Pramāṇa · Search · About · API

Bhavaprakasha 3.1-3

Bhāvaprakāśa (another edition) 3.1-3

Language
Sanskrit

3.1-3.1

jvarātisārayoruktaṃ nidānaṃ yatpṛthakpṛthak
tasmājjvarātisārasya nidānaṃ noditaṃ punaḥ

3.1-3.2

jvarātisārayoruktaṃ bheṣajaṃ yatpṛthakpṛthak
na tanmilitayoḥ kāryamanyo'nya vardhayedyataḥ

3.1-3.3

atastau pratikurvīta viśeṣoktacikitsitaiḥ

3.1-3.4

laṅghanamekaṃ muktvā na cānyadastīha bheṣajaṃbalinaḥ
samudīrṇadoṣanicayaṃ tatpācayettathā śamayet

3.1-3.5

laṅghanamubhayoruktaṃ milite kāryaṃ viśeṣatastadanu
utpalaṣaṣṭhakasiddhaṃ lājāmaṇḍādikaṃ sakalam

3.1-3.6

pṛśniparṇībalā bilvadhanikānāgarotpalaiḥ
jvarātisārayorvā'pi pibetsāmlaṃ śṛtaṃ naraḥ

3.1-3.7

kaṇākarikaṇālājakvātho madhusitāyutaḥ
pīto jvarātisārasya tṛṣṇāmāśu vināśayet

3.1-3.8

nāgarātiviṣāmustā'mṛtābhūnimbavatsakaiḥ
kvāthaḥ sarvajvarānhanti cātisāraṃ sudāruṇam

3.1-3.9

guḍūcyativiṣādhānyaśuṇṭhībilvābdabālakaiḥ
pāṭhābhūnimbakuṭajacandanośīraparpaṭaiḥ

3.1-3.10

pibetkaṣāyaṃ sakṣaudraṃ jvarātīsāranāśanam
hṛllāsārucitṛḍdāhavamīnāñca nivṛttaye

3.1-3.11

utpalaṃ dāḍimatvakca padmakeśarameva ca
pītaṃ taṇḍulatoyena jvarātīsāranāśanam

3.1-3.12

bilvabālakabhūnimbaguḍūcīmustavatsakaiḥ
kaṣāyaḥpācanaḥśothajvarātīsāranāśanaḥ

3.1-3.13

nāgarātiviṣābilvaguḍūcīmustavatsakaiḥ
kaṣāyaḥ pācanaḥ śothajvarātīsāranāśanaḥ

3.1-3.14

daśamūlīkaṣāyeṇa viśvamakṣasamāṃ pibet
jvare caivātisāre ca saśothe grahaṇī gade

3.1-3.3-2

iti tṛtīyājvarātisāraḥ samāptaḥ

3.1-3.4-2

atha caturtho grahaṇīrogādhikāraḥ

Linked texts (6)