[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p152 # Siddhasara p152 Siddhasāra p152 - **Language:** Sanskrit ### [p152](https://indike.org/pramana/in.med.sangraha.siddhasara.p152) citra-taila-sthirādy-ambu nirūhaḥ sānuvāsanaḥ payo-yūṣa-rasānnaṃ ca yojyaṃ vātodare kramāt ghṛtaṃ pittodare peyaṃ madhurauṣadha-sādhitam syāt trivṛt-tri-phalā-siddhaṃ paścāt sarpir virecanam nyagrodhādi-kaṣāyeṇa sarpiḥ kṣaudra-sitā-vatā āsthāpanaṃ prayoktavyaṃ sneha-vasti-samanvitam sāndra-pāyasa-kalkena kartavyam upanāhanam sthirādi-sādhitaṃ kṣīraṃ bhojane ca prayojayet prāk kaphodariṇi snigdhe pippaly-ādyena sarpiṣā svinne ca snuk-payaḥ-siddhaṃ yojyam ājyaṃ virecanam muṣkakādy-ambunā taila-mūtra-try-ūṣaṇa-saṅginā nirūhaṇaṃ vidhātavyam anuvāsana-karma ca kiṇvaṃ mūlaka-bījāni siddhārthāś copanāhanam vyoṣa-yuktaṃ kulatthāmbu payo vā bhojane hitam sannipātodare kārya eṣa kṛtsnaḥ kriyā-vidhiḥ saptalā-śaṅkhinī-siddhaṃ ghṛtaṃ cātra viśodhanam sneha-sveda-virekādir vidheyaḥ plīha-rogiṇaḥ vāma-bāhau ca moktavyā kūrparābhyantare sirā - [Previous: p151](https://indike.org/pramana/in.med.sangraha.siddhasara.p151) - [Next: p153](https://indike.org/pramana/in.med.sangraha.siddhasara.p153) --- Source: [https://indike.org/pramana/in.med.sangraha.siddhasara.p152](https://indike.org/pramana/in.med.sangraha.siddhasara.p152) · Pramāṇa