Cikitsasarasangraha (Vangasena) 73
Cikitsāsārasaṅgraha (Vaṅgasena) 73
- Language
- Sanskrit
73.1
atha snāyunidānamāha
śākhāsu kupito doṣaḥ śotha kṛtvā visarpavat
bhittvaiva taṃ kṣate tatra soṣmamāṃsa viśoṣya ca
73.2
kuryyāttantunibhaṃ sūtra vṛttaṃ sitadyutiṃ bahiḥ
śanaiḥ śanaiḥ kṣatādeti chedāttatkopamāvahet
73.3
tatpātācchothaśāntiḥ syātpunaḥ sthānāntare bhavet
sa snāyukaḥ parikhyātaḥ kriyoktātra visarpavat
73.4
bāhvoryadi pramādena lupyate jaṅghayorapi
saṅkocaṃ khañjatāṃ cāpi chinno nūnaṃ karotyasau
73.5
snehasvedapralepādi karma kuryādyathepsitam
rāmaṭhaṃ śītatoyena pītaṃ tantuka roganut
73.6
mañjiṣṭhayaṣṭīmadhukaṃ payasyā prapauṇḍarīkaṃ saha padmakena
saugandhikaṃ ceti sukha pralepaḥ śasto visarpe tvatha tanturoge
73.7
svedāt snāyukamatyugraṃ bhekaḥ kāñjikasādhitaḥ
tadvadvabūlajaṃ bījaṃ piṣṭaṃ hanti pralepanāt
73.8
gavyaṃ sarpistryahaṃ pītvā nirguṇḍisvarasaṃ tryaham
pibet snāyukamatyugra hantyavaśyaṃ na saṃśayaḥ
73.6-2
mūla sukhavyā himavāripiṣṭa' pānādikaṃ tantuka rogamugram
śāntiṃ nayetsavraṇamāśu puṃsāṃ gandharvagandhena ghṛtena pītam
73.10
ativiṣamustakabhāgī viśvauṣadhapippalīvibhītakīnām
cūrṇamidaṃ tantughnaṃ puṃsāmuṣṇena vāriṇā pītam
73.11
śigrumūladalaiḥ piṣṭaiḥ kāñjikena sasaindhavaiḥ
lepana snāyukavyādheḥ śamanaṃ parama matam
Linked texts (6)
- Siddhayoga (Vṛndamādhava) — Vṛnda, Sanskrit
- Cakradatta (Cikitsāsaṅgraha) — Cakrapāṇidatta, Sanskrit
- Gadanigraha — Soḍhala, Sanskrit
- Siddhayoga (Vṛndasuni) — Vṛndasuni, Sanskrit
- Vīrasiṃha — Bhoja, Sanskrit
- Vīrasiṃhāvaloka — Vīrasiṃha, Sanskrit