Pramāṇa · Search · About · API

Cikitsasarasangraha (Vangasena) 50

Cikitsāsārasaṅgraha (Vaṅgasena) 50

Language
Sanskrit

50.1

atha śothanidānamāha
raktapittakaphān vāyurduṣṭo duṣṭā vahiḥśirāḥ
nītvā ruddhagatistairhi kuryātvaṅmāṃsasañcayam
utsedha saṃhataṃ śotha tamāhurnicayātmakam

50.2

sarvairhetuviśeṣaistu rūpabhedānnavātmakam
doṣaiḥ pṛthagdvayaiḥ sarvairabhighātādviṣādapi

50.3

tatpūrvarūpaṃ davathuḥ śirāyāmo'ṅgauravam

50.4

śuddhagrāmyābhaktakṛśāvalānāṃ kṣārāmlatīkṣṇogurupasevā
dadhyāmamṛcchākavirodhipiṣṭagaropasṛṣṭānnaniṣevaṇañca

50.5

aśaśsya ceṣṭā na ca dehaśuddhirmarmopaghāto viṣamā prasūtiḥ
mithyopacāraḥ pratikarmaṇāñca nijasya hetuḥ śvayathoḥ pradiṣṭaḥ

50.6

sagauravaṃ syādanavasthitatvaṃ sotsedhamūṣmātha śirātanutvam
salomaharṣaśca vivarṇatā ca sāmānyaliṅgaṃ śvayathoḥ pradiṣṭam

50.7

calastanutvak paruṣo'ruṇo'sitaḥ
suṣuptiharṣārttiyuto nimittataḥ
praśāmyati pronnamati prapīḍito
divābalī ca śvayathuḥ samīraṇāt

50.8

mṛduḥ sagandho'sitapītarāgavān
bhramajvarasvedatṛṣāmadānvitaḥ
ya ucyate sparśasaho'cirāgavān
sa pittaśotho bhṛśadāhapākavān

50.8-2

gurusthiraḥ pāṇḍurarocakānvitaprasekanidrāvamivahnimāndyakṛt
sa kṛcchrajanmapraśamo nipīḍito naconnamedrātribalī kaphātmakaḥ

50.10

nidānakṛtisaṃsargācchūyathuḥ syāt dvideāṣajaḥ
sarvākṛtiḥ sannipātācchotho vyāmiśralakṣaṇaḥ

50.11

abhighātena śastrādi chedabhedakṣatādibhiḥ
himānilo dadhyanilairbhallātakapikacchujaiḥ

50.12

rasaiḥ śūkaiśca saṃsparśācchūyathuḥ syādvisarpavān
bhṛśoṣmālohitābhāsaḥ prāyaśaḥ pittalakṣaṇaḥ

50.13

viṣajaḥ saviṣaprāṇiparisarpaṇamūtraṇāt
daṃṣṭrādantanakhāghātā daviṣaprāṇināmapi

50.14

viṇmūtraśukropahatamalavadvastrasaṅgarāt
viṣavṛkṣānilasparśādrayogavacūrṇanāt

50.15

mṛduścalo'valambī ca śīghro dāharujākaraḥ

50.16

doṣāḥ śvayathumūrdhvaṃ hi kurvantyāmāśaye sthitāḥ
pakvāśayasthā madhye tu varcaḥsthānagatāstvadhaḥ
kṛtsnaṃ dehamanuprāptāḥ kuryuḥ sarvasaraṃ tathā

50.17

yo madhyadeśe śvayathuḥ kaṣṭaḥ sarvāṅgagaśca yaḥ
arddhāṅgo'riṣṭabhūtaḥ syādyaścorddhaṃ parisarpati

50.18

śvāsaḥ pipāsā ccharddiśca daurbalyaṃ jvara eva ca
yasya cānne rucirnāsti śvayathu taṃ vivarjayet

50.16-2

ananyopadravakṛtaḥ śothaḥ pādasamutthitaḥ
puruṣaṃ hanti nārīñca mukhajo gudajo dvayam

50.20

ūrdhvagāmī naraṃ paṅgā madhogāmī tathā striyam
ubhaya vastisañjātaḥ śotho hanti na saṃśayaḥ

50.21

navo'nupadravaḥ śothaḥ sādhyo'sādhyaḥ pureritaḥ

50.22

kṣunnāśo hṛdayā'śuddhistandrājaṭharagauravaiḥ
doṣapravṛttinoṃ yatra vyādhimāmānvitaṃ vadet

