[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p166 # Siddhasara p166 Siddhasāra p166 - **Language:** Sanskrit ### [p166](https://indike.org/pramana/in.med.sangraha.siddhasara.p166) kākodumbary-ariṣṭābda-vyoṣa-jantu-ghna-kalkitaḥ hanti vṛkṣaka-jaḥ kvāthaḥ pītaḥ sarva-tvag-āmayam guḍūcī-tri-phalā-dārvī-kvātha-mūtroṣṇa-vāribhiḥ tvag-doṣa-vraṇa-śopha-ghnaṃ pītaṃ māsena guggulu śilā-jatu haridrāṃ vā tārkṣajaṃ vā sa-mākṣikam go-mūtreṇa piben māsaṃ kuṣṭha-pāṇḍv-āmayaṃ jayet gharma-sevī kaṭūṣṇena vāriṇā vākucīṃ pibet kṣīra-bhojī tri-saptāhāt kuṣṭha-rogād vimucyate vākucī-cūrṇa-saṃjātaṃ kṣīra-sāraṃ sa-mākṣikam līḍhvānupibatas takraṃ tadaiva syān na kuṣṭha-bhīḥ tilājya-tri-phalā-kṣaudra-vyoṣa-bhallāta-śarkarāḥ vṛṣyaḥ sapta-samo medhyaḥ kuṣṭha-hā kāma-cāriṇaḥ viḍaṅgāgni-sitā-taila-dhātry-ayo-mala-pippalīḥ pathyā-guḍa-tilaiḥ piṇḍī kuṣṭhaṃ sāruṣkarair jayet guḍāruṣkara-jantu-ghna-soma-rājī-kṛtātha vā viḍaṅga-tri-phalā-kṛṣṇā-cūrṇaṃ līḍhaṃ sa-mākṣikam hanti kuṣṭhaṃ krimīn mehaṃ nāḍī-vraṇaṃ bhagandaram - [Previous: p165](https://indike.org/pramana/in.med.sangraha.siddhasara.p165) - [Next: p167](https://indike.org/pramana/in.med.sangraha.siddhasara.p167) ## Linked texts (3) - [Yogaratnākara (Mayūrapāda Bhikṣu)](https://indike.org/pramana/in.med.yoga.yogaratnakara-mayurapada-bhiksu.158.1) — Mayūrapāda Bhikṣu 1700, Sanskrit - [Gadanigraha](https://indike.org/pramana/in.med.sangraha.gadanigraha.50.86) — Soḍhala, Sanskrit - [Vaidyamanoramā](https://indike.org/pramana/in.med.cikitsa.vaidyamanorama.12.p466) — Kālidāsa, Sanskrit --- Source: [https://indike.org/pramana/in.med.sangraha.siddhasara.p166](https://indike.org/pramana/in.med.sangraha.siddhasara.p166) · Pramāṇa