[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Karmic and astrological aetiology](https://indike.org/pramana/in.med.sangraha.karmavipaka) › [Virasimha](https://indike.org/pramana/in.med.sangraha.karmavipaka.virasimha) › 1.p12 # Virasimha 1.p12 Vīrasiṃha 1.p12 - **Language:** Sanskrit ### [1.p12](https://indike.org/pramana/in.med.sangraha.karmavipaka.virasimha.1.p12) yastu rogaviśeṣajñaḥ karmabhaiṣajyakovidaḥ | deśakālapramāṇajñastasya siddhirasaṃśayā || ādāvaṃte rujāṃ jñāne prayateta cikitsakaḥ | sādhyāsādhyavibhāvajñastataḥkuryāccikitsitam || nāsti rogo vinā doṣairyasmāttasmādvicakṣaṇaḥ | anuktamapi doṣāṇāṃ liṃgairvyādhimupācaret || vikāranāmā kuśalo naiva hīyātkadācana | na hi sarvavikārāṇāṃ nāmato'sti dhruvā sthitiḥ || darśanasparśanapraśnairvyādherjñānaṃ tridhā matam | āyurādiddaśā sparśācchītāṃdipraśnato'param || kṛcchropāyaḥsukhopāyastrividhaḥ sādhya ucyate | asādhyo dvividho jñeyo yāpyo yaścāpratikriyaḥ || yāpyāḥ kvacitprakṛtyaiva sādhyā yāpyā upekṣitāḥ | svabhāvāvyādhayo'sādhyāḥ kecitkecidupokṣitāḥ || sādhyā yāpyatvamāyāṃti yāpyāścāsādhyatāṃ tathā | ghnaṃti prāṇānasādhyāśca narāṇāmakriyāvatām || jātamātraścikitsyastu nopekṣyo'lpatayā gadaḥ | vahriśatruviṣaistulyaḥsvalpo'pi vikarotyasau || nivṛtto'pi punarvyādhiḥ svalpenāyāti hetunā | doṣairmārgīkṛte dehe kheṣu sūkṣma ivānalaḥ || vyādhestattvaparījñānaṃ vedanāyāśca nigrahaḥ | etadvaidyasya vaidyatvaṃ na vaidyaḥ prabhurāyuṣaḥ || sābhiḥ kriyābhirjāyaṃte śarīre dhātavaḥ samāḥ | yā cikitsā vikārāṇāṃ karma tadbhiṣajāṃ matam || utpadyate hi sāvasthā deśakālabalaṃ prati | yasyāṃ kāryamakāryaṃ syātkarma kāryāvivarjitam - [Previous: 1.p11](https://indike.org/pramana/in.med.sangraha.karmavipaka.virasimha.1.p11) - [Next: 1.p13.1](https://indike.org/pramana/in.med.sangraha.karmavipaka.virasimha.1.p13.1) - [Up: 1](https://indike.org/pramana/in.med.sangraha.karmavipaka.virasimha.1) ## Linked texts (4) - [Hārītasaṃhitā](https://indike.org/pramana/in.med.samhita.haritasamhita.3.3.2.16) — Hārīta, Sanskrit - [Yogataraṅgiṇī (Trimalla)](https://indike.org/pramana/in.med.yoga.yogatarangini-trimalla-bhatta.1.32) — Trimalla, Sanskrit - [Bhaiṣajyaratnāvalī (ed. Rājeśvaradatta Śāstrī)](https://indike.org/pramana/in.med.cikitsa.gauda.bhaisajyaratnavali*sastri1978.4.16-2) — Sanskrit - [Vīrasiṃhāvaloka](https://indike.org/pramana/in.med.sangraha.karmavipaka.virasimhavaloka.1.p8.1) — Vīrasiṃha, Sanskrit --- Source: [https://indike.org/pramana/in.med.sangraha.karmavipaka.virasimha.1.p12](https://indike.org/pramana/in.med.sangraha.karmavipaka.virasimha.1.p12) · Pramāṇa