50.23

uktañca tantrāntare |—
purāṇayavaśālyannaṃ daśamūlāmbusādhitam
alpamalpaṃ paṭusneha bhojanaṃ śvayathau hitam

50.24

saptāha māhiṣa mūtraṃ payasā'mbuvarjitam
pītvā cauṣṭramajāmūtraṃ śvayathūdaranāśanam

50.25

śigrutvaṅgaktamālā rka dārbyāragvadhamūlakaiḥ
gomūtrapiṣṭaiḥ śvayathuḥ pralepavyaḥ kaphātmakaḥ

50.26

nidānadoṣaistu viparyayakramairūpācaret vai balakāladoṣavit
yathāmajaṃ laṅghanapācanakramairviśodhanairulbaṇadoṣamāditaḥ

50.27

śirogataṃ śīrṣavirecanaiśca
saṃśodhanaiḥ śodhyamadhastathordhvam
upācaret snehabhavaṃ hi rūkṣaṇaiḥ
prakalpayet snehagaṇaiśca rūkṣajam

50.28

vivaddhaviṭke'nilaje nirūhaṇa ghṛtaṃ tu pittānilaje satiktam
payaśca mūrcchāparidāhatarṣite viśodhanīye tu samūtramiṣyate
kaphotthita cārakaṭūṣṇasayutaiḥ samūtradugdhāsavayuktibhirharet

50.26-2

śothe vātotthite pūrvvaṃ māsārddhaṃ trivṛta pivet
tailamailaṇḍa vāpi malabandhe tadeva tu

50.30

śālyannaṃ payasā yuktaṃ rasairvāpi prayojayet
svedābhyaṅgāṃśca vātaghnān sekalepāṃśca kalpitān

50.31

śuṇṭhīpunarnavairaṇḍa pañcamūlaśṛtaṃ jalam
vātake śvayathau śasta pānāhāraparigrahe

50.32

nyagrodhādigaṇe siddha sarpiḥ syātpittaśothine
tṛṇmohadāhapādasthe himalepādivācaret

50.33

kṣīrāśanaḥ pittakṛte tu śothe pivedguḍūcītriphalākaṣāyam
pivedgavāṃ mūtravimiśritaṃ vā phalabikācūrṇamathākṣamantram

50.34

paṭolatriphalāriṣṭa dārbīkvāthaḥ sagugguluḥ
hanti pittakṛta śotha tṛṣṇājvarasamanvitam

50.35

kaphodbhava pivettaila siddhamāragvadhādinā
mandāgnau stimite koṣṭhe srotorodhi rujāvati

50.36

kṣāramūtrāsavāriṣṭa cūrṇaṃtakrāṇi yojayet

50.37

kaphe tu kṛṣṇāsikatāpurāṇa piṇyākaśiyutvagumāpralepaḥ
kulatthaśuṇṭhijalamūtrasekaścaṇḍāgurubhyāmanulepanañca

50.38

varhānurūpaḥ svarasaḥ sarṣapatailena miśritaḥ pītaḥ
paṅkajapatrasamutthaḥ śothānāṃ nāśanaḥ paramaḥ

50.38-2

punarnavāviśvatrivṛdguḍūcī śamyākapaśyāsuradārukalkam
śothe kaphotthe'kṣasamaṃ samūtra kvāthaṃ pivedvāpyatha caiva teṣām

50.40

vyoṣaṃ trivṛttittarahiṇī ca sāyorajaḥ satriphalārasena
pītāḥ kaphotthaṃ śamayanti śothaṃ gavyena mūtreṇa harītakī vā

50.41

viḍaṅgātiviṣādāru nāgarendrayavāvacā
uṣṇāmbunā pivecchothī hyakṣamātraṃ mahauṣaṇam

50.42

sukcārabhāvitāḥ ślakṣṇāḥ pathyāmūtreṇa vā yutāḥ
yojitāḥ śamayantyāśu śothaṃ śleṣmabhavaṃ nṛṇām

50.43

punarnavā'mṛtādāru daśamūlarasāḍhake
ārdrakasvarase prasthe guḍasya ca tulā pacet

50.44

tasmin vyoṣañcayailā tvakpatraiḥ kārṣikaiḥ pṛthak
cūrṇīkṛtairliṃhecchīte madhunaḥ kuḍava kṣipet

50.45

lehaḥ paunarnavo nāmnā śleṣmaśothanisūdanaḥ
śvāsakāsāruciharo balapuṣṭyagnivarddhanaḥ

