[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p165 # Siddhasara p165 Siddhasāra p165 - **Language:** Sanskrit ### [p165](https://indike.org/pramana/in.med.sangraha.siddhasara.p165) 12.17 lodhra-tārkṣaja-sindhūttha-prapunāḍair mato 'paraḥ C 25r1 12.18 kuṣṭha-saindhava-siddhārtha-krimi-ghnaiḍa-gajaiḥ samaiḥ dadrū-maṇḍala-kuṣṭha-ghnaṃ lepanaṃ kāñjikānvitam 12.19 gandhakāla-śilā-kuṣṭha-kāliyośīra-pattrakaiḥ sa-tvag-vakraiḥ pralepo 'yaṃ sidhma-jid vāri-kalkitaiḥ 12.20 pattrakoṣaṇa-kāsīsa-taila-vāpya-manaḥ-śilāḥ saptāham uṣitāḥ kāṃsye sidhma-śvitra-vināśanāḥ 12.21 lepaḥ sidhma-haro dṛṣṭo gandhakaḥ sa-yavāgra-jaḥ kadalyāḥ khara-puṣpyā vā tailaṃ kṣāreṇa saṃgatam 12.22 kunaṭī śikhi-pittena bhasma vā bālakodbhavam B 44v1 gaja-darpeṇa mālatyāḥ kṣāro vā śvitra-lepanam A 54v1 12.23 snuhy-aśva-mārakārka-tvag-lavaṇośīra-vahnibhiḥ sa-mūtrais tailam abhyaṅgāt pakvaṃ kuṣṭha-vināśanam 12.24 kuṣṭhāśva-māra-bhṛṅgārka-mūtra-snuk-kṣīra-saindhavaiḥ A 55r3/M 34r1 tailaṃ siddhaṃ viṣāvāpaṃ dadrū-kuṣṭha-vicarci-nut 12.25 mañjiṣṭhā-tri-phalā-kākṣī-niśā-śilāla-gandhakaiḥ cūrṇitais tailam āditya-pākāt pāmāpahaṃ smṛtam - [Previous: p164](https://indike.org/pramana/in.med.sangraha.siddhasara.p164) - [Next: p166](https://indike.org/pramana/in.med.sangraha.siddhasara.p166) ## Linked texts (2) - [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya.5009) — Vāgbhaṭa, Sanskrit - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.11.134) — Sanskrit --- Source: [https://indike.org/pramana/in.med.sangraha.siddhasara.p165](https://indike.org/pramana/in.med.sangraha.siddhasara.p165) · Pramāṇa