[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p412 # Siddhasara p412 Siddhasāra p412 - **Language:** Sanskrit ### [p412](https://indike.org/pramana/in.med.sangraha.siddhasara.p412) hema-cūrṇaṃ vacā brāhmī pathyā kuṣṭhaṃ ghṛtaṃ madhu medhā-kānti-karo leho hema brāhmī-rasena vā tri-rātraṃ pañca-rātraṃ vā taila-mātrāṃ ghṛtasya vā pāyayet sūtikāṃ pūrvaṃ snigdhenānnena yojayet aparā-pātanaṃ madyaiḥ pippaly-ādi-rajaḥ pibet śāli-mūlākṣa-mātraṃ vā mūtreṇāmlena vā yutam pharūṣakasya mūlena lāṅgalyā vā vṛṣasya vā piṣṭena mūḍha-garbhāyā yoniṃ nābhiṃ ca lepayet sūtāyā hṛc-chiro-vasti-śūlaṃ makkalla-saṃjñakam yava-kṣāraṃ pibet tatra sarpiṣoṣṇodakena vā pippaly-ādi-gaṇa-kvāthaṃ pibet vā lavaṇānvitam dhānyākāmbu guḍaṃ vyoṣaṃ tri-jātaka-yutaṃ tathā pañca-mūlasya niṣkvāthaṃ tapta-lohena saṅgatam sūtikā-roga-nāśāya pibed vā tad-vidhāṃ surām gurubhir viṣamair annair duṣṭair doṣaiḥ pradūṣitam kṣīraṃ dhātryāḥ kumārasya nānā-rogāya kalpate kaṣāyaṃ salila-plāvi stanyaṃ māruta-dūṣitam kaṭv amlaṃ salile pīta-rājimat pitta-saṅgatam a-duṣṭaṃ cāmbu-nikṣiptam ekī-bhavati pāṇḍuram pītājyaṃ sa-kaṇā-kṣaudraṃ nimba-toyena vāmayet dhātrī-kṣīra-viśuddhy-arthaṃ mudga-yūṣa-rasāśanam - [Previous: p411](https://indike.org/pramana/in.med.sangraha.siddhasara.p411) - [Next: p413](https://indike.org/pramana/in.med.sangraha.siddhasara.p413) ## Linked texts (2) - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.62.35) — Cakrapāṇidatta, Sanskrit - [Jvaratimirabhāskara (Cāmuṇḍa Kāyastha)](https://indike.org/pramana/in.med.cikitsa.jvara.jvaratimirabhaskara.18.45) — Cāmuṇḍa Kāyastha 1598, Sanskrit --- Source: [https://indike.org/pramana/in.med.sangraha.siddhasara.p412](https://indike.org/pramana/in.med.sangraha.siddhasara.p412) · Pramāṇa