uraga varuṇa ārdrā vāsavendra tripūrvā
yamabhahuta viśākhāḥ pāpavāreṇa yuktāḥ
tithi navamaṣaṣṭhī dvādaśībhiñcaturthī
maraṇasahitayogo rogiṇāṃ mṛtyureva

5.712

sa jvaro jvaramukto vā viddhvāni gurūṇi vā
asātmyānyannapānāni viruddhādhyaśanāni ca

5.713

vyāyāmamaticeṣṭāṃ cā'bhyaṅga snānaṃ vivarjayet
tena jvaraḥ śama yāti śāntaśca na punarbhavait

5.714

vyāyāmañca vyavāyañca snānaṃ caṅkramaṇāni ca
jvaramukto na seveta yāvanno balavān bhavet

5.715

vardhyamāṇo divā svapna bhuṅktvā yaḥ sevate naraḥ
tasmāttandrā jaḍatvañca mohaścāpyupajāyate

5.716

na jātu tarpayet prājñaḥ sahasā jvarakarśitam
tena saśamito'pyasya punareva bhavejjvaraḥ

5.717

śvāso mūrcchāruciḥ chardistṛṣṇātisāraviṅgrahāḥ
hikkākāsāṅgabhedāśca jvarasyopadravā daśa

5.718

hetubhirbahubhirjāto balibhirbahullakṣaṇaiḥ
jvaraḥ prāṇāntakṛddhyaśca śīghramindriyanāśanaḥ

5.719

jvarakṣīṇasya śūnasya gabhīro dairghyarātrikaḥ
asādhyo balavān yaśca keśasīmantarujjvaraḥ

5.720

visañjñastāmyate yastu śete nipatito'pi vā
śītārdito'ntaruṣṇāśca jvareṇa mriyate naraḥ

5.721

yo hṛṣṭaromā raktākṣo hṛdi saṅghātaśūlavān
vaktreṇa caivocchvasiti taṃ jvaro hanti mānavam

5.722

hikkāśvāsatṛṣāyuktaṃ mūḍhaṃ vibhrāntalocanam
santatocchvasitaṃ kṣīṇaṃ naraṃ kṣapayati jvaraḥ

5.723

hataprabhendriyaṃ kṣāmamarocakanipīḍitam
gambhīratīkṣṇavegāttaṃ jvaritaṃ parivarjayet

5.724

arocake gātrasāde vaivarṇye'ṅgamalādiṣu
śāntajvaro'pi sādhyaḥ syādanubandhabhayānnavaḥ

5.725

balavān sarvadoṣeṣu jvaraḥ sādhyo'nupadravaḥ

5.726

jvare tulyarttudoṣatvaṃ pramehe tulyadūṣyatā
raktagulme purāṇatvaṃ sukhasādhyasya lakṣaṇam

5.727

dāhaḥ svedo bhramastṛṣṇā kampo viḍbhedasaṅgitā
kūjanaṃ cātivaigandhyamākṛtirjvaramokṣaṇe

5.728

svedo laghutvaṃ śirasaḥ kaṇḍūpāko mukhasya ca
kṣavathuścānnalipsā ca jvaramuktasya lakṣaṇam

5.726-2

deho laghurvyapagataklamamohatāpaḥ
pāko mukhe karaṇasauṣṭhavamavyathatvam
svedakṣayaḥ prakṛtiyogi mano'nnalipsā
kaṇḍūśca mūrdhni vigatajvaralakṣaṇaṃ syāt

Linked texts (11)

Bhāvaprakāśa (another edition) — Sanskrit
Mādhavanidāna (Rugviniścaya) — Mādhavakara, Sanskrit
Carakasaṃhitā — Agniveśa (Āyurveda) & Caraka, Sanskrit
Cakradatta (Cikitsāsaṅgraha) — Cakrapāṇidatta, Sanskrit
Siddhayoga (Vṛndamādhava) — Vṛnda, Sanskrit
Mādhavacikitsā — Mādhava Bhaṭṭa, Sanskrit
Nidāna (Mādhava Bhaṭṭa) — Mādhava Bhaṭṭa, Sanskrit
Siddhayoga (Vṛndasuni) — Vṛndasuni, Sanskrit
Bhaiṣajyaratnāvalī (ed. Rājeśvaradatta Śāstrī) — Sanskrit
Pathyāpathyaviniścaya (Viśvanātha) — Viśvanātha, Sanskrit
Añjananidāna — Agniveśa, Sanskrit