[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Bhāvaprakāśa](https://indike.org/pramana/in.med.sangraha.bhavaprakasa) › [bhavaprakasha](https://indike.org/pramana/in.med.sangraha.bhavaprakasa*alt) › 3.3-2 # Bhavaprakasha 3.3-2 Bhāvaprakāśa (another edition) 3.3-2 - **Language:** Sanskrit ## Contents - [3.3-2.87](https://indike.org/pramana/in.med.sangraha.bhavaprakasa*alt.3.3-2.87) — 1 part ### [3.3-2.1](https://indike.org/pramana/in.med.sangraha.bhavaprakasa*alt.3.3-2.1) doṣaiḥ pṛthaksamastāmadvandvaiḥ śūlo'ṣṭadhā bhavet sarveṣveteṣu śūleṣu prāyeṇa pavanaḥ prabhuḥ ### [3.3-2.2](https://indike.org/pramana/in.med.sangraha.bhavaprakasa*alt.3.3-2.2) vyāyāmayānādatimaithunācca prajāgarācchītajalātipānāt kalāyamudgāḍhakikoradūṣādatyartharukṣādhyaśanābhighātāt ### [3.3-2.3](https://indike.org/pramana/in.med.sangraha.bhavaprakasa*alt.3.3-2.3) kaṣāyatiktātiviruḍhajānnaviruddhavallūrakaśuṣkaśākaiḥ viṭchukramūtrānilasannirodhācchokopavāsādatihāsyabhāṣāt ### [3.3-2.4](https://indike.org/pramana/in.med.sangraha.bhavaprakasa*alt.3.3-2.4) vāyuḥ pravṛddho janayeddhi śūlaṃ hṛtpṛṣṭhapārśvatrikavastideśe jīrṇe pradoṣe ca ghanāgame ca śīte ca kopaṃ samupaiti gāḍham ### [3.3-2.5](https://indike.org/pramana/in.med.sangraha.bhavaprakasa*alt.3.3-2.5) muhurmuhuścopaśamaprakopau viṇmūtrasaṃstambhanatodabhedaiḥ saṃsvedanābhyañjanamardanādyaiḥsnigdhoṣṇabhojyaiśca śamaṃ prayāti ### [3.3-2.6](https://indike.org/pramana/in.med.sangraha.bhavaprakasa*alt.3.3-2.6) kaphapittāvaruddhastu māruto rasavarddhitaḥ hṛdayasthaḥ prakurute śūlamucchvāsarodhakam sahṛcchūla iti khyāto rasamārutakopajaḥ ### [3.3-2.7](https://indike.org/pramana/in.med.sangraha.bhavaprakasa*alt.3.3-2.7) kaphaṃ nigṛhya pavanaḥ sūcībhiriva nistudan pārśvasthaḥ pārśvayoḥ śūlaṃ kuryādādhmānasaṃyutam ### [3.3-2.8](https://indike.org/pramana/in.med.sangraha.bhavaprakasa*alt.3.3-2.8) tenocchvasiti vaktreṇa naro'nnañca na kāṅkṣati nidrāñca nāpnuyādeva pārśvaśūlaḥ pakīrttitaḥ ### [3.3-2.9](https://indike.org/pramana/in.med.sangraha.bhavaprakasa*alt.3.3-2.9) saṃrodhātkupitovāyurbastiṃ saṃśritya tiṣṭhati ### [3.3-2.10](https://indike.org/pramana/in.med.sangraha.bhavaprakasa*alt.3.3-2.10) basteradhvani nāḍīṣu tataḥ śūlo'sya jāyate viṇmūtravātasaṃrodhī bastiśūlaḥ sa ucyate ### [3.3-2.11](https://indike.org/pramana/in.med.sangraha.bhavaprakasa*alt.3.3-2.11) kṣārātitīkṣṇoṣṇavidāhitailaniṣpāvapiṇyākakulatthayūṣaiḥ kaṭvamlasauvīrasurāvikāraiḥ krodhānalāyāsaravipratāpaiḥ ### [3.3-2.12](https://indike.org/pramana/in.med.sangraha.bhavaprakasa*alt.3.3-2.12) grāmyātiyogādaśanairvidagdhaiḥ pittaṃ prakupyātha