50.46

iti punarnavādileha
miśre miśrakramaṃ kuryyāt sarvaje sarvameva tu

50.47

pippatyajājīgajapippalī ca
nidigdhikā nāgaracitrake ca
rajanyatho pippalīmūlapāṭhā
mustañca cūrṇaṃ sukhatoyapītam

50.48

hanyāttridoṣa cirajañca śotha
kalkyo'tha bhūnimbamahauṣadhābhyām
rasastathaivā''rdrakanāgarasya
payo'tha jīrṇe payasānnamadyāt

50.46-2

śilādvayañca triphalārasena hanyāt tridoṣa śvayathu prasahya
takraṃ pivedvā gurubhinnavarcāḥ savyoṣasauvarcalamākṣikañca
viṅvātasaṅge payasā rasairvā prāguṣṇamadyādurucūkratailam

50.50

vilvapatrarasa pūtaṃ śoṣaṇa śvayathau trije
viṅbhaṅge caiva durnāmni vidadhyāt kāmalāsu ca

50.51

śothe vāgantuje kuryyāt sekalepādiśītalam

50.52

bhallātakyā jayecchotha satilā kṛṣṇamṛttikā
māhiṣaṃ navanītaṃ vā lepāddugdhaṃ tilānvitam

50.53

yaṣṭodugdhatilairlepo navanītena sayutaḥ
śothamāruṣkaraṃ hanti cūrṇaṃ sāladalasya ca

50.54

mahiṣīkṣīrasapiṣṭairnavanītasamanvitaiḥ
bhallātakakṛtaḥ śothastilaliptaśca śāmyati

50.55

sarucakapralepastu tilavṛkṣodbhavāstṛdā
bhallātakottha śvayathuṃ hanti sarvarujāṃ dhruvam

50.56

viṣanimittottheṣu śotheṣu viṣoktaḥ pratīkāraḥ karttavyaḥ
pathyāmṛtābhārgipunarnavāgni dārvīniśāmārumahauṣadhānām
kvāthaḥ prasahyodarapāṇipādavakṣaḥsthitaṃ hantyacireṇa śotham

50.57

punarnavāmūlakaviśvadāru cchinnodbhavā citrakamūlasiddhāḥ
rasā yavāgvaśca payāṃsi yūṣāḥ śothe pradeyā daśamūlagarbhāḥ

50.58

vṛścīva devadrumanāgarairvā dantītrivṛttyūṣaṇacitrakaiśca
payaḥ susiddhaṃ vidhinā nipītaṃ gītaṃ paraṃ śothaharaṃ bhiṣagbhiḥ

50.56-2

kṣīraṃ śothahara dāru varṣābhūnāgaraiḥ śṛtam
peyaṃ vā citrakavyoṣa trivṛddāruprasādhitam

50.60

bilvamūla trikaṭuka śyāmācitrakameva ca
kṣīrametaiḥ śṛta peyaṃ śvayathorvinivāraṇam

50.61

yūṣo mūlakaśuṇṭhīnāṃ śāka vahnipunarnavā
māṇakandakṛtā hanti yavāgūḥ śothamuddhatam

50.62

sekastathārkavarṣābhū nimbakvāthena śophajit
gomūtreṇāpi kurvīta sukhoṣṇenāvasecanam

50.63

uruvūkakarañjārka varṣābhūnimbakaiḥ śṛtam
koṣṇaṃ seka praśaṃsanti śophi sarvāṅgage nṛṇām

50.64

punarnavādāruśuṇṭhī siddhārthaḥ śigrumeva ca
piṣṭvā caivāranālena pralepaḥ sarvaśothanut

50.65

vibhītakānāṃ phalamadhyalepaḥ sarveṣu dāhārttiharaḥ pradiṣṭaḥ
yaṣṭyāhvamustaiḥ sakapitthapatraiḥ sacandanaistatpiḍikāsulepaḥ

50.66

rāstrāvṛṣārka triphalāviḍaṅga śigrutvaco mūṣikakarṇikā ca
nimbārkajo vyāghranakhaḥ samūrvā suvarcikā tiktakarohiṇī ca

50.67

sakākamācī bṛhatī sakṛṣṇā punarnavānāgaracitrakaiśca
udvarttanaṃ śothiṣu mūtrapiṣṭaṃ śastaṃ tathā gosalilena sekaḥ

