Cikitsasarasangraha (Vangasena) 109

Cikitsāsārasaṅgraha (Vaṅgasena) 109

atha tailavargamāha
chinnabhinnacyutotpiṣṭa mathitakṣatapiccite
bhagnasphuṭitaviddhāgnidagdhaviśliṣṭadārite

tathābhihatanirbhagna mṛgavyāghrādibhiḥ kṣate
sekābhyaṅgāvagāheṣu tilataila praśasyate

tadvadvastiṣu pāne ca nasye karṇākṣipūraṇe
anupānavidhau cāpi prayojyaṃ vātaśāntaye

kṛmighnaṃ sārṣapaṃ tailaṃ kaṇḍūkuṣṭhāpahaṃ laghu
kaphamedo'nilaharaṃ lekhanaṃ kaṭudīpanam

vipāke kaṭukaṃ tailaṃ kausumbhaṃ sarvadoṣakṛt
kṣaumaṃ tailamacakṣuṣyaṃ pittaraktadātanāśanam

phalodbhavāni tailāni yānyanuktāni tāni ca
guṇātkarma ca vijñāya phalaistānyapi nirddiśet

yāvantaḥ sthāvarāḥ snehāḥ samāsātparikīrttitāḥ
sarve tailaguṇā jñeyāḥ sarve cānilanāśanāḥ

iti tailavargaṃ,
atha madhuvargamāha
tridoṣaghnaṃ madhu proktaṃ medhyaṃ śaṃsanti vātalam
hikkāśvāsakṛmiccharddi mehakṛṣṇā viṣāpaham

medaḥ sthaulyāpahaṃ grāhi purāṇamatilekhanam
doṣatrayaharaṃ pakkamāmamamlañca doṣalam

iti madhuvarga

Linked texts (3)