karoti śūlam tṛṇmohadāhārttikaraṃ hi nābhyāṃ saṃsvedamūrcchābhramaśoṣayuktam ### [3.3-2.13](https://indike.org/pramana/in.med.sangraha.bhavaprakasa*alt.3.3-2.13) madhyandine kupyati cārddharātre nidāghakāle jaladātyaye ca śīte ca śītaiḥ samupaiti śāntiṃ susvāduśītairapi bhojanaiśca ### [3.3-2.14](https://indike.org/pramana/in.med.sangraha.bhavaprakasa*alt.3.3-2.14) ānūpavārijakilāṭapayovikārairmāṃsekṣupiṣṭakṛśarātilaśaṣkulībhiḥ anyairbalāsajanakairapihetubhiśca śleṣmā prakopamupagamya karotiśūlam ### [3.3-2.15](https://indike.org/pramana/in.med.sangraha.bhavaprakasa*alt.3.3-2.15) hṛllāsakāsasadanārucisamprasekairāmāśaye stimitakoṣṭhaśirogurutvaiḥ bhukte sadaiva hi rujaṃ kurute'timātraṃ sūryodaye'tha śiśire kusumāgame ca ### [3.3-2.16](https://indike.org/pramana/in.med.sangraha.bhavaprakasa*alt.3.3-2.16) dvidoṣalakṣaṇairetairvidyācchūlaṃ dvidoṣajam ### [3.3-2.17](https://indike.org/pramana/in.med.sangraha.bhavaprakasa*alt.3.3-2.17) sarveṣu deśeṣu ca sarvaliṅgaṃ vidyādbhiṣaksarvabhavaṃ hi śūlam sukaṣṭamenaṃ viṣavajrakalpaṃ vivarjanīyaṃ pravadanti tajjñāḥ ### [3.3-2.18](https://indike.org/pramana/in.med.sangraha.bhavaprakasa*alt.3.3-2.18) āṭopahṛllāsavamīgurutvastaimityakānāhakaphaprasekaiḥ kaphasya liṅgena samānaliṅgamāmodbhavaṃ śūlamudāharanti ### [3.3-2.19](https://indike.org/pramana/in.med.sangraha.bhavaprakasa*alt.3.3-2.19) vātātmakaṃ vastigataṃ vadanti pittātmakañcāpi vadanti nābhyām hṛtpārśvakukṣau kaphasanniviṣṭaṃ sarveṣu deśeṣu ca sannipātāt ### [3.3-2.20](https://indike.org/pramana/in.med.sangraha.bhavaprakasa*alt.3.3-2.20) bastau hṛtkaṭipārśveṣu sa śūlaḥ kaphavātikaḥ kukṣau hṛnnābhimadhye tu sa śūlaḥ kaphapaittikaḥ dāhajvarakaro ghoro vijñeyo vātapaittikaḥ ### [3.3-2.21](https://indike.org/pramana/in.med.sangraha.bhavaprakasa*alt.3.3-2.21) atimātraṃ yadā bhuktaṃ pāvake mṛdutāṃ gate sthirīkṛtantu tatkoṣṭhe vāyurāvṛtya tiṣṭhati ### [3.3-2.22](https://indike.org/pramana/in.med.sangraha.bhavaprakasa*alt.3.3-2.22) yadā'nna na gataṃ pākaṃ tacchūlaṃ kurute bhṛśam mūrcchādhmānavidāhāṃśca hṛtkleśaṃ savilambikam ### [3.3-2.23](https://indike.org/pramana/in.med.sangraha.bhavaprakasa*alt.3.3-2.23) kampaṃ vāntimatīsāraṃ pramohaṃ janayedapi avipākodbhavaṃ śūlametamāhurmanīṣiṇaḥ ### [3.3-2.24](https://indike.org/pramana/in.med.sangraha.bhavaprakasa*alt.3.3-2.24) vedanātitṛṣā mūrcchā ānāho gauravārucī kāsaḥ śvāso vamirhikkā śūlāsyopadravāḥ smṛtāḥ ### [3.3-2.25](https://indike.org/pramana/in.med.sangraha.bhavaprakasa*alt.3.3-2.25) ekadoṣānugaḥ sādhyaḥ kṛcchrasādhyo dvidoṣajaḥ sarvadoṣānvito ghorastvasādhyo bhūryupadravaḥ ### [3.3-2.26](https://indike.org/pramana/in.med.sangraha.bhavaprakasa*alt.3.3-2.26) vedanātitṛṣāmūrcchā ānāho gauravaṃ jvaraḥ ### [3.3-2.27](https://indike.org/pramana/in.med.sangraha.bhavaprakasa*alt.3.3-2.27) bhramo ruciḥ kṛśatvañca balahānistathaiva ca upadravā daśaivaite yasya śūleṣu nāsti saḥ ### [3.3-2.28](https://indike.org/pramana/in.med.sangraha.bhavaprakasa*alt.3.3-2.28) svairnidānaiḥ prakupito vātaḥ sannihito yadā kaphapitte samāvṛtya śūlakārī bhaved balī bhukte jīryati yacchūlaṃ tadeva pariṇāmajam ### [3.3-2.29](https://indike.org/pramana/in.med.sangraha.bhavaprakasa*alt.3.3-2.29) tasya lakṣaṇamapyetatsamāsenābhidhīyate ### [3.3-2.30](https://indike.org/pramana/in.med.sangraha.bhavaprakasa*alt.3.3-2.30) ādhmānāṭopaviṇmūtravibandhārativepanaiḥ snigdhoṣṇopaśamaprāyaṃ vātikaṃ tadvadedbhiṣak ### [3.3-2.31](https://indike.org/pramana/in.med.sangraha.bhavaprakasa*alt.3.3-2.31) tṛṣṇādāhāratisvedakaṭvamlalavaṇottaram śūlaṃ śītaśamaprāyaṃ paittikaṃ lakṣayed budhaḥ ### [3.3-2.32](https://indike.org/pramana/in.med.sangraha.bhavaprakasa*alt.3.3-2.32) chardihṛllāsasaṃmohasvalparugdīrghasantati kaṭutiktopaśāntau ca vijñeyañca kaphātmakam ### [3.3-2.33](https://indike.org/pramana/in.med.sangraha.bhavaprakasa*alt.3.3-2.33) saṃsṛṣṭalakṣaṇaṃ buddhvā dvidoṣaṃ parikalpayet tridoṣajamasādhyaṃ syātkṣīṇamāṃsabalānalam ### [3.3-2.34](https://indike.org/pramana/in.med.sangraha.bhavaprakasa*alt.3.3-2.34) jīrṇe jīryati cāpyanne yacchūlamupajāyate pathyāpathyaprayogeṇa bhojanābhojanena vā na śamaṃ yāti niyamātso'nnadrava udāhṛtaḥ ### [3.3-2.35](https://indike.org/pramana/in.med.sangraha.bhavaprakasa*alt.3.3-2.35) vamanaṃ laṅghanaṃ svedaḥ pācanaṃ phalavarttayaḥ kṣārāścūrṇāni guṭikāḥ śasyante śūlaśāntaye ### [3.3-2.36](https://indike.org/pramana/in.med.sangraha.bhavaprakasa*alt.3.3-2.36) vijñāya vātaśūlantu snehasvedairupācaret svalpaśūlākulasya syātsveda eva sukhāvahaḥ ### [3.3-2.37](https://indike.org/pramana/in.med.sangraha.bhavaprakasa*alt.3.3-2.37) mṛttikāṃ sajalāṃ pākādghanībhūtāṃ paṭe kṣipet kṛtvā tatpoṭṭaladyaṃ śūlī yathāsvedaṃ vidhārayet ### [3.3-2.38](https://indike.org/pramana/in.med.sangraha.bhavaprakasa*alt.3.3-2.38) kārpāsāsthikulattha kaistilayavaireraṇḍamūlātasī varṣābhūśaṇabījakāñjikayutairekīkṛtairvā pṛthak ### [3.3-2.38-2](https://indike.org/pramana/in.med.sangraha.bhavaprakasa*alt.3.3-2.38-2) svedaḥ syādatha kūrparodaraśiraḥ sphigjānupādāṅgulī gulphaskandhakaṭīrujo vijayate niḥśeṣavātārttihā ### [3.3-2.39](https://indike.org/pramana/in.med.sangraha.bhavaprakasa*alt.3.3-2.39) tilaiśca guṭikāṃ kṛtvā bhrāmayejjaṭharopari ### [3.3-2.40](https://indike.org/pramana/in.med.sangraha.bhavaprakasa*alt.3.3-2.40) śūlaṃ sudustaraṃ tena śāntiṃ gacchati satvaram nābhilepājjayecchūlaṃ madanaṃ kāñjikānvitam ### [3.3-2.41](https://indike.org/pramana/in.med.sangraha.bhavaprakasa*alt.3.3-2.41) viśvameraṇḍajaṃ mūlaṃ kvāthayitvā jalaṃ pibet hiṅgusauvarcalopetaṃ sadyaḥ śūlanivāraṇam ### [3.3-2.42](https://indike.org/pramana/in.med.sangraha.bhavaprakasa*alt.3.3-2.42) puṃsaḥ śūlābhipannasya sveda eva sukhāvahaḥ pāyasaiḥ kṛśaraiḥ piṇḍaiḥ snigdhairvā piśitotkaraiḥ ### [3.3-2.43](https://indike.org/pramana/in.med.sangraha.bhavaprakasa*alt.3.3-2.43) vātātmakaṃ hantyacireṇa śūlaṃ snehena yuktastu kulatthayūṣaḥ sasaindhavavyoṣayutaḥ salāvaḥ sahiṅgusauvarcaladāḍimāḍhyaḥ ### [3.3-2.44](https://indike.org/pramana/in.med.sangraha.bhavaprakasa*alt.3.3-2.44) balāpunarnavairaṇḍa bṛhatīdbayagokṣuraiḥ sahiṅgulavaṇopetaṃ sadyo vātarujāpaham ### [3.3-2.45](https://indike.org/pramana/in.med.sangraha.bhavaprakasa*alt.3.3-2.45) tumburuṇyabhayā hiṅgu pauṣkaraṃ lavaṇatrayam pibeduṣṇāmabunāṃ vāpi śūlagulmāpatantrakī ### [3.3-2.46](https://indike.org/pramana/in.med.sangraha.bhavaprakasa*alt.3.3-2.46) yavānīhiṅgusindhūttha kṣārasauvarcalābhayāḥ surāmaṇḍena pātavyā vātaśūlaniṣūdanāḥ ### [3.3-2.47](https://indike.org/pramana/in.med.sangraha.bhavaprakasa*alt.3.3-2.47) sauvarcalāmlikājā jīmaricairdviguṇottaraiḥ mātuluṅgarasaiḥ piṣṭvā guṭikā vātaśūlanut ### [3.3-2.48](https://indike.org/pramana/in.med.sangraha.bhavaprakasa*alt.3.3-2.48) bījapūrakamūlaṃ ca ghṛtena saha pāyayet jayedvātabhavaṃ śūlaṃ karṣamekaṃ pramāṇataḥ ### [3.3-2.49](https://indike.org/pramana/in.med.sangraha.bhavaprakasa*alt.3.3-2.49) guḍaḥ śāliryavakṣāraḥ sarpiṣpānaṃ virecanam jāṅgalāni ca māṃsāni bheṣajaṃ pittaśūlinām ### [3.3-2.50](https://indike.org/pramana/in.med.sangraha.bhavaprakasa*alt.3.3-2.50) maṇīrajatatāmrāṇāṃ bhājanāni gurūṇi ca toyena paripūrṇāni śūlasyopari dhārayet ### [3.3-2.51](https://indike.org/pramana/in.med.sangraha.bhavaprakasa*alt.3.3-2.51) virecanaṃ pittaharaṃ praśastaṃ rasāśca śastāḥ śaśalāvakānām saguḍāṃ ghṛtasaṃyuktāṃ bhakṣayedvā harītakīm pralihyācchūlaśāntyarthaṃ dhātrīcūrṇaṃ samākṣikam ### [3.3-2.52](https://indike.org/pramana/in.med.sangraha.bhavaprakasa*alt.3.3-2.52) śālyannaṃ jāṅgalaṃ māṃsamariṣṭaṃ kaṭukaṃrasam madhunā jīrṇagodhūmaṃ kaphaśūle prayojayet ### [3.3-2.53](https://indike.org/pramana/in.med.sangraha.bhavaprakasa*alt.3.3-2.53) lavaṇatrayasaṃyuktaṃ pañcakolaṃ sarāmaṭham sukhoṣṇenāmbunā pītaṃ kaphaśūlaṃ praṇāśayet ### [3.3-2.54](https://indike.org/pramana/in.med.sangraha.bhavaprakasa*alt.3.3-2.54) āmaśūle