[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Mādhavanidāna (Rugviniścaya)](https://indike.org/pramana/in.med.sangraha.madhavanidana) › [Madhukosha](https://indike.org/pramana/in.med.sangraha.madhavanidana!madhukosa) › 3.3 # Mādhava's Diagnostics 3.3 Madhukośa 3.3 - **Language:** Sanskrit ### [3.3](https://indike.org/pramana/in.med.sangraha.madhavanidana!madhukosa.3.3) ma0-svedāvarodha ityādi | svedāvarodho=gharmānirgamaḥ | tāpa iti vaktavye saṃtāpagrahaṇāddehendriyamanasāṃ tāpaṃ lakṣayati | yaduktaṃ carake-“dehendriyamanastāpī-” iti ( ca. ci. sthā. a. 3 ) tathā-“ vaicityamaratirglānirmanaḥ santāpalakṣaṇam |” iti ( ca. ci. sthā. a. 3 ) | sarvāṅgagrahaṇaṃ=sarvāṅgavedanā | yugapaditimilita metallakṣaṇam, pratyekaśo vyabhicārāt | svedāvarodho hi kuṣṭhapūrvarūpe' tathā saṃtāpo + dāhākhye roge, sarvāṅgagrahaṇaṃ vātaroge,iti | nanu paittike svedāgamāt,vātike viṣamārambhavirsārgatatvāt sarvāṅgagrahaṇāvyavasthiteścāvyāpakaṃ lakṣaṇamiti | atra jejjaṭakārtikā-kuṇḍaḍādayaḥ samādadhuḥ-'utsargāpavādabhāvena vyavasthitiriti | tanna saṃgatamityanye; vidhau hyutsargāpavādabhāvo na tu lakṣaṇe, 2avyāptyativyāptyorlakṣaṇadoṣāt | tasmāt svedo'gniḥ | svidyate'nena iti vyutpattyā tasyāvarodho doṣavyāptiḥ| vātajvare yadyapi vāyoścalatvenārambhavisargayorvaiṣamyaṃ, tathā'pi sarvadehatajvarārambha kadopaduṣṭayanirvṛtteranudbhūtasarvāṅgagrahaṇasya vidyamānateveti na vyabhicāraḥ | carake tu jvaralakṣaṇam “jvarapratyātmikaṃ liṅgaṃ santāpo dehamānasaḥ |” iti ( ca. ci. sthā. a. 3 ) nanu “śārīro jāyate pūrvaṃ dehe manasi mānasaḥ” iti ( ca. ci. sthā. ā. 3 ) carakavacanāddehamanasoranyonyavya3bhicārādalakṣaṇamiti cet; tanna, sūkṣmatarakālavyavahitasyānyatararūpasyāvaśyaṃbhāvitvāt | yathā--guṇadvadravyamiti dravyalakṣaṇamiti | - [Previous: 3.2](https://indike.org/pramana/in.med.sangraha.madhavanidana!madhukosa.3.2) - [Next: 3.7](https://indike.org/pramana/in.med.sangraha.madhavanidana!madhukosa.3.7) - [Up: 3](https://indike.org/pramana/in.med.sangraha.madhavanidana!madhukosa.3) ## Linked texts (1) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.2.3) — Mādhavakara, Sanskrit --- Source: [https://indike.org/pramana/in.med.sangraha.madhavanidana!madhukosa.3.3](https://indike.org/pramana/in.med.sangraha.madhavanidana!madhukosa.3.3) · Pramāṇa