50.68

trūṣaṇāyo rajaḥ kṣāraḥ śothanuttriphalārajaḥ
kaṭukāyorajo vyoṣaṃ trivṛddhirvā samanvitam

50.66-2

puro mūtreṇa sevyaśca pippalī vā payonvitā
guḍena vā'bhayātukhyā viśvā vā śotharogibhiḥ

50.70

dārugugguluśaṇṭhīnāṃ kalko mūtreṇa śothajit
varṣābhūśṛṅgaverābhyāṃ kalko vā sarvaśothajit

50.71

gomūtrasya prayogo vā śīghraṃ śvayathunāśanaḥ
kalko vā girikarṇyaśca pītaḥ śothavināśanaḥ

50.72

pivedūṣṇāmbunā dāru pathyāśṛṇṭhīpunarnavāḥ
viḍaṅgātiviṣāvāsā viśvadārukaṇānvitāḥ

50.73

viḍaṅgadantīkaṭukā trivṛccitrakadāruṇāḥ
vyoṣebhakṛṣṇātriphalāḥ samādeyā hyayorajaḥ
dviguṇantu piveccūrṇaṃ payasā śothaśāntaye

50.74

sitapunarnavāmūlaṃ pītañca gosalilena nihanti
śothaṃ sarvasamutthamudarāṇi ca dustarāṇyacirāt

50.75

purāṇaṃ mānakaṃ piṣṭvā dviguṇīkṛtataṇḍulam
sādhitaṃ kṣīratoyābhyāmabhyasetpāyasantu tat

50.76

iti vātodaraṃ śothaṃ grahaṇīṃ pāṇḍutāmapi
siddho bhiṣagbhirākhyātaḥ prayogo'ya niratyayaḥ

50.77

susādhyaṃ vajrakandena pāyasaṃ yotimānataḥ
yuktaṃ kośāmratailena tenābhyaṅgaṃ prakurvvataḥ
śothaḥ praśāntimāyāti bahuduṣṭa nirantaram

50.78

ārdrakaṃ saguḍa khādet prakuñcārddhavivarddhitam
yāvatyañcapala bhuṅgyūṣakṣīrarasāśinaḥ

50.76-2

śvayathu gulmamudara kāsa śvāsamarocakam
pīnasa pāṇḍudurnāma hṛdrogañca vināśayet

50.80

guḍārdrakaṃ vā guḍanāgaraṃ vā guḍābhayā vā guḍapippalīṃ vā
karṣābhivṛddhyā tripalapramāṇa khādenraraḥ pañcamathāpi māsam

50.81

śothapratiśyāyagalāsyarogān
saśvāsakāsārucipīnasādīn
jīrṇajvarārśo grahaṇīvikārān
hanyāttathānyān kaphavātogān

50.82

ārdrakasya rasaḥ pītaḥ purāṇaguḍamiśritaḥ
ajākṣīrāṇinā śīghraṃ sarvaśothaharo bhavet

50.83

bhūnimbaviśvakalka bhuktā peyaḥ punarnavākvāthaḥ
apaharati niyatamāśu śvayathuṃ sarvvāṅgaja nṛṇām

50.84

viśvaṃ guḍena tulya vṛkṣova rasānupānamabhyastam
vinihanti sarvaśothaṃ ghanavṛndaṃ caṇḍavāyuriva

50.85

guḍapippalīśūṇṭhīnāṃ cūrṇa śvayathunāśanam
āmājīrṇapraśamana śūlaghnaṃ vastiśodhanam

50.86

gur̤ātpañcatrayaṃ grāhyaṃ śṛṅgaverapalatrayam
śṛṅgaverasamo kṛṣṇā lohaviṭ bhasmanā palam
etaccūrṇaṃ samuddiṣṭaṃ sarvaśvayathunāśanam

50.87

punarnavā dārvyamṛtā pāṭhā viśvaṃ śvadaṃṣṭrikā
rajanyo dvau bṛhatyau ca pippalyāścitrakaṃ viṣam

50.88

samabhāgāni saṃcūrṇya gavāṃ mūtreṇa vā pibet
bahuprakāraṃ śvayathu sarvagātraprasāriṇam
hanti caivodarāṇyaṣṭau vraṇāṃścaivoddhatānapi

50.86-2

siṃhāsyāmṛtabhāṇḍākī kvāthaṃ kṛtvā samākṣikam
pītvā śothaṃ jayejjantuḥ śvāsaṃ kāsaṃ jvaraṃ vamim

