[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p196 # Siddhasara p196 Siddhasāra p196 - **Language:** Sanskrit ### [p196](https://indike.org/pramana/in.med.sangraha.siddhasara.p196) piṣṭair balā-niśā-nimba-tri-phalā-madhukaiḥ samaiḥ sa-kṣīraṃ māhiṣaṃ sarpiḥ sādhitaṃ kāmalāpaham guḍūcyās tri-phalāyā vā dārvyā nimbasya vā rasaḥ prātar mākṣika-saṃyuktaḥ śīlitaḥ kāmalāpahaḥ loha-cūrṇa-niśā-yugma-tri-phalā-kaṭu-rohiṇīḥ pralihya madhu-sarpirbhyāṃ kāmalā-vān sukhī bhavet dhātrī-loha-rajo-vyoṣa-niśā-kṣaudrājya-śarkarāḥ leho nivārayaty āśu kāmalām uddhatām api kṛṣṇe dve granthikaṃ vahni-dīpyakoṣaṇa-saindhavam krimi-ghna-tri-phalā-dhānya-kolājājy-ajamodikāḥ palikāni trivṛc-cūrṇa-tailayoś ca palāṣṭakam rasa-prastha-trayaṃ dhātryā guḍasyārdha-śataṃ pacet etat kalyāṇakaṃ pāṇḍu-kāmalārśo-garāpaham meha-kuṣṭha-jvara-śvāsa-grahaṇī-jid rasāyanam añjanaṃ kāmalārtānāṃ droṇa-puṣpī-rasaḥ śubham niśā-gairika-dhātrīṇāṃ cūrṇaṃ vā samprakalpayet nasyaṃ karkoṭa-mūlaṃ syād ghreyaṃ vā jālinī-phalam kāmalārtasya vairāṇḍa-pippalyau nāvanāñjane - [Previous: p195](https://indike.org/pramana/in.med.sangraha.siddhasara.p195) - [Next: p197](https://indike.org/pramana/in.med.sangraha.siddhasara.p197) ## Linked texts (1) - [Siddhisāra](https://indike.org/pramana/in.med.sangraha.siddhisara.14.13) — Sanskrit --- Source: [https://indike.org/pramana/in.med.sangraha.siddhasara.p196](https://indike.org/pramana/in.med.sangraha.siddhasara.p196) · Pramāṇa