/pramana/in.med.sangraha.bhavaprakasa*alt.1.6.199) sāmānyenātra nirdiṣṭā guṇāḥ ṣaḍrasasambhavāḥ rasānāṃ yogatastu syādanya eva guṇodayaḥ ### [1.6.200](https://indike.org/pramana/in.med.sangraha.bhavaprakasa*alt.1.6.200) saṃyogādviṣatāṃ yāti samamājyena mākṣiṃkam amṛtatvaṃ viṣaṃ yāti sarpadaṣṭasya vai yathā _First 200 of 250 passages. [Read on](https://indike.org/pramana/in.med.sangraha.bhavaprakasa*alt.1.6)_ ## Linked texts (18) - [Śārṅgadharasaṃhitā](https://indike.org/pramana/in.med.sangraha.sarngadharasamhita.1.0.55) — Śārṅgadhara (physician), Sanskrit - [Suśrutasaṃhitā](https://indike.org/pramana/in.med.samhita.susruta.1.23.9) — Suśruta & Nāgārjuna (siddha/alchemist), Sanskrit - [Adbhutasāgara](https://indike.org/pramana/in.astro.samhita.adbhuta.adbhutasagara.48.120) — Ballālasena & Lakṣmaṇasena, Sanskrit - [Aṣṭāṅgasaṃgraha](https://indike.org/pramana/in.med.samhita.astangasamgraha.23.32) — Vāgbhaṭa, Sanskrit - [Hārītasaṃhitā](https://indike.org/pramana/in.med.samhita.haritasamhita.3.3.2.16) — Hārīta, Sanskrit - [Bṛhadyogataraṅgiṇī](https://indike.org/pramana/in.med.yoga.brhadyogatarangini.35.3) — Trimalla, Sanskrit - [Yogataraṅgiṇī (Trimalla)](https://indike.org/pramana/in.med.yoga.yogatarangini-trimalla-bhatta.35.3) — Trimalla, Sanskrit - [Paribhāṣāpradīpa](https://indike.org/pramana/in.med.paribhasa.paribhasapradipa.1.66) — Govindasena, Sanskrit - [Bhaiṣajyaratnāvalī (ed. Rājeśvaradatta Śāstrī)](https://indike.org/pramana/in.med.cikitsa.gauda.bhaisajyaratnavali*sastri1978.4.75) — Sanskrit - [Arkaprakāśa (Rāvaṇapaṇḍita)](https://indike.org/pramana/in.med.cikitsa.kalpana.arkaprakasa.1.23) — Rāvaṇapaṇḍita 1600, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.1.34) — Vaṅgasena, Sanskrit - [Jvaratimirabhāskara (Cāmuṇḍa Kāyastha)](https://indike.org/pramana/in.med.cikitsa.jvara.jvaratimirabhaskara.1.56) — Cāmuṇḍa Kāyastha 1598, Sanskrit - [Amṛtasāgara](https://indike.org/pramana/in.med.sangraha.amrtasagara.3.4) — Pratāpasiṁha 1778, Sanskrit - [Madanapālanighaṇṭu (Madanavinoda)](https://indike.org/pramana/in.med.nighantu.namaguna.madanapala.13.72) — Madanapāla (Ṭāka), Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.74.49) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.74.49) — Basava, Sanskrit - [ĀYURVEDĪYAPARIBHĀṢĀ](https://indike.org/pramana/in.med.paribhasa.ayurvediyaparibhasa.9.14) — Gaṅgādhara, Sanskrit - [Vāgbhaṭamaṇḍana](https://indike.org/pramana/in.med.paribhasa.vagbhatamandana.17.36) — Narahari, Sanskrit --- Source: [https://indike.org/pramana/in.med.sangraha.bhavaprakasa*alt.1.6](https://indike.org/pramana/in.med.sangraha.bhavaprakasa*alt.1.6) · Pramāṇa