50.60-2

gomūtrasiddhaṃ maṇḍūraṃ surabhīrasabhāviṃtam
māṇakārḍrakakandānāṃ rasaiścāpi ca bhāvayet

50.61-2

triphalāvyoṣacavyānāṃ cūrṇaṃ pāṇitaladvayam
kṣipet susiddhe pāke ca madhunaśca paladvayam

50.62-2

nihanti sarvajaṃ śotha sarvāṅgañca viśeṣataḥ

50.63-2

punarnavāpannarasālamūlaṃ sañcudya toyārmmaṇaśeṣasiddham
caturthabhāgena ghṛtaṃ vipakka prastha tu tatkalkapalāṣṭakena

50.64-2

sasevitaṃ vātabalāsarogāṃn sarvāṃśca śothānapi dustarāśca
gulmodaraplīhagudodbhavāśca nihanti vahniṃ kurute hi puṃsām

50.65-2

punarnavācitrakadevadāru vacoṣaṇakṣāraharītakīnām
kalkena pakva daśamūlatoye ghṛtottamaṃ śothaniṣūdanaṃ syāt

50.66-3

sacitrakādhānyayavānipāṭhā sadīṣyakāstryūṣaṇavetasāmlāḥ
viśvotpalaṃ dāḍimayāvaśūkaṃ sapippalīmūlamathāpi cavyam

50.97

piṣṭvākṣamātrāṇi jalār̤hakena
paktvā ghṛtaprasthamathopayuñjyāt
aṃrśāsi gulmaṃ śvayathuñca kṛtsnaṃ
nihanti vahni kurute ca dīptam

50.68-2

kṣīraṃ ghaṭe citrakakalkalipte dadhyāgataṃ sādhu vimathya tena
tajjaṃ ghṛta citrakamūlagarbhaṃ takraṇa siddha' śvayathughnamagrayam
arśo'tisārānilagulmamehāṃstaddhanti sambarddhayate ca vahnim

50.66-4

māṇakakvāthakalkābhyāṃ ghṛtaprastha vipācayet
ekaja dvandvaja śothaṃ tridoṣañca vyapohati

50.100

sthalapadmapalānyaṣṭau tryūṣaṇasya catuṣpalam
ghṛtaprasthaṃ pacedetairdattvā kṣīraṃ caturguṇam
pañca kāsān harecchīghra' śothañcaiva sudustaram

50.101

rasena vipacetsarpiḥ pañcakolakulatthayoḥ
punarnavāyāḥ kalkena tatpara śothanāśanam

50.102

śuṣkamūlakavarṣābhū dārūrāsnāmahauṣadhaiḥ
pakvamabhyañjanāt taila samūla śothanāśanam

50.103

savetasāḥ kṣīravatāṃ drumāṇāṃ tvacaḥ samañjiṣṭhalatā mṛṇālāḥ
sacandanaṃ padmakavālakau ca paitte pradehastu satailapākaḥ

50.104

iti vetasādya pradehaḥ
yavān kulatthān kolāṃśca daśamūlañca sādhayet
etatkaṣāye vipacettailaṃ kṣīracaturguṇam

50.105

śatāvarījīvanīyaiḥ piṣṭaiḥ samadhuśigrubhiḥ
pānābhyaṅgājjayatyāśu śvayathuṃ mārutolbaṇam

50.106

iti yavādya tailam
śaileyakuṣṭhāgarudārukauntī tvak pañcakolāmbuśaṭī samustaiḥ
priyaṅgusthauṇeyakahemamāṃsī tālīśapatraplavapañcadhānyaiḥ

50.107

śrīveṣṭakaṃ dhyāmakapippalībhiḥ pṛkkānakhaiścaiva yathopalābham
vātotthite'bhyaṅgamanupraśanti tailaṃ siddhaṃ supiṣṭairapi ca pradeham

50.108

iti śailādya tailam
pañcamūlaṃ salavaṇaṃ saralaṃ devadāru ca
hastikarṇapalāśasya phalāni niculasya ca

50.106-2

palāśa kākanāsā ca guḍūcī devapuṣpakam
ahiṃsrā śreyasī hiṃsrā vatsagandhā punarnavā

50.110

kāyasthā ca vayasthā ca dāruko jaṭilā jaṭā
alambuṣorubūkañca prapunnāṭaṃ sanāgaram

50.111

śigrugodhāvatībhārgī tarkārī pauṣkarī jaṭā
etaiḥ siddhaṃ yathā lābha tailamabhyañjanaistribhiḥ