kriyā kāryā kaphaśūlapraṇāśinī sevyamāmaharaṃ sarvamagnermandasya varddhanam ### [3.3-2.55](https://indike.org/pramana/in.med.sangraha.bhavaprakasa*alt.3.3-2.55) tīkṣṇāyāścūrṇasaṃyuktaṃ triphalācūrṇamuttamam prayojyaṃ madhusarpibhyāṃ sarvaśūlanivāraṇam ### [3.3-2.56](https://indike.org/pramana/in.med.sangraha.bhavaprakasa*alt.3.3-2.56) dāruhaimavatīkuṣṭhaśatāhvāhiṅgusaindhavaiḥ amlapiṣṭaiḥ sukhoṣṇaiśca limpecchūlayutodaram ### [3.3-2.57](https://indike.org/pramana/in.med.sangraha.bhavaprakasa*alt.3.3-2.57) mūlaṃ bailvaṃ tathairaṇḍaṃ citrakaṃ viśvabheṣajam hiṅgusaindhavasaṃyuktaṃ sadyaḥ śūlanivāraṇam ### [3.3-2.58](https://indike.org/pramana/in.med.sangraha.bhavaprakasa*alt.3.3-2.58) kūṣmāṇḍaṃ tanu kṛtvā tu kṣiptvā gharme viśoṣayet sthālyāṃ nikṣipya tatsarvaṃ pidhānena pidhāya ca ### [3.3-2.59](https://indike.org/pramana/in.med.sangraha.bhavaprakasa*alt.3.3-2.59) cullyāṃ niveśya vahniñca jvālayetkuśalo janaḥ yathā tanna bhavedbhasma kintvaṅgāro dṛḍho bhavet ### [3.3-2.60](https://indike.org/pramana/in.med.sangraha.bhavaprakasa*alt.3.3-2.60) tadā nirvāpayecchītaṃ sarvathā cūrṇitaṃ tu tat māṣadvayamitaṃ tāvacchuṇṭhīcūrṇena miśritam ### [3.3-2.61](https://indike.org/pramana/in.med.sangraha.bhavaprakasa*alt.3.3-2.61) jalena bhakṣayennityaṃ mahāśūlākulo naraḥ asādhyamapi yacchūlaṃ tadapyetena śāmyati ### [3.3-2.62](https://indike.org/pramana/in.med.sangraha.bhavaprakasa*alt.3.3-2.62) laṅghanaṃ prathamaṃ kuryādvamanaṃ savirecanam paktiśūlopaśāntyarthaṃ tatra vāntervidhiryathā ### [3.3-2.63](https://indike.org/pramana/in.med.sangraha.bhavaprakasa*alt.3.3-2.63) pītvā tu kṣīramākaṇṭhaṃ madanakvāthasaṃyutam kāntārakasya pauṇḍrasya kośakārasya vā rasam ### [3.3-2.64](https://indike.org/pramana/in.med.sangraha.bhavaprakasa*alt.3.3-2.64) kaṣāyo vā'tha nimbasya kaṭutumbīraso'thavā yathāvidhi vameddhīmānpaktiśūlārdito janaḥ ### [3.3-2.65](https://indike.org/pramana/in.med.sangraha.bhavaprakasa*alt.3.3-2.65) trivṛtā ca tathā dantyā tailenairaṇḍajena vā dattaṃ virecanaṃ sadyaḥ paktiśūlanivāraṇam ### [3.3-2.66](https://indike.org/pramana/in.med.sangraha.bhavaprakasa*alt.3.3-2.66) viḍaṅgataṇḍulavyoṣatrivṛddantī sacitrakā sarvāṇyetāni saṃhṛtya sūkṣmacūrṇāni kārayet ### [3.3-2.67](https://indike.org/pramana/in.med.sangraha.bhavaprakasa*alt.3.3-2.67) guḍena modakānkṛtvā khādeduṣṇena vāriṇā jayettridoṣajaṃ śūlaṃ pariṇāmasamudbhavam ### [3.3-2.68](https://indike.org/pramana/in.med.sangraha.bhavaprakasa*alt.3.3-2.68) nāgaratilaguḍakalkaṃ payasā sampiṣya yaḥ pumāṃllihyāt ugraṃ pariṇatiśūlaṃ naśyettasya trirātreṇa ### [3.3-2.69](https://indike.org/pramana/in.med.sangraha.bhavaprakasa*alt.3.3-2.69) pītaṃ śambūkajaṃ bhasma jalenoṣṇena tatkṣaṇāt paktijaṃ nāśayatyeva śūlaṃ viṣṇurivāsurān ### [3.3-2.70](https://indike.org/pramana/in.med.sangraha.bhavaprakasa*alt.3.3-2.70) lauhapathyākaṇāśuṇṭhīcūrṇaṃ samadhusarpiṣā vilihanvinihantyeva śūlaṃ hi pariṇāmajam ### [3.3-2.71](https://indike.org/pramana/in.med.sangraha.bhavaprakasa*alt.3.3-2.71) nārikelaṃ satoyaṃ ca lavaṇena supūritam mṛdā'vaveṣṭitaṃ śuṣkaṃ pakvaṃ gomayavahninā ### [3.3-2.72](https://indike.org/pramana/in.med.sangraha.bhavaprakasa*alt.3.3-2.72) pippalyā bhakṣitaṃ hanti śūlaṃ hi pariṇāmajam vātikaṃ paittikañcāpi ślaiṣmikaṃ sānnipātikam ### [3.3-2.73](https://indike.org/pramana/in.med.sangraha.bhavaprakasa*alt.3.3-2.73) annadravākhye śūle tu na tāvatsvāsthyamaśnute yāvatkaṭukapittāmlamannaṃ na cchardayed dravam ### [3.3-2.74](https://indike.org/pramana/in.med.sangraha.bhavaprakasa*alt.3.3-2.74) jātamātre jaratpitte śūlamāśu vināśayet pittāntaṃ vamanaṃ kṛtvā kaphāntañca virecanam ### [3.3-2.75](https://indike.org/pramana/in.med.sangraha.bhavaprakasa*alt.3.3-2.75) annadrave ca tatkāryaṃ jaratpitte yadīritam jaratpitte'pi tatpathyaṃ proktamannadrave tu yat ### [3.3-2.76](https://indike.org/pramana/in.med.sangraha.bhavaprakasa*alt.3.3-2.76) āmapakvāśaye śuddhe gacchedannadravaḥ śamam ### [3.3-2.77](https://indike.org/pramana/in.med.sangraha.bhavaprakasa*alt.3.3-2.77) māṣeṇḍarīṃ salavaṇāṃ susvinnāṃ tailapācitām tādṛśīṃ sarpiṣā khādedannadravanipīḍitaḥ ### [3.3-2.78](https://indike.org/pramana/in.med.sangraha.bhavaprakasa*alt.3.3-2.78) dhātrīphalabhavaṃ cūrṇamayaścūrṇasamanvitam yaṣṭīcūrṇena vā yuktaṃ lihyātkṣaudreṇa tadgade ### [3.3-2.79](https://indike.org/pramana/in.med.sangraha.bhavaprakasa*alt.3.3-2.79) śyāmākataṇḍulaiḥ siddhaṃ siddhaṃ kodravataṇḍulaiḥ priyaṅgutaṇḍulaiḥ siddhaṃ pāyasaṃ sahitaṃ hitam ### [3.3-2.80](https://indike.org/pramana/in.med.sangraha.bhavaprakasa*alt.3.3-2.80) gauḍikaṃ śauraṇaṃ kandaṃ kūṣmāṇḍamapi bhakṣayet kalāyayavasaktūnvā saktūnvā lājasambhavān ### [3.3-2.81](https://indike.org/pramana/in.med.sangraha.bhavaprakasa*alt.3.3-2.81) godhūmamaṇḍakaṃ tatra sarpiṣā guḍasaṃyutam sasitaṃ śītadugdhenaṃ mṛditaṃ kvathitaṃ hitam ### [3.3-2.82](https://indike.org/pramana/in.med.sangraha.bhavaprakasa*alt.3.3-2.82) annadravo duścikitsyo durvijñeyo mahāgadaḥ tasmāttasya praśamane paraṃ yatnaṃ samācaret ### [3.3-2.83](https://indike.org/pramana/in.med.sangraha.bhavaprakasa*alt.3.3-2.83) annadrave jaratpitte vahnirmando bhavedyataḥ tasmādatrānnapānāni mātrāhīnāni kārayet ### [3.3-2.84](https://indike.org/pramana/in.med.sangraha.bhavaprakasa*alt.3.3-2.84) kalāyayavagodhūmāḥ śyāmākāḥ koradūṣakāḥ rājamāṣāśca māṣāśca kulatthāḥ kaṅguśālayaḥ ### [3.3-2.85](https://indike.org/pramana/in.med.sangraha.bhavaprakasa*alt.3.3-2.85) dadhiluptarasaṃ kṣīraṃ sarpirgavyaṃ samāhitam vāstūkaṃ kāravellī ca karkoṭakaphalānica ### [3.3-2.86](https://indike.org/pramana/in.med.sangraha.bhavaprakasa*alt.3.3-2.86) barhiṇo hariṇā matsyā rohitādyāḥ kapiñjalāḥ etasminnāmaye śastā matā municikitsakaiḥ ### [3.3-2.87](https://indike.org/pramana/in.med.sangraha.bhavaprakasa*alt.3.3-2.87) guḍāmalakapathyānāṃ cūrṇaṃ pratyekaśaḥ palam tripalaṃ lohakiṭṭasya tatsarvaṃ madhusarpiṣā ### [3.3-2.87.p1](https://indike.org/pramana/in.med.sangraha.bhavaprakasa*alt.3.3-2.87.p1) samāloḍya samaśnīyādakṣamātrapramāṇataḥ ādimadhyāvasāneṣu bhojanasya nihanti tat88 ### [3.3-2.89](https://indike.org/pramana/in.med.sangraha.bhavaprakasa*alt.3.3-2.89) annadravaṃ jaratpittamamlapittaṃ sudāruṇam pariṇāmasamutthañca śūlaṃ saṃvatsarotthitam ### [3.3-2.90](https://indike.org/pramana/in.med.sangraha.bhavaprakasa*alt.3.3-2.90) vyāyāmaṃ maithunaṃ madyaṃ lavaṇaṃ kaṭukaṃ rasam vegarodhaṃ śucaṃ krodhaṃ dvidalaṃ śūlavāṃstyajet ### [3.3-2.30-2](https://indike.org/pramana/in.med.sangraha.bhavaprakasa*alt.3.3-2.30-2) iti triṃśaḥ śūlādhikāro'thavā śūlapariṇāmaśūlānnadravajaratpittādhikāraḥ samāptaḥ ### [3.3-2.31-2](https://indike.org/pramana/in.med.sangraha.bhavaprakasa*alt.3.3-2.31-2) athaikatriṃśa udāvarttānāhādhikāraḥ ## Linked texts (10) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.30.1) — Mādhavakara, Sanskrit - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.26.1) — Cakrapāṇidatta, Sanskrit - [Siddhayoga (Vṛndamādhava)](https://indike.org/pramana/in.med.sangraha.siddhayoga.26.1) — Vṛnda, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.284.46) — Sanskrit - [Garuḍapurāṇa](https://indike.org/pramana/in.purana.garuda.1.170.46) — Vyāsa, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.36.1) — Vaṅgasena, Sanskrit - [Gadanigraha](https://indike.org/pramana/in.med.sangraha.gadanigraha.37.2) — Soḍhala, Sanskrit - [Mādhavacikitsā](https://indike.org/pramana/in.med.nidana.madhavacikitsa.32.1) — Mādhava Bhaṭṭa, Sanskrit - [Vaidyakasāroddhāra](https://indike.org/pramana/in.med.cikitsa.gauda.vaidyakasaroddhara.3.p1) — Brajanāthaśarman, Sanskrit - [Vīrasiṃha](https://indike.org/pramana/in.med.sangraha.karmavipaka.virasimha.7.p1) — Bhoja, Sanskrit --- Source: [https://indike.org/pramana/in.med.sangraha.bhavaprakasa*alt.3.3-2](https://indike.org/pramana/in.med.sangraha.bhavaprakasa*alt.3.3-2) · Pramāṇa