Pramāṇa · Search · About · API

Cikitsasarasangraha (Vangasena) 40

Cikitsāsārasaṅgraha (Vaṅgasena) 40

Language
Sanskrit

40.1

atha ānāhanidānamāha
āmaṃ śakkaddā nicitaṃ krameṇa bhūyo vibaddhaṃ viguṣṇānilena
pravartta mānaṃ na yathāsvamenaṃ vikāramānāhamudāharanti

40.2

tasmin bhavatyāmasamudbhave ca tṛṣṇāpratiśyāya śirovidāhāḥ
āmāśaye śūlamatho gurutvaṃ hṛtstambhamudgāravighātanañca

40.3

stambhaḥ kaṭīpṛṣṭhapurīṣamūtre śūlo'tha mūrcchā śakkattaśca charddiḥ
śvāsaśca pakvāśayaje bhavanti tathālasoktāni ca lakṣaṇāni

40.5

atha cikitsāmāha
āmodbhave vātamupakrameta saṃsargabhaktakramadīpanīyaiḥ
viṣūcikāyāmabhikīrttitāni dravyāṇi vairecanikāni cāpi

40.6

trivṛddharītakau śyāmā snuhīkṣīreṇa peṣayet
vaṭikā mūtrapītāstā śreṣṭhāścānāhabhedikāḥ

40.7

madanaṃ pippalīkuṣṭhaṃ vacāgaurāśca sarṣapāḥ
guḍakṣīrasamāyuktāḥ phalavarttiḥ praśasyate

40.8

ānāhaṃ ca gude śūlaṃ kukṣiśūlakameva ca
tasya vātamudāvarttaṃ yogenānena śāmyati

40.6-2

rāmaṭhadhūmaviḍvyoṣa guḍmūtravipācitā
gude'ṅguṣṭha varttirvidheyānāhaśūlanut

40.10

trivṛt kṛṣṇā harītavyo dvicatuṣpañcabhāgikāḥ
guṭikā guḍatulyāstu viḍvibandhagadāpahāḥ

40.11

varttistrikaṭukasaindhava sarṣapagṛhadhūmamadanakuṣṭhaphalaiḥ
madhuni gur̤e vā pakve vidadhītāṅguṣṭhaparimāṇā

40.12

varttiriyaṃ dṛṣṭaphalā śanaiḥ praṇihitā gude ghṛtābhyaktā
ānāhodāvarttaśamanī jaṭharagulmanivāraṇī

40.13

diruttarāhiṅgu vacā sakuṣṭha suvarcikā caiva vir̤aṅgacūrṇam
sukhāmbunānāhaviṣūcikārtti hṛdrogagulmordhvasamīraṇīṣu

40.14

hiṅgadyagandhāviḍaśuṇṭhyajājī harītakīpuṣkaramūlakuṣṭham
yathottaraṃ bhāgavivṛddhametat plīhodarānāhaviṣūcikāsu

40.15

vacābhayācitrakayāvaśūkān sapippalīkātiviṣān sakuṣṭhān
uṣṇāmbu nānāhavimūḍhavātān pītvā jayedāśu rasodanāśī

Linked texts (9)