50.112

nihanyudīrṇaṃ śvayathu jantorvātakaphātmakam

50.113

iti pañcamūlādya tailam
dvipañcamūlasya pacetkaṣāye kaṃse'bhayānāñca śataṃ guḍācca
lihetsusiddhe ca vinīya cūrṇaṃ vyoṣaṃ trisaugandhyamupasthite ca

50.114

prasthārddhamātraṃ madhunaḥ suśīte kiñcicca cūrṇādapi yāvaśūkāt
ekābhayāṃ prāśya tataśca lehācchuktiṃ nihanti śvayathuṃ pravṛddham

50.115

śvāsajvarārocakamehagulmaplīhāstridoṣodarapāṇḍurogān
kāśyamavātāsṛgamlapittaṃ vaivarṇyamūtrānilaśukradoṣān

50.116

kiñcica karṣaparyāyaḥ śuktirarddhapalaṃ matam
nidadhyāt madhuno māna vyoṣādyairmiśritasya ca

50.117

daśamūlyā harītakyā tulyaṃ kaṃsaharītakī
mānaṃ tenātra tantratyaṃ carake prāha jejjaṭaḥ

50.118

daśamūlīkaṣāyasya kaṃse pathyāśataṃ guḍāt
tulā paced ghane dadyāt vyoṣakṣāracatuṣpalam

50.119

trijātakaṃ sucūrṇīśaṃ prasthārddha madhunā lihet
daśamūlīharītakyaḥ śothaṃ ghnanti sudustaram

50.120

jvarārocakagulmārśo mehapāṇḍūdarāmayān
śvāsakāśyamavātāmla pittaṃ vahneśca mandatām

50.121

yathā doṣañca tīkṣṇāni vamanāni virecanānuvāsanāni
ajasramupaseveta śirābhiścābhīkṣṇaṃ śoṇitamavasecayedanyatra
pāṇḍuśothādibhiriti
purāṇayavaśālyannaṃ daśamūlopasādhitam
alpamalpaṃ kaṭusnehaṃ bhojanaṃ śothine hitam

50.122

piṣṭānnamlaṃ lavaṇāni madyaṃ mṛdaṃ divāsvapnamajāṅgalañca
payo guḍa tailamatho gurūṇi śothaṃ jighāṃsuḥ parivarjayettu

50.123

trikaṭūṭūṣaṇaṃ dantī viḍaṅgaṃ triphalā tathā
citrako devadāruśca trivṛcca gajapippalī

50.124

cūrṇānyetāni tulyāni dviguṇaṃ syādayo rajaḥ
kṣīreṇa pītametattu śreṣṭhaṃ śvayathunāśanam

50.125

punarnavāmṛtāvārddhi gavākṣībhāṇḍiśigrukāḥ
sūryāvarttakamūlañca pṛthagaṣṭapalaṃ jale

50.126

pādaśeṣe śṛte droṇe supūte vastragālite
vidhivatpācitaṃ pūtaṃ yojyañca puṭanakramaiḥ

50.127

lohacūrṇāṣṭapalakaṃ pacettāmrādipātrake
arkasya dvipalaṃ kṣīra snuhīkṣīra catuṣpalam

50.128

paladvayaṃ kauśikasya gandhakasya palaṃ tathā
palārdhaṃ pāradaṃ tatra vidhivacchodhitaṃ kṣipet

50.129

siddhe'vatārite cūrṇaṃ vakṣyamāṇa nidhāpayet
kaṅguṣṭhavahnikaṃ dantī gavācyākhaṇḍakarṇajam

50.130

palāśasya ca bījāni kañcukītālamūlikā
triphalā vā kṛmiripu trivṛddantībhavaṃ tathā

50.131

sūryāvarttaṃgavākṣyaśca varṣābhūvajravallijam
eṣā lohasamā mātrā bhāṇḍe snigdhe sugopite

50.132

sasthāpite tataḥ śuddhau suyogādasya sarvaśaḥ
udarāṇi pāṇḍurogāśca kāmalā sahalīmaka

50.133

arśobhagandaraṃ kuṣṭhaṃ kṛmiḥ śūlaṃ tathaiva ca
ye cānye vividhā rogāścirakālānubandinaḥ

50.134

te sarve nāśamāyānti prayogādasya sarvaśaḥ
nātaḥparataraṃ kiñcit śothodaravināśanam

Linked texts (22)