Cikitsasarasangraha (Vangasena) 61

Cikitsāsārasaṅgraha (Vaṅgasena) 61

Language: Sanskrit

61.47

saptāhātparato kuryyācchārīravraṇavat kriyām

61.48

triphalācūrṇasaṃyukto guggulurvaṭakīkṛtaḥ
niryantraṇo vibandhaghno vraṇaśodhanaropaṇaḥ

61.49

amṛtāpaṭolamūla triphalātrikaṭukamindrānām
samabhāgānā cūrṇaṃ sarvasamo guggulorbhāgaḥ

61.50

prativāsaramekaikaṃ khādedakṣapramāṇā guṭikām
jetuṃ vraṇānvātāsṛggulmodaraśvayathurogādīn

jātīnimbapaṭolapatrakaṭukā dārbīninnāsārivā
mañjiṣṭhābhayasikthatutthamadhukainaiktāhvabījaiḥ samaiḥ
sarpiḥ siddhamanena sūkṣmavadanā marmāśritāḥ srāviṇo
gambhīrāḥ sarujo vraṇāḥ sagartakāḥ śuddhyanti rohanti ca

61.52

vṛddhavaidyopadeśena pāramparyopadeśataḥ
jātaughṛte tu saṃsiddhe kṣeptavya sikthaka budhaiḥ

61.53

tiktāsikthaniśāyaṣṭī naktāhvāphalapallavaiḥ
paṭolamālatīnimbapatrairvraṇyaṃ mṛta ghṛtam

61.54

jātinimbapaṭolānāṃ naktamālasya pallavāḥ
sikthaṃ samadhu kaṃ kuṣṭhaṃ dve niśe kaṭurohiṇī

61.55

mañjiṣṭhā padmakaṃ lodhramabhayānīlamutpalam
tutthakaṃ śārivābījaṃ naktamālasya dāpayet

61.56

etāni samabhāgāni piṣṭvā tailaṃ vipācayet
viṣavraṇe samutpanne sphoṭike kaṅkurogake

61.57

dadruvisarparogeṣu kīṭaduṣṭeṣu sarvathā
sadyaḥ śastraprahāreṣu dagdhaviddheṣu caiva hi

61.58

nakhadantakṣate dehe duṣṭamāṃsāpakarṣaṇe
prokṣaṇārthamidaṃ tailaṃ hitaṃ śodhanaropaṇam

61.59

śarapuṅkhālāṅgalī citrakarāmaṭharasonasindhuvaraiḥ
saviṣāmayaiḥ samāṃśaiḥ kaṭutailasādhita vidhinā

61.60

viparītamallasaṃjñaṃ tailaṃ duṣṭavraṇaṃ tathā nār̤īm
bahubheṣajairasādhyā mapathyabhoktuśca nistudati

61.61

kuṭhārakātpalaśataṃ kvāthayedrulvaṇe'mbhasi
tena pādāvaśeṣeṇa tailaprasthaṃ vipācayet

61.62

kalkaiḥ kuṭhārāpāmārgaproṣṭhikāmakṣikāsu ca
etattailaṃ kuṭhārasya śodhanaṃ vraṇaropaṇam

61.63

nār̤īṣu paramābhyaṅgo nijāstrāgantukeṣu ca
dūrvāsvarasasaṃsiddhaṃ tailaṃ kampillakena vā
dārbītvacaśca kalkena pradhānaṃ vraṇaropaṇam

61.64

alāṃśikharikāmūlaṃ piṣṭvā tailaṃ vipācayet
nūlatailamiti khyāta mabhyaṅgānnūlakānvitaḥ

61.65

ye vraṇāstrivrattāḥ keciccharīrāgantavaḥ sadā
ropaṇārthaṃ bhiṣak teṣā midaṃ tailaṃ prayojayet

61.66

amṛtāgugguluḥ śreṣṭho hitaṃ tailañca vajrakam

61.67

viḍaṅgatriphalāvyoṣa cūrṇaṃ guggulunā samam
sarpiṣā vaṭakī kṛtya khādedvā hitabhojanam

61.68

duṣṭavraṇāpacīmeha kuṣṭhanāḍīviśodhanaḥ
trikaṭutriphalāmusta viḍaṅgāmṛtacitrakam
paṭolapippalīmūlaṃ hapuṣā suradāru ca

61.69

tumbaru puṣkaraṃ cavya viśālā rajanīdvayam
viḍaṃ sauvarcala kṣāra saindhavaṃ gajapippalī

61.70

yāvantyetāni sarvāṇi tāvaddviguṇagugguluḥ
kolapramāṇāṃ guṭikā bhakṣayenmadhunā saha

61.71

kāsa śvāsaṃ tathā śotha marśāṃsi ca bhagandaram
hṛcchūla pāśrvaṃśūlañca kukṣivastigude rujam

61.72

aśmarīmūtrakṛcchrañca hyantravṛddhiṃ tathā kṣamīn

61.73

cirajvaropasṛṣṭānāṃ kṣayopahatacetasām
ānāhañca tathonmādaṃ kuṣṭhānyaṣṭodarāṇi ca

61.74

nāḍīduṣṭavraṇān sarvān pramehān ślīpadaṃ tathā
saptaviṃśatiko nāmnā gugguluḥ prathito mahān
dhanvantarikṛto hyeṣaḥ sarvaroganiṣūdanaḥ

61.75

tatra snigdhaṃ rūkṣaṃ vāśritya dravyamagnirdahati | agnisantapto
hi snehaḥ sūkṣmamārgānusāritvāt tvagādīṃstu praviśyāśu
dahati | tasmāt snehadagdhe'dhikā rujo bhavanti | tatra
pluṣṭaṃ durddagdhaṃ samyagdagdhamatidagdhamiti caturvidhaṃ bhavatyagnidagdham | tatra vivarṇamātraṃ puṣyate tatpluṣṭaṃ yatrottiṣṭhanti sphoṭāstīvradāhavedanāścirādevopaśāmyanti taddurdagdham | samyagdagdhamavagāḍhaṃ tālavarṇaṃ susthitaṃ pūrvalakṣaṇasaṃyuktaṃ ca | atidagdhe
tvaṅmāṃsāvalambanaṃ gātraviśleṣaṇaṃ śirāsnāyusandhyasthi vyāpādanamatimātravedanā jvaradāhapipāsā mūrcchāśvāsopadravā bhavanti
vraṇāścāsya cireṇoparohanti uparūḍhā vivarṇā bhavanti | iti
vraṇaḥ pluṣṭādibhedena vahnidagdhaścaturvidho bhavati
pluṣṭasyāgnipratapanaṃ kuryāduṣṇaṃ tathauṣadham
śītāmuṣṇāñca durdagdhe kriyāṃ kuryyāttataḥ punaḥ

Linked texts (9)

Bhāvaprakāśa (another edition) — Sanskrit
Cakradatta (Cikitsāsaṅgraha) — Cakrapāṇidatta, Sanskrit
Siddhayoga (Vṛndamādhava) — Vṛnda, Sanskrit
Garuḍapurāṇa — Vyāsa, Sanskrit
Bhaiṣhajyaratnāvalī — Sanskrit
Siddhayoga (Vṛndasuni) — Vṛndasuni, Sanskrit
Nityanāthatantra — Sanskrit
Basavarājīya — Nīlakaṇṭhakoṭṭūru Basavarāja 1500, Sanskrit
Siddhisāra — Sanskrit