Cikitsasarasangraha (Vangasena) 4

Cikitsāsārasaṅgraha (Vaṅgasena) 4

viṣṇuṃ sahasramūrddhānaṃ carācaraguruṃ vibhum
stuvannāmasahastreṇa jvarān sarvvān vyapohati

jyotiścakraṃ dhaniṣṭhādi vacyate dinaniścayāt
daśarātraṃ dhaniṣṭhāsu jvaro bhavati dehinām

vāruṇe'pi daśāhena mṛtyumāpnoti mānavaḥ
ṣaḍahe dvādaśāhe vā mṛtyurbhadrapadāsru ca

uttarāsu bhavenmokṣo divaseoṅghaṃ caturdaśe
catūrācāṣṭarātraṃ vā revatyāṃ varttate jvaram

aśvinauṣvapi ṣaḍrātra sukhaṃ bhavati dehinām
yamadeve samutpanne maraṇa pañcame'hani

kṛttikāsu gṛhītasya saptarātraṃ bhavejjvaraḥ
na muñcedyadi saptāhādekaviṃśati me sukham
ata ūrddhaṃ vipadyeta tripakṣāt saṃśayo bhavet

rohiṇyāmaṣṭarātreṇa mucyedekādaśe'hani
mṛge ca ṣaḍahaṃ jñeyaṃ navarātramathāpi vā

ārdāyāmupasṛṣṭasya pañcāhāt mṛtyumādiśet
ūrddhaṃ yadyapi varttata tripakṣāt saśayo bhavet

punarvasūpasṛṣṭena jvareṇa paripīḍanāt
trayodaśāhān mucyeta saptaviṃśe'tha vāhani

puṣye trirātraṃ jvaritaḥ saptarātrānivarttate
aśleṣāsu bhavenmṛtyurdīrghakālakramāttathā

maghāsu dvādaśāhena mṛtyurbhavati dehinaḥ
ūrddhaṃ yāti maghāyāntu punareva sukhī bhavet

pūrvāsu copasṛṣṭasya phālgunīṣu bhaveddvaśa
uttarāsu tathā cāṣṭau navarātrādathāpi ca
ekaviṃśatirātrādvā jvara. saukhyatvamṛcchati

haste ca saptame mokṣaścitrāyāmaṣṭame'hani
ūrddhaṃ prapadyamāno vā mucyeccitrāgame punaḥ

svāttiyoge daśāhnena mucyate'tha trayeṇa vā
viśākhāsu bhavenmṛtyūrekaviṃśatime'hani

jvarastu divasānaṣṭāvanurādhāsu varttate
ata ūrddhaṃ na muktaḥ syānnāsti tasya cikitsitam

jyeṣṭhāyā pañcame mṛtyurddhaṃ vā dvādaśāt sukham
svāsthyaṃ daśāhānmūlena trisaptāhe tathā gate

āṣāḍhāyāntu pūrvāyāṃ navame'hani mucyate
uttarāsu tvāṣāḍhāsu māsāt kliśyatyasaṃśayaḥ
aṣṭamānnavamānmāsāttato'sya sukhamādiśet

śravaṇenāṣṭarātrantu kliśyanti jvarapīḍitāḥ

etadbhagavatā proktaṃ nakṣatrāṇāṃ viceṣṭitam
ya eva vetti tatvena sa rājñaḥ